ينفع اخد هارد الكومبيوتر معي وانا مسافر للسعوديه

[ozoozo]

انا انشاء الله مسافر السعوديه كمان اسبوع وعايز اخد الهارد بتاع الكومبيوتر معايا وهو عليه برامج مش اوريجينال وافلام -طبعا عاديه مافيهاش حاجه- وشويه كارتون عشان الواد ابني(وابوه طبعا) وشويه كتب pdf وكام فيرس تروجان مش عارف اشيلهم

فهل ده ممكن يعملي مشكله في المطار عشان الملكيه الفكريه ولا عادي وهل ينفع اخد الهارد ولا هاقعد جنبهم في المطار عقبال مايفحصوا 160 جيجيا

[sayed metwally]

يا عم تعالي ولو عايز تجيب 100 هارد هات بس اياك تنسانا في البرامج الحلوة من عند ام الدنيا

[ahmedr]

ممكن تاخد الى انت عايزه وحطه على فلاشه ودلوقتى الفلاشات مساحتها كبيره وتعدى عادى واحد صاحبى سافر قريب وخدها معاه فى سلسله المفاتيح احسن من وجع دماغ الهارد

[قاهرى]

عادى جدا توصل بالسلامة

[شريف حمدي]

اعتقد ان مفيش فيها مشكلة اطلاقا

انا كمان رايح ان شاء الله وهيكون معايا الاب توب بتاعي والهارد بتاعه عليه برامج 250 جيجا

وسالت علي الموضوع ده قالوا مفيش فيه اي مشكلة

[الحازم حسن]

كان معايا حوالي 160 سي دي اتفتشوا كلهم تفتيش ذاتي وأنا في مطار جدة لكن الجهاز نفسه لأ

[الحازم حسن]

همه ملهومش أي علاقة بموضوع البرامج أصلية أو منسوخة التفتيش بيكون لأغراض أمنية بس يعني المواد السياسية والإباحية .. ده إذا كان في تفتيش وإن شاء الله ميحصلش

[Modest]

لو تقدر تشيلُه في جيبك يكون أفضل من إنك تضعه في شنطة لإن الشنط تمر من خلال جهاز الفحص و بالتأكيد سيظهر الهارد ديسك على شاشة الجهاز و ساعتها ممكن موظف الجمارك يتحفظ عليه و يعطيك إيصال لتعود و تستلم الهارد ديسك بعد مراجعته بواسطتهم.

حصل معي نفس الموقف في بداية العام الحالي و عندما وجدني الموظف هاديء و غير قلِق من إبقاء الهارد ديسك عندهم غيّر رأيه و اعطاني الهارد ديسك بعد أن سألني عن المحتوى و أجبته بصدق أن به بعض البرامج و الأفلام و الصور العائلية.

في نفس الوقت كان في جيبي 2 فلاش ميموري كل منهم 8 جيجا .. لكن كانوا فاضيين :sad:

[Dr.mmfriend]

انا خدت لابتوب مليان افلام والعاب

ولا حد فتحه ولا قال عليه ايه

وكان معايا حوالى 40 ديفيدى برضه عليهم مسلسلات والعاب

ولا حد فتح الشنظه ولا بص اساسا

نصيحه

هات الى انت عايزة محدش بيبص

[ABOU OMAR]

طيب و لو ليا ملف عند إخوانا البعدا ؟؟!!!!!! B)

[المعتصم]

بسم الله الرحمن الرحيم

يا اخي ما أنصحك به الاتي

1- توكل علي الله الحي الذي لا يموت

2- خذ نسخة من الهارد وابقها عندك في مصر

3- استعمل برنامج انكريبت واخفاء قوي

اذا اردت برنامج ممكن ادلك عليه

4- خذ الهارد معاك وتوكل علي الله

لا تقلق انت يعني معكش مخطط اقامة دولة الخلافة B)

[شاب مصري]

خد الهارد يا عم الحاج ودلع نفسك .

[أسد]

الكلام اللي قاله Modest هو الأكثر دقة ..

وهو ده اللي بيحصل ..

وفي العادة .. مفيش مشكلة إلا في حالة وجود أفلام أو صور إباحية ..

أو أي ملفات أو كتب سياسية أو دينية محظورة

[sherifhfm]

والله يا اخى وانا مسافر الكويت

اخذت معايا 3 هارد ديسكات ومحدش بص عليهم حتى

بس اعتقد ان انته وحظك

[ELSHAMY]

طب ليه وجع الدماغ...

ما تشترى واحد جديد من السعودية....

[ozoozo]

مش مشكله شراء مشكله البرامج والكتب والافلام اللي عليه امال هاعمل ايه هناك اكلم نفسي يعني??????????????

[ELSHAMY]

مش مشكله شراء مشكله البرامج والكتب والافلام اللي عليه امال هاعمل ايه هناك اكلم نفسي يعني??????????????

يا ozoozo

كده وقعت فى الفخ

انا فاهم طبعا...دى بس مداعبة...

[essamalshaaer]

السلام عليكم

حصل من 4 شهور ان واحد زميلي كان جاي الرياض وأنا في أنتظاره في المطار

أتحجز الهارد منه في المطار وأخذوه منه وسلموه وصل لأستلامه بعد أسبوع

وأستلم الهارد بعدها ومفيش أي حاجة ...............المهم حرص كويس أي حاجة على الهارد انت شايف انها مش ضرورية شلها أحسن

لأن هنا بدأو يدققوا على كل حاجة .... بالذات المواقع الجهادية والسلفية وأنت عارف ....ربنا يوفقك وشكرا

[ozoozo]

اللي خايف منه انه يقولو حق الملكيه الفكريه بس عشان الافلام والبرامج المنسوخه

[Ahmed Unknown]

اللي خايف منه انه يقولو حق الملكيه الفكريه بس عشان الافلام والبرامج المنسوخه

هنا عمرى ما سمعت عن موضوع الملكيه الفكرية ده فى مصر بس اللى مشددين عليه (سبوبه يعنى)

انا نزلت مصر قبل كده بلاب توب و اكسترنال هارد ديسك و سى ديهات كتير و محدش سألنى ايه اللى معاك

و طبعا الفلاش ميمورى محدش بيبص فيها