طلب يتيم

[بنت شعنونة]

بما اني مش ناوية احلم

ومش ناوية اتقل على الدولة كمان عشان ابقى خفيفة

ومن ايماني التام ان الحل جوانا احنا شحصيا

ف انا ليا طلب يتيييييم جدا جدا جدا

وغريب جدا في نفس الوقت

كل ما اطلبه

هوا اعادة الحياة للفتيات والنساء المحجبات

بدل ما هما مانعينا من كل حاجا

واخيرا منعونا من نزول البحر الل بنشوفه مرة في السنة

وبقوا يقوللنا ممنوع النزول الا بالملابس الرسمية (المايوه)وبعدين طيب؟

لمحجبات اللي زينا يعملوا ايه؟

طب خصصولنا شواطيء للمحجبات زي ما عملتوا مع العراة؟

حتى ايام كريزي ووتر نفس الكلام

شرم الشيخ

الغردقة

كله دلوقتي يعتبر المحجبة عار

لما والله بقينا نكره الفسح عشان بقينا بنحس اننا فلاحين او منبوذين فيها

في حين ان بقية الفتيات مبسوطين مع اهاليهم في البحر او الأمكان الترفيهية

اعتقد انه حقنا اننا نتنفس زيهم تماما

[Proud Muslim]

الأخت الفاضلة شعنونة ..

بصراحة هو الموضوع شائك حبتين ..ليس اضطهاد المحجبات طبعا .. و لكن موضوع السباحة ده ..

يعني لو شاطيء عام ..بصراحة مش لازم المسلمة تنزل البحر أبدا .. ده يعني مصيبة بصراحة ..!!

موضوع بقى شاطيء خاص ..ده قلق ..

يعني حمام السباحة ..ماشي ..مقفول و مغلق .. و التحكم فيه سهل ..

بس الشاطيء ؟؟

مساحة واسعة .. ممكن واحد يستهبل و ياخدها عوم من حتة بعيدة ..و يبقى معاه منظار او ماشابه .. و يختلس النظر .. يعني الأمان في الموضوع ..مش مضمون خالص ..

لكن كما قلت حمامات السباحة .. مشي جدا .. حاجة كويسة .. بشروط طبعا مراعاة العورة بين النساء و بعضهن ..

و دي فتوى بخصوص هذا الموضوع :

نص السؤال : ما هي حدود عورة المرأةعلى المرأة؟ وخصوصا في حمامات السباحة المخصصة للنساء؟  

نص الاجابة : بسم الله الرحمن الرحيم والحمدلله والصلاة والسلام على رسول الله وبعد  

أجمع الجمهور على أن ما يحل للمرأة من النظر إلى المرأة هو جميع بدنها ما عدا ما بين السرة والركبة؛ فهذه هي عورتها بالنسبة للمرأة الأخرى ؛ ولذلك لا يجوز للمرأة أن تنظر إلى عورة المرأة مطلقًا سواء كان بشهوة أو بغير شهوة؛ ومع أمن الفتنة أو مع الخوف منها. وقد جاء في الحديث الشريف أن رسول الله صلى الله عليه وسلم قال: "... ولا تنظر المرأة إلى عورة المرأة" صحيح مسلم ج 4 ص 30 وجامع الترمذي ج 8 ص 77.  

http://www.islamonline.net/fatwa/arabic/Fa...p?hFatwaID=9240

دي الناحية الشرعية في الموضوع ..

موضوع بقى اضطهاد المحجبات ..ليس بجديد ..بس بصراحة ساعات بقول أحسن .. يهني في مطعم في العجمي معروف ..يمنع صاحبه دخول المحجبات ..بل انه يقف على الباب ليختار من يدخل و من لا يدخل ..!!

طبعا المكان يقدم خمور .. و بيكون هناك رقص أحيانا .....الخ !!

يعني بيني و بينكم .. مكان لا يليق بمسلمين أصلا !!

فما بالنا بالحجبة بقى ؟؟؟

فبقول .. هو عملها كيدا في المحجبات .. و لكنه بصراحة خدم المسلمين خدمة عظيمة !!

