التعليم الجامعي في مصر إلى أين؟

[جويرية]

أختي جويرية جزاكي الله خيراً

اتفق معكي على أن الطفل لا ينبغي أن يتعلم القراءة والكتابة في وقت مبكر جداً (الحضانة)

كما أنك ذكرتي وجود ألعاب تعليمية هذا شيء جميل حقاً

ولكن أريد أن أسألك سؤالاً

إذا لم يتعلم الطفل القراءة والكتابة كيف سيصلي كيف سيقرأ القرآن؟؟؟؟

_________________________________________________

________________________________________________

يتعلم الطفل القراية و الكتابة بعد سن 7 أو 6 لكن قبل كدة غلط ، عشان أعصاب اليد عند الأطفال مش بتكون أكتملت وهما في الحضانات في اللوائح بتاعتهم ممنوع تعليم الكتابة

لكن اللي بيحصل أن من الصعب السيطرة علي عدد كبير من الأطفال في أثناء اللعب و مع طبعا قلة عدد العمالة ، فأفضل و سيلة أن هما يخلوهم يكتبوا و كمان اللي بيحصل ان في المدارس في أولي ابتدائي المدرس خلاص مش بيدي ألف به للأطفال هوه بيعتمد علي انه درس سنتين قبل كدة في الحضانة ، فخلاص بقي واقع ان الطفل يكتب قبل سن 6 سنين

و الحضانات عاملة زي الملاجئ بالظبط لأ الملاجئ أفضل

إلا في حالة واحدة لو كانت الحضانة مصاريفها كبيرة

لما يكون في دخل في الحضانة حيقدروا يوفروا عمالة كتير تكون بديلة للأم

تم تعديل 23 أكتوبر 2008 بواسطة جويرية

[somebody]

و الحضانات عاملة زي الملاجئ بالظبط لأ الملاجئ أفضل

إلا في حالة واحدة لو كانت الحضانة مصاريفها كبيرة

لما يكون في دخل في الحضانة حيقدروا يوفروا عمالة كتير تكون بديلة للأم

جزاكي الله خيراً

كلامك ده هيودينا لنقطة تانية عمل المرأة

إذا لم تعمل المرأة ماذا قد يحدث في تصورك؟؟؟؟؟هل الأفضل أن تعمل أم لا تعمل في رأيك ؟؟؟؟

شكراً

[جويرية]

و الحضانات عاملة زي الملاجئ بالظبط لأ الملاجئ أفضل

إلا في حالة واحدة لو كانت الحضانة مصاريفها كبيرة

لما يكون في دخل في الحضانة حيقدروا يوفروا عمالة كتير تكون بديلة للأم

جزاكي الله خيراً

كلامك ده هيودينا لنقطة تانية عمل المرأة

إذا لم تعمل المرأة ماذا قد يحدث في تصورك؟؟؟؟؟هل الأفضل أن تعمل أم لا تعمل في رأيك ؟؟؟؟

شكراً

بالنسبة لعمل المرأة في موضوع تقريبا باسم (و قرن في بيوتكن ) فيه كلام باستفاضة عن الموضوع ده

طيب لو قلنا ان المراة حتشتغل و تودي أولادها حضانة غالية عشان يبقي فيها خدمة كويسة

طيب ما هوه كدة مصاريف الحضانة ممكن تزيد عن مرتب الأم

أما عن اللي بيحصل في الحضانات

القانون بقي في الحضانات أن لكل 20 طفل ليهم عاملة أو دادة يعني و لكل 6 رضع ليهم عاملة

طيب يا تري القانون ده بيلتزم بيه اصحاب الحضانات ممكن بيبقي فعلا في عاملة للرضع و عاملة للأطفال الأكبر سنا ، لكن العاملة دي جنب شغلها مع الأطفال برضه هيا عاملة نظافة مهمتها تنظيف المكان ، يعني وراها ميت حاجة ،

وكمان ممكن تبقي في واحدة واخدة أجازة و زميلتها تشيل الشغل مكانها

طيب العاملة دي معاها 6 رضع ، حتي 6 رضع كتير ، ده الأم بيبقي معاها رضيع واحد و لما بيقعد يعيط محدش بيعرف يسكته و ممكن تبقي سهرانة بيه طول اليل شايلاه ، طيب لو العاملة دي معاها 6 رضع و طفل و لا أتنين مش مبطلين صراخ ، ده غير ان هيا وراها ننظيف في مكان تاني في الحضانة ، وكمان في أمهات ناصحين بتييجي في وسط اليوم عشان تشوف أبنها مهتمين بيه في الحضانة و لا لأ ، ، لأن لو الأم لقيت طفلها قاعد بيصرخ حتيجي و مش حتجيب أبنها الحضانة دي تاني ، وده طبعا ميرضيش صاحب الحضانة و ممكن يمشي العاملة من شغلها و هيا طبعا المرتب ده بتصرف بيه علي أسرة ،طيب ده معناها ان العاملة لازم تسكت الطفل بأي طريقة ، طبعا مش قادرة أكتب اللي بيعملوه بعض العاملات عشان يسكتوا الأطفال ، بس ده بيبقي السبب في بعض الأنحرافات الجنسية لما بيكبر الطفل ومحدش بيبقي عارف هوه الأنسان ده رغم ان اسرته ناس افاضل هوه ليه عنده الأنحرافات دي أو المرض ده ، و بيكون السبب من الحضانة و محدش يعرف ، نشوف حكمة ربنا عز وجل ان خلا المرأة تلد طفل واحد مش زي بعض المخلوقات اللي بتلد 4 و 5 مرة واحدة ، عشان ربنا عز وجل يعلم أن الطفل محتاج رعاية تامة من الأم لمدة سنتين وزرع غريزة الأمومة عند الأم

