عن الإهمال سنتكلم هذه المرة .. ولن نسكت

[Sherief AbdelWahab]

قطار الصعيد-مسرح بني سويف- مجلس الشورى- المسرح القومي-مصانع غزل المحلة.. والبقية تأتي..

واللي فات أكبر صور الإهمال حجماً وضحاياً.. وفيه غيرها إهمالات تانية في قطاعات تانية ليها ضحايا تانيين ومبيلفتش الإعلام نظر الناس ليها..

عندنا والحمد لله فيه الطبيب المهمل ، والعامل المهمل ، والمهندس المهمل ، والحرفي المهمل.. وكأن الإهمال بقى جزء من ثقافتنا بشكل عام..

بعد كل الكوارث دي.. وبعد نوبة النشاط اللي بتنزل عقب كل كارثة ، والحنجوري اللي بيطالب بإقالة س و ص من الناس وحتى لما بيمشي الكوارث بتستمر .. جه الوقت اللي نتكلم فيه عن الإهمال بشكل عام.. كيف يحدث الإهمال في مصر؟

هل هي حالات سَرَحان لا أكثر؟ هل هو مجرد خطأ بشري؟ أمال ليه الأخطاء البشرية بتتكرر بالمعدل الكبير دة وبالضخامة دي؟

هل هو تخلف ثقافي؟ إهمال عوامل السلامة والأمان وثقافة السلامة والأمان أحد مظاهر التخلف.. مستوى التعامل مع الكهرباء كارثي .. إجراءات التأمين المتبعة على المخازن تصل إلى مستوى العار..

هل هي ثقافة تحدي القانون؟ يفاجأ العامل الغلبان - بحق وحقيق- بمن يدخن في أماكن من الخطر التدخين فيها ورغم وجود علامات إرشادية مكتوبة بخط واضح وبصيغة واضحة تحذر من التدخين في تلك الأماكن؟

إلى أي مدى يمكن ربط الإهمال بالفساد أو بالجريمة المنظمة؟

دي فرصة نسأل الأسئلة دي بما إن الموضوع مش حيهم إلا احنا.. ضحايا الإهمال.. أترك لكم المجال للبحث معي عن إجابات..

خلص الكلام

[جويرية]

جدي الله يرحمه كان دايما يقول المثل ده

بيت المهمل خرب قبل بيت الظالم

بس بالنسبة لأهمال الموظفين الموضوع قد يكون ليه اسباب تانية غير الأهمال

أولا المفروض تبقي الرواتب عالية ، عشان الواحد يشتغل شغل ةواحد بس ، مش وظفتين و احيانا تلاتة في اليوم ، فده طبعا بيصيب الأنسان بالأجهاد فغصب عنه حيقصر في شغله

ثانيا : التدريب العملي في الكليات ، في كتير من الخرييجين بيتعلموا في الناس

ثالثا : سوء التنظيم

يعني مثلا مصلحة حكومية الفرع الفلاني عدد الموظفين فيه قليل جدا ، وده بيسبب ضغط علي الموظف ، ليه السبب ده ، عشان فيه موظفين تانيين عندهم واسطة و نقلوا لفرع تاني

أو مثلا سعر تذكرة المستشفي جنيه و احد طيب هل الدكتور عنده وقت يشوف 100 حالة يوميا

تم تعديل 7 أكتوبر 2008 بواسطة جويرية

[عصام]

فتش عن التعليم ..

التعلييييييم

بس