الاضطهاد لا أنكره برده .. في الوظائف .. و في حاجات تانية كثير جدا ..

بس .. لازم المحجبة تعرف حاجة واحدة .. هي لا فلاحة .. و لا حالة شاذة ..بل هي الأصل و هم الشواذ !!

و بعدين ماشاء الله .. مصر أصبحت مليانة محجبات .. يعني مش موضة و راحت .. قلما أجد في الجامعة مثلا فتاة غير محجبة !!

وبقوا يقوللنا ممنوع النزول الا بالملابس الرسمية (المايوه)وبعدين طيب؟

المشكلة ان الجملة دي في قمة الاستفزاز .. و هي و ان كانت خير في نظري .. بس لا تسلم من كونها بحجة بصراحة .. يعني لازم الواحدة تمشي لابسة مايوه .. علشان تعجب البهوات !!!

و الله العظيم .. عجبي !!

بس انا شايف المطلب الكويس .. عمل حمامات سباحة للمحجبات .. بأمواج صناعية .. و رمل لو عايزين .. و يبقى مغلق ..in door .. و حاجة ظريفة جدا .. كل العاملين فيه ستات .. و هو مخصص للسيدات طوال الاسبوع .. و مفيش راجل يهوب ناحيته !!

المشكلة بقى .. ان المحجبات بيحبوا يكونوا مع اهاليهم .. يعني واحدة عايزة تعوم مع زوجها ..عمل ايه !!

دي بقى ملهاش حل غير انهم يبنوا لهم حمام سباحة خاص في بيتهم !!!

او يشتروا جزيرة نائية !!

أنا مش بعقد الأمور ..بس بحاول قدر الامكان ان تكون الصورة واضحة و سليمة !!

و بيني و بينكم ..يعني من حلاوة البحر قوي ؟؟؟

ده حتى مالوش أمان ؟؟

و الله من وراء القصد ..

[Sharkiah]

الأخت العزيزه شعنونه

هل من الممكن أن تشرحى لنا أكثر فحوى مداخلتك ؟ أنا بصراحه مش فاهمها تماما ، وأنا وأظن غيرى من الكثيرين الذين يعيشون خارج مصر يهمنا أن نستوضح معنى كلامك ، أنا شخصيا وبمنتهى الصراحه قلبى إنقبض بشده بعد قراءه مداخلتك ومازلت أدعو الله أن أكون فهمتها خطأ أو إلتبس على الأمر أو شئ من هذا القبيل، هل معنى كلامك أن المحجبه التى تريد نزول البحر فى أى شاطئ مصرى لم يعد يسمح لها بالنزول بلباس البحر الشرعى الذى كان قد أصبح متاحا فى كثير من متاجر مصر منذ سنوات على حد علمى ؟

[بنت شعنونة]

اخي العزيز شرقية

للأسف هوا دا الحال في الشواطيء النضيفة ممنوع النزول الا بالملابس الرسمية = المايوووه اللي كلنا عارفينه دا

سواء بكيني او قطعه واحدا

سابونا لذوقنا بقى احنا نختار ها نلبس ايه !!!

"وش طاقق"

ودا حصل مع ناس قرايبي كانوا في شاطيء الفردوس وبنتهم حاولت تنزل المية بالمايوه الشرعي والأمن رفض وطلعها وطردهم كمان

دا غير اني قريت شكوى زي كدا في بريد الأهرام قبل كدا

ودا حصل معااي شخصيا في الغردقة وشرم

حيث يسمح للعرايا بنززول البحر انما المحجبات لا

وفي القرى السياحية اللي فيها حمام سباحة ويوم مخصص للسيدات

برضه ممنوع المنزول بالمايوه الشرعي في اليوم دا!!!

(طب انا اش ضمني انه ماحدش شايفنا يعني؟؟)

وغيره وغيره

ويا براود كلامك في صح وغلط

اصل كدا حضرتك منعت الأخت او الام من الأستمتاع بحق ربنا شرعه لينا؟

ومش معقول يعني تبقى العيلة كلها مبسوطة

وانا عشان محجبة اموت بحسرتي يعني!!!!

