هل تقول للمقربين منك أنك تحبهم ؟!

[Salwa]

صباح الخير يالولا ..صباح سعيد ان شاء الله .

موضوع جميل واللى اجمل منه روح كاتبته وعفويتها وبراءتها وتلقائيتها ..وده ( كما اتفقنا سابقا )بيخلينا نتعدى ...يعنى احنا كمان نبدأ نتكلم على سجيتنا بدون اى تذويق او ...( خجل )..

لو بنشعر بالحب تجاه اى شخص مفروض نقول له بنحبك ؟؟

ايوة يالولا ..

ومش عاوزة انقل من موضوع لموضوع لكن شوفى مداخلة .(( ذهبية وسهران ))..!! يعنى كان ممكن اقول نفس الكلام ...تخيلى ؟؟..

يعنى محدش ممكن يتخيل اد ايه كنت بحب امى ومازلت طبعا ( رحمها الله رحمة واسعة ) ...لكنى مكنتش بقول لها دايما ( بالكلام يعنى ) اد ايه بحبها ..!!!

وفى ايام مرضها الاخير ...(( سبق لى كتبت مداخلة هنا وكتبت كل اللى قلتهولها ))..كنت بقول لها كل يوم اد ايه هى عظيمة واد ايه كلنا بنحبها ..وكنت بشوف وجهها الجميل بينور وكنت بشعر انها بقت اقوى وانها ممكن تنتصر على اى مرض ...يمكن كانت تعبيراتها عن الفرحة بينا ...تعبيرات قليلة اقصد اقول على وزن ( خير الامور ما قل ودل ) ..حتى النظرة لحد من ولادها بتقول بحبكم حب بلا حدود ولا نهائى ..

يمكن فضلت فترة اتساءل ...!! ليه فى الموضوع ده بالذات انا قليلة (( التوضيح ))

طبعاااااا

كلامنا كله على الانسان اللى بنحبه فعلا فعلا ......يعنى الفعل قبل القول ...بمعنى انى مش حنقول لحد ان بنحبك لمصلحة مثلا ...!!! ...اذن الافعال تسبق الاقوال (( ده شئ اكيد ومؤكد **))

بلا اى جدال ...الحب ينبع من داخلنا ...يعنى لو عندنا اكتفاء ...لابد حانبدأ فى العطاء ..( فاقد الشئ لايعطيه )

لو احنابنشعر بالحب واللى حوالينا بيشعرونا بيه ...طيب ليه حانبخل عليهم انهم يشعروا نفس شعورنا ؟؟

يعنى مش معقول كل شوية زوجك يقولك ....انتى حياتى وانا بشكر ربنا انه رزقنى بيكى وانتى كل حاجة حلوة فى حياتى ..و..و...

وانتى تبصى له وتبتسمى ...!!

طيب ماشى ...مرة .

ماشى ...مرتين ..

طيب خليهم ...تلاتة ..

بس مش معقول تفضلى فى حالة صمت دائم ....يعنى ده خجل يقتل ..ويشكك اللى امامك فى مشاعرك تجاهه ....ممكن تعمليها حتى بضحك ..والله بحبك اد البحر والسما والدنيا بحالها ..

كلمة واحدة تطلع من القلب وتوصل للقلب والعقل وتنور الدنيا حواليكم ..

الاولاد...

دول بقى ( موال لوحده ) ....ياسلام على بنتك او ابنك لما تاخديه فى حضنك وتقولى له ...عارف ماما بتحبك اد ايه ؟؟....سعادة ايه ونشاط ايه اللى بيبقوا فيه ...بيفرحوا فرحة رائعة وبيشعروا بالامان ...

ايوة ..بيشعروا بالامان .

ماشيين فى كل حتة وبيعملوا كل حاجة وهم عارفين ان فيه (( مسند قوى مسنودين عليه )) ..روح جميلة بتحلق حواليهم دايما ..

حنان ودفء رائع ...تخيلى بقى اولادى الاربعة ...بيقولوا لى بكل اللغات كل يوم انهم بيحبونى ...(( ويمكن ده فعلا الشئ اللى مخلينى على طول راضية وبحب الدنيا بحالها ...اكتفاء جميل جداااا ))

الاصدقاء....نفس الشئ بس يمكن صعب تقولى لهم انا بحبكم ..