حاجة تانية كمان لو فصل في الحضانة و عدد الأطفال فيه 20 طفل طبعا معرضين للعدوي و أنتقال الأمراض في الشتاء ، طبعا في الحضانة بيسيبوا الشباك مفتوح عشان صعب يقعد العدد ده كله في مكان مغلق ، يعني نتخيل طفل قاعد في عز الشتا في غرفة مفتوحة الشبابيك و معرض لنزلات البرد

المية اللي بيشربوها الأطفال بتبقي من كوباية و احدة و بعض الأطفال بيبقي عندهم أمراض معدية ومش بيهتموا أن هما يعزلوا أطفالهم

طبعا في البيت بيبقي مثلا عدد الأسرة 5 او بالكتير 10 مثلا بيبقي ليهم حمام واحد ، طيب في الحضانة عدد الأطفال 100 طفل مثلا و كام حمام ، برضه حمام واحد أو أتنين او تلاتة بالكتير ، العاملة ممكن تاخد كذا طفل في نفس الوقت توديهم الحمام ووطبعا مفروض ميبقاش في كشف لعورات الأطفال قدام بعض لكن ده طبعا مبيحصلش

لو أم حتجيب مربية لطفلها أقل حاجة حتاخدها المربية 1000 جنيه ، ازاي بقي الأم بتودي الطفل و سعر الحضانة 100 جنيه ، هيا فاكرة أن هيا ناصحة بالشكل ده ، بس طبعا أصحاب الحضانة بيبقوا هما الأنصح وفي النهاية بتاخد خدمة علي قد الفلوس اللي هيا دفعاها ، وحتي الحضانات الغالية برضه محدش يضمن ايه اللي بيحصل فيها

[somebody]

يعني حضرتك شايفة إن الأم أحسن حد ممكن يهتم بالطفل

يعني برضه تسيب الشغل إذا كانت بتشتغل

كده الأب بس هينفق ع البيت

طيب إفرضي إن الأب ده بطل يصرف مثلاً

طلق الأم أو مات تعمل إيه الأم في الحالة دي وهي ما بتشتغلش ؟؟؟؟؟

[somebody]

على فكرة في كذا موضوع اتفتح في المحاورات وكانت النتيجة النهائية هي إن التعدد هيحل المشاكل الاجتماعية والا قتصادية في المجتمع

تم تعديل 26 أكتوبر 2008 بواسطة somebody

[اسماعيل امين]

قرأت لك :-

ان اصلاح حال التعليم هو عمل اساسي لاصلاح حالنا.المشكله انه يحتاج اموال وجهد وصبر ويعطي نتائجه بعد فتره ليست قصيره .فاذا كان

هدفك الحصول علي طبيب او مهندس او .... جيد محتاج غربله التعليم من الحضانه حتي الجامعه .فالتعليم عباره عن مضلع له العديد من الاضلاع او مكينه لها مجموعه تروس .ترس واحد ردئ يصيب المكينه بعطل .من هذه الاضلاع والتروس :-

1- الاداره

هل لديها الوعي والخبره والاخلاص والشجاعه الكافيه .الاداره نفسها مضلع له عده اضلاع (لتوضيح ذلك اترك لك حريه الاختيار في تحديد مسئول عن الاداره التعليميه تعرفه وحدد الاجابه عن الاسئله التالية ..لديه خبره -لديه الشجاعه لاعلان رأيه صراحا عند التخطيط او التنفيذ - هل احتياجاته الماديه متوفره الي حد ما - هل لديه القدره الصحيه علي البذل والعطاء لوجه الله والوطن لمده طويله بدون نفاق او مزايده ).حدد نسبه من تنطبق عليهم هذه الشروط ؟

2- المنهج

وفي هذا الموضوع لايكفي النت لاستيعاب مايكتب فيه .

3- المدرس .ما عدد المدرسين اللذين يسهرون الليل لتحضير دروس الحصص ووسائل الايضاح والتجارب لتعليم ابنائهم الطلبه في الصباح.