"وش منقوط تاني"

[ســيد مرزوق]

هل معنى كلامك أن المحجبه التى تريد نزول البحر فى أى شاطئ مصرى لم يعد يسمح لها بالنزول بلباس البحر الشرعى الذى كان قد أصبح متاحا فى كثير من متاجر مصر منذ سنوات على حد علمى ؟

إيه ده؟؟؟؟؟ هو فيه لباس بحر نسائي شرعي؟؟؟؟؟

من إمتى ده؟؟؟

أعتقد أن الأسوأ من لبس المايوه نزول المرأة بملابسها البحر .

إتقوا الله أيها النساء وانسوا حكاية البحر والسباحة دي خالص .

هي ناقصة ؟؟؟ ماكفاية الشوارع والبطون العارية .... والبنطلونات المنيلة .. أعوذ بالله من غضب الله ...

( وش واحد قرفان عالآخر من كل حاجة وحاسس إن نهاية العالم قربت )

[Proud Muslim]

ويا براود كلامك في صح وغلط 

اصل كدا حضرتك منعت الأخت او الام من الأستمتاع بحق ربنا شرعه لينا؟ 

ومش معقول يعني تبقى العيلة كلها مبسوطة 

وانا عشان محجبة اموت بحسرتي يعني!!!! 

"وش منقوط تاني"

يا أختي الفاضلة ..

لازم ناخد بالنا من حاجة .. الفتاة المحجبة ألزمت نفسها بالشرع عندما تحجبت ..صح ؟؟

طيب ..

كمان لما تحت تعوم او تسبح لازم تلزم نفسها بالشرع .. و لا ايه ؟؟

يعني احنا دائما نقول .. المحجبة قدوة ..المحجبة رمز .. المحجبة مثال .. فعايزين الكلام ده فعلا !!

العائلة تريد أن تسبح ..

طيب ..

أولا يجب مراعاة حاجات كثيرة جدا .. و منها

حدود العورات بين المحارم ؟؟

يعني مش علشان فلانة أختي ..يبقى تلبس مايوه قدامي عادي !!

لا يجوز .. و كذلك أمي ..!!

صح ؟؟

الكلام يكون مقبول بين الزوج و الزوجة حيث لا حدود للعورة .. غير كده .. في حدود بين الجميع !!

و بعدين يا سيدتي الفاضلة .. اصبري و احتسبي .. و ان الله مع الصابرين اذا صبروا .. صح ؟؟

بس خلينا في نقطة حمامات سباحة للنساء دي .. و الله العظيم فكرة هايلة ..

طيب عارفة يا أخت شعنونة .. خللي الموضوع ده نشاطك و هدفك ؟؟؟

ما رأيك في ذلك ؟؟

يصبح لك هدف تسعين من أجله .. جمع تبرعات .. البحث عن ممولين .. عمل اشتراكات مدفوعة .. و الله انت متعرفيش الثواب اللي هتاخديه على حس الموضوع ده ؟؟

و حضرتك ماشاء الله نشيطة .. و تقدري على كده !!

و لا تقولي .. لا أستطيع لوحدي .. أصل و ماتنال المطالب بالتمني .. و لكن تؤخذ الدنيا غلابا .. صح ؟؟

ايه رأيك ؟؟

و هو هدف محمود .. يعني اخت مسلمة تسعى من أجل أن تمارس رياضة .. و في نفس الوقت بدون مخالفة شرعية .. يعني هدف جيد ..

فكري في الموضوع ..

و سيبك من الحكومة .. دول مستحيل يعملوا حاجة .. هم لو عليهم .. نفسهم الناس كلها تقلع الحجاب ..

[Sharkiah]

هل معنى كلامك أن المحجبه التى تريد نزول البحر فى أى شاطئ مصرى لم يعد يسمح لها بالنزول بلباس البحر الشرعى الذى كان قد أصبح متاحا فى كثير من متاجر مصر منذ سنوات على حد علمى ؟

إيه ده؟؟؟؟؟ هو فيه لباس بحر نسائي شرعي؟؟؟؟؟

من إمتى ده؟؟؟

أعتقد أن الأسوأ من لبس المايوه نزول المرأة بملابسها البحر .

