استقدام العائلة

[tarek nokia]

لقد قمت من فترة بعمل استقدام لعائلتي وقمت بدفع 11500 ريال لمعقب لكي يعمل استقدام لي عائلتي لأني اتيت على فيزة عامل لدي استفسار هل احد قد قام بي احضار عائلته بنفس الطريقة وقام بالسفر الى مصر والرجوع من دون مشاكل او تحقيقات لأني سمعت بأنه يقومو بالتحقيق معك كيف احضرت الفيزة او هل احد جدد الأقامة من غير اي مشاكل وشكرا لكم

[eng hoss]

اللى أنا أعرفه أن فى ناس كتير عملوا كده

وبقالهم سنين على نفس الحال لأن التأشيره سليمه وبتطلع من الجوازات

وانت بتدفع ال 2000 الرسميه بتاع الأستقدام وقوانينهم على نفسهم ولو حصل اى مشكله

قولهم أسألو نفسكم أنت عملتوا التأشيره سليمه ازاى انت ما عليك غير أنك تتأكد من صحتها

وما تكونش مزوره وأحيانا بيسمحوا بالاستقدام لكل المهن

[tarek nokia]

السلام عليكم

شكرا لردك اخي الكريم بالنسبة للأقامة فهيا سليمة لأن عائلتي هنا وقد قمت بعمل اقامة لهم ولكن سمعت الأخ سي السيد يقول انه يقوموا بعمل تحقيق معك عند السفر

او تجديد الأقامة فلو اخ من الأخوان يخبرني عن تجربة شخصية او لصديق ليه لكي الواحد يطمن وشكرا

[nashwa anshasi]

اخ طارق بالنسبة لموضوع تجديد الاقامة زي حضرتك فأنا لي اخت مقيمة بالرياض منذ 3 سنوات وفيزة زوجها مهنة عامل شحن وتفريع

ودفع 12000 الف ريال للاستقدام وجددت هي واطفالها اقامتهم اكتر من 3 مرات ومحدش سألهم منين وازاي فاطمن وهدي بالك هو احنا بنعمل كده ليه غير لانه الواحد ما بيقدرش يعيش بدون عائلته ويمكن حضرتك قرأت قصتي اللي طرحتها في المنتدى عن نفس الموضوع ولغاية دلوقت مش عارفين نعمل الاستقدام مع أن مهنة زوجي بتستقدم ويحمل مؤهل جامعي .فسيبها على الله والله راح يفرجها عالجميع

اتمنى اكون قد افدتك من هذه الناحية.

[se_ Elsyed]

السلام عليكم

شكرا لردك اخي الكريم بالنسبة للأقامة فهيا سليمة لأن عائلتي هنا وقد قمت بعمل اقامة لهم ولكن سمعت الأخ سي السيد يقول انه يقوموا بعمل تحقيق معك عند السفر

او تجديد الأقامة فلو اخ من الأخوان يخبرني عن تجربة شخصية او لصديق ليه لكي الواحد يطمن وشكرا

أيوه عندي حالات إتحقق معاهم عند تجديد الإقامة .. ولكن طالما الورق سليم ومش مزور فمش هايقدروا يعملوا حاجه .. لإن التأشيرة بتطلع من وزارة الداخلية .. فلو كان التزوير من عندهم يبقى الموظف مالوش أي ذنب ..

وإطمئن الأمور هاتمش تماما .. قما قلت فهي كانت حالات إنتقائية وخصوصاً من جنسيات غير عربية .. يعني سواق او عامل بناء هندي مثلاً ويفاجئوا إنه عامل غستقدام فبيحققوا معاه وكلهم عدوا ومافيش حد إتقفش ..

[tarek nokia]

بسم الله الرحمن الرحيم

الله يبارك فيكم جميعا ويطمنكم زي ماطمنتموني

[mahmoudyk]

ارجو من الأخوة الأعضاء توضيح كيفية استقدام زوجتى حيث اني على مهنة عامل شحن وتفريغ واعمل كمحاسب فأرجو ممن استقدم زوجته وكانت حالته مثلي ان يدلني على الطريقة وجزاكم الله خيرا

[خالد شحاته]

الان ارتفعت الاسعار الان تتراوح بين 14000 و15000 ومنهم الفين البنك

اما بالنسبه لتجديد اقامه الزوجه لو فيه اي مشكله شوف معقب من بره الشركه يجددها وخلاص لان المعقبين الا بيخدو راتب بكبر دماغهم اي شي يقول رجعت وطلبين وكله كلام فاضي

[doha]

11 و 12 ايه الارقام المرعبة دي ..

طيب والي فيزا بكالريوس مسموح لها تستقدم بيدفع الالفين بس الرسوم ولا برضه له من الارقام دي نصيب ؟

[خالد شحاته]

11 و 12 ايه الارقام المرعبة دي ..

طيب والي فيزا بكالريوس مسموح لها تستقدم بيدفع الالفين بس الرسوم ولا برضه له من الارقام دي نصيب ؟

المهم تكون المهنه مطابقه المؤهل ويكون مؤهل عالي يدفع فقط الالفين ريال

[doha]

شكرا على الافاده ..

طيب سؤال تاني سخيف معليش واكيد بيتكرر كتير ..

دلوقت لو في وحده زي حالاتي زيارة عائلية ممكن تنقل على كفالة زوجها وتتحول لاقامة بدون ماتضطر تنزل مصر ويعمل لها استقدام من اول وجديد ؟ ده بافتراض برضه ان اقامته بكالريوس ومسموح له يستقدم زوجه . .

سمعت انها محتاجه وسايط جامده وناس تانيه قالت لي عادي وناس تالته قالت مكاتب الاستقدام الي عندهم طرق ملتويه يعرفوا يخلصوها .. هل فعلا الحكاية صعبه ولا ده بالنسبة للي مش مسموح له اساسا بالاستقدام ولا هي صعبه على الكل ؟

[خالد شحاته]

شكرا على الافاده ..