مثلا .انا فعلا هنا برتاح للحديث مع ناس كتير ورغم اننا اغلبنا منعرفش بعض لكن كما يقولون (( المحبة فى الله )) تجمع اغلبنا .. .

الحمدلله ...اشعر انى احبكم وكأنكم اخوة وابناء لى ...بدليل خوفى على اى منكم (( لو اشتكى )) ...!!!

... الاقربون ........(( فيه مثل عندنا فى مصر بيقول ....من ده جه ده )) ...يعنى طالما هم بيحبوكى فانتى لابد حاتحبيهم ...

طيب بلاش نروح بعيد ...(( فى رحلة العمرة الاخيرة كنت مع اختى وخالتى )) ..

بعد اسبوع ...كنا نسير فى اتجاه المسجد النبوى لاداء صلاة الظهر ...فجأة (( توقفت )) ..

اخذت رأس اختى بين ذراعى ..قبلتها فى جبهتها ..ثم على وجنتيها ..وقلت لها بكل الحب والحنان ...

عارفة انى بنحبك قوى قوى ؟؟ وعارفة انى جوايا بنشعر انك ابنتى البكرية وليست داليا ؟؟..

وترقرقت الدموع فى عينيها ..( ثم انهارت فى البكاء ) ..وبكيت معها ..!!

قالت ...عارفة ...وعارفة انى توأمك ...وعارفة ان الغربة وحشة ...زى مانا عارفة انى اوقات كتير بنقول سلوى قالت لى وسلوى علمتنى وسلوى وحشتنى ...بس سلوى اللى بتوحشنى ...بتوحشينى حتى وانتى فى مصر ..

جميل قوى قوى يالولا اننا نقول لكل اللى بنحبهم ...اننا بنحبهم .

كفاية كدة ...دوشتكم ..

سلام..

[لولا]

صباح الخير يالولا ..صباح سعيد ان شاء الله .

موضوع جميل واللى اجمل منه روح كاتبته وعفويتها وبراءتها وتلقائيتها ..وده ( كما اتفقنا سابقا )بيخلينا نتعدى ...يعنى احنا كمان نبدأ نتكلم على سجيتنا بدون اى تذويق او ...( خجل )..

لو بنشعر بالحب تجاه اى شخص مفروض نقول له بنحبك ؟؟

ايوة يالولا ..

ومش عاوزة انقل من موضوع لموضوع لكن شوفى مداخلة .(( ذهبية وسهران ))..!! يعنى كان ممكن اقول نفس الكلام ...تخيلى ؟؟..

يعنى محدش ممكن يتخيل اد ايه كنت بحب امى ومازلت طبعا ( رحمها الله رحمة واسعة ) ...لكنى مكنتش بقول لها دايما ( بالكلام يعنى ) اد ايه بحبها ..!!!

وفى ايام مرضها الاخير ...(( سبق لى كتبت مداخلة هنا وكتبت كل اللى قلتهولها ))..كنت بقول لها كل يوم اد ايه هى عظيمة واد ايه كلنا بنحبها ..وكنت بشوف وجهها الجميل بينور وكنت بشعر انها بقت اقوى وانها ممكن تنتصر على اى مرض ...يمكن كانت تعبيراتها عن الفرحة بينا ...تعبيرات قليلة اقصد اقول على وزن ( خير الامور ما قل ودل ) ..حتى النظرة لحد من ولادها بتقول بحبكم حب بلا حدود ولا نهائى ..

يمكن فضلت فترة اتساءل ...!! ليه فى الموضوع ده بالذات انا قليلة (( التوضيح ))

طبعاااااا

كلامنا كله على الانسان اللى بنحبه فعلا فعلا ......يعنى الفعل قبل القول ...بمعنى انى مش حنقول لحد ان بنحبك لمصلحة مثلا ...!!! ...اذن الافعال تسبق الاقوال (( ده شئ اكيد ومؤكد **))

بلا اى جدال ...الحب ينبع من داخلنا ...يعنى لو عندنا اكتفاء ...لابد حانبدأ فى العطاء ..( فاقد الشئ لايعطيه )

لو احنابنشعر بالحب واللى حوالينا بيشعرونا بيه ...طيب ليه حانبخل عليهم انهم يشعروا نفس شعورنا ؟؟

يعنى مش معقول كل شوية زوجك يقولك ....انتى حياتى وانا بشكر ربنا انه رزقنى بيكى وانتى كل حاجة حلوة فى حياتى ..و..و...