إتقوا الله أيها النساء وانسوا حكاية البحر والسباحة دي خالص .

هي ناقصة ؟؟؟ ماكفاية الشوارع والبطون العارية .... والبنطلونات المنيلة .. أعوذ بالله من غضب الله ...

( وش واحد قرفان عالآخر من كل حاجة وحاسس إن نهاية العالم قربت )

ياسيدى الفاضل إسمح لى أنا لاأفهم سبب ثورتك ، والتى مع الأسف ستجرنا بعيدا عن أصل الموضوع ، ولكن إسمح لى ما المانع من نزول المرأه البحر بلياس شرعى ـ أيوه ياأستاذ سيد لباس شرعى ـ يعنى لباس مصمم خصيصا للاتى يرغبن فى السباحه ويغطى كل أجسادهن حسب أوامر المولى عزوجل ، ما الغريب فى هذا ؟ لماذا نعطى المتنطعين الديماجوجين الفرصه تلو الأخرى لتكريس صوره المسلم الملتزم أو المسلمه الملتزمه داخل إطار الإنعزال التام عن الدنيا ومباهجها ؟ لماذا يجب على المسلم الملتزم أو المسلمه الملتزمه نسيان نصيبهم من الدنيا والتقوقع فى ناحيه والدنيا فى ناحيه أخرى؟ رأيت بعينى رأسى منذ سنوات فى كثير من المحال فى مصر لباس بحر أنيق ولطيف ومحتشم محترم للمحجبات ، يعنى يغطى كل جسد المرأه ورأسها كمان فما علاقه ذلك بالبطون العاريه والسراويل المنيله ؟

المهم إن حتى دى مع الأسف يتم محاربتها فى مصر حسب كلام الأخت شعنونه وهى مصيبه لو إستسلمنا لمن يحاول فرض هذا الإتجاه لأنه ، مثل غيره من مظاهر المحاربه العبثيه الجاهله العنجهيه لأى رمز للدين ، يعتمد بالأساس على سلبيتنا وعلى "أناماليتنا" بالبلدى ، وللمره الرابعه من خلال المنتدى أحى بشده الأب الذى أجبر مدرسه الليسيه فى الإسكندريه على السماح لإبنته بالإنتظام فى الدراسه وهى مرتديه للحجاب ، وفى سبيل ذلك لجأ للقضاء وصبر عده سنوات حتى أنصفه الحكم الذى أثلج صدورنا جميعا

المحجبه إنسانه زى بقيه خلق الله من حقها التمتع بكل مباهج الحياه التى خلقها الله ، فهى الأصل والأساس والرمز والجمال والبهجه وغير المحجبه هى النشاز

وفعلا لله صبركن ومثابرتكن يامحجبات بلدى يادره نساء مصر

ملحوظه ـ والله أنا لو فى مصر وجالى واحد أفندى طول بعرض يسد عين الشمس وقال لى ممنوع أختك أو بنتك تنزل بالباس الشرعى فلن أتركه إلا فى القسم ولن أدع حقى حتى لو تم تصعيده للقضاء ، هذا أو الطوفان ، طوفان الديماجوجيه والسلبيه والأناماليه

[BenNeal]

.........بس خلينا في نقطة حمامات سباحة للنساء دي .. و الله العظيم فكرة هايلة ..

طيب عارفة يا أخت شعنونة .. خللي الموضوع ده نشاطك و هدفك ؟؟؟

ما رأيك في ذلك ؟؟

يصبح لك هدف تسعين من أجله .. جمع تبرعات .. البحث عن ممولين .. عمل اشتراكات مدفوعة .. و الله انت متعرفيش الثواب اللي هتاخديه على حس الموضوع ده ؟؟

و حضرتك ماشاء الله نشيطة .. و تقدري على كده !!