ادخل اي مدرسه ثانوي ومعك الجدول الدراسي وخاصه الصف الثاني والثالث الثانوي وحدد عدد الفصول التي تعمل بجديه ؟؟؟ .

معدد المدرسين اللذين يكفي دخلهم بالكاد لتحقيق احتياجتهم و........ .

4-الامتحانات

.ما عدد كفاءات ابنائنا الطلاب اللذين نفقدهم في الطريق .هذا طالب يتميز ب (جسم رياضي -عقليه ميكانيكيه - قدره علي الحفظ - مهاره فنيه في شئ ما ...الكل مطلوب ان يدرس بدون توجيه او ارشاد او افراد لاكتشاف ولتحديد مهارات اطلاب .

اسوء فتره في حياه اي اسره مصريه هي فتره الامتحانات اذا كان لها طالب فيها .اسأل نفسك هل درس وتم توجيهك لما تحب ان

تدرس او يتماشي مع قدراتك .

5- الطالب

.لكي يكون لديك طالب جيد مطلوب توفير اشيا ء كثيره .من لحظه خروجه من المنزل حتي العوده للبيت .وداخل البيت مطلوب توفير مناخ معين .وحول البيت مطلوب بيئه مساعده .ملاحظه تافهه ما عدد الطلبه المصريين اللذين يتناولون غدائهم في مدارسهم او كلياتهم وغالبا يخرجون من بيوتهم بدون فطور .اذهب الي اي دوله محترمه ولاحظ ماذا يحدث في ذلك المطلوب انلا نكون مثلهم ولكن طالب جعان لايصلح لدراسه (احتمال انلا يكون المدرس قد تناول طعامه ايضا ).

6- المبعوثين

ماعدد المبعوثين اللذين يتم ارسالهم للخارج لدراسه وما هي فترات توجدهم في الخارج.ما التجهيزات المعده للاستفاده من خبرتهم بعد العوده(بعد عودته يسأل عن الاعاره ).

7- الترجمه العلميه .

ما عدد الكتب العلميه التي قام رجال العلم المصرين بترجمتها .اكتشف اهميه ذلك محمد علي .وكانت فتره الستينات اخصب فتره لحركه الترجمه العلميه في مصر .كانت تدخل في الترقيه العلميه لرجال العلم .

8- المناخ العام

هل يريد اصلاح التعليم .مثال بسيط (ستعود الثانويه العامه لفتره الستينات من حيث النتيجه ... نسبه النجاح 52./. هل

سيقبل الناس ذلك .طالب نجح في الثانويه العامه الرد مجموعك لا يؤهلك لدخول اي كليه او معهد الثانويه العامه تعتبر نهايه مرحله التعليم لك هل سيقبل الناس ذلك .

9- الغاء التعليم الخاص بجميع انواعه

.ليس لديك فدرات ومعك مال متوفر كيف تصبح طبيب او مهندس جيد؟ .هل سيقبل الناس ذلك؟ .

عمليه اصلاح التعليم هي اشد المشاكل المطلوب من الشعب المصري خوضها .

تذكر هذا المثل

لكي تمشي مستقيما (علم)في طريق معوج (جهل )عليك ان تهدم اشياء كثيره . ... هل يقبل المجتمع التضحيات المطلوبه .

اعتقد مانحن فيه اسهل .

مما يزيد المشكله انت لا تريد طبيب او مهندس او معلم اكاديمي فقط .انت تريد في النهايه ثقافه مجتمع .

---------------------------------------------------------------------

التعليم الجامعي مرتبط بالتعليم الثانوي (العام والفني )والاعدادي والابتدائي والروضه.ومرتبط بظروفنا الاقتصاديه .

السؤال الاساسي هل نحن مجتمع اصلاح التعليم هدفه القومي .والمجتمع مستعد للتضحيه ب (العرق والمال وكل مايملك ...)

لانجاز هذا الهدف .هذا مشروع اصعب من خوض حرب اكتوبر1973 وبناء السد العالي واعاده تسليح الجيش المصري بعد نكسه 1967

مجتمعا.

افضل من يكتب في هذا المقال هو معلمي واساتذه الزمن الجميل الحقيقيين .

اصلاح حال التعليم هو اصعب واعنف الاهداف القوميه لشعب المصري .

وبدون تطبيق نظريه سرب الحمام وتشكيل سرب الحمام الاساسي لن تستطيعوا البدء .وستظلوا تحاربون طواحين الهواء علي النت

وصفحات الجرائد والمجلات وتشكيل لجان الجوده والاعتماد و....

اقتراح لمن يحاربون طواحين الهوا :-

لماذا لا ترسلوا بعثه (من اهل الخبره المخلصين )لزياره مدارس وجامعات ومعاهد الصين لتعرفوا كيف يعلمون ابنائهم .

جاتكم 67 نيله في جهلكم (مع الاعتذار للمطرب )

[اسماعيل امين]

حاجه تتطرش

1- غنيكم بخيل .

