وزراء مالهمش لازمة .. عاملين للميزانية ازمة

[achnaton]

color=#0009ff]فيه مثل عامى بيقول " قليل البخت يلقى العضم فى الكرشة " وانا والحمد لله .. بختى عكس ضغط الدم عندى .. وكل مااهرب مما يثر اعصابى .. الاقى نفسى ودون ان أدرى بألطم واقول يا خرابى .. ويرتفع ضغط الدم عندى .. وينزل على اللوم من كل من يعرفنى .. والنهاردة الصبح كان مزاجى رائق تمام .. وكنت سعيد بزيارة جدى الشيخ حسن " رحمة الله عليه " لى فى المنام { انظر تقرير الزيارة فى المداخلة .. الديمقراطية .. والقق القناوية } وفى غمرة الفرحة غلطت أكبر غلطة .. حولت مؤشر التلفزيون على القناة الفضائية المصرية لأقول لمصر مع القائلين " صباح الخير " وركبنى ستين عفريت وارتفع مؤشر ضغط الدم عندى بعد دقائق فقط .. كان البرنامج يستضيف عضو من وزارة الكساد بيطلقوا عليه وزير التنمية الأدارية الراجل ده .. دكتور معرفش فى ايه .. ولكنه بيتكلم وكأنه عاطف عبيد نفسة ..نفس الأكاذيب والتصريحات الوردية ..كل شئ تمام والموظفين مبسوطين .. ومرتباتهم زادت معرفش بكام فى الماية .. والترقيات تمت للجميع ومفيش واحد من تنابلة الدولة الا ماهو واخد حقه على داير المليم .. والعاطلين تم تعينهم وجارى تعيين من لم يعين .. أنا قلت ايه الفتاكة دى كلها .. امال الموظفين فى مصالح الحكومية منهم نسبة كبيرة ليس لهم مكاتب أو كراسى يقعدوا عليها .. والمبنى اللى كانت قاعد " يميس " فيه ويسرد قصص الف ليلة وليلة .. فيه الآلاف بدون عمل بيقبضوا ملاليم فى آخر الشهر والأسم موظفين .. فى مبنى الفساد الشهير بماسبيرو أعرف موظفين بمؤهلات عالية يترددون يومين فى الأسبوع فقط على مكاتبهم .. التى يتبادلونها مع زملاء آخرين ..

المهم الأخ وزير التمنية الأدارية .. بعد أن نثر الورود .. وطلا الجو كله بالديكو الوردى زى رئيسة غراب الخراب .. قال جملة قبل الختام .. جابتلى العصبى وركبتنى الستين عفريت اللى أشرت اليهم .. معالى الوزير نسب كل انجازات الوزارة التى يرأسها ... والتى عددها فى جلسته الى السيد الرئيس محمد حسنى مبارك .. قائلا بالحرف .. لولا بعد نظر وحنكة السيد الرئيس وتوجيهاته والخطة اللى وضعها سيادته للنهوض بالموظف المصرى لما وصلنا الى ما نحن فيه .. !!!

ومعنى هذا .. أن السيد الوزير مجرد شخصية شرفية او خيال مآته فى الوزارة دى .. وجميع الأعمال والخطط يضعها السيد الرئيس محمد حسنى مبارك .. طيب .. إذا كان الأمر كذلك .. فليه كل هذه المصروفات ووزارة وموظفين .. وسعاة .. ومكاتب للسيد الوزير ووكلائه ومستشاريه .. ما كفاية علينا جهد السيد الريس .. ونلغى حكاية الورراء دى .. وخزينة الدولة الخربانه أولى بما يصرف لهم .. ونتقل شوية على السيد رئيس الجمهورية .. ماهو مادام هو اللى بيعمل كل حاجة .. يبقى خلاص .. نروح الناس دى مالهاش لزمه ..

المصيبة ان معالى الوزير ما بيقولشى زى زمايله .. بناء على توجهات السيد الرئيس .. لأ .. دا بيقول أن السيد الرئيس هو اللى وضع خطة النهوض بالموظف المصرى .. أقفلوا هذه الوزارة .. وكفايه أن معالى الوزير حيأخذ معاش قد كده .. وهو لا يستحقه ..

