أرغب بمساعدتكم لشراء سيارة بالرياض

[holmez]

أحب أولاً أن أبدي إعجابي بالمواضيع الجميلة جداً اللي قرأتها في المنتدى ده وآخرهم موضوع الأستاذ أحمد ابراهيم

> اشيروا علي : نويت اترك الحياة في الغرب والاتجاة لبلد اسلامي

ومواضيع أخرى رائعة

أنا لي طلب شخصي للمصريين اللي في الموقع هنا الموجودين في الرياض إذا بامكانهم يساعدوني في شراء سيارة مستعملة بحالة جيدة بسعر منخفض لا يتجاوز 10 ألاف ريال سواء بالمشورة أو بإخطاري ان كان أحدكم أو أحد أصدقائكم لديه سيارة يرغب ببيعها

وإن لم يكن فأتمنى أن تشيروا علي بالموديلات اللي تناسب ميزانيتي وتناسب اني سائق مبتدئ جداً ومعدوم الخبرة بالسيارات والاستشارات اللي تلقيتها من أصدقائي توهتني زيادة ما بين من يقول لي أهتم بحالة السيارة فقط ومن يقول اهتم بتوفر قطع الغيار ومن يقول اشتري من معرض أو حراج ومن يقول احذر المعارض ... إلخ

وربنا يجازي كل من يهتم بالرد كل خير

[sherifhfm]

اخى انا اقيم فى الكويت ولكن عن تجربة للسيارات انحص بشدة بسيارة موديل تيوتا كامرى

[se_ Elsyed]

مستحيل يا عم سيارة كامري بميزانيته التي لا تتعدى 10 آلاف

يبقى خليك في الهيوندايات أو الهوندات اللي قبل 2000 ... طالما ميزانيتك محدودة ... بس اهم حاجه قبل ما تشتري من أي حته يكون معاك حد بيفهم في العربيات وكمان تغرم 100 ريال زيادة وتفحصها كمبيوتر عند أي محطة فحص تخص " ساكو " ودي موجودة بالحراج بالرياض لإعنهم بيفحصوا كمبيوتر وكمان فني من عندهم بيطلع معاك يسوقها ويكتبوا لك تقرير بالشاردة والواردة بها .. ولو لقيت فيها حاجات خطيرة هاتكلف يبقى لا تشتريها .. يعني تشترط على البائع ان السيارة تبقى على الفحص ..

[holmez]

جزاكم الله كل خير يا إخواني

الحقيقة أصدقاء ليا قلقوني من موضوع الشراء من الحراج أو المعارض وقالوا ان البائعين معظمهم بيعمل حاجات يداري بها عيوب السيارة اللي ممكن تكون سبب صداع دائم للمشتري وان الأفضل الشراء من صديق أو معرفة

هل ده صحيح

[أحمد سيف]

كما قالت الأخت أم بلال ... الكورولا ممتازة وممكن تلاقي حاجة موديل التسعينات بهذا السعر ... النيسان سني ... الهيونداي سوناتا ... الهوندا سيفيك ... الكيا أوبتيما (موديل جديد شويه)

أنا عن نفسي اتفقت امبارح بس على بيع هيونداي سوناتا بتاعت المدام موديل 2000 ماشيه 140 ألف بسعر 8000 ريال، وحالتها كويسه و إستعمال إيد واحده بس أنا كنت مستعجل شويه في البيعه علشان هاشتريلها سياره جديده :ninja: ، عموما لو اللي شراها رجع في كلامه ها أقولك على طول، وممكن أكرمك فيها وتاخذها ب9000 بس :blink:

تم تعديل 13 أكتوبر 2008 بواسطة أحمد سيف

[ام بلال]

نصيحة ابعد عن المرسيدس واي حاجة وارد اوروبا وليست مطابقة للمواصفات الخليجية لأنها هتكون بتسخن والمكيف بتاعها تعبان.

ممكن تشوف توبوتا كورولا . الأربعة سلندر ممتاز عشان مابيحرقش بنزين وال6 سلندر بخاخات كانت عندنا ممتازة برضه ما بتحرقش بنزين . الأمريكي المستعمل عيبه بيحرق بنزين كتير وكمان قطع غياره غالية . الشعبي والمعروف جدا في دول الخليج وبتستحمل هي التويوتا وأهم حاجة تشوف حاجة في حدود امكانياتك. أهم حاجة كما ذكر الأخ سي سيد فحص الكمبيوتر ولا تعتمد على خبرة بالعين المجردة أو سماع الأذن والمئة ريال مش خسارة في الفحص . واهم حاجة تكون استمارتها متجددة لأنها بتكلف 300 ر والتأمين 400 وممكن تدخل في الألف ريال يعني لازم تتأكد ان فحصها ساري المفعول وعلى البائع.في سوق حراج في الشفا وواحد في النسيم. خلي الميكانيكي اللي هيعملك فحص الكمبيوتر يتأكد من كاوتش العربية لأننا اشترينا سيارة كانوا غسلين كاوتشها واتضح انه قديم ويحتاج تغيير والفردة الواحدة في حدود 150 ريال.

