إستفسار للمقيمين بأبوظبى وخاصة السيدات

[roka]

أنا الحقيقى عندى إستفسارات كتيرة أوتمنى انكم مش تزهقوا منى

انا زوجى بيشتغل حاليا فى أبوظبى وانا بفكر أنى أسافر اعيش معه وبالتالى ممكن أضطر للشغل أنا محاسبة خريجة 2002 كنت عايزة أعرف ليا فرصة هناك ولا لأ ومن ناحية اخرى كنت عايزة اعرف طبيعة الأشغال هناك صعبة ولا إيه لأنى عندى مشكلة فى ظهرى هتقولوا ليه متسألش جوزها لأنه مش بقاله فترة هناك فقولت أسأل أصحاب الخبرة ولأنى من طبيعتى بحب أسأل ناس كتير

اما الأستفسار الأهم هوعن المدراس أنا عارفة أنى فى موضوع خاص بالمدارس بس انا عايزة اعرف الأسعار الجديدة وأيه الفرق بين المنهاج المختلفة اللى موجودة ومين احسن حاجة وياترى فى مدارس مصرية ومستواها أيه والأهم فى مدارس فرنساوى لأنى كنت ناوية ادخل بنتى هنا مدرسة فرنساوى هى عندها دلوقتى 3.3أعتقد سنها هناك يدخلها المدرسة

والأستسفار الأخير ماهو مستوى الخادمات هناك ومرتابتهم كام وفى بارت تايم يعنى تيجى فترة الشغل بس وفى حضانات ومستواها أيه وأسعارها

معلش أناعارفة انى أسألتى كتير لكنه فعلا قرارا صعب

وجزاكم خير عن التعاونن الملموس فى المنتدى

[محمد عيسى]

هو مأجر شقه الأول و لا لسه؟ و فين؟

يعني لو خارج أبوظبي الخدمات شبه منعدمة من مدارس و مواصلات و فرص عمل .... الخ

[roka]

طبعا هو حاليا ساكن فى سكن شرك فى أبوظبى نفسها لكن فى حالة أنى أروح طبعا لازم هيكون السكن خارج أبوظبى يعنى بنى ياس الشهامة المناطق البعيدة لكن التحديد ساعة ما أقرر أروح

بس أنا لقيت أنى كل حتة فيها مدراس خاصة وقريت أنى فى حاجة أسمها مدرسة الوافدين ده قريته فى موقع الوزارة

وطبعا أحنا عارفين أنى فى الحالة دى لازم عربية

[roka]

معقول مافيش حد أولاده فى مدارس أو عنده خادمة أنا بصراحة كنت متخلية منكم سرعة إستجابة

[TAMERJ]

مرحبا..... انا على فكرة دخلت بالغلط على هدا موضوع :egyflag: انا متابع موضوع الهجرة على كندا و ما بدخل اي موضوع تاني ....شوفي يا ستي انا فلسطيني و عايش باأبوظبي من 27 سنة و انا عمري 27 يعني مولود هنا....

بالنسبة للشغل بالمحاسبة فهو متوفر جدا بس لازم تكوني شاطرة بالانجليزي لاننو مشكلت كل البيجو من مصر ما بكونوش اوي بالانجليزي

الشغل هنا شوي متعب يعني دوام بالشركات مختلف بس عادة من 8 الى 2 و بعدين من 4 الى 7

نيجي للمدارس انت ليش عايزة دخليهم مدارس فرنسيه؟؟ يعني الانجليزي كا حاجة هنا على عموم اسعار المدارس هنا غاليه نسبيا يعني لو عايزه درسي بنتك و ابنك بمدرسة محترمة كيجي 1 بتكلف17 الف درهم بالسنة..... و مدارس الفرنسية متوفرة

بالنسبة للخدمات متشيليش هم يعني ممكن تتفئي مع اي وحدة تيجيلك 3 مررات مثلا بالسبوع و تروح بس لو عايزة تخليها عندك و تكون على كفالت زوجك هتكلفك شوي حوالي 7000 درهم عشان الاقامة