طيب سؤال تاني سخيف معليش واكيد بيتكرر كتير ..

دلوقت لو في وحده زي حالاتي زيارة عائلية ممكن تنقل على كفالة زوجها وتتحول لاقامة بدون ماتضطر تنزل مصر ويعمل لها استقدام من اول وجديد ؟ ده بافتراض برضه ان اقامته بكالريوس ومسموح له يستقدم زوجه . .

سمعت انها محتاجه وسايط جامده وناس تانيه قالت لي عادي وناس تالته قالت مكاتب الاستقدام الي عندهم طرق ملتويه يعرفوا يخلصوها .. هل فعلا الحكاية صعبه ولا ده بالنسبة للي مش مسموح له اساسا بالاستقدام ولا هي صعبه على الكل ؟

السلام عليكم ورحمة الله وبركاته

التحويل من زياره لاقامه محتاج امر من وزاره الدخليه السعوديه

وده طبعا مكلف جدااااااااااااا وكتير منهم بيترفض انما الاحسن ان زوجك بكالريوس الاستقدام الرسمي افضل شي

تم تعديل 18 مارس 2009 بواسطة خالد شحاته

[omaralgndy]

انا مهنتي عامل شحن وتفريغ هل مسموح ليها بالزيارة لاني سمعت انهم احيانا بيوافقوا واحيانا لا

وهل ممكن اعدك المهنة بدورات الكمبيوتر مع ان مؤهل ليسانس لغة عربية وجزاكم الله خيرا

[loyal]

السلام عليكم ورحمة الله وبركاته

سمعت من حضراتكم هنا موضوع المعقب وان بيخلص الاوراق ، أنا جوزى بيشتغل أستاذ فى الجامعة بس مش عنده اجازة يروح الدمام هو فى الاحساء ، هل ممكن يدى الورق لمعقب يخلصله الورق ويعملى استقدام لحسن انا بقالى شهرين مستنية فرصة انه يروح الدمام ومش عارف ، فهل ممكن المعقب ده وهو من الجامعة نفسها يعنى موجود فى كل جهة ولا دى مكاتب خاصة يعنى معقبين خاصين وتكلفة ده كام ، أنا أعرف ان الاستقدام بيدفع له 500 ريال فهل لو كان فيه معقب حيدفع أكثر شوية وكام

متشكرة مقدما على كل اللى حيرد على وياريت فعلا الاخوة هنا يفيدونى عشان الموضوع ده عملى مشكلة جامدة وانا عروسة جديدة وعاوزة الحق جوزى ان شاء الله

جزاكم الله خيرا

[Smiley]

أعرف انه الآن يقوم البريد الوطني السعودي ببعض الخدمات (التعقيب) في المصالح الحكومية منها على سبيل المثال تجديد رخصة القيادة

ويمكن عن طريق مكتب البريد الوطني السعودي تقديم المستندات المطلوبة مكتمله لهم وهم يقومون بتوصيلها للجهة الحكومية وايفادكم بالرد

زملائي قدموا أوراق تجديد رخص القياده بهذه الطريقة والرسوم 25 ريال فقط وأخبرني زميلي عن أن رسوم الاستقدام 100 ريال ولكني غير متأكد من هذه المعلومة

بكل سهولة يمكن لزوج حضرتك الذهاب لمكتب البريد بالإحساء قبل الساعة الرابعة والنصف عصراّ حسب ما أتذكر والأضمن أن يذهب قبل الثانية بعد ظهر - والسؤال به وان شاء الله يكون كما ذكرت

تمنياتي بالتوفيق

تم تعديل 18 نوفمبر 2009 بواسطة Smiley

[loyal]

أعرف انه الآن يقوم البريد الوطني السعودي ببعض الخدمات (التعقيب) في المصالح الحكومية منها على سبيل المثال تجديد رخصة القيادة

ويمكن عن طريق مكتب البريد الوطني السعودي تقديم المستندات المطلوبة مكتمله لهم وهم يقومون بتوصيلها للجهة الحكومية وايفادكم بالرد

زملائي قدموا أوراق تجديد رخص القياده بهذه الطريقة والرسوم 25 ريال فقط وأخبرني زميلي عن أن رسوم الاستقدام 100 ريال ولكني غير متأكد من هذه المعلومة

بكل سهولة يمكن لزوج حضرتك الذهاب لمكتب البريد بالإحساء قبل الساعة الرابعة والنصف عصراّ حسب ما أتذكر والأضمن أن يذهب قبل الثانية بعد ظهر - والسؤال به وان شاء الله يكون كما ذكرت

تمنياتي بالتوفيق

متشكرة لحضرتك جدا على الرد ، وعامة موضوع البريد السعودى ده يبقى كويس عشان جهة حكومية ، يا رب تبقى المعلومة دى صح وجزاك الله خيرا

ولوتذكرت لقتراحات أخرى في ريت تقولها لان موضوع الاستقدام ده عامل مشكلة عشان الوقت المزنوق

[رضا صابر]

أنا مهنتي عامل في الأساس ولكن غيرت مهنه عند نقل الكفالة فهل ممكن استقدم عائلتي بأي طريقة وهل ممكن أغير مهنة تاني وأستقدم العائلة لو أحد عنده أيه إفادات فجزاكم الله خيراً أفيدوني

[رضا صابر]

أنا مهنتي زي ما قلت عامل شحن وتفريغ فلو أحد عنده حل علشان استقدام العائلة لو سمحتم وجزاكم الله خير .

تم تعديل 23 ديسمبر 2009 بواسطة Folana
حذف البريد الالكترونى