صلي استخارة وادعي الله ربنا يكفيك شر الغشاشين واذهب للحراج لوحدك حتي لا تكون تحت اي ضغوط. اذا قررت شراء سيارة من معرفة اوعى تغتر بأه شكله كويس أو من بلديتنا الفيصل هو فحص الكمبيوتر . مشكلة المعارف ممكن يحرجوك وما تعرفش تاخد راحتك في الفصال وتفلي الحاجة براحتك ( قالوا لحمتك مشغتة ليه اصل الجزار معرفة)

ربنا معاك وبالتوفيق.

[ام بلال]

الأخ الفاضل احمد سيف انا اكملت ردي لأن حصلت مشكلة عندي في الكمبيوتر ولا اقصد من قريب او بعيد بكلامي حضرتك معذرة ان كان هيحصل لبس غير مقصود

[se_ Elsyed]

ما شاء الله عليكي ا أم بلال .. إيه الخبرة دي ؟ إنتي بتسوقي في الخباثة هنا ولا إيه ؟

وبعدين إنتي وأحمد سيف محسسني إني مش في السعودية ..

إنتي معلوماتك جيدة عن السيارات

واحمد سيف يقول : بأبيع عربةي المدام ؟

مدام كده بقى :ninja: يبقى إشرحوا لي بتعملوها إزاي عشان مراتي عايزة تسوق - تسوق الدلال - ومش عارف اعمل إيه في السعودية ؟

[أحمد سيف]

لا يا أم بلال ما تاخديش في بالك ... أنا ما جاش في بالي أي حاجه من دي خالص

الأخ الفاضل سي السيد ... لحسن حظي إني مش عايش في السعودية ... أنا جاركم في البحرين (وشويه واهاجر على أبو ظبي) ... علشان كده المدام بتقدر تسوق براحتها ... وبخصوص معلوماتي عن سوق السيارات فانت سيد العارفين أن الأسعار والمواصفات والأذواق في دول الخليج متقاربه ... علشان كده أنا بافتي الموضوع ... ولو إنه المفروض لا يفتى و س س في السعودية

[Ahmed Unknown]

نصيحة ابعد عن المرسيدس واي حاجة وارد اوروبا وليست مطابقة للمواصفات الخليجية لأنها هتكون بتسخن والمكيف بتاعها تعبان.

فعلا السيارات الاوربية و خصوصا البى ام دبليو فى السعودية بتبقى مستهلكة تماما و تكاليف صيانتها مرتفعه نسبيا

اذهب للحراج لوحدك حتي لا تكون تحت اي ضغوط. اذا قررت شراء سيارة من معرفة اوعى تغتر بأه شكله كويس أو من بلديتنا الفيصل هو فحص الكمبيوتر . مشكلة المعارف ممكن يحرجوك وما تعرفش تاخد راحتك في الفصال وتفلي الحاجة براحتك ( قالوا لحمتك مشغتة ليه اصل الجزار معرفة)

الاخ العزيز صاحب السؤال كما ذكر فى البداية انه خبرتة قليله فى السيارات فنصيحة لا تذهب الى الحراج بمفردك كله تجار و غشاشين

حاول تاخد معاك حد عنده خبرة بالسيارات فى السعودية و يكون افضل لو كان سعودى (بيعرفوا التجار و الخدع اللى بيعملوها فى العربيات و المشاكل المستخبية)

و خلى بالك ان بعض التجار فى الحراج(السوق) بيكون ليهم معارف فى مراكز الفحص و بيتفقوا على خداع الزبون .....

و ربنا يوفقك ان شاء الله

[holmez]

مش عارف أقول لكم ايه والله

جزاكم الله جميعاً كل الخير على اهتمامكم

فيه يا جماعة حاجة وسط ما بين الشراء من الحراج وما بين الشراء من معرفة

وهي الشراء من إعلان (في الوسيط مثلاً)

أنا لقيت موقع الوسيط على النت وفيه اعلانات سيارات شبه يومية

www.ewaseet.com

ايه رأيكم ؟؟؟

بناءاً على نصيحتكم جميعاً ان شاء الله فحص الكمبيوتر ده هيكون أساسي في السيارة اللي هانوي اشتريها

وبالمناسبة أماكن فحص الكمبيوتر بتكون عند الحراج بس ولا ممكن تكون في أماكن ثانية؟؟

وكمان بناءاً على كلامكم يفضل استبعاد السيارات الأوربي ولو ان المرسيدس هنا منتشر بشكل كبير زي ما بألاحظ وانتوا عارفين ان المصري بيميل بالفطرة للمرسيدس وكمان البي ام موجود بشكل معقول؟

عموماً لما أخدت نظرة عامة كده على الأسعار على الوسيط ... التويوتا هي الأكثر شيوعاً ومحافظة قوي على سعرها ولو نويت اشتري تويوتا بميزانيتي دي هتكون موديل أواخر الثمانيات (مش عارف هالاقي أوتوماتيك منها ولا لا) وتلي التويوتا الهوندا والنيسان ممكن ألاقي موديلات التسعينات بالسعر اللي أقدر عليه أو كوري موديل بعد 2000