2- فقيركم البعض منهم حاقد او يائس لا امل يلوح له في الافق .

3- صاحب العقل فيكم حيران .

4- والجاهل صوته قوي ومرتفع ومتبجح .

5- حديثكم كله تفاهات .

6- تنتظرون دائما شخص ليأتي ويبدء .انتهي زمان الفرد .

7- فقيركم يبحث عن فلوس وغنيكم يبحث عن مزيد .

اقسم بالله العظيم انه لن تقوم لكم قائمة الا اذا تم غربله منظومه التعليم المصريه .وهذا لن يحدث الا اذا طبقتم نظريه سرب الحمام

وقمتم بتشكيل سرب الحمام الاساسي .

نظريه سرب الحمام تتلخص فيمايلي :-

يخططها حكماء (افنو ا حياتهم في حقل التعليم ).

يصنعها مجانيين (بحب بلادهم ).

يخشاها المنافقين والمزايدين والمتخلفين والاغبياء .

يجني ثمارها الفقراء والاغنياء .

تبدء من القمه وليس من القاع .

هذا الكلام موجه لمن يريدون تطوير التعليم علي الورق او يحاربون طواحين الهواء .

ادعو الله :-

بكارثه توحدكم .او عدو تتوحدوا عليه

[جويرية]

يعني حضرتك شايفة إن الأم أحسن حد ممكن يهتم بالطفل

يعني برضه تسيب الشغل إذا كانت بتشتغل

كده الأب بس هينفق ع البيت

طيب إفرضي إن الأب ده بطل يصرف مثلاً

طلق الأم أو مات تعمل إيه الأم في الحالة دي وهي ما بتشتغلش ؟؟؟؟؟

مينفعش واحدة تسيب شغلها في الزمن ده

لكن علي الأقل لو فيه فرصة أنها تاخد أجازة لغاية ما الطفل يبقي عنده علي الأقل 3 سنين ده يكون احسن

و أحيانا برضه الجدة بتاخد الطفل عندها تساعد بنتها ، و لو ان ده برضه تعب عليها المفروض هيا ربت و كبرت ولادها عشان تقعد تستريح بعد كدة ، مش برضه تقعد تربي في الأطفال طول عمرها

وفيه برضه أمهات بتودي أولادها عند اسرة من أحد معارفها و بتديهم فلوس علي الوقت ده ، برضه حيبقي مكان ثقة أحسن من الحضانات

[جويرية]

على فكرة في كذا موضوع اتفتح في المحاورات وكانت النتيجة النهائية هي إن التعدد هيحل المشاكل الاجتماعية والا قتصادية في المجتمع

أيه دخل التعدد هنا يا سمبدي wst::

[جويرية]

قرأت لك :-

ان اصلاح حال التعليم هو عمل اساسي لاصلاح حالنا.المشكله انه يحتاج اموال وجهد وصبر ويعطي نتائجه بعد فتره ليست قصيره .فاذا كان

هدفك الحصول علي طبيب او مهندس او .... جيد محتاج غربله التعليم من الحضانه حتي الجامعه .فالتعليم عباره عن مضلع له العديد من الاضلاع او مكينه لها مجموعه تروس .ترس واحد ردئ يصيب المكينه بعطل .من هذه الاضلاع والتروس :-

الأول نعرف كلمة التعليم ماذا تعني

تعليم يعني أعداد مواطن صالح منتج سوي

طيب الأعداد ده بينقسم الي شقين

الأول هوه تعليم الطالب المعاملات : مع الخالق عز وجل ومع المخلوق

المعاملة مع الخالق عز وجل مفروض الطالب يدرس مقدمة عن الأيمان بالله و الصلاة و الصيام الي أخؤره من الفرائض

المعاملة مع المخلوق دي عايزة يدرس الطالب علي سبيل المثال :بر الوالدين و صلة الرحم و حق الجار و الرفق بالحيوان

طبعا دراسة الكلام ده بتوسع عايز سنوات كتير للدراسة بس هوه مفروض الطالب يدرس مقدمة في المواضيع دي

الي جانب تعلم مهارتين القراءة و الكتابة و تعلم الحساب

وهوه ده يبقي التعليم الأساسي للطالب

و أظن الدراسة دي مش حتحتاج أكتر من 5 سنوات دراسة

وبكدة يبقي عندي طالب مؤهل انه يدرس أي حاجة في الدنيا

بعد كدة المهنة اللي حيشتغل فيها الطالب

أظن أن حوالي 95 % مش حتبقي مهن محتاجة دراسة قبلها

و يبقي فيه تدريب داخل المكان اللي حيشتغل فيه الموظف ، يعني يبقي بيشتغل لمدة 6 شهور تحت التدريب اذا لم ينجح في هذا المكان يسيب الشغل ده و يشتغل في مكان تاني

