كيف أتقدم للحصول على اليانصيب السنوي للجرين كارد ؟

[شاب مصري]

السلام عليكم

كيف أتقدم للحصول على اليانصيب السنوي للجرين كارد ؟

U S A

أنا سمعت ان التقديم يكون في شهر اكتوبر

كيف أتقدم له ؟

[أحمد سيف]

ادخل السايت ده واتبع التعليمات

[شاب مصري]

ادخل السايت ده واتبع التعليمات

طيب هو فعلا التقديم يبدأ في اكتوبر

يعني اقدم حاليا ؟

[شاب مصري]

الواحد بس لو يقرأ قبل ما يسأل ويتعب الناس معاه :big_boss:

اهو مكتوب بالفونت العريض

The DV-2010 Lottery online entry begins at Noon EDT on October 2, 2008, and ends at Noon EST on December 1, 2008.

الف شكرا يا باشا .

[madzoro]

ادخل السايت ده واتبع التعليمات

بالنسبة لموضوع دولة الميلاد و دولة الجنسية

يعني لو الميلاد في السعودية مثلا و الجنسية مصري (و افتخر)

ده ممكن يأثر في فرص النجاح على اساس ان المتقدمين من السعودية عددهم اقل زي ما حصل اليانصيب السابق

لو حد عنده معلومة يا ريت يفيدنا بيها

تحياتي

[Ahmed Unknown]

السلام عليكم

كيف أتقدم للحصول على اليانصيب السنوي للجرين كارد ؟

U S A

أنا سمعت ان التقديم يكون في شهر اكتوبر

كيف أتقدم له ؟

الاخ العزيز شاب مصرى,

احب ان اوضح معلومه ولا ادرى هل انت على اضطلاع بها ام لا

عدد المقبولين كل عام من الجرين كارد لوتارى 50000 (خمسين الف) و العام الماضى (قمت بالتقديم فيه) كان عدد المتقدمين 10000000 (عشرة مليون)

يعنى نسبة النجاح 0.5% نص فى الميه يعنى

لكن لا مانع من التجربه انا قدمت العام الماضى و انوى التقديم هذا العام ايضا و ربنا الموفق

و لكن نصيحة شخصيه اذا كنت تنوى السفر الى الولايات المتحده لا تعقد امل لا كبير ولا صغير على الهجره العشوائيه

يجب ان تبحث عن وسيله اخرى للسفر تكون مؤكده او على الاقل تكوم بنسبه 50 فى الميه و ليس نص فى الميه

[Ahmed Unknown]

اسف يا جماعة الرقم الحقيقى للمتقدمين العام الماضى كان 9.1 مش عشرة مليون زى ما قلت

و ده ممكن يخلى فرصة الواحد 0.55 بدل 0.5 :big_boss:

http://news.masrawy.com/News/Egypt/Politic...10/usavisa.aspx

و بالنسبة للأخ اللى سأل هل التقديم مبنى على بلد المولد ولا بلد الاقامة اعتقد انه يعتمد على بلد المولد و لكن لست متاكد

و لكن اعتقد انه ليس فى صالحنا جميعا لأن المقدمين للهجرة من مصر بالتأكيد اكثر من اى بلد اخر و لكل بلد عدد لا يتجاوز 3500 كل عام

يعنى ال 4831 اللى اختاروهم العام الماضى 1300 واحد منهم مش هيسافروا كمان

تم تعديل 6 أكتوبر 2008 بواسطة Ahmed Unknown

[أحمد سيف]

الاخ العزيز شاب مصرى,

احب ان اوضح معلومه ولا ادرى هل انت على اضطلاع بها ام لا

عدد المقبولين كل عام من الجرين كارد لوتارى 50000 (خمسين الف) و العام الماضى (قمت بالتقديم فيه) كان عدد المتقدمين 10000000 (عشرة مليون)