[MZohairy]

Abu Dhabi French School

www.llm.ae

Lycee Louis Massignon

http://www.llm.ae

بالتوفيق

[roka]

يا ريت حد يفيدنى بمعلومات أكتر ومتشكرة جدا لكل من أهتم ورد عليا

[محمد محي الدين جانو]

لازم الأول تحددي زوجك بيشتغل ايه وبكام وفين؟

الحياة في أبوظبي غالية جدا وزوجك أكيد عارف والسكن فيها مستحيل حاليا للأسرة المصرية إلا إذا قبلتي سكن مشترك وده مهين جدا أو مش نضيف وده مهين اكتر.......

الحل السكن خارج أبو ظبي والعمل مدرسة خصوصية للبنات أو الأطفال في المناطق دي أحسن من الشركات والدوام وغيره وربنا يوفقكم

[محمد عيسى]

أنا الحقيقى عندى إستفسارات كتيرة أوتمنى انكم مش تزهقوا منى

انا زوجى بيشتغل حاليا فى أبوظبى وانا بفكر أنى أسافر اعيش معه وبالتالى ممكن أضطر للشغل أنا محاسبة خريجة 2002 كنت عايزة أعرف ليا فرصة هناك ولا لأ ومن ناحية اخرى كنت عايزة اعرف طبيعة الأشغال هناك صعبة ولا إيه لأنى عندى مشكلة فى ظهرى هتقولوا ليه متسألش جوزها لأنه مش بقاله فترة هناك فقولت أسأل أصحاب الخبرة ولأنى من طبيعتى بحب أسأل ناس كتير

اما الأستفسار الأهم هوعن المدراس أنا عارفة أنى فى موضوع خاص بالمدارس بس انا عايزة اعرف الأسعار الجديدة وأيه الفرق بين المنهاج المختلفة اللى موجودة ومين احسن حاجة وياترى فى مدارس مصرية ومستواها أيه والأهم فى مدارس فرنساوى لأنى كنت ناوية ادخل بنتى هنا مدرسة فرنساوى هى عندها دلوقتى 3.3أعتقد سنها هناك يدخلها المدرسة

والأستسفار الأخير ماهو مستوى الخادمات هناك ومرتابتهم كام وفى بارت تايم يعنى تيجى فترة الشغل بس وفى حضانات ومستواها أيه وأسعارها

معلش أناعارفة انى أسألتى كتير لكنه فعلا قرارا صعب

وجزاكم خير عن التعاونن الملموس فى المنتدى

هو مأجر شقه الأول و لا لسه؟ و فين؟

يعني لو خارج أبوظبي الخدمات شبه منعدمة من مدارس و مواصلات و فرص عمل .... الخ

طبعا هو حاليا ساكن فى سكن شرك فى أبوظبى نفسها لكن فى حالة أنى أروح طبعا لازم هيكون السكن خارج أبوظبى يعنى بنى ياس الشهامة المناطق البعيدة لكن التحديد ساعة ما أقرر أروح

بس أنا لقيت أنى كل حتة فيها مدراس خاصة وقريت أنى فى حاجة أسمها مدرسة الوافدين ده قريته فى موقع الوزارة

وطبعا أحنا عارفين أنى فى الحالة دى لازم عربية

انا حاسس ان المعلومات دي ناقصه .. لكن برصه ههحاول افيد اد ما اقدر على باعتبار السكن كان في الشهامة أو بني ياس و الاسعار اللي هقولها في المتوسط:

ايجار الشقة غرفة و صالة في حدود 55 الف سنوياً، غرفتين و صالة لا تقل عن 65 الف سنوياً، مفيش سكن فاضي و علشان يلاقي بيدفع سمسرة عبارة عن خمس آلاف لو بواب و عشر آلاف لو مكتب

