عالم مصري يتسلم أعلي وسام أمريكي للعلوم

[مسافر]

عالم مصري يتسلم أعلي وسام أمريكي للعلوم

إقرأ الخبر

http://www.moheet.com/show_news.aspx?nid=172409&pg=1

تم تعديل 19 أكتوبر 2008 بواسطة عادل أبوزيد
إضافة إدراج الموضوع المشار إليه

[نجوم]

السلام عليكم

شكرا على طرحك للموضوع

والله يكتب مافيه الخير للمسلمين

تحياتي

[مسافر]

وهذا ما فعله بعض المصريين

اقرأ الخبر

http://www.almasry-alyoum.com/article2.aspx?ArticleID=182959

تم تعديل 19 أكتوبر 2008 بواسطة عادل أبوزيد
إضافة إدراج للخبر من جريدة المصرى اليوم

[عادل أبوزيد]

أتابع الآن حوارا راقيا مع الدكتور مصطفى السيد فى برنامج العاشرة مساء و لاحظت قدرته الفائقة على شرح مسائل علمية متقدمة جدا و معقدة بطريقة يفهمها "عم بركات البواب"..

الرجل بهرنى بالمحتوى العلمى و الإنسانى لهذا الرجل.

[Nonna]

حاجة تفرح ماشاء الله كونه عالم عربي مصري مسلم

بس برده حاجة تحزن

يعني يتخرج من عندنا و يشتغل و يتعب و يعمل أبحاث و تنجح و يتكرم عليها من برة !!

وشوية و أطلب انه يجي يشتغل في بلده

يعني بناخده على الجاهز يعني نظام ابني في حجري و ارجع أدور عليه

ده بفرض ان اللي ساعدوه برة سابوه قبل ما ينحلوا وبره و يعصروه لمصلحتهم كويس و بفرض برده

ان هو نفسه طموحه خلص و رغبته في انه يوصل لاكتر من كدة نضبت فعايز يرجع مصر يعمل فيها حاجة !!

[Alrefaey]

تابعت انا ايضا لقاء الدكتور مصطفى السيد فى برنامج العاشرة مساء

انسان خلوق خجول مهذب متواضع يشرح علمة ببساطة ويسر واللى عملة فعلا انجاز كبير سوف ينفع العالم كلة ليس امريكا لوحدها

لكن احزنى كثيرا لما عرفت فى البرنامج ان رئيس الوزراء المصرى ما اتصل بالدكتور مصطفى يهنئه الا بعد اتصال منى الشاذلى بمجلس الوزراء وعاتبها لهم على عدم الاهتمام بالعالم الكبير بينما لو كان فنان او لاعب كورة كانت الدنيا اتقلبت

الاخت nonna

لو كان الدكتور مصطفى ظل فى مصر من عام 53 ماكان توصل الى اى شىء حتى الان ولا وصل الا اى انجاز علمى كان زمانه دلوقت على المعاش

مصر والدول العربية ما فيها بحث علمى يذكر

حضرتك زعلانه من انه بينفع امريكا بعملمة , وجوده هناك هينفع العالم اجمع ولو رجع الى مصر درساته هترمى فى الارشيف

هو طلع من مصر معاه بكالوريوس علوم عارفة حضرتك يعنلا ايه بكالوريوس علوم من مصر يعنى يدوب يعرف يمسك الماصة والسحاحة

الدرجات العلمية المعملية اللى بنحصل عليها من مصر لا ترقى الا نقطة الصفر اللى ممكن العالم او الباحث يبدىء يكتشف او يبتكر شىء بها فى امريكا او اليابان

لى زوج اختى معاه ماجستير فى النانو من مصر جاتلة منحه لليابان عارفة قالى ايه لما راح هناك قالى انا حاسس اننى امامى سنه عشان اوصل الى مستوى الطالب اللى فى اولى جامعه فى اليابان

احنا عندنا فى مصر الحمد لله عقول ممتازة بل افضل عقول العالم فى الطب والعلوم بس مفيش بيئة ومناخ مناسب للاستثمار تلك العقول

ندفنهم احنا فى مصر اما نتركهم لكى ينفعوا كل البشرية

[saad badr]

يا جماعة علشان يكون عندنا بدل واحد او اتنين واحنا 80 مليون ويكون ابنك زويل ولا بردعي جديد

