طلب يتيم

[Lancelot]

و الله العظيم إنتوا ناس غريبة جدا .... بتدورا علي نقط الخلاف و تصدروها لبعض .....

براود قال نعمل حمامات سباحة مخصوصة للستات ..... و باقي الأخوة قالوا نخصص حمامات السباحة يوم للستات ....

و أنا عايز أعرف إيه الفرق بين الكلام ده و الكلام ده ..... مفيش أي فرق خالص و الله .... أنا ركزت في الجملتين قيمة يجي ربع ساعة و مش لاقي فرق ..... و إن كان علي البحر ..... فوجود شواطئ مخصوصة للسيدات أو تحديد أوقات مخصوصة للسيدات مش مشكلة كبيرة و هي فكرة قابلة للتنفيذ جدا .... بل و تنفذ في أماكن كثيرة ....

و نفس الكلام ينطبق علي الجيم (النادي الرياضي و صالات الألعاب) ... فيه أيام مخصوصة للسيدات ... 3 أيام في الإسبوع ... و مفيش جنس راجل يهوب ناحية الجيم في الوقت ده .....

يبقي إيه المشكلة ..... عاملين مشكلة و خلاف من لا مشكلة ... إستهدوا بالله و صلوا علي النبي ....

و تبقي نقطة أخيرة لأختي العزيزة .... شعنونة .....

و وعد منك إنك مش هتزعلي ....

لو سمحتي .... لو سمحتي .... بلاش التعميم في الأمثلة اللي بتذكريها .... سيادتك بتقولي و تحكي علي مواقف و تعمميها و تبقي مصر كلها بتتصرف بالطريقة ديه .... و ده مش صح أبدا .... اه ممكن يكون الموقف بيحصل غالبا لكن فيه مواقف كتير لا تحدث زي ما إنت بتقولي .... و التعميم في أي موقف غلط غلط غلط ......

زي ما قلتي ......

كله دلوقتي يعتبر المحجبة عار

يا سبحان الله .... مين اللي قال كده يا بنتي ..... لعلمك بقي الحجاب مكتسح مصر اليومين دول ... لدرجة إن الناس التانية قلقت و طالعة فيها في كل مكان تشكك في فرض الحجاب ... و الحجاب وصل للسينما لدرجة إن بتوع السينما خايفيين إن يصيحوا يوم يلاقوا مفيش ممثلات .... و بعد كل ده سيادتك تقولي كده .. لا لا يا شانا .... إنتي غلطتي في ديه خالص ....

قلنا من غير زعل .....

[الطفشان]

و تبقي نقطة أخيرة لأختي العزيزة .... شعنونة .....

و وعد منك إنك مش هتزعلي ....

لو سمحتي .... لو سمحتي .... بلاش التعميم في الأمثلة اللي بتذكريها .... سيادتك بتقولي و تحكي علي مواقف و تعمميها و تبقي مصر كلها بتتصرف بالطريقة ديه .... و ده مش صح أبدا .... اه ممكن يكون الموقف بيحصل غالبا لكن فيه مواقف كتير لا تحدث زي ما إنت بتقولي .... و التعميم في أي موقف غلط غلط غلط ......

أؤيد ما قلته يا أخ لانسلوت

لا يجب ان نخطئ الخطأ الشائع بجعل الاستثناء قاعدة

او ظاهرة

او تضخيمه و اعطاؤه اكبر من حجمه الحقيقي

[بنت شعنونة]

لانسولت!!!

انت اول مرة تحتد عليا كدا في الكلام!!

عموما

حاضر...................

[Lancelot]

لانسولت!!!

انت اول مرة تحتد عليا كدا في الكلام!!

عموما

حاضر...................

