شقة في التجمع الخامس

[dongol]

يا جماعة معروض عليه شقة في التجمع الاول ورا فندق ماريوت و ثمنها نصف مليون حنية تدفع 250 الف عند التعاقد و الباقي خلال سنه و نصف و مساحتها 208 متر و صافي 185 متر و طبعا هي في فيلا مش في عمارة

انا طالب رأي الخبرا بتوع القاهرة الجديدة و خصوصا الاستاذ هشام عباس و سي السيد باشا

السعر ده كويس و لا فعلا اسعار الشقق هترخص في مصر و استني شوية لحد لما الامور توضح

بصراحة انا خايف علي الفلوس اللي معايا في البنك لحسن التضخم ياكلها اكثر من كده

شوروا عليه الله يرضي عليكم

[بنت الشاطئ1]

اشترى بيهم ذهب لحين تستقر على رأى

[Ahmed Unknown]

انا رأيي الانتظار افضل هذه الفتره لأن اسعار الحديد و الاسمنت بدأت فى التراجع و هناك توقع ان تستمر فى الانخفاض فى شهر اكتوبر و نوفمبر

و سمعت من بعض اصدقائى فى مصر ان اسعار العقارات بدأت فى الانخفاض بالفعل -لست متأكد لأنى مقيم بالسعودية-

و لكن اذا فضلت الانتظار فلا تنتظر طويلا بمعنى انك من الافضل ان تنتظر شهرى اكتوبر و نوفمبر لحين استقرار اسعار الحديد و الاسمنت و لترى ان كانت ستوثر بالفعل على اسعار العقارات !!!

مع العلم ان افضل وقت لشراء العقارات هو فترة الشتاء

[الأسير]

انا رأيي الانتظار افضل هذه الفتره لأن اسعار الحديد و الاسمنت بدأت فى التراجع و هناك توقع ان تستمر فى الانخفاض فى شهر اكتوبر و نوفمبر

و سمعت من بعض اصدقائى فى مصر ان اسعار العقارات بدأت فى الانخفاض بالفعل -لست متأكد لأنى مقيم بالسعودية-

و لكن اذا فضلت الانتظار فلا تنتظر طويلا بمعنى انك من الافضل ان تنتظر شهرى اكتوبر و نوفمبر لحين استقرار اسعار الحديد و الاسمنت و لترى ان كانت ستوثر بالفعل على اسعار العقارات !!!

مع العلم ان افضل وقت لشراء العقارات هو فترة الشتاء

كلام جميل كلام معقول شكرا

[الأسير]

اشترى بيهم ذهب لحين تستقر على رأى

دهب ب250 الف مش خطر شوية المجازفة دي

[الأسير]

يا جماعة معروض عليه شقة في التجمع الاول ورا فندق ماريوت و ثمنها نصف مليون حنية تدفع 250 الف عند التعاقد و الباقي خلال سنه و نصف و مساحتها 208 متر و صافي 185 متر و طبعا هي في فيلا مش في عمارة

انا طالب رأي الخبرا بتوع القاهرة الجديدة و خصوصا الاستاذ هشام عباس و سي السيد باشا

السعر ده كويس و لا فعلا اسعار الشقق هترخص في مصر و استني شوية لحد لما الامور توضح

بصراحة انا خايف علي الفلوس اللي معايا في البنك لحسن التضخم ياكلها اكثر من كده

شوروا عليه الله يرضي عليكم

الثمن ده غالي شوية على التجمع الاول خد في الخامس بنفس المبلغ حاجة تحفة والخامس احلى واكثر استثمارا

عندك مثلا شركة الوطنية والرواد والمنارة دول بيبيعوا شقق تبع نقابة الاطباء والصيادلة لغير الاطباء والصيادلة باسعار وتسهيلات اكتر وبدون فوائد

الرواد

الوطنية

المنارة

[se_ Elsyed]

إنتظر فعلاً أربع أو خمس شهور .. بس لازم تاخد القرار قبل الصيف القادم عشان الأسعار بتولع ...

وبالنسبة لشقة في فيلام فهي شيء ممتاز بعيد عن دوشة العماير الضخمة والزحمة والعيال اللي بتلعب عالسلم والأسانسير اللي تطلبة قبلها بخمس أيام والضغط على المرافق وما إلى ذلك ...