أما بالنسبة للوظائف المتخصصة ، يعني مثلا واحد عايز يتعلم الطيران ، تبقي في مدرسة لتعليم الطيران و يبقي فيها أول سنة دراسة تمهيدية ، اذا لم يجتازها الطالب يبقي ميكملش دراسة ،

قرينا عن وصايا لقمان لأبنه

هوه ده التعليم

يعني العلماء زمان بن سينا و الحسن بن الهيثم هل الناس دول قعدوا يدرسوا دراسة طويلة في مواد ملهاش لازمة و بعد كدة درسوا تخصصهم و لا مباشرة الواحد بيدرس بعض العلوم الدينية و الأخلاق و بعد كدة درشس تخصصه

لو جينا للمدرسين اللي كانوا بيعلموا أبناء الملوك كانوا برضه بيدرسولهم بعض العلوم الدينية و الخلقية و بعد كدة الأمير ده بيتعلم الفروسية و الرمي بالسهام

هيا دي الدراسة اللي كانت زمان و دي اللي خرجت اعظم القادة و العلماء و الأطباء

أما أحنا بنتكلم في أصلاح نظام أساسه خطأ يبقي حينصلح أزاي

لو شفنا الفرق بين طالب بيدرس في كوس لمدة 3 شهور عشان بعد ال شهور دول حيشتغل في وظيفة ما

حنشوف قد أيه هوه عايز يتعلم و قد أيه منبه للمدرس اللي عايز يعلمه

[جويرية]

-

الاداره

هل لديها الوعي والخبره والاخلاص والشجاعه الكافيه .الاداره نفسها مضلع له عده اضلاع (لتوضيح ذلك اترك لك حريه الاختيار في تحديد مسئول عن الاداره التعليميه تعرفه وحدد الاجابه عن الاسئله التالية ..لديه خبره -لديه الشجاعه لاعلان رأيه صراحا عند التخطيط او التنفيذ - هل احتياجاته الماديه متوفره الي حد ما - هل لديه القدره الصحيه علي البذل والعطاء لوجه الله والوطن لمده طويله بدون نفاق او مزايده ).حدد نسبه من تنطبق عليهم هذه الشروط

في في مصر أعلي الكفائات وناس بتشتغل في أصعب الظروف ومرتبات بسيطة

الأداري ميقدرش يغير القانون

اذا كان عندنا أعلي الكفاءاتو هوه لا يملك إلا تطبيق اللوائح و القانون

يبقي ايه الفائدة

ليه القانون بيقول ان التعليم أجباري و ان الطالب لازم ميغيبش من المدرسة

ليه بنتعامل مع البنأدم أنه ناقص الأهلية

لو كل طالب ليه حق انه يحضر الدروس اللي هوه عايزها

ده حيريح المدرس و الطالب

و حيدي فرصة للمدرس انه يشرح بهدوء ، بدل وجود طلبة مشاغبين قاعدين في الحصة غصب عنهم

و دول بيقطعوا تركيز المدرس و بيخليه يضيع الحصة و خلاص بأي طريقة

قانون ان حضور الطالب ده أجباري ده معناه حاجة واحدة هوه ضمان وجود فرد عاطل في المجتمع حتي سن 22 سنة

-

المنهج

وفي هذا الموضوع لايكفي النت لاستيعاب مايكتب فيه

ليه الطالب يقعد يحفظ في 10 مواد لمدة 9 شهور كاملة و هيا مدة السنة الدراسية

طيب ما في حاجة افضل انه يدرس 100 مادة لكن بدون حفظ

3- المدرس .ما عدد المدرسين اللذين يسهرون الليل لتحضير دروس الحصص ووسائل الايضاح والتجارب لتعليم ابنائهم الطلبه في الصباح.

ادخل اي مدرسه ثانوي ومعك الجدول الدراسي وخاصه الصف الثاني والثالث الثانوي وحدد عدد الفصول التي تعمل بجديه ؟؟؟

المدرس يا دوب بيدي دروس خصوصية عشان يحسن دخله

و الطالب نفسه بياخد دروس خصوصية و مش عايز يسمع المدرس و جاي المدرسة فسحة عشان يشوف أصحابه

-الامتحانات

.ما عدد كفاءات ابنائنا الطلاب اللذين نفقدهم في الطريق .هذا طالب يتميز ب (جسم رياضي -عقليه ميكانيكيه - قدره علي الحفظ - مهاره فنيه في شئ ما ...الكل مطلوب ان يدرس بدون توجيه او ارشاد او افراد لاكتشاف ولتحديد مهارات اطلاب .