لا و الله يا شانا ... أنا مش قصدي أبدا أحتد عليكي في الكلام ... لكن الواحد لما يشوف واحد يهمه بيعمل حاجة هو شايفها غلط يبقي لازم ينبه للغلط ده ... مش كده و لا إيه .... فالكلام ده لأني مش عايزك تقعي في حاجة أنا شايف إنها غلط .... من خوفي علي أخت عزيزة و الله .... فيه ناس كتيرة بتغلط لكني بأكبر دماغي لأنها لا تهمني و لأن الكلام معاها مش هيجيب نتيجة ....

مرة أخري بأكرر إعتذاري لو إحتديت عليكي في الكلام ... أرجو إنك تكوني مش زعلانة ... و لو شايفة إني مش صح في اللي أنا قلته يا ريت توضحي وجهة نظرك ....

[بنت شعنونة]

ولا يهمك يا لانس

فداك...

انا كان قصدي الاغلبية ومش الكل طبعا

بس الظاهر ان ما عرفتش اوصل المعني

بس برضه غالبية كتير

عموما انا اسفة...

[shakoosh]

أنا بالفعل اجد أن هذا الموضوع من أهم الموضوعات .. و لذلك كنت أتمنى أن يفتح فى مكان آخر حتى يتم النقاش فيه بشكل أوسع و أعمق ..لأن هنا فى مطالب المصريين ... المفروض كما يدل الإسم أنها مطالب محددة و ليس نقاشها..

المرأة هى 50% من المجتمع و هن يعانين من أسلوب الحياة فى مصر و المفروض دولة إسلامية كمصر أن يكون إقامة المجتمعات و تنظيمها يكون مبنى على أساس تكفيل حرية الحركة و ممارسة النشاط للمسلمين و المسلمات بدون حرج ..مثال بسيط إقامة الآلاف من المشاريع السياحية بدون وضع أى إعتبار أننا دولة إسلامية ..و المفروض أنها من البديهيات..

المشكلة الأخرى الذى ألاحظها من الأخوة الذكور أنهم يتكلمون على المرأة ""على انها إنسانة من نوع آخر ..و يصبح التعليق حجاب نعم.. سباحة ليه أو مش مهم.. كفاية أنا أعوم..المواصلات زحمة .. خليكى فى البيت..أنا ممكن أتزنق فى المواصلات مش مهم أنا راجل...!! تلعبى رياضة ليه.. أنا أروح و ألعب و أتمرن أنا رجل............................""

و هكذا كل شئ غير مناسب للمرأة المسلمة للقيام بأى شئ لممارسة الحياة الطبيعية .. مثل الرجل...و السبب أننا لا نهتم بتصحيح الأوضاع .. حتى لو على حساب المرأة التى هى نصف المجتمع.. الله بين لنا الحلال و الحرام .. فلماذا لا نسهل الحلال..

أنا هنا سوف أتكلم عن تجربتى الشخصية..أنا يأتى لى مريضات من أصول عربية أو تركيات...و معظمهن يرتدين الحجاب ..و معظمهم يعانى من أمراض عضوية نفسية.. وذلك بمنتهى البساطة لأن حياتهم ما هى إلا و تيرة واحدة..و هى عمل, شراء,طبيخ , غسيل, مشاكل منزلية.................هى تجلس فى البيت و صديقتها الألمانية تذهب للسباحة فى الصيف و الشتاء و تلعب رياضة و تلتقى بأصدقائها و تقوم برحلات حول العالم ... إلى آخره من الأنشطة...! بالطبع المسلمة تصاب بإحباط شديد وملل من حياتها بل و تكون لديها ثورة داخلية و صراع دائما !! أنا هنا لا أتكلم عن الإيمان و قوة الإيمان...و لكن على الإنسان الذى يعانى .. ألمانيا ليست دولة إسلامية ..لذلك لا أستطيع أن أطلب تسهيلات لحياة المسلمات فيها .. و لكن مصر لا يجوز أن يحدث فيها ذلك .

.