سعرك كويس خصوصاً لو المنطقة عمار وبها خدمات كويسة ...

وبلاش تشتري لا ذهب ولا صفيح وحاول تضعهم كاش كوديعة لمدة 6 شهور على الاكثر ... ماحدش عارف الأيام الجاية مخبية إيه خصوصاً والخريطة الإقتصادية للعالم كله بما فيهم إحنا بتتغير وربنا يُستر ..

[dongol]

أنا متشكر لكل الناس اللي ردوا عليه و انشاء الله اول ما اوصل لقرار هعرفكم انا عملت ايه و ايه اخر الاسعار علشان الناس كلها تستفيد

أخوكم أبو الدناجل

[عادل أبوزيد]

المرفقات عبارة عن خريطة للقاهرة الجديدة.

أمضيت شهر سبتمبر و جزء من أكتوبر بحثا عن شقة لإبنى محمد و رأيت العديد من العروض و يمكننى تلخيص الموقف فى أن الشقق تحت التشطيب سعرها أقل من 450000 و بتسهيلات غالبا من الربع إلى النصف مقدما و الباقى على أقساط ربع سنوية لحين الإستلام.

و المناطق شبه المكتملة ثمنها مرتفع 550000 حتى 750000 و الشقق الجاهزة للتسليم تزيد 100000 عن مثيلتها تحت الإنشاء. و تحت الإنشاء تبدأ من الأرض الخالية حتى بناء الهيكل الحرسانى و الطوب الأحمر.

الياسمين الزوجى من المناطق الجيدة.

تم تعديل 16 أكتوبر 2008 بواسطة عادل أبوزيد
تغيير الخريطة المرفقة بأخرى ذات جودة عالية

[SajedSoft]

ياريت لما تاخد قرار تقولنا عشان انا كمان فى نفس الحيرة

[ziad]

كنت فى نفس الحيره من اسبوعين دوبلكس 430 متر نص تشطيب على الاستلام فى التجمع الاول امام كومبوند فيلات مشهور على شارع بتاع 60 متر ب مليون وتلاتمية الف ولكن محصلش نصيب لسببين الاول فلوسى فى البورصه وقيمتها قلت وكمان شركة املاك مردتش عليا فى الوقت المناسب حاليا التوقعات بتقول ان سعر الحديد على اخر نوفمبر هيكون ب 3500 فاظن ان الشراء هيكون افضل لو استنيت وبردو قبل الصيف عشان الدنيا بتغلى فى الصيف لكنى لا انصحك بانك ترميهم كوديعه فى البنك اشترى بيهم عملات او دهب الازمه بتاعة الاقتصاد ديه اخرها مارس ابريل اقتصاديات العالم الحر لا تسمح بمشاكل لفترات طويله والفلوس كفلوس بتفقد قيمتها فى التضخم الدولار الاسترالى كان ب 5جنيه و20 قرش فى شهر سبعه النهارده ب 3 جنيه و 80قرش وبقاله سنتين بيلعب فى منطقة 480

[aboramy]

السلام عليكم

ا

معنى الكلام ان السعر فى التجمع الأول 2500 جنيه

اذن بكم المتر فى التجمع الخامس

انا ناوى على الشراء فى نوفمبر باذن الله

محتار ما بين التجمع الاول والخامس

ما رأيكوا

وما اخبار الاسعار فى التجمع الخامس

[aboramy]

ما هى الاحياء التى استبعدها اريد نصائحكم يا جماعة فى اسرع وقت

[King TUT]

خد في التجمع الخامس و خصوصا منطقه النرجس

[dongol]

يا جماعة ما ينفعش تعميم السعر اللي انا بقوله علي التجمع الأول كله لاني متاكد ان الاسعار اقل من كده بكتير خصوصا ان التجمع الاول بيحتوي علي اسكان الشباب و ده السعر فيه اقل بكتير يعني ممكن تجيب شقة معقولة في حدود 150 او 170 الف

بس الشقة اللي انا بتكلم عليها في منطقة فيلات قدام فندق ماريوت بالظبط و بينها وبينه تقريبا حوالي مائة متر و هو ده اللي مغلي سعرها و علي العموم انا فعلا لسه بسأل علي السعر في المنطقة ولسه ما وصلتش لقرار