اسوء فتره في حياه اي اسره مصريه هي فتره الامتحانات اذا كان لها طالب فيها .اسأل نفسك هل درس وتم توجيهك لما تحب ان

تدرس او يتماشي مع قدراتك

لو جينا لطالب و قلنا له حتدس كورس 4 شهور و بعد كدة حتشتغل في المكان الفلاني

حنلاقي جدية و عزيمة شديدة و درجة نجاح عالية

لكن اقوله أحفظ كتاب التاريخ من الصفحة واحد لغاية صفحة 500 و طيب و بعدين ايه النتيجة ، المستقبل قدامه هلامي ومش باين نتيجة لحفظ الكتاب ده

5- الطالب

.لكي يكون لديك طالب جيد مطلوب توفير اشيا ء كثيره .من لحظه خروجه من المنزل حتي العوده للبيت .وداخل البيت مطلوب توفير مناخ معين .وحول البيت مطلوب بيئه مساعده .ملاحظه تافهه ما عدد الطلبه المصريين اللذين يتناولون غدائهم في مدارسهم او كلياتهم وغالبا يخرجون من بيوتهم بدون فطور .اذهب الي اي دوله محترمه ولاحظ ماذا يحدث في ذلك المطلوب انلا نكون مثلهم ولكن طالب جعان لايصلح لدراسه (احتمال انلا يكون المدرس قد تناول طعامه ايضا ).

لو شفنا المؤتمرات اللي بيحضرها السادة حنلاقي المؤتمر كله علي بعضه مثلا ممكن 4 ساعات أو حمسة و في نص المؤتمر فترة راحة و بوفيه مفتوح للسادة عشان يرتاحوا شوية و يرجعوا يواصلوا المؤتمر

طيب و الطالب اللي سنة اصغر و في مواد صعبة الأستيعاب ، نلاقي ان اليوم الدراسي بيوصل ل 8 ساعات و فترات الراحة كلها نص ساعة خلال اليوم الطويل ده ،

6- المبعوثين

ماعدد المبعوثين اللذين يتم ارسالهم للخارج لدراسه وما هي فترات توجدهم في الخارج.ما التجهيزات المعده للاستفاده من خبرتهم بعد العوده(بعد عودته يسأل عن الاعاره ).

المبعوثين مش بيدوهم حاجات مفيدة و دراسات في الشعر و الأدب و المتاحف و المسرح ، زي ما راح طه حسين و قاسم امين و توفيق الحكيم و راجوا زي ما جم متعلموش حاجة ، يعني الدكتوراة بتاعت طه حسين كانت في مقدمة ابن خلدون تقريبا أو عن ابو العلاء المعري ، طيب الكلام ده ايه لازمتةه يدرسه في فرنسا ما كان ممكن يدرسه في مصر

بأختصار البعثات مش بيعلموا حد حاجات علمية ، لكن اللي عايز يدرس الشعر و الكلام اللي ملوش لازمة حيلاقي الأبواب مفتوحة ليه

و لو حد درس حاجة علمية بيحرصوا انه يفضل برة و ميرجعش مصر و بياخد مرتبات خيالية عشان ميرجعش مصر ، ده فضلا عن ان مصر مفيش مكان للبحث العلمي فيها

7- الترجمه العلميه .

ما عدد الكتب العلميه التي قام رجال العلم المصرين بترجمتها .اكتشف اهميه ذلك محمد علي .وكانت فتره الستينات اخصب فتره لحركه الترجمه العلميه في مصر .كانت تدخل في الترقيه العلميه لرجال العلم .

برضه اللي أترجم في فترة الستينات يا تري كانت كتب علمية و لا برضه كتب المسرح و الأدب و الكلام اللي ميخليناش نتقدم خطوة واحدة قدام

8- المناخ العام

هل يريد اصلاح التعليم .مثال بسيط (ستعود الثانويه العامه لفتره الستينات من حيث النتيجه ... نسبه النجاح 52./. هل

سيقبل الناس ذلك .طالب نجح في الثانويه العامه الرد مجموعك لا يؤهلك لدخول اي كليه او معهد الثانويه العامه تعتبر نهايه مرحله التعليم لك هل سيقبل الناس ذلك .

زي ما قلت قبل كدة ان 6 سنين بتوع أعدادي و ثانوي انا مش شايفة ليهم مبرر

- الغاء التعليم الخاص بجميع انواعه

.ليس لديك فدرات ومعك مال متوفر كيف تصبح طبيب او مهندس جيد؟ .هل سيقبل الناس ذلك؟ .

عمليه اصلاح التعليم هي اشد المشاكل المطلوب من الشعب المصري خوضها .

تذكر هذا المثل

لكي تمشي مستقيما (علم)في طريق معوج (جهل )عليك ان تهدم اشياء كثيره . ... هل يقبل المجتمع التضحيات المطلوبه .

اعتقد مانحن فيه اسهل .

مما يزيد المشكله انت لا تريد طبيب او مهندس او معلم اكاديمي فقط .انت تريد في النهايه ثقافه مجتمع .

التعليم ضاع من يوم ما اتدخلت الدولة في التعليم

مفروض كل التعليم يبقي خاص

و اللي دخل طب و لا هندسة بفلوسه

مش حيبقي عنده كفائة لما ييجي يشتغل

و بعدين زمان كانوا بيدخلوا طب بمجموع 75 %

لماذا لا ترسلوا بعثه (من اهل الخبره المخلصين )لزياره مدارس وجامعات ومعاهد الصين لتعرفوا كيف يعلمون ابنائهم .