وانتى تبصى له وتبتسمى ...!!

طيب ماشى ...مرة .

ماشى ...مرتين ..

طيب خليهم ...تلاتة ..

بس مش معقول تفضلى فى حالة صمت دائم ....يعنى ده خجل يقتل ..ويشكك اللى امامك فى مشاعرك تجاهه ....ممكن تعمليها حتى بضحك ..والله بحبك اد البحر والسما والدنيا بحالها ..

كلمة واحدة تطلع من القلب وتوصل للقلب والعقل وتنور الدنيا حواليكم ..

الاولاد...

دول بقى ( موال لوحده ) ....ياسلام على بنتك او ابنك لما تاخديه فى حضنك وتقولى له ...عارف ماما بتحبك اد ايه ؟؟....سعادة ايه ونشاط ايه اللى بيبقوا فيه ...بيفرحوا فرحة رائعة وبيشعروا بالامان ...

ايوة ..بيشعروا بالامان .

ماشيين فى كل حتة وبيعملوا كل حاجة وهم عارفين ان فيه (( مسند قوى مسنودين عليه )) ..روح جميلة بتحلق حواليهم دايما ..

حنان ودفء رائع ...تخيلى بقى اولادى الاربعة ...بيقولوا لى بكل اللغات كل يوم انهم بيحبونى ...(( ويمكن ده فعلا الشئ اللى مخلينى على طول راضية وبحب الدنيا بحالها ...اكتفاء جميل جداااا ))

الاصدقاء....نفس الشئ بس يمكن صعب تقولى لهم انا بحبكم ..

مثلا .انا فعلا هنا برتاح للحديث مع ناس كتير ورغم اننا اغلبنا منعرفش بعض لكن كما يقولون (( المحبة فى الله )) تجمع اغلبنا .. .

الحمدلله ...اشعر انى احبكم وكأنكم اخوة وابناء لى ...بدليل خوفى على اى منكم (( لو اشتكى )) ...!!!

... الاقربون ........(( فيه مثل عندنا فى مصر بيقول ....من ده جه ده )) ...يعنى طالما هم بيحبوكى فانتى لابد حاتحبيهم ...

طيب بلاش نروح بعيد ...(( فى رحلة العمرة الاخيرة كنت مع اختى وخالتى )) ..

بعد اسبوع ...كنا نسير فى اتجاه المسجد النبوى لاداء صلاة الظهر ...فجأة (( توقفت )) ..

اخذت رأس اختى بين ذراعى ..قبلتها فى جبهتها ..ثم على وجنتيها ..وقلت لها بكل الحب والحنان ...

عارفة انى بنحبك قوى قوى ؟؟ وعارفة انى جوايا بنشعر انك ابنتى البكرية وليست داليا ؟؟..

وترقرقت الدموع فى عينيها ..( ثم انهارت فى البكاء ) ..وبكيت معها ..!!

قالت ...عارفة ...وعارفة انى توأمك ...وعارفة ان الغربة وحشة ...زى مانا عارفة انى اوقات كتير بنقول سلوى قالت لى وسلوى علمتنى وسلوى وحشتنى ...بس سلوى اللى بتوحشنى ...بتوحشينى حتى وانتى فى مصر ..

جميل قوى قوى يالولا اننا نقول لكل اللى بنحبهم ...اننا بنحبهم .

كفاية كدة ...دوشتكم ..

سلام..

ماما سلوى الغاليه جدا.. بعض البشر حباهم الله بنعمه هذا القلب الكبير الذى تحملينه

الذى لا يتعمد اجاده كلامه ابدا ولكنه عفوى حتى النخاااااااااااااااع تخرج الكلمه منك

وقد سبقتها اطنان من المشاعر لقلوب من تخاطبيهم.

اليوم جمعه.. ذكريات كثيره مرتبطه عندى بهذا اليوم..يوم التجمع العائلى والزيارات

والقبلات والأحضان ..يوم مساعده ماما فى المطبخ وتقبيل بابا وهو عائد من الصلاة

يوم كان يأتى فيه ابن اخى الملاك الصغير الرائع جدا ليجرى بكل سرعته لحظه يفتح

الباب ليعطينى حضنا كبيرا جدا جدا لا يمكن ان تعوضنى عنه كل مداعبات اطفال الدنيا.