و يا ريت لو حد عنده اي عروض في اماكن تانية في التجمع الخامس يعني النرجس او الياسمين يبقي يقولي علي اسماء الشركات اللي بتبني هناك و لكم جزيل الشكر

[سكر]

جرب الموقع دة ولما تلاقى حاجة ابقى قولى عشان احنا فى الهوا سوا

http://sooqelaqarat.com/index.php

[dongol]

معلش يا جماعة انا هطلب رأيكم تاني

انا عرفت موقع الشقة بالظبط و نزلته علي جوجل وهو موضح في الصورة المرفقة

فياريت لو حد يعرف السعر بالظبط في المنطقة دي كام دلوقتي و هل السعر في المنطقة دي زي التجمع الخامس (الياسمين و النرجس يعني) ولا ممكن يكون اقل علشان هي قريبه من اسكان الشباب

معلش اعذروني علي كتر الاسئلة بس انا اصلي بره مصر و كل المعلومات اللي بتجيلي عن طريق ناس معارف و انا عايز اتأكد انها صحيحة قبل ما الواحد يدفع شقي عمره علي رأي نور الشريف في فيلم العار

[kemoid]

الشركات كتير و بالهبل فى القاهرة الجديدة .. انا موش فاكر الاسماء لكن كلهم موجودين بجريدة اهرام الجمعة .. والاسعار زى مانتو قولتو كده بالظبط .. و ما اعتقدش ان الاسعار ممكن تنزل خالص

[ذهبية]

طيب لية مفكرتش تشترى ارض احسن على الاقل لو حبيت تبنيها لاولادك فيما بعد تبنيها بالذات لو مخلف صبيان يعنى تكون واخد البيت من بابة خاصة ان الحديد فى الناز ل و الاسمنت يعنى البناء مش هيكلفك كتير و منناحية تانية الارض عمرها ما هتخسر معاك و الاحسن انك تاخد ارض تبقى بتاعتك من بابها و تعمل حاجة للعيال وللزمن طاملا انت متاكد ان ورقها سليم ومعاك محامى عارف ربنا فكر تانى خاصة ان هتصرف برضة علة تشطيب و غيرة يبقى الاولى بيك جمع كل المبالغ دى و هات ارضو ابنيها و استغل نزول الحديد فرصة ومش هتكرر

و لو حبيت تستثمر فى الذهب فكرة كويسة بس انصحك بالسبائك يعنى لما تشترى كذا سبيكة و احتفظ بيهم والدهب برضة هيجى له وقت و هيزيد بالذات فى الصيف و اتمنى ان يرشدك الله للصواب

ذهبية

[dongol]

طيب لية مفكرتش تشترى ارض احسن على الاقل لو حبيت تبنيها لاولادك فيما بعد تبنيها بالذات لو مخلف صبيان يعنى تكون واخد البيت من بابة خاصة ان الحديد فى الناز ل و الاسمنت يعنى البناء مش هيكلفك كتير و منناحية تانية الارض عمرها ما هتخسر معاك و الاحسن انك تاخد ارض تبقى بتاعتك من بابها و تعمل حاجة للعيال وللزمن طاملا انت متاكد ان ورقها سليم ومعاك محامى عارف ربنا فكر تانى خاصة ان هتصرف برضة علة تشطيب و غيرة يبقى الاولى بيك جمع كل المبالغ دى و هات ارضو ابنيها و استغل نزول الحديد فرصة ومش هتكرر

و لو حبيت تستثمر فى الذهب فكرة كويسة بس انصحك بالسبائك يعنى لما تشترى كذا سبيكة و احتفظ بيهم والدهب برضة هيجى له وقت و هيزيد بالذات فى الصيف و اتمنى ان يرشدك الله للصواب

ذهبية

بصراحة الارض دلوقتي سعرها مولع خصوصا في القاهرة الجديده و هي اكبر من امكانياتي في الوقت الحالي لان اقل قطعة ارض في القاهرة الجديده تساويلها مليون جنيه و المبلغ ده طبعا مش متاح حاليا

و الميزه في الشقق بتاعة القاهره الجديده انها بالتقسيط يعني هدفع 200 الف و الباقي اقسطه علي سنتين او ثلاثه