و لا تقولي .. لا أستطيع لوحدي .. أصل و ماتنال المطالب بالتمني .. و لكن تؤخذ الدنيا غلابا .. صح ؟؟

ايه رأيك ؟؟

و هو هدف محمود .. يعني اخت مسلمة تسعى من أجل أن تمارس رياضة .. و في نفس الوقت بدون مخالفة شرعية .. يعني هدف جيد ..

فكري في الموضوع ....

انت بتقول فيها يا باشمهندس. ممكن تبقى شركة مساهمة لانشاء المشروع و ادارته بعد استكماله. تخيل مشروع زى ده يؤسس بالأخوة و الأخوات من المنتدى اللى لهم اهتمام بالمشاريع التجارية مثل اخونا SS و اخونا حشيش و اختنا ست امينه ود. شعنونة و اختناgoold و انا (ان شاء الله) وتطرح بقيةالأسهم للبيع . ممكن المشروع يشمل صالون تجميل و جيمنزيم للأخوات فقط.

[ســيد مرزوق]

عزيزي الأخ شرقية

أولا أنا لست ثائرا كما تصورت , ثانيا لدي سؤال بعد ذكر موجز جدا لمواصفات الزي الشرعي للمرأة المسلمة وهو ألا يصف وألا يكشف وألا يشف .. بما أنك قد شاهدت بنفسك هذا ( الزي الشرعي ) للسباحة النسائية , السؤال هو :

هل هذه المواصفات تنطبق على ما شاهدت يا أخي العزيز ؟؟؟؟؟

( وجه مستني الإجابة وهو هادي جدا وغير ثائر )

[الطفشان]

اعتقد ان الموضوع ليس مكانه مطالب المصريين

فهو ليس قضية عامة في اقتصاد او سياسة او قضاء تخص الشعب كله، او انها قضية مصيرية

و لكن دعوني اعرض نبذة تاريخية

ايام زمان (الخمسينات و الستينات مثلا)

كان من تغطي رأسها هي فقط كبيرة السن التي ذهبت الى الحج

او من اهلها "دقة قديمة"

او من الفلاحين

كان كل الستات اللي بتنزل البحر، بتنزله بالمايو

و كانت اللي تنزل بهدومها هي الشغالة او الفلاحة فقط

فعلق في ذهن الناس ان هذا شئ "بلدي" و "متخلف" الخ

اليوم، انتشر الحجاب

و لكن بقي في ذهن البعض (الغير متدين) ان من تفعل ذلك فهي متخلفة

و قد يأخذها البعض على انها محاربة لرمز هو يرفضه

و لذلك تصدر هذه الاوامر التعسفية بمنع نزول البحر بالحجاب

جهلا، او ظلما، او عندا

و لذلك يجب ان تصر المحجبة على حقها في نزول البحر بما تريد ان تلبسه هي

لانه حق لها، كما ان الاخرى حقها ان تخلع ملابسها

و لا يضيع حق وراءه مطالب

[Sharkiah]

عزيزي الأخ شرقية

أولا أنا لست ثائرا كما تصورت , ثانيا لدي سؤال بعد ذكر موجز جدا لمواصفات الزي الشرعي للمرأة المسلمة وهو ألا يصف وألا يكشف وألا يشف .. بما أنك قد شاهدت بنفسك هذا ( الزي الشرعي ) للسباحة النسائية , السؤال هو :

هل هذه المواصفات تنطبق على ما شاهدت يا أخي العزيز ؟؟؟؟؟

( وجه مستني الإجابة وهو هادي جدا وغير ثائر )

أخى العزيز المحترم سيد

الأجابه نعـــــــــــــــــــــــم

وأذكر أنى شاهدت مره سيده ترتديه سنه 1994 تحديدا وكنت فى قريه إسمها الياسمين فى الغردقه ـ مازلت متذكر الإسم والتاريخ ـ ونعم ياأخى الحبيب لم يكن اللباس محددا للجسد وأفهم جيدا ماتعنيه من الناحيه الشرعيه ، فهذا والله أعلم كان أهم المواصفات التى إجتهد مصمموا الزى فى تحريها

مع حبى وإحترامى

[kokowawa1979]

الكتورة شعنونة كتبت :

كله دلوقتي يعتبر المحجبة عار

والله مش كله يادكتورة أنا شخصيا باعتيبر البنت أو السيدة المحجبه شرعيا فخر ووسام على صدر والديها وإخوانها .