اليوم يوم جمعه.. يوم كان دوما مليئ بكم غير محدود من المشاعر جاءت كلماتك

متدفقه عذبه بسيطه وصادقه جدا كعادتها لتجعلنى افشل تماما فى تمالك نفسي

من البكاء منذ الأسطر الأولى التى كتبتها.. افتقدت كل ذلك بشده .

ماما سلوى.. ربنا يخليك لكل الناس اللى حوليك يارب.

انت لا يمكن تدوشينا.. انت.. بجد مش عارفه اقول ايه.. يمكن يوصلك اللى جوايا

من غير ما اكتبه..يمكن .

لولا.

[alsaher]

موضوع هام يلامس مشكلة حقيقية نعاني منها

شكرا للأخت لولا التي أتاحت لنا الفرصة لنلقي الضوء عليها

الحقيقة أنني أرى أننا كشرقيين تعودنا ان لا نتكلم عن مشاعرنا

وكانت هذه تقريبا من المحرمات

فكانت الفكرة والتي رسخت في ذهني أن لا تعبر عن حبك لأحد ولا عن كرهك

وهنا الخطأ الفادح

أذكر تماما أنني فهمت من هذا المجتمع أن الرجل لا يبكي

فحين تغربت في سن مبكرة كنت أتعذب وأنا أودع أمي وأحاول أن لا تسقط الدمعة لأنه كما قيل لي الرجل لا يبكي

أذكر تماما حينما كان يحل عيد ميلاد أمي أو أبي أهنئهم برسالة على الموبايل متجنبا حرج أن أقول لهم أحبكم وكل عام وأنا أحبكم

تلك التركيبة الغريبة مع مرور الوقت والسنين والتجارب إكتشفت أنها خطأ فادح بل هي كبت للمشاعر

منتهى القوة هي أن تعبر عن ما في داخلك وربما عن ضعفك

منتهى القوة أن تخرج من صمتك لتقول لحبيبتك أو لأمك إني أحبك

تلك القوة لم نتعلمها إلا متأخرا للأسف ,

وسأعمل على أن يعبر أولادي عن ما في داخلهم من حب من قهر من إعجاب لن أقول لهم لا تبكوا حين يجب البكاء

إحترامي أخت لولا

[الباشمهندس ياسر]

الحمد لله انه لسه فى فرصة اننا نقول بحبك او وحشتونا او اى كلمة تعبر عن شوقك واتشياقك لكل الناس اللى بتحبهم

نعمه مكنتش حاسس بيها

الحمد لله على هذه النعمه

[om reham]

موضوع حلو وجميل شكرا يا لولا, سوف أقول لو الإنسان الذي تحبينه لم يحبك ولم يشعر بك لن يفهم أو يشعر بحبك له ويحسبه ضعف و(تلقيح جثه), والله أحبت صديقه لسته سنوات ويشهد الله بحبي لها وقد كنت أعبر لها عن حبي ولكن كنت ألقا منها إلي الجفاء مع أننا الإثنتان في غربه عن أهالين. وبهذا لا تستطيع أن تعبر لإنسان بحبك وهو لا يشعر به .اللهم أرزقنا حبك وحب من أحبك. آمين

تم تعديل 9 نوفمبر 2008 بواسطة om reham

[لونا]

عزيزتي لولا : أولاً مبروك الإشراف :happy: :happy:

ثانياً الموضوع دة جميل جداً جداً .

و أنا قرأته بمناسبة موضوع ( لكي نعيش في أمان) و لقيت إني لازم أفتحه لأهميته و عشان الناس تقرأه مرة تانية.

و زي ذهبية و سهران والدي أيضا توفاه الله من غير ما أقوله قد إيه أنا كنت -و ما زلت - بحبه.

و بحاول أعوض ده مع أمي -ربنا يديها الصحة- و بدأت أبوس إيديها متأخرة شوية و أقولها قد إيه بحبها و قد إيه بتوحشني.

الأولاد..

دول بقى ( موال لوحده ) ....ياسلام على بنتك او ابنك لما تاخديه فى حضنك وتقولى له ...عارف ماما بتحبك اد ايه ؟؟....سعادة ايه ونشاط ايه اللى بيبقوا فيه ...بيفرحوا فرحة رائعة وبيشعروا بالامان ...