يعنى نسبة النجاح 0.5% نص فى الميه يعنى

لكن لا مانع من التجربه انا قدمت العام الماضى و انوى التقديم هذا العام ايضا و ربنا الموفق

و لكن نصيحة شخصيه اذا كنت تنوى السفر الى الولايات المتحده لا تعقد امل لا كبير ولا صغير على الهجره العشوائيه

يجب ان تبحث عن وسيله اخرى للسفر تكون مؤكده او على الاقل تكوم بنسبه 50 فى الميه و ليس نص فى الميه

كلام سعادتك مظبوط

ولو قدمت طلبين واحد بإسمك والثاني بإسم المدام فهتزيد فرصة قبولك الى 1% :big_boss:

ولو قدمت عشر سنوات متتالية بنفس الطريقة (بفرض إن نسبة القبول فضلت ثابته) ففي احتمال 9.5% تقبل في أي منها

يعني باختصار فرصة شبه معدومة ولا يمكن بناء أي آمال في الحياة عليها

لكن الجميل في الموضوع إن التقديم مجاني وسهل ... عكس كندا واستراليا ... وبعدين لما تبقى تجيلك ممكن تحسبها وتشوف فين مصلحتك

بالتوفيق للجميع ... وخلوا بالكم من مواصفات الصوره واتأكدوا انكم قدمتم مرة واحدة فقط

[madzoro]

خاص - قامت السفارة الامريكية بالقاهرة بتنظيم حوار عبر الانترنت مع ريتشارد هيرمان القنصل العام بالسفارة، وذلك للرد على استفسارات المواطنين لمصريين الراغبين في الحصول على تاشيرة الهجرة عن طريق القرعة الى الولايات المتحدة الأمريكية

كان في سؤال مشابه للي سألته سابقا و هو

بخصوص استمارة التسجيل بالقرعة العشوائية انا مصرى الجنسية من ابوين مصريين لكننى ولدت بالسعودية اثناء عمل الوالدين بالسعودية فهل عند التقديم بالقرعة ستتم معاملتى على اساس المولد ام على اساس اننى مصرى و اعيش بمصر ؟؟ لاننى على حسب علمى اجد نسبة الرابحين من السعوديين صغيرة جدا بالمقارنة بالمصريين؟

هيرمان: إن الغرض من برنامج الهجرة العشوائية هو زيادة عدد المهاجرين من البلدان التي لم ترسل كثير من المهاجرين في السنين الماضية. ولذلك ، هناك اهمية كبيرة لبلدك او مكان ميلادك، وهذا مايطلق عليةChargeability بصفة عامة، chargeability تحدد بناءً على البلد التى ولدت فيها، وليس بناءً على الجنسية الخاصة بك. هنال بعض الإستثناءات فى هذا الشأن والتى يمكن القراءة عنها على الموقع: www.travel.state.gov

و ده رابط الموضوع

ماذا تعرف عن قواعد الهجرة للولايات المتحدة؟

تم تعديل 6 أكتوبر 2008 بواسطة madzoro

[Ahmed Unknown]

ولو قدمت طلبين واحد بإسمك والثاني بإسم المدام فهتزيد فرصة قبولك الى 1%

للأسف مفيش مدام

ولو قدمت عشر سنوات متتالية بنفس الطريقة (بفرض إن نسبة القبول فضلت ثابته) ففي احتمال 9.5% تقبل في أي منها

النسبة عمرها ما بتتجمع يعنى لو قدمت 100 سنه ورا بعض النسبه هتفضل هوه النص فى الميه يردوا :big_boss:

طريقك مسدود مسدود مسدود يا ولدى

[أحمد سيف]

النسبة عمرها ما بتتجمع يعنى لو قدمت 100 سنه ورا بعض النسبه هتفضل هوه النص فى الميه يردوا