جاتكم 67 نيله في جهلكم (مع الاعتذار للمطرب )

و ليه الصين ما احنا عندنا عقول نفكر بيها

لكن اللوائح و القوانين اقوي من الجميع

يعني كمثال

مصنع للساعات يبتدي الطالب يشتغل فيه و هوه عنده 10 سنين يشتغل في أبسط الوظائف و في الفترة المسائية ياخد دراسة خاصة بالعمل في هذا المصنع هذه الدراسة تتيح لايه الترقي لمستوي اعلي ، و بعد كدة دراسة تانية لمستوي اعلي ،

في ظل هذه الدراسات المستمرة في تخصص صناعة الساعات أنا أجزم ان ممكن يبقي مدير مصنع عنده 25 سنة ، مش دلوقتي اللي عنده 25 سنة لسة بياخد اولي الخطوات في حياته العملية

اللي عايزةأقوله ان مفروض العلم يرتبط ارتاط مباشر بالوظيفة

و التعليم الفني ده ملوش لازمة خالص

كل واحد يروح ورشة نجارة او حدادة و هوه صاحب المكان حيعلمه

تم تعديل 28 أكتوبر 2008 بواسطة جويرية

[somebody]

جويرية

أرجو إنك تقري كلامي((( قبل))) الاقتباس ال خدتيه

أحب أنصحك في أي موضوع بعد كده تقري الكلام كويس قبل ما تكتبي أي حاجة

أنا عارفة إنك مخدتيش بالك بس يا ريت تاخدي بالك بعد كده

تم تعديل 28 أكتوبر 2008 بواسطة somebody

[جويرية]

جويرية

أرجو إنك تقري كلامي((( قبل))) الاقتباس ال خدتيه

أحب أنصحك في أي موضوع بعد كده تقري الكلام كويس قبل ما تكتبي أي حاجة

أنا عارفة إنك مخدتيش بالك بس يا ريت تاخدي بالك بعد كده

فهمني تاني يا أخت سمبدي أصل انا مش فاهمة أنتي بتتكلمي عن أيه

[somebody]

أنا حسيت من كلامك إنك بتتريقي لكن أنا كنت بتكلم بجد إفردي إن مصدر النفقة (الأب) بطل ينفق- لأي سبب -

هتعمل الأم وهي زي ما اتفقنا (((غير عاملة)))أو سابت الشغل عشان تربي أولادها

الحل إيه من وجهة نظرك ؟

أنا قلت إن التعدد ممكن يحل المشكلة دي

[جويرية]

نظام التعليم في كندا جميل

و أهم حاجة فيه أحترام حرية الأنسان

بس برضه ممكن تبقي في نظم تعليم افضل من كدة

أما المدارس عندنا فهيا نظام عسكري

أبتداء من طابور الصباح و التمارين التافهة اللي بيدوها للطلبة

تعليمنا الهدف منه أن الواحد ميتعلمش

وفعلا مفيش وقت عند الطالب غير للمواد الدراسية اللي مفروض يحفظها

و لذلك ممكن نلاقي اختلاف شديد بين شخصية الأباء و الأبناء

لأأن مفيش وقت ان الولد يقعد مع أبوه و ياخد خبرة منه ، خبرة دي مجرد بالسمع

عندما تولى الخليفة عمر بن عبد العزيز رضي الله عنه الخلافه جائته الوفود لتقدم له التهنئه فقام فتى صغير لم يتجاوز عمره الحاديه عشر من العمر فقال له امير المؤمنين اجلس يابني وليقم من هو اكبر منك سنا فقال الفتى يا امير المؤمنين الانسان باصغريه قلبه ولسانه فاذا منح الله الانسان لسانا لا فظا وقلبا حافظا فقد استحق الكلام ولو ان الامر بالسن-لكان في الامة رجال احق منك بالخلافه-- هكذا كان اسلافنا يعلمون ابنائهم وهكذا كان يسمع امير المؤمنين من فتى صغير فما احرانا ان نتعلم منهم ما ينفعنا لخدمة امتنا العربيه والاسلاميه

الصبي ده عنده 12 سنة بيقول الكلام ده

في حد مش حقول 12 سنة في حد خريج جامعة ممكن يتكلم بالشكل ده

خريج الجامعة للأسف في سن 22 سنة مفيش أي خبرة

يعني ممكن ياخد خبرة لما يبقي عنده 30 سنة

و ده بسبب ال 8 سنين اللي اتعامل فيها مع الناس

و من التعامل مع الناس بتيجي الخبرة في الحياة

لأن سنوات الدراسة الطويلة مش يبيتعامل غير مع كتاب الكميا و كتاب الفزيا

عملوا حاجة جديدة في ا لمحاكم قبل ما الزوجة ترفع قضية طلاق علي جوزها فيه زي ججلسة للصلح ، و بيقي فيه أخصائيين أجنتماعيين لمحاولة الصلح

