هل لدينا شراهة استهلاكية لهذه الدرجة.. أم هي هيستيريا الإعلام والإعلان؟

[Sherief AbdelWahab]

بالتأكيد نحن مطالبون بترشيد الاستهلاك في كل وقت وحين .. ولكن هناك إلحاح غريب على الموضوع بدرجة مستفزة.. خاصةً في الحملة الإعلانية التي يخرجها المدعو "طارق نور" وإعلاناتها السمجة..

ما هي حقيقة حجم الاستهلاك في مصر في ظل هذا الـ(@$@#$) الإعلاني؟

هل حجم الاستهلاك متواضع ونحن الذين نبالغ؟

وفي المقابل .. هل الاستهلاك في مصر فظيييييييع إلى هذه الدرجة؟ هل تكفي بيانات المراكز البحثية البوليسية للحكم على ضخامة حجم الاستهلاك في مصر؟ هل تكفي مجرد الفرجة على النمط الاستهلاكي لمجرد شريحة من المجتمع لتعميمها على المجتمع كله؟

هل الإلحاح العنيف على تلك الحملة في هذا التوقيت غرضه التغطية على الضعف الإنتاجي للاقتصاد المصري، وقلة الاستثمار في صناعات تنتج منتجات قابلة للدوران في السوق، وحرمان شرائح عديدة من المصريين من المشاركة في صنع الدخل وبالتالي في الاستفادة منه؟

خلص الكلام

[Ghooost]

بالتأكيد نحن مطالبون بترشيد الاستهلاك في كل وقت وحين .. ولكن هناك إلحاح غريب على الموضوع بدرجة مستفزة.. خاصةً في الحملة الإعلانية التي يخرجها المدعو "طارق نور" وإعلاناتها السمجة..

الأخ الفاضل شريف . انا مش عارف طارق نور مضايقك ليه .هو فى الآخر واحد بيقدم شغل مطلوب منه مش هو اللى متبنى الحمله وبيحاول يجتهد فيه . بس دا مايمنعش ان شغله ممكن مايعجبكش . بس فى رأى انه واحد من رواد الأعلانات وصوته اصبح مميز لكل المصريين .

الحاجه التانيه فكرة التوعيه نفسها كل العالم بيعملها ومش لازم يكون هناك سبب باطن وخفى .

اللى عايز اقوله ان احنا بقينا نترجم أى حاجه مهما كانت الى انها فيها شبهة فساد . ودى مش صح خلينا نتعامل مع الواقع بمبدأ المتهم اللى هو الحكومه برىْ حتى تثبت ادانته مش بمبدأ المتهم مدان حتى تثبت برائته وده لسبب بسيط لو احنا مشينا بالمبدأ الأولانى هيكون فى امل ان احنا والحكومه نمشى فى طريق واحد ونساعد بعض بس بالمبدأ التانى دايما هيكون فى صراع مابين الشعب والحكومه ود نهايته مدمره لكل الأطراف .

تحياتى

[محمد عيسى]

فى صراع مابين الشعب والحكومه ود نهايته مدمره لكل الأطراف .

بعيداً عن الموضوع ما هو ده اللي حاصل على أرض الواقع

[Ghooost]

فى صراع مابين الشعب والحكومه ود نهايته مدمره لكل الأطراف .

بعيداً عن الموضوع ما هو ده اللي حاصل على أرض الواقع

اللى حاصل حاليا هو مقدمات لهذا الصراع . لأن الصراع نفسه ابعاده مش هتكون بس شوية مظاهرات وكام كلمة نقد . بس مش عارف ليه خلتنى اسأل نفسى سؤال لو مثلا التصادم ده حصل ياترى دا هيكون فى مصلحة مصر ولا لأ ؟ وهل الصدام هو الحل الأمثل لحل المشاكل؟ مجرد أسئله.

[وليد أهلاوى مصراوى]

بالتأكيد نحن مطالبون بترشيد الاستهلاك في كل وقت وحين .. ولكن هناك إلحاح غريب على الموضوع بدرجة مستفزة.. خاصةً في الحملة الإعلانية التي يخرجها المدعو "طارق نور" وإعلاناتها السمجة..

ما هي حقيقة حجم الاستهلاك في مصر في ظل هذا الـ(@$@#$) الإعلاني؟

هو حضرتك قصدك أى حمله أعلانيه لطارق نور ؟! ولا بتتكلم على العموم ؟

[Sherief AbdelWahab]

رداً على العزيز جوست:

أكره استعمال إكليشيه "ما هو دة شغله" عمال على بطال..

ما تاجر المخدرات بيبيع مخدرات ودة شغله .. هل دة إنذار للبوليس ما يروحش يقبض عليه؟

ما مخرج المقاولات بيخرج أفلام المقاولات ودة شغله.. هل دة إنذار لينا ما نناقشش هو بيعمل إيه؟

مخرج الإعلانات مبيقدمش الشغل المطلوب منه .. ومفيش مخرج بيقدم "الشغل المطلوب منه" إلا في المسلسلات الهابلة بتاعتنا.. هوة اللي بيحط الرؤية وهوة اللي بيطلب الميزانية وهوة المسئول عنها قدام الجمهور لا أكثر..

فيه موضوع عن السيد المحترم اللوذعي طارق نور في مناقشات الإعلام.. أحيل إليه فيما يخص الرجل..وإن كان كلامي هنا عن الحملة دي بالتحديد والإلحاح الشديد عليها..

أتفق معاك في المقابل على التشكك اللي عندنا من كل ما هو حكومي.. تشكك كان ظالم في حالات وغير ظالم في حالات..

تساؤلي هو محاولة للعرض على العقل.. هل احنا بنستهلك بالشراهة الرهيبة اللي بتستاهل حملة متكلفة بما إن طارق نور مش فاتحها شئون اجتماعية؟

ربما كنا على حق.. ربما كانت الحكومة على حق.. وربما كنا جميعاً على حق.. وربما كنا جميعاً على خطأ..

خلص الكلام