ايوة ..بيشعروا بالامان .

ماشيين فى كل حتة وبيعملوا كل حاجة وهم عارفين ان فيه (( مسند قوى مسنودين عليه )) ..روح جميلة بتحلق حواليهم دايما ..

حنان ودفء رائع ...تخيلى بقى اولادى الاربعة ...بيقولوا لى بكل اللغات كل يوم انهم بيحبونى ...(( ويمكن ده فعلا الشئ اللى مخلينى على طول راضية وبحب الدنيا بحالها ...اكتفاء جميل جداااا

كلام صحيح جدا و لازم كل الآباء و الأمهات يجربوه .. و الحقيقة إنك فكرتيني يا مدام سلوى بقى لي فترة ما قلتش لولادي إني بحبهم ..شكرا!! :)

بعد اسبوع ...كنا نسير فى اتجاه المسجد النبوى لاداء صلاة الظهر ...فجأة (( توقفت )) ..

اخذت رأس اختى بين ذراعى ..قبلتها فى جبهتها ..ثم على وجنتيها ..وقلت لها بكل الحب والحنان ...

عارفة انى بنحبك قوى قوى ؟؟ وعارفة انى جوايا بنشعر انك ابنتى البكرية وليست داليا ؟؟..

وترقرقت الدموع فى عينيها ..( ثم انهارت فى البكاء ) ..وبكيت معها ..!!

قالت ...عارفة ...وعارفة انى توأمك ...وعارفة ان الغربة وحشة ...زى مانا عارفة انى اوقات كتير بنقول سلوى قالت لى وسلوى علمتنى وسلوى وحشتنى ...بس سلوى اللى بتوحشنى ...بتوحشينى حتى وانتى فى مصر ..

مدام سلوى إنت رائعة !!!!!!!!

[عصام]

فكرنى الموضوع دا بتوقيع زميل عزيز لنا هنا (لا زال يزورنا رغم إنه لا يكتب)

التوقيع من يوم ما قريته مش قادر انساه

"إملأ عيناك بوجه من تحب، فسوف تفتقده يوما ما"

[لولا]

عزيزتي لولا : أولاً مبروك الإشراف :lol: :lol:

ثانياً الموضوع دة جميل جداً جداً .

و أنا قرأته بمناسبة موضوع ( لكي نعيش في أمان) و لقيت إني لازم أفتحه لأهميته و عشان الناس تقرأه مرة تانية.

و زي ذهبية و سهران والدي أيضا توفاه الله من غير ما أقوله قد إيه أنا كنت -و ما زلت - بحبه.

و بحاول أعوض ده مع أمي -ربنا يديها الصحة- و بدأت أبوس إيديها متأخرة شوية و أقولها قد إيه بحبها و قد إيه بتوحشني.

الأولاد..

دول بقى ( موال لوحده ) ....ياسلام على بنتك او ابنك لما تاخديه فى حضنك وتقولى له ...عارف ماما بتحبك اد ايه ؟؟....سعادة ايه ونشاط ايه اللى بيبقوا فيه ...بيفرحوا فرحة رائعة وبيشعروا بالامان ...

ايوة ..بيشعروا بالامان .

ماشيين فى كل حتة وبيعملوا كل حاجة وهم عارفين ان فيه (( مسند قوى مسنودين عليه )) ..روح جميلة بتحلق حواليهم دايما ..

حنان ودفء رائع ...تخيلى بقى اولادى الاربعة ...بيقولوا لى بكل اللغات كل يوم انهم بيحبونى ...(( ويمكن ده فعلا الشئ اللى مخلينى على طول راضية وبحب الدنيا بحالها ...اكتفاء جميل جداااا

كلام صحيح جدا و لازم كل الآباء و الأمهات يجربوه .. و الحقيقة إنك فكرتيني يا مدام سلوى بقى لي فترة ما قلتش لولادي إني بحبهم ..شكرا!! :rolleyes:

بعد اسبوع ...كنا نسير فى اتجاه المسجد النبوى لاداء صلاة الظهر ...فجأة (( توقفت )) ..

اخذت رأس اختى بين ذراعى ..قبلتها فى جبهتها ..ثم على وجنتيها ..وقلت لها بكل الحب والحنان ...