طبعا بتكون تكييف عادي و محتاجه صيانه و تنظيف علشان تصلح للسكن لان المباني هناك قديمة جدا (و إوعي الفلل) ده غير الفرش و التكييف و الأجهزة الكهربائية

المدارس الفرنساوي غالية جدا جدا و اغلى من الانجليزي بكتير، و دي معلومة عرفتها من ناس جايين من كيبك بقالهم تمان سنين هناك و اضطروا يدخلوا ولادهم انجليزي، ههحاول اعرف بالضبط الاسعار و ارجعلك

لو بتدوري على شغل لنفسك، اذا كان في ابوظبي انت و نصيبك، لكن في بني ياس او الشهامه مفيش الا لو سكرتيره في مدرسة او مركز و بمرتب لا يتعدى الف و نص

لو عايزة شغاله طبعا مش هاتجيبي مقيمة علشان مالهاش مكان تعد فيه لضيق الشقق (غرفه و صالة او اتنين و صالة) بالاضافة للمصاريف المبالغ فيها للاستقدام و مشاكلهم الكتيرة، و لو هاتدوري على شغاله مش مقيمة من اللي بيشتغلوا في الساعه هتواجهي مشكلة عدم الإلتزام على الاطلاق و كمان صعب جدا تلاقيها

زي ما قلت قبل كده المناطق دي منعدمة الخدمات و المرافق تماما، و هتلاقي نفسكم عاملين زي اليويو على ابوظبي (على بعد 55 كيلو) للعمل و العلاج و المشتروات و الترفيه و الإجراءات الإدارية زي المرور و الجوازات و الطب الوقائي، و طبعا لازم عربية لان مفيش مواصلات في الشهامة و بني ياس مواصلاتها قليلة جدا و لا يمكن الاعتماد عليها

و ربنا يوفقكم

تم تعديل 19 أكتوبر 2008 بواسطة محمد عيسى

[roka]

الأخ محمد محي

أناجوزى شغال محاسب فى أبو ظبى فى شارع حمدان أما بالنسبة للسكن انا عارفة طبعا أنه هيكون خارج أبوظبى لكن الشغل أنا حبة أنى يكون داخل أبوظبى وأكيد فى الحالة دى هيكون فى عربية أة إستفسارى عن المدارس والمربيات

الأخ محمد عيسى

بصراحة انت قلقتينى جدا أنا عارفة أنى لازم عربية وشغلى لأ أكيد هيكون فى أبوظبى نفسها لكن حتة نظافة المكان أكيد فى حاجة معقولة انا مش شرط بنى ياس او الشهامة ممكن الشامخة يعنى أحنا مش محددين بالنسبة للمدارس خلاص خالينا فى الأنجليزى بس أسعارها كام وفى مدارس مصرية وأيه حكاية مدرسة الوافدين وبالنسبة للخادمات طب هو فى بديل حضانات ماهو لو أنا هشتغل هودى بنتى فين

على العموم انا متشكرة لأهتمامكم وربنا يقدم اللى فيه الخير

[aliaabak]

صراحة الموضوع ده رائع بس محتاج ردووووووووووووووووووووووووووووووود كتير على تساؤلتنا ارجوكم وتساؤلاتي هي نفس الاسئلة المطروحة

[roka]

aliabak

بصراحة عندك حقالموضوع محتاج ردود كتير جدا

لكن أنا برضه ممكن تسألنى وأنا أقولك اللى عرفته لغاية دلوقتى وانا حاضرة

[aliaabak]

روكا لو انتي موجودة ارجوكي ردي علي انا عاوزه مدرسة تكون مستواها لغات مثل التجريبي وباسعار معقوله وشقة تكون غرفتين في الشارقة او مكان مناسب افيديني ارجوكي

[roka]

انا أسفة على التأخير لكن موضوع المدراس ده للأسف غلى الأن مش عارفة أوصل لحل فيه

لكن السقة عليك وعلى الجرايد بقى اصلى انا جوزى فى ابو ظبى

معلش كان نفسى اساعدك