لم

ا والله بقينا نكره الفسح عشان بقينا بنحس اننا فلاحين او منبوذين

يعني هم مالهم الفلاحين كدة جمهور المحلة هايزعل منك يادكتورة

[بنت شعنونة]

يا سيد يا خويا

المايوه الشرعي عبارة عن 3 قطع واحيانا اكتر

بنطلون طويل وبلوزة و فوقيهم حاجا كدا زي الفستان بيكون كللله متبطن وبيكون واسع

وكلهم من مادة بلاستيكية بحيث انه ما يتبلش وانه ما يلزقش على الجسم

دا بالنسبة للمايوه

بالنسبة للأقتراح بتاع السباحة الخاصة

مين قال ما فيش

فيه

وحاجا تقرف

نميمة ولبس فاضح ولا فيه مراعاة لعورات و حاجا ترفع الضغط من كللله

لما المحجبات المحترمات قرفقوا من الدنيا بجد

"وش قرفان"

[مصرى]

الله يسامحك يا شانا

يعنى المصريين كملوا من كله وناقص بس شاطىء المحجبات ؟!

وبعدين إذا كانت هناك شواطىء خاصة لها نظم معينة إختارها أصحابها فهى ليست قوانين ..

ورأيت بعينى رأسى فى شواطىء بالساحل الشمالى محجبات ومنقبات ينزلن البحر ..

وأذكر أن إحدى النساء نزلت البحر كانت ترتدى نقاب أسود على جلباب أسود .. وبينما كانت تسبح وسط المياه .. كانت الأمواج تتقاذف ثيابها وكانت هى منهمكة فى الحرص على تغطية وجهها كلما كشفته الأمواج بينما كان ظهرها مكشوفا تماما !!

وأعرف محجبات ليست متدينات ومع ذلك لا ينزلن البحر إستحياءاً ..

والحياء شعبة من شعب الأيمان ليس للنساء فقط ولكن للرجال أيضا

[achnaton]

على ما اذكر .. كان جدى الشيخ حسن " رحمة الله عليه " بياخد العيلة كلها .. وبلاش أقول العدد عشان ما حدش يحسد عيلتى .. ونروح منتجع النقاهة " رأس البر " سفر طويل .. ومرجيحة فى الأتومبيل وكانت امى الله يرحمها بتلبس ملس اسود وعليه عباية سودة .. والطرحة الجورجيت طول النهار على البلاج .. أما حمام المية المالحة فكان كل الستات يلموا بعض اول ما نور النهار يطلع .. واحنا وراهم .. ما احنا كنا ايامها عيال .. وجيوش الحريم ينزلوا البحر زى ما هما بلبسهم .. تلاقوا المية اتبقعت بلون اسود .. نقط كده جنب بعضها .. والعساكر بتحرسهن على البر .. وكان ممنوع على آى راجل او شاب الأقتراب من الشاطئ .. ولما العساكر تصفر .. تخرج الحريم من المية.. وجرى على العشش وتلاقى بعدها احبال الغسيل رافعة الأعلام السوداء ( ملابسهن ) معلنة فتح الشاطئ للرجال والشباب .. ليتفرج عليهم الحريم ..

من مذكرات غلبان .. اسمه اخناتون المرضان

[shakoosh]

أولا كما قال أخى الطفشان أن هذا الموضوع ليس مكانه هنا فأرجو منه أن ينقله إلى أى مكان آخر يتناسب مع هذا الموضوع.

ثانيا أقول للأخ براود مسلم إرتدى هذا الحجاب ليوم واحد و سوف تعلم ما تعانيه السيدات.. ليس بسبب الحجاب و لكن لأننا لم نعطى لهن التسهيلات لكى يتمتعن بحياتهن مثل الرجل.. و أرجوا ألا يفهمنى الأخوة خطأ .. فمثلا الجو حار ترى الرجل يلبس قميص خفيف نصف كم و يذهب إلى حمام السباحة أو إلى البحر ليعوم ؟؟ زهقان يلعب رياضة !!!