الموضوع مش جمع ... لو طبقنا هنا توزيع ذات الحدين binomial، فكل مرة بيتعمل فيها سحب بيكون احتمال قبولك 1% واحتمال رفضك 99%، لو عملت سحب عشر مرات فاحتمال قبولك مرة واحدة على الأقل هو 9.6% (1- احتمال ألا يتم قبولك في المرات العشرة اللي هو يساوي 0.99 أس 10)

أما لو قدمت 100 سنة فاحتمال قبولك في واحدة منهم هو 63.4%

يعني فيه أمل نتقبل بعد 100 سنه :big_boss:

[Ahmed Unknown]

النسبة عمرها ما بتتجمع يعنى لو قدمت 100 سنه ورا بعض النسبه هتفضل هوه النص فى الميه يردوا

الموضوع مش جمع ... لو طبقنا هنا توزيع ذات الحدين binomial، فكل مرة بيتعمل فيها سحب بيكون احتمال قبولك 1% واحتمال رفضك 99%، لو عملت سحب عشر مرات فاحتمال قبولك مرة واحدة على الأقل هو 9.6% (1- احتمال ألا يتم قبولك في المرات العشرة اللي هو يساوي 0.99 أس 10)

أما لو قدمت 100 سنة فاحتمال قبولك في واحدة منهم هو 63.4%

يعني فيه أمل نتقبل بعد 100 سنه :big_boss:

فهمت قصدك على حد معلوماتى الضعيفه اصلى بعيد عنك ساقط رياضيات فى الجامعه 4 مرات art:)

و مع احترامى ل binomial سيادتك فالنسبة مش هتزيد فى كل مره على حده

يعنى مسدود مسدود مسدود يا ansaif

[شاب مصري]

مكانتش أمي تسافر أمريكا قبل ولادتي

واخد الجنسية بدون وجع قلب :big_boss:

طيب يا رجالة هو اللي يقدم دلوقت في شهر 10/2008

لو نجح هيسافر امتى ؟

ولو نجح ومسافرش علطول ايه النظام ؟

[madzoro]

مكانتش أمي تسافر أمريكا قبل ولادتي

واخد الجنسية بدون وجع قلب :big_boss:

طيب يا رجالة هو اللي يقدم دلوقت في شهر 10/2008

لو نجح هيسافر امتى ؟

ولو نجح ومسافرش علطول ايه النظام ؟

المفروض ان التقديم الفترة دي خاص بصدور التاشيرات لسنة 2010 يعني بعد سنتين

و المفروض ان النتيجة تظهر السنة الجاية يعني اظن و الله اعلم السفر لازم يكون خلال سنة 2010

بالتوفيق

[eritrea]

www.dvlottery.state.gov

التقديم من الموقع دة و بالمجان مع إتباع التعليمات ووضع صورة ملائمة و خطوات الصورة توجد ايضا فى الموقع

[شاب مصري]

ansaif

madzoro

ahmed unknown

ألف شكر يا رجالة

eritrea

شكرا يا باشا .. بس انت بتعمل ايه في اريتريا ؟

تم تعديل 6 أكتوبر 2008 بواسطة شاب مصري

[meeeedoooo]

كان لي استفسار بسيط من للاخوة هنا

ماهو ال postal code

ولاتفقدوا الامل فمنذ نحو عشر سنوات ربح والدي في القرعه ولكن نظرا لبعض الظروف فلم يتقدم للحصول عليها

الامل موجود ياجماعه

[eritrea]

الpostal code هو الرقم البريدى

[meeeedoooo]

يعني اكتب فيه ايه؟؟؟؟؟؟

وازاي اعرف الرقم البريدي بتاعنا

[eritrea]

بس يا سيدى انا من رايى الشخصى تشوف اى واحد صحبك او قريبك عندة رقم بريدى شخصى و مضمون يعنى بيتابعة بإستمرار و الرقم البريدى عاما من خمسة ارقام

مثال رقم بريد منطقة العتبة 11111 و عنوان طبعا ارجو ان تكون المعلومة مفيدة