الغربـــــه بالوطن و الغربـــــه خارج الوطن

[poppos]

I HAVE BEEN LIVING IN ENGLAND FOR THE LAST 24 YEARS.  U CAN IMAGINE HOW MUCH EGYPT HAS CHANGED AND HOW MUCH I HAVE CHANGED..!!  I STILL FEEL A STRANGER HERE AND I ALSO FEEL A STRANGER WHEN I VISIT EGYPT.  SO ,THERE IT IS MY FRIENDS.

[edea]

The common fate of emigrants.To be strangers.!! :angry:  

Strangers in the country they do live but strangers in their own country!!!!

 :bored:  :bored:  

EDEA

[magdy]

A little note to both sekamel and itsme. I am very touched by your interest and desire to help me. This is really a prime example of making one feel " yes these are the Egyptians, my people, as I used to know ."

Many thanks and God bless you.

[mihabm]

:bored: To be stranger at home is terrible, almost for the last 18 years, and I was stranger. Once upon a time I decided to go back home, I eventually left may be for good. It is not an economic issue but it is a matter of humilation. When I returned back home, my hope was to teach people and improve the science in Egypt and teach students new prospects. No one accept me as a scientist, disrespecting your thoughts. On the street, imagine, you are insulted and may be beaten to death irrespective to who you are and how valuable you are. you compare your self outside Egypt and the way they respect you and any one. Uncomaparable feeling !

[skamel]

Dear magdy : لا شكر علي واجب يا اخى .

المهم هل قضيت مصلحتك؟

[magdy]

الحقيقه للان لاشئ بعد ولكن نعيش فى أمل واستمر فى محاوله الإتصال بأى من الجهات أو الأشخاص (والقنصليه) ولكن بلا جدوى.

على أي الأحوال يإخوانى شكرا جزيلا على محاولتكم مساعدتى والله لنا جميعا .

[Mohamed Fawzi]

اسجل اس اول مساركة لى فى المنتدى

فقد سافرت بعد تخرجى الى امريكا للدراسة

ورجعت بعد ان افتقدت مصرعلى الرغم من تحذيرات اضدقائى من الرجوع لمصر

و كان كلى حماسة للعمل والانتاج ورجعت وفاكر بقى انى هغير الكون لاقيت نفسى انا الى هتغيروهكون عصبى وخلقى ضيق وستيمة بقى حتى الواقة مش طلبعية فى مصر المرور بايز وغير متصور

ولكن للاسف اشعر انى بتقاليدى وتقكيرى واحترامى للناس غريبااو شاذا

فقدت تعودت فى امريكا على ان الاحترام وان حقوقى مكفولة لى بغض النظر عت اى شئ

ولكن هنا العكس تماما وبدون مبالغة لازم تكوم مش محترم وتزعك عشان تاخد حفقك

حتى الستات هنا مش حاسس انهم حلويين مفيش اى رغبة لهم يعنى حتى مش هتزوج

الستات فى امريكا احلى

اشعر انى افتقد امريكا كثيرا واحس بالحنيين لها كانهابلدى لام

تم تعديل 29 أغسطس 2010 بواسطة Mohamed Fawzi

[لماضة مصرية جدا]

السلام عليكم و رحمة الله و بركاته

لما بصيت لعنوان التوبيك.....لقتني بشوف كلمتين

"غربة"....."وطن"

فيه وطن يسكنك....و تفضل شايله جواك منين ما بتروح.....و بيتخطي علاقة الانسان و ارتباطه بالمكان

و فيه وطن تسكن فيه ...و يكسر فيك حالة السكن النفسي اللي المفروض تحسه جواه

فيه غربة.....تضفي عليك حالة من الشجن....لانك بتشعر انك غريب....اوي....حتي و ان احطت نفسك بالعلم بتاع الجمهورية....و اكلت الاكل المميز....و اتكلمت باللهجة المسلسلاتية الشهيرة....اصلك طول الوقت حاسس ان الحبل السري بينك و بين مكانك....حتتك....شارعك...عيلتك...تفاصيلك الصغيرة.....الحبل ده منقطعشي و هو ده اللي انت عايش عليه في ايام طويلة بتعدي عليك و بتمشي و لا اجدعها سلحفة

و فيه برضه غربة......تروحلها بكامل ارادتك و اختيارك.....شايل شنطة سفر....و حاطط فيها حلم عمرك....ممكن يكون حلم شهرة...حلم ثروة...حلم دراسة....حلم عبادة الله في ارض جديدة.....حتي لو كان حلمك هو الهروب م الخنقة وم القهر.....اي ما يكون الحلم....فهو حلم مشروع جدا

حطيت الحلم في شنطتك....قفلت عليه

و قفلت علي قلبك كل مشاهد الوداع الموجعة جدا و التفاصيل الاكثر ايلاما اللي شايفاها وراك

روحت البلد الجديدة...الارض الواعدة....(حتي لو مكنتشي كده برضه عقلنا بيخلينا نشوف الوعد هناك)

فتحت شنطتك.....