عارفة انى بنحبك قوى قوى ؟؟ وعارفة انى جوايا بنشعر انك ابنتى البكرية وليست داليا ؟؟..

وترقرقت الدموع فى عينيها ..( ثم انهارت فى البكاء ) ..وبكيت معها ..!!

قالت ...عارفة ...وعارفة انى توأمك ...وعارفة ان الغربة وحشة ...زى مانا عارفة انى اوقات كتير بنقول سلوى قالت لى وسلوى علمتنى وسلوى وحشتنى ...بس سلوى اللى بتوحشنى ...بتوحشينى حتى وانتى فى مصر ..

مدام سلوى إنت رائعة !!!!!!!!

لونا العزيزة .. اشكرك جدا.

ويسعدنى انك رفعتى الموضوع .. هذا الموضوع من المواضيع التى احبها جدا واستشعر فعلا مدى اهمية تطبيقها فى حياتنا..

مدى اهمية التنبه من الأساس لوجود خلل فى طرق التعبير عن عواطفنا والسعى للتغلب عليه .

تعرفين انتِ ان اول طرق العلاج هو اكتشاف المرض ومن الغريب ان الكثير يتعايش مع جفائه وحدود القالب الذى وضع نفسه فيه

وجمد عواطفه دون اى محاوله للتغلب على ذلك ويظن من ذلك شيء طبيعى جدا ويخجل بشده من مجرد حديث العواطف .

ننسي كثيرا جدا ان الأيام تتسرب وان من هم حولنا اليوم قد نفقدهم غدا .

بالغ التحيه لك واكرر شكرى .

لولا

[emano]

فعلا الموضوع ده رائع انا من اول مفتحته وانا ببكى على فراق حبيبى ونور عينى وروح قلبى والدى رحمه الله عليه وافتكره لما كان يتصل بيا من مصر ويقلى وحشتينى قوى ياايمى يا حببتى انا بعد الايام علشان تنزلى واشوفك فعلا كان بيحبن وكنت بحبه قوى وكنا اصحاب يكلمنى يفضفض عن الى فى قلبه افتقده جدا ونفسى الزمن يرجع شويه واخده فى حضنى واقله انا من غيرك ولا حاجه يمكن الى بيصبر الواحد شويه وجود ماما وفعلا بحاول اديها حبها وحب بابا كمان ربنا يخليها يارب ويرحمك يابابا بس انا الحمد الله الى بحبه علطول بفضل اقله بحبك

بس الاولاد فعلا الواحد محتاج يعبر لهم اكثر

اما فى المحاورات انا بحب ناس كثيره ايمو بحس انها مرحه طبيعيه وحبوبه ام بلال بحس انها حنونه ومتزنه وكتير فتفوته لولاوذهبيه ومعلش طولت عليكم شكرا لولا على الموضوع الجميل ده

يعنى زوجى مبقولوش غير ياحبيبى

[لولا]

فعلا الموضوع ده رائع انا من اول مفتحته وانا ببكى على فراق حبيبى ونور عينى وروح قلبى والدى رحمه الله عليه وافتكره لما كان يتصل بيا من مصر ويقلى وحشتينى قوى ياايمى يا حببتى انا بعد الايام علشان تنزلى واشوفك فعلا كان بيحبن وكنت بحبه قوى وكنا اصحاب يكلمنى يفضفض عن الى فى قلبه افتقده جدا ونفسى الزمن يرجع شويه واخده فى حضنى واقله انا من غيرك ولا حاجه يمكن الى بيصبر الواحد شويه وجود ماما وفعلا بحاول اديها حبها وحب بابا كمان ربنا يخليها يارب ويرحمك يابابا بس انا الحمد الله الى بحبه علطول بفضل اقله بحبك

بس الاولاد فعلا الواحد محتاج يعبر لهم اكثر

اما فى المحاورات انا بحب ناس كثيره ايمو بحس انها مرحه طبيعيه وحبوبه ام بلال بحس انها حنونه ومتزنه وكتير فتفوته لولاوذهبيه ومعلش طولت عليكم شكرا لولا على الموضوع الجميل ده

'emano مشاركتك جدا صادقه .. لمستنى حقا . :lol: :sad:

تحياتى لك.

لولا

يعنى زوجى مبقولوش غير ياحبيبى