تجديد الزيارة

[essamdcc]

السلام عليكم ورحمة الله وبركاته

اخبركم انى مهندس فى المملكة بقالى سنه ونصف و امى قد وصلت والحمد لله الى المملكة يوم 20 رمضان لانهم فى السفارة فى مصر اعطهم شهر واحد للمغادرة الى المملكة مع انى كنت مرتب انها تيجى فى نهاية الثلاثة شهور بتوع التأشيرة ولكن قدر الله وماشاء فعل ،انا كنت ناوى بأذن الله ان اقعدها الى الحج ولكن التاشيرة تخلاص فى 20 شوال وانا عايز اجدد كيف ؟ومن اين؟ ولمدة كام شهر؟ كم المصاريف ان وجدت؟ وهل لو قعدت للجح بعد ميعاد التأشيرة هل ده فيه خطورة عليها او على؟ برجاء سرعة الافادة...........وشكرا مقدماً

[hosiny]

الحمد لله اني شفت موضوعك و انت ابن حلال عشان وقعت في ايدي ""شفت الغرور""

بص يا سيدي التجديد بالطريقة الطبيعية من الجوازات اللي بيمسكوا فيها الناس المخالفة و بتشتري شيك ب 100 ريال علي ايامي من سعوديين واقفين قدامه و بتملي ابليكيشن و وصورة الباسبور بتاع والدتك و بالذات ختم الدخول و الاقامة بتاعتك علي مانا فاكر و ليك مرتين تجديد بس و المفروض المدة بمزاجهم يعني لو شهور الحج بيديلك التمديد بشهر واحد فقط انما لو بعد الحج بيديك شهرين او 3 حسب مزاجهم.........طيب امال انا عامل فيها فتك ليه ما كل الناس عارفة الكلام ده و سهل

عشان انا هاقولك علي كنز عن تجربة و هاعرفك حقوقك

انت ممكن تعمل تمديد للزيارة لمدة سنة ستة و ستة علي مرتين او 9 حسب مزاجهم.....طيب ازاي

حضرتك هتروح علي الاماراة و معاك تقرير طبي من اي مستشفي ان مراتك حامل او ان والدتك محتاجة رعاية و دي سهلة لو رحت لاي مستشفي و كلمت الدكتورة و طلبت منها تقرير زي كده (حتي لو مراتك مش حامل اصلا) قبل ما تدفع الكشف حتي ...محدش بيتأخر بصراحة و دكاترتنا كويسين قوي في الحتة دي و جدعان

المهم هتكتب طلب بصيغة حلوة كده تشرح فيها ان مراتك او والدتك محتاجة رعاية منك للظروف الصحية وانك طالب تمديد للزيارة 6 شهور مثلا و تصور جواز سفرها و بالذات ختم الدخول و اقامتك و خد معاك صور من كل حاجة ممكن تتطلب و تدخل علي وكيل الامير في الامارة بتاعة المنطقة بتاعتك و تشرحلوا الموضوع بيمضي علي الطلب بتاعك بتاخده و تنزل علي خدمة الجمهور تديهم الطلب بيدولك تذكرة مراجعة و يقولولك روح بيها علي الجوازات بعد يومين بيدولك المدة اللي انت طالبها من الجوازات

بالنسبة لوالدتك لو حبت تحج مفيش مشاكل مع انها مخالفة بس حاول تحجر حملة نظيفة و متطلعش الا قبل عرفة بيوم مش قبل كده عشان اللي قبل كده لو اتمسك في حملة التفتيش بيرجعوه و حتي لو حاولوا يرجعوك في حملة التفتيش فيه سكك كتير تعدي بيها مثل السعوديين باخدوا علي الفرد لو مش نظامي 100 ريال ولا حاجة عشان يعدوه و يرجع يركب اتوبيس حملته مرة تانية بعد ما يعدوه

ادعيلي بقي علي المعلومة دي.....دي امانه في رقبتك