الواجب علينا نخفف عن المرأة عبأ الحجاب .. و هو بالرغم من أنه فرض إلا أنها عبأ..و التخفيف يكون بعمل تسهيلات مثلا اوقات السباحة على الشاطئ ممكن أن تقسم ..أو الشاطئ نفسه يقسم إلى جزئين .. أو حمامات السباحة فى الأندية ممكن يكون 3 أيام للسيدات و 3 أيام للرجال .. أو صالات رياضية أو ملاعب للسيدات.. أو يقسم الوقت بحيث أوقات للسيدات و أخرى للرجال....لكن الذى يحدث أن المرأة تحجبت و أصبحت كائنا لا يستطيع أن يمارس أى نشاط رياضى أو يستمتع بالطبيعة ..و ربنا لم يفرض عليهم الحرمان..و ليس أسهل على الرجل أن يقول أنتن أخترتن الحجاب..فهذا هو مصيركن التعاسة فى الدنيا و الجنة فى الآخرة !!! أين العدل و الرحمة أيها الرجال؟؟..نحن بهذا الأسلوب ننفر المرأة من الحجاب..لأن كل واحدة قبل أن ترتدى الحجاب سوف تفكر مليون مرة لأنها سوف تستبعد نهائيا عن كل الأنشطة الحياتية..

و أولا علينا كرجال أن نحاول تسهيل الأمور و إيجاد الحلول حتى نشجع الفتيات على الحجاب و نقول لهن لا يوجد فرق فى ممارسة الرياضة سواء كنت محجبة أم لا ..هكذا يجب أن نفكر و هذا دور المرأة فى كل مكان أن تطالب بحقها و أن يكون لهن أماكن و أوقات خاصة فى كل الأنشطة الممكنة...

[Proud Muslim]

ثانيا أقول للأخ براود مسلم إرتدى هذا الحجاب ليوم واحد و سوف تعلم ما تعانيه السيدات.. ليس بسبب الحجاب و لكن لأننا لم نعطى لهن التسهيلات لكى يتمتعن بحياتهن مثل الرجل.. و أرجوا ألا يفهمنى الأخوة خطأ .. فمثلا الجو حار ترى الرجل يلبس قميص خفيف نصف كم و يذهب إلى حمام السباحة أو إلى البحر ليعوم ؟؟ زهقان يلعب رياضة !!!

معلش يا أخي الحبيب shakoosh

يعني هي فكرة حمام السباحة المخصص للسيدات وحش ؟؟

ما أنا كمان لا أنزل البحر مع عائلتي ؟؟؟

و انا لا أنزل البحر اذا كان هناك نساء !!!

يعني نحن يطبق علينا نفس الكلام .. او المفروض ان يكون هذا هو الوضع ..

مش يعني الستات بس و الله ..

يعني أنا مثلا تزوجت .. ونفسي أسبح مع زوجتي في البحر .. أعمل ايه ؟؟؟

اروح أأجر جزيرة في الكاريبي و لا في جنوب شرق آسيا .. أو أعمل لها حمام سباحة في الفيلا .. مفيش مشاكل ..

او اروح منطقة نائية لا يوجد بها أحد .. و أنزل البحر معاها ...

مكان أضمن انه لن يراها فيه أحد .. و لن يراني فيه أحد أيضا !!

بس غير كده .. بيني و بينكم ..ما ينفعش ..!!!

احنا مش بنعقد الأمور و الله .. بس هو الشرع كده يا جماعة !!