فيه دكتورة في الجامعة طالبة الطلاق لأن زوجها تعدي عليها بالضرب ، الأخصائية الأجتماعية اللي بتحاول تصلح قالت للدكتورة ( أيه يعني ما كلنا بنضرب و مرفعناش قضية طلاق )

أدي طبعا مستوي الخريجين اللي اتعلموا في التعليم اللي فرضاه الحكومة علي الناس

[جويرية]

مش عارفة بيقولوا ان الطالب في سن 17 سنة بيبقي عنده ميول انه يدخل كلية معينة

هل فعلا الواحد حيجيلوا الهام معين في السن دي انه عايز يدرس كذا و لا هوه

حيختار اعلي كليات اللي بتناسب مجموعه

كان زمان غالبا الواحد بيمتهن مهنة الأب من صغره و الناس بتتوارث المهن

لكن دلوقتي من ساعة مسلسل

( لن أعيش في جلباب أبي )

و بقت حاجة عيب ان الواحد يشتغل في مهنة أبوه

برغم أنه دي فرصه ان الطفل من أول ما يفتح عينه حيحب المهنة دي و كمان حيبقي مصاحب لأبوه و يتعلم منه

ده حتي احنا ملاحظين ان أبناء الممثلين بيمتهنوا مهنة أبائهم

زمان كان في عائلات بأسامي المهن

زي مثلا عائلة النجار عائلة الحداد

و بيرثوا المهنة أبا عن جد

[somebody]

نظام التعليم في كندا جميل

(((( و أهم حاجة فيه أحترام حرية الأنسان))))

******************************************

أما المدارس عندنا فهيا نظام عسكري

أبتداء من طابور الصباح و التمارين

*******************************************

عندما تولى الخليفة عمر بن عبد العزيز رضي الله عنه الخلافه جائته الوفود لتقدم له التهنئه فقام فتى صغير لم يتجاوز عمره الحاديه عشر من العمر فقال له امير المؤمنين اجلس يابني وليقم من هو اكبر منك سنا فقال الفتى يا امير المؤمنين الانسان باصغريه قلبه ولسانه فاذا منح الله الانسان لسانا لا فظا وقلبا حافظا فقد استحق الكلام ولو ان الامر بالسن-لكان في الامة رجال احق منك بالخلافه-- هكذا كان اسلافنا يعلمون ابنائهم وهكذا كان يسمع امير المؤمنين من فتى صغير فما احرانا ان نتعلم منهم ما ينفعنا لخدمة امتنا العربيه والاسلاميه

*********************دي جرأة وذكاء من الصبي ************************

((((و من التعامل مع الناس بتيجي الخبرة في الحياة ))))

أختي جويرية جزاكي الله خيراً على هذا المجهود

تم تعديل 31 أكتوبر 2008 بواسطة somebody

[somebody]

مش عارفة بيقولوا ان الطالب في سن 17 سنة بيبقي عنده ميول انه يدخل كلية معينة

هل فعلا الواحد حيجيلوا الهام معين في السن دي انه عايز يدرس كذا

و لا حيختار اعلي كليات اللي بتناسب مجموعه

***********المفروض أنه يختار ال بيناسب ميوله لكن ال بيحصل إن المجموع حاجة أساسية في الاختيار***********

زمان كان في عائلات بأسامي المهن

زي مثلا عائلة النجار عائلة الحداد

و بيرثوا المهنة أبا عن جد

**********حصرتك هنا بتتكلمي عن(( المهن اليدوية)) أنا عاوزة أسأل حضرتك سؤال تفتكري الناس نظرتها اتغيرت بالنسبة للناس ال بتشتغل مهن بسيطة؟؟؟هل هناك مستوى اجتماعي لكل مهنة؟؟؟؟؟هل نظرة الناس للعامل البسيط بتأثر على أداؤه أو تخليه يبطل شغل من أساسه؟؟؟؟؟؟؟؟؟؟ **************

****************مشاركتي وسط كلامك********************

تم تعديل 31 أكتوبر 2008 بواسطة somebody

[somebody]

لازم نظرة الناس -للوظائف البسيطة في المجتمع -تتغير

تفتكري إزاي النظرة دي هتتغير أختي جويرية؟؟؟؟؟؟؟؟

[جويرية]

لازم نظرة الناس -للوظائف البسيطة في المجتمع -تتغير

تفتكري إزاي النظرة دي هتتغير أختي جويرية؟؟؟؟؟؟؟؟

وفي صحيح البخاري قال - صلى الله عليه وسلم -: ( ما أكل أحد طعامًا قط خيرًا من أن يأكل من عمل يده، وإن نبيَّ اللَّه داود عليه السلام كان يأكل من عمل يده ).