تتمنى تشوف ابنك مكانه او بنتك او اخوك

يبقى لازم نشارك في التنمية الفكرية والعلمية ونبدء نخطط لعلم بجد وللتغير فكري بجد

واحنا اطفالنا اذكى اطفال العالم ايه اللي بيحصل بعد كده ؟؟ واحنا فينا من التقدم العلمي ؟

ولو ابنك قالك بابا انا عملت حاجه جديدة وحسيت انه عالم او مخترع صغير هتقوله ايه روح المدرسة ولا يكون فيه باب قدامه وصرح حضاري كبير يحتوي عبقريتة وينميها ؟

له الناس لما تحس ان ابنها موهوب كورة تجري وتدور على نادي لان النادي موجود ؟

يبقى ان شاء الله لما تحس ان ابنك عبقري ولا مخترع ولا عالم لما يكون الصرح العلمي موجودة هتجري على طول توديه

يبقى لازم نشارك كلنا في الحلم ده ونحوله لواقع وحقيقة ...............

بيقولوا في الامثال لو عندك كلمة خير قلها معندكش سمعنا سكاتك

هل مستشفى السرطان تاني مستشفى على مستوى العالم والأولى عربيا وفي الشرق الأوسط مع العلم بامكانيات منطقة الخليج اللي يقدروا يعملوها المستشفى كانت حلم واتنفذ على ارض الواقع وكانت المشكلة في الأول فين ومنين ؟؟؟

السد العالي في عز الخراب والحرب علينا من العالم كله يبقى له منسبناشي من الاحباط والكلام ونحط ايد في ايد

صدقوني والله مصر اعدائها كتير اوي والدنيا كلها عينها على مصر

ايران الفارسية وانا هنا في الخليج وعارف كويس اوي حلمها الخليج الفارسي وعارفة ان مصر هية اللي في وشها ومصر سنية وتحاول تهز صورتها قدام العرب ويكون هناك من الجهلة من العرب اللي انقسموا على مصر بفعل ايراني

اسرائيل عدونا اللدود ومش هقول اكتر من كده

الغرب واطماعهم في المنطقة واداركهم ان مصر هية الدولة الوحيدة اللي ممكن تقف ضدهم

والله انا ممكن اتكلم واشرح بس ده مش موضعنا

موضوعي الحلم ده موجود على الفيس بوك والناس بتشارك برايها له منرحش نشوف واللي عنده فكره يقولها

وكمان اللي يقدر على حاجه يعملها

وصدقوني لما ربنا يكرمك وتشوف علماء مصريين زي الاول عملوا ....

ولا ابنك واحد منهم واخترع ...

ولا ولا ولا ونقدر نقول عندنا علم وعندنا عمل ونقدر نغير ونقدر نرجع مكانتنا

وايه ده بس مش هتعمل حاجه هتقدر تدفع مية جنية ادفع مية جنية كرت شحن وماله

هتقدر تدفع عشرة جنية بحق علبة سجاير وماله

هتقدر تدفع جنيه وماله

مش معاك ومش هتقدر تدفع قول بس يارب اكرمهم علشان بكره وعيالي واحفادي يكون ليهم مستقبل مش يدوروا يهجوا

وتخلع جذروك من اجمل مكان في الدنيا

عامة ده اللينك وان شاء الله كلنا نشارك

http://www.facebook.com/reqs.php#/group.php?gid=67969053584

وكمان فيه مقترحات واراء

يلا كلنا بنحب مصر واللي يلف الدنيا مش هيلاقي احسن من تراب مصر

ترابها ده كنوز

ده الشمس بتضحك لما تعدي على مصر وتشرق على المصريين

والنسمة ترقص لما تعدي من اسكندرية وكمان من حلايب وشلاتين

ولا العصرية وساعة المغربية والحلاوة جاية والشمس تبكي من فراق الفلاحين

ولا السمسية ولا القلوب الطيبة في الشراع شراع المحتاجين

ياناس كفاية نسمة صباها صبية دايما ارض الملايين

عمرانه بالخير والخيرين

وحياة هواها ونسمة صباها لانول رضاها وارجع هناها

ويقولوا عليها انها قاسية مين يهون على امه وازاي نهون على ام المصريين

دهية عافية قووووي وصبورة وصابرة وماترد ايد ولا تزعل حبيب

يا بلاد طيبة وقريبة وحبيبة وقت الخطر امي بتحملي همي حضنك ده دفه وحنان

ايوة دفه وامان وقت الخطر درعي وسيف من غدر الزمان

ولا نقول ماشفش الرجال السمر الشداد ولا العناد في عيون الولاد

ولا نقول احلف بسماها وبترابها