طلعت حلمك

شمرت دراعاتك.....مبقاش عندك اي اختيار اخر

يا هنجح.....يا هنجح

اه بتقول لنفسك كده.....و لما بتضيق بيك الدنيا اوي....في البلد البعيدة اوي....و في الغربة الحقيقية دي بكل معطياتها التقليدية من غرابة الناس و سلوكياتهم و طبائعهم....ده حتي الناس اللي ظنيت انك تعرفهم...في الغربة بتبان ليهم ملامح تانية...يمكن كانت موجودة م الاول....بس انت مشفتهاش

لما بتضيق بيك الدنيا...بتقول...يعني هو انا هرجع كده من غير مااحقق حلمي.....لا يمكن ابدا

صح و لا لا

انا بقول كده ليه

عشان لما بنرجع مصر بنصر و احنا راجعين ان احنا نملي شنطتنا بالهدايا...من بارفانات.....اقمشة....عبايات خليجية مينفعشي اصلا تتلبس في مصر بس برضه ميضرش.....بنملي الشنط اوي.....و يمكن نلاقي وزن زااااايد...بس كل ده هواااااااء

لان واحنا راجعين مش بنرجع و في شنطة رجوعنا حلم عايزين نحققه

بنرجع و بنبص لمصر من ورا النضارة الشمسية اللي علي احسن موديل

و بنقول....ياااااه ع التلوث

يااااااه ع الزحمة

ياااااااااه....هي الناس صوتها بقي عالي كده ليه

و نفضل كده فاتحين بوقنا في الرايحة و الجاية بكلمة "يااااااااااه".....لغاية ما تخلص الاجازة و اكيد الحمد لله بنلاقي في آخرها السبب الوجيه الامثل ان احنا نروح لارض الوعد مرة تانية و كده كأننا بنعفي نفسنا من تانيب الضمير ان احنا سبنا المكان ال..."يااااااه" اوي ده

طبيعي ان عينينا و جهازنا التنفسي و العصبي اللي اتعود علي نظام حياة بديلة....يلاقي في البديل ده اشباع حقيقي لانسانيتنا المهدرة

بس الاشباع البديل مينسيناش ان احنا كنا عايشين فيها قبل كده.....و مصر كانت كده من قبل ما نسافر.....و يمكن هتفضل كده لجيلين قدام

هنفضل بقي

نرجع كل اجازة.....و نعيش في احساس "يااااه"......و النضارة الشمسية

و لا نشمر دراعاتنا و نعمل حاجة يعني

احيانا بحس اني مسئولة اكتر م الاول

لاني ع الاقل شفت البديل....شفت الحل....شفت التطبيق.....طب ما اشيله في شنطة العودة و احاول اجيبه معايا

حتي لو فشلنا.....و ع فكرة متوقع جدا ان المحاولات الولي تبوء بالفشل الذريع.....بس المهم.....نقنع نفسنا نفس الصوت اللي اتسلل و قوانا في الغربة و قال يا هنجح يا هنجح.....لازم نصحي الصوت ده في كل محاولة اصلاح هنا في الحتة دي

هحكي حاجة حصلت ليا في اول اسبوع عودة

كنت في مكان عام.....و حصل موقف سلوكيات الناس في الموقف دوت استفزتني اني كبنت بجد ااقف و اعترض

طبعا لما اتعرضت.....فيه شوية ضحكوا....و فيه واحد بصلي و قالي....يعني اعملك ايه.....و الثالث الجليل راح قالي اتفضلي انتي اتصرفي بنفسك

هو انا لما اعترضت.....لاني عارفة حدودي....و ايه اللي ليا و ايه اللي عليا.....و طبعا كنت بطبق ده بشكل مسالم جدا في البلد البديل اللي انا عايشة فيه

لما جيت و طبقته هنا.....كان لازم افشل....عااااااااادي

كان لازوم يتريقوا عليا.....عااااااااادي...(يعني هو انا سكت...انا قلبتها قضية راي عام و امن قومي wst:: )....بس حسيت اني باخد موقف......و بجد قبل كده مكنتش هعرف هاخده...ليه بقي.....اصلي لما كنت عايشة في مصر....كنت حاسة انه جزء لا يتجزا من نسيج حياتنا اليومية.....جوايا حاسس ان فيه انتهاك.....بس من كتر ما بيحصل عيني بقي و دماغي اتسستم ع الرضوخ و عدم الدهشة

لما عشت الغربة....و عيني شافت مش بديل واحد.....صحي جوايا حس التمييزمرة تانية....و معاه صحي جوايا رفض.....و صحيت جوايا حتة كانت مطمورة من زمان

ليه برضه بقول كل ده

عشان ارجع و افكر معاكم في نفس االكلمتين اللي ابتدينا بيهم

"غربة"......"وطن"

رايي الشخصي.....