رأيكم يا جماعة أركز في أي موديل ؟

مرة أخرى ألف شكر لكم جميعاً

[SajedSoft]

طب ايه رايكم فة توياتا ايكو سعرها حنين شوية بس بيقولا خفيفة على الطريق

تنصحونا بايه

[tarek nokia]

السلام عليكم

انا انصحك تويوتا كورولا موديل 1999 حتلاقي سعرها 12000 او هونداي او ايكو

[ام بلال]

مش عارف أقول لكم ايه والله

جزاكم الله جميعاً كل الخير على اهتمامكم

فيه يا جماعة حاجة وسط ما بين الشراء من الحراج وما بين الشراء من معرفة

وهي الشراء من إعلان (في الوسيط مثلاً)

أنا لقيت موقع الوسيط على النت وفيه اعلانات سيارات شبه يومية

www.ewaseet.com

ايه رأيكم ؟؟؟

بناءاً على نصيحتكم جميعاً ان شاء الله فحص الكمبيوتر ده هيكون أساسي في السيارة اللي هانوي اشتريها

وبالمناسبة أماكن فحص الكمبيوتر بتكون عند الحراج بس ولا ممكن تكون في أماكن ثانية؟؟

وكمان بناءاً على كلامكم يفضل استبعاد السيارات الأوربي ولو ان المرسيدس هنا منتشر بشكل كبير زي ما بألاحظ وانتوا عارفين ان المصري بيميل بالفطرة للمرسيدس وكمان البي ام موجود بشكل معقول؟

عموماً لما أخدت نظرة عامة كده على الأسعار على الوسيط ... التويوتا هي الأكثر شيوعاً ومحافظة قوي على سعرها ولو نويت اشتري تويوتا بميزانيتي دي هتكون موديل أواخر الثمانيات (مش عارف هالاقي أوتوماتيك منها ولا لا) وتلي التويوتا الهوندا والنيسان ممكن ألاقي موديلات التسعينات بالسعر اللي أقدر عليه أو كوري موديل بعد 2000

رأيكم يا جماعة أركز في أي موديل ؟

مرة أخرى ألف شكر لكم جميعاً

اللي ممكن يتفققوا مع اصحاب المعارض هم الميكانيكية لكن لو فحص على جهاز الكمبيوتر مش هيقدر يفبركه.

المعارض والوسيط والمعرفة كما اسلفت الفيصل فيه هو فحص الكمبيوتر.

الهونداي والكوري عموما مشكلتها ان سعره بينزل جامد لما تعوز تبيعها تاني بالإضافة لإن البودي بتاعهم خفيف بعكس الياباني

كمان شكمان الكوري بيفوت جامد.

الأتوماتيك مشكلته لو عطل مثال حصل معانا الشباك علق على المفتوح وكانت الدنيا مطر متخيل حصل ايه؟ واحد صاحبنا اولاده اتحبسوا بسبب ان ابنه لعب في الأرقام السرية وعلق الباب وماكانش عارف يطلعهم لحد ماجاب صاحب السيارة الأولاني .

اذا تقصد بالأتوماتيك الجير فلو عطل مكلف جدا .

أستاذ سيد أنا ما بسوقش لكن ربنا يبارك في زوجي نقلت لكم خبرته وبما اننا بنتشاور في كل شيء فعندي فكرة كويسة.

[ام بلال]

الهوندا البودي كويس قطع غيارها غالية.

الكوري أسلفت الكلام عليه.

الأوروبي كمان تكلمنا عليه

الأمريكي ممتاز بس بيحرق بنزين ( معظمه 8 أو 10 سلندر)

الياباني وخصوصا التويوتا هي اللي تعتبر أفضل حاجة في الخليج قطع غياره متوفرة ورخيصة والميكانيكية بتوعه مليين الدنيا.

هناك أنواع زي الأوروبي بتكون صيانتها عن الوكيل ودول اسعارهم نار.

واحد صاحب زوجي اشترى رينو تحفة كانت على الزيرو سعرها فوق 100 ألف ريال والله من كتر ماصرف عليها باعها تشليح

(يعني بحوالي 3000 ر)

التويوتا الإيكو كويسة لكن مش عائلية محندقة قوي وصغيرة لكنها تويوتا

ربنا يوفقك

[holmez]

جزاكي الله كل خير يا أم بلال

[HDarwish]

بص كده على تويوتا تيرسيل

هنا في الكويت سعرها فيما يعادل مصري عشرة آلاف أو أثنى عشر ألفا مش عارف في السعودية بكام

بس سيارة حلوة وماشي حالها

[Ahmed Unknown]

منتدى ممتاز جدا للسيارات فى الخليج:

http://www.assayyarat.com/forums

و ده موقع للمغتربين فى العالم كله و الجزء الخاص باليسعوديه ممتاز جدا يوجد به سيارات و شقق و سلع مستعمله .........

http://www.expatriates.com/classifieds/saudi/vehicles/

[holmez]

ألف شكر لكم جميعاً