معايا حق أتنرفز .. ويرتفع ضغط الدم عندى .. ولا أنا متحامل على معالى الوزير ؟؟؟ افيدونا أفادكم الله .. وعهد منى أن اقاطع الفضائية النفاقية ..

اخناتون المنيا .. الحزنان .. المرضان من زمان

[الطفشان]

وفى غمرة الفرحة غلطت أكبر غلطة .. حولت مؤشر التلفزيون على القناة الفضائية المصرية لأقول لمصر مع القائلين " صباح الخير " وركبنى ستين عفريت وارتفع مؤشر ضغط الدم عندى بعد دقائق فقط ..

ليه بس كدة يا أخناتون!

حد يعمل كدة!

تصدق و تآمن بالله؟ انا عندي دش هنا

بس مافيهوش غير قناة مصرية واحدة بس (النيل باين)

و لا اراها ابدا، خوفا من حرق الاعصاب

قال جملة قبل قبل الختام .. جابتلى العصبى وركبتنى الستين عفريت اللى أشرت اليهم .. معالى الوزير نسب كل انجازات الوزارة التى يرسها والتى عددها فى جلسته الى السيد الرئيس محمد حسنى مبارك .. قائلا بالحرف .. لولا بعد نظر وحنكة السيد السيد وتوجيهاته والخطة اللى وضعها للنهوض بالموظف المصرى لما وصلنا الى ما نحن فيه .. 

...

المصيبة ان معالى الوزير ما بيقولشى زى زمايله ب .. بناء على توجهات السيد الرئيس .. لأ .. دا بيقول أن السيد الرئيس هو اللى وضع خطة النهوض بالموظف المصرى 

طب سؤال صغير عبيط

مش مبارك موجود من 22 سنة؟

طب ليه ماوجهش تعليماته و حنكته و بعد نظره من 15 مثلا؟

معايا حق أتنرفز .. ويرتفع ضغط الدم عندى

معاك حق

بس ماتحطش نفسك في الموقف دة تاني

عشان صحتك

[الأفوكاتو]

يا إخواننا لماذا أنتم غاضبون الآن؟

المفروض أن من يتعرض للميكروب لمدة طويلة, أن يكتسب مناعة.

و لقد تعرضنا لهذا الميكروب لمدة 51 سنة, منها 22 سنة بالجرعة المضاعفة, فلابد أننا قد إكتسبنا الآن مناعة ضد القرف, و الغضب.

إذا أردتم مزيدا من المناعة و الحصانة, إقرؤا الجمهورية ثلاث مرات يوميا على الريق.

بالهناء و الشفاء.

[Sherief AbdelWahab]

سؤال قليل الأدب: يعني إيه كلمة تنمية ادارية أصلا؟

خلص الكلام

[kokowawa1979]

عفريت اللى أشرت اليهم .. معالى الوزير نسب كل انجازات الوزارة التى يرسها والتى عددها فى جلسته الى السيد الرئيس محمد حسنى مبارك .. قائلا بالحرف .. لولا بعد نظر وحنكة السيد السيد وتوجيهاته والخطة اللى وضعها للنهوض بالموظف المصرى لما وصلنا الى ما نحن فيه

مايكونش الوزير أخو سمير رجب في الرضاعة

[Salwa]

اولا...وثانيا..وثالثا...الى مالانهاية.

احنا مش قلنا ان فيه بالونتين ...كبار قوى قوى.

هلاميتين..

كل واحدة موجودة فى كوكب يختلف عن الكوكب الآخر.

بس متزعلوش....هما فى نفس الكوم..أسفة..قصدى...الكون.

دول يحضروا ويطبلوا ويصفقوا و...و..و..الخ.

وفيه جدار سميك...لايصل مايقال للخارج...ثم فضاء...ثم جدار آخر للكرة او البالون الثانى تمنع او تعوق الدخول.

فى حالة الخروج من الشرنقتين او البوتقتين ..ممكن محاولة الاصلاح.

والحجرة لم تكن وردة...بل كانت حمراء...بلون الدماء التى تفور غيظا.

كانت باينة ديسكوتيكا.

نصيحة طبية ...الامتناع عن رؤية اى اخبار عربية.

سلامى.