الغربة...حالة بيصنعها عقلنا......و افكارنا فقط.....لا ترتبط بمساحة جغرافية....او حالة نفسية

الوطن......مش نشيد....نغنيه في الانتصارات.....

و مرثية نتجاهله في انكساراته

الوطن...ارض عفية......بس هي بعافية شوية

مش هتخف بان احنا نيجي نزروه مرة في السنة و نمصمص شفايفنا...و نقول....."ياااااااه"

الوطن

عايز

حلم

عايز ناس تصدق انها قادرة تحلم

عايز ناس تصدق الحلم ده اوي

تشمر دراعاتها اوي

و تنزل تعزق الارض العفية دي

و لما تقابلها طينة و لا شوية قذارة (سامحوني في اللفظ).....يفتكر.....انها ارضه....و بتاعته.....و مسئوليته....و زرعته

و ساعتها

هيدوب وسطيها و مع ناسها

هيعيش جواها اوي

حتي لو سافر لاخر الدنيا...هيفضل مهموم بيها.....و بيحلم مش بيها.....ده بيحلم ليها

معلش طولت عليكم

بس انا لغاية اسبوع فات كنت بتارجح بين احساس.....افتقادي لوطني.....و عودتي ليه.....و افقت علي عبارة امي.....انتي مش ملاحظة انك من ساعة ما رجعتي كل حكاية ليكي لازم تنتهي ب...."احنا هناك بنعمل كذا".....قالتلي.....انتي مش "هناك".....عيشي بقي "هنا" شوية

اليوم اللي بعده

سابتني ارجع اكتشف كل التفاصيل الصغيرة اوي.....اللي هي "هنا"....اوي.....و اتعايش معاها اوي اوي....من غير ما ااقول...."اصل هناك"

اكشتاف قد يبدو متاخرا بعض الوقت.....و لكنه كان ينضج علي نار هادئة.....

قد اكون مخطئة

بس دي وجهة نظر

صباااااحكم......."هنا" بكسر الهاء.....و هنا....بفتحها

:wub:

[لماضة مصرية جدا]

حتى الستات هنا مش حاسس انهم حلويين مفيش اى رغبة لهم يعنى حتى مش هتزوج

الستات فى امريكا احلى

اشعر انى افتقد امريكا كثيرا واحس بالحنيين لها كانهابلدى لام

السلام عليكم و رحمة الله و بركاته

يعني يا استاذنا الفاضل في اول مشاركات حضرتك لينا هنا تخش كده تخبط في الحلل :blink:

و اذا كنت حضرتك متعرفشي يعني ايه التخبيط في الحلل بحكم معيشة حضرتك في الولايات الحرة الامريكية....نقوله لحضرتك

التخبيط في الحلل

يعني

الحلة دي....ثروة قومية لاي مطبخ....التخبيط فيها يؤدي الي ازعاجها و ازعاج الطاهي....و ازعاج اهل البيت....ليه بقي

عشان كده حضرتك بتشكك ان الحلة ممكن تكون فاضية....و لما تبقي فاضية....يبقي لما تخبط فيها هتعمل صوت عاااااااالي

بص بقي.....اقرا الكلام اللي فوق بحس الدعابة

بس ع جنب بقي

حضرتك معجب بالسيدة الامريكية الفاضلة......يبقي اتفضل حضرتك تصحبك دعوتين.....الاولانية بالقبول و التانية انها ميطلعشي سنها اكتر من 55 و عندها اكتئاب ثنائي القطب...0 حصلت لاحد زملاء الدراسة ع فكرة )

بس من فضلك.....متخبطشي في الحلل....قصدي....في البنوتة المصرية

يا سيدي هي سحنتها كده......ربنا خلقها كده..... :lol:

و بعدين انت مسمعتش المثل اللي بيقولك

"كل فولة ليها كيال"

طب بلاش

مسمعتش

"البلدي يوكل"

طبعا مسمعتش

مش مهم

ابقي اقراهم علي اي عربية ميكروباص و انت بتتخانق مع السواق....و اتامل في معناهم

الله يكرمكم......محدش يخبط في البنوتة المصرية.....احسن هي شايلة في قلبها و صارة....(وش واحدة متشعبطة في التوبيس....عشان تكافح علي اسرتها او عشان تزق بس كتف في حياة اصلا مش معترفة بيها)

بس خلاص

صبااااح حضرتك......وجهة نظر.....من غير تخبيط في الحلل :)