[الطفشان]

بالمناسبة

روى الامام احمد عن عائشة

أنها كانت مع رسول الله صلى الله عليه وسلم في سفر، و هي جارية قالت: لم أحمل اللحم، ولم أبدن، فقال لأصحابه: تقدموا، فتقدموا، ثم قال: تعالي أسابقك، فسابقته، فسبقته على رجلي، فلما كان بعد، خرجت معه في سفر، فقال لأصحابه: تقدموا،ثم قال: تعالي أسابقك، ونسيت الذي كان، وقد حملت اللحم، و بدنت، فقلت: كيف أسابقك يا رسول الله وأنا على هذه الحال؟ فقال: لتفعلن، فسابقته، فسبقني، فجعل يضحك، و قال: هذه بتلك السبقة.

صححه الالباني

[بنت شعنونة]

يا برااااود انت عقدتني اانا شخصياااا يا ابنيييي!!!!

"وش مفلووووق عيااااط"

يعني دلوقتي لما الست تلبس لبس البحر الشرعي

وتاخد نفسها هيا وعيلتها وياخدوا ركن من البحر ويعملوا دايرة على نفسهم كدا ويقضوا يوم ظريف لا بيهم ولا عليهم ايه الحرمانية في دا بس؟؟؟

ما يا سيدي البحر زي الشاااارع تمااام!!

غض البصر وخليك في حالك وانزل البحر انت واهلك واستمتعوا بالحياة

فين المشكل بس؟؟

يا جماعا اخونا شاكوش كان عنده حق في كلامه

احنا اصلا في زمن القابض ع الجمر لمن تمسك بدينه

وزي ما فيه فتن ليكوا

فيه مليووون فتنة وفتتتنة لينا احنا كمان

وانا عارفا ان ناس كتير جدا افتكرت ان مطلبي دا عبيط او تافه

زي ما اتصدم فيه اخونا مصري كدا "وش محرج"

بس والله يا جماعا

دا مطلب مهم جدا للنساء في مصر

تخيل الفسحة الوحيدة المشروعه ليهم بيكونوا عاملين فيها ازاي

ومش عاوزا اقولكم كااام مرة نكدت على اهلي في سفر زي كدا عشان هما مبسوطين وعمالين يتفسحوا وانا محرومة من الفسحة عشان انا محجبة بس؟

وبعدين انا قلت الكلام دا بيحصل في الشواطيء النضيفة انما شواطيء الشعب ف اي حد بيعمل اي حاجا

بس لو شاطر تنزل المية اصلا‍‍‍‍

[Sharkiah]

الواجب علينا نخفف عن المرأة عبأ الحجاب .. و هو بالرغم من أنه فرض إلا أنها عبأ..و التخفيف يكون بعمل تسهيلات مثلا اوقات السباحة على الشاطئ ممكن أن تقسم ..أو الشاطئ نفسه يقسم إلى جزئين .. أو حمامات السباحة فى الأندية ممكن يكون 3 أيام للسيدات و 3 أيام للرجال .. أو صالات رياضية أو ملاعب للسيدات.. أو يقسم الوقت بحيث أوقات للسيدات و أخرى للرجال....لكن الذى يحدث أن المرأة تحجبت و أصبحت كائنا لا يستطيع أن يمارس أى نشاط رياضى أو يستمتع بالطبيعة ..و ربنا لم يفرض عليهم الحرمان..و ليس أسهل على الرجل أن يقول أنتن أخترتن الحجاب..فهذا هو مصيركن التعاسة فى الدنيا و الجنة فى الآخرة !!! أين العدل و الرحمة أيها الرجال؟؟..نحن بهذا الأسلوب ننفر المرأة من الحجاب..لأن كل واحدة قبل أن ترتدى الحجاب سوف تفكر مليون مرة لأنها سوف تستبعد نهائيا عن كل الأنشطة الحياتية..

و أولا علينا كرجال أن نحاول تسهيل الأمور و إيجاد الحلول حتى نشجع الفتيات على الحجاب و نقول لهن لا يوجد فرق فى ممارسة الرياضة سواء كنت محجبة أم لا ..هكذا يجب أن نفكر و هذا دور المرأة فى كل مكان أن تطالب بحقها و أن يكون لهن أماكن و أوقات خاصة فى كل الأنشطة الممكنة...

أنا شخصيا موافق على كل كلمه قلتها هنا