و هنا أرد على الأخ العزيز لا نسلوت ..إذا كان تقسيم الشواطئ و الملاعب و الأوقات سهلة الحل.. لماذا إذا لم تفعل الدولة ذلك؟..هل سياسة الدولة تنفير المسلمات من الحجاب و جعله عبء نفسى!!!

كما قلت الموضوع كبير و للأسف أن معظم المشاركين فيه من الذكور و كنت أتمنى أن الأخوات يتكلمون بحرية و بدون حرج مثل الأخت شعنونة كما هى دائما مثال الصراحة و العفوية فى التعبير .

[Lancelot]

و هنا أرد على الأخ العزيز لا نسلوت ..إذا كان تقسيم الشواطئ و الملاعب و الأوقات سهلة الحل.. لماذا إذا لم تفعل الدولة ذلك؟..هل سياسة الدولة تنفير المسلمات من الحجاب و جعله عبء نفسى!!!

يا أستاذ شاكوش .... هذا الحل مطبق فعلا ... و كمثال النادي الأهلي يخصص علي الأقل يوم إسبوعيا لحمام السباحة للسيدات فقط ...

و فيه أندية رياضية و أندية صحية (جيم) تخصص 3 أيام أو علي الأقل فترة من الأيام الثلاثة للسيدات فقط ....

المشكلة الأخرى الذى ألاحظها من الأخوة الذكور أنهم يتكلمون على المرأة ""على انها إنسانة من نوع آخر ..و يصبح التعليق حجاب نعم.. سباحة ليه أو مش مهم.. كفاية أنا أعوم..المواصلات زحمة .. خليكى فى البيت..أنا ممكن أتزنق فى المواصلات مش مهم أنا راجل...!! تلعبى رياضة ليه.. أنا أروح و ألعب و أتمرن أنا رجل............................""

و ده يثبت إن المرأة مشكلة صنعها الرجل ... الخنقة اللي الراجل عاملها علي الست بتخليها تنفجر .....

و أتفق معك في معظم ما قلته .... خصوصا عن الحياة المملة للمرأة و ضرورة مشاركة السيدات معنا في هذا الموضوع و عفوية و صدق شعنونة .....

[بنت شعنونة]

يا جماعا

انا ما انكرتش انه في اماكن مخصصة للمحجبات

بس فكرتوا تدخلوها؟؟

والنبي اتنكروا وادخلوها يوم واحد بس وتعالوا قولولي رايكم

دا انا بتهيألي اني لو رحت مكان مختلط ها اخد ذنوب اقل عن لو رحت اماكن المحجبات دي!!!

طبعا مش الكل (سامعني يا لالالالالالانسولت!!!!)

انما المعظم...."وش قرفان"

انما يعني معلش

يعني انا ماليش نفس اخرج انا وبابا واخواتي الصبيان؟؟ او انا وجوزي وولادي كلنا في نفس الحتة ننبسط؟؟

ايه المانع يعني؟

يعني ليه كل واحد فينا ينبسط لوحده وخلاص؟

والله العظيم ما بيبقى ليها طعم

ويمكن عشان كدا كتيييييييييير جدا من المحجبات بتفضل قعدة البيت عن الخروج لوحدهم من غير عيلتهم

طب ليه انا اعزل نفسي العزلة السودا دي؟

في السعودية كان فيه حتت سمها اماكن عائلالالالالالالات فقط

في الملاهي و الحدايق وكل حتة حتى المطاعم

كنا بنتفسح ونضحك وننبسط كل العيلة من غير ما حد يجرحنا

و لأماكن العوايل المفتوحة ماحدش بيبص ع التاني

حتى لو عيلة وفيها شباب بيتكسفوا من نفسهم عشان ابوهم وامهم معاهم وعينهم بتكون في الأرض

طب ايه المشكلة اني اقضي وقت مع اهلي ويكون سعيد؟؟

[Lancelot]

طبعا مش الكل (سامعني يا لالالالالالانسولت!!!!)

سااااااااااااااامع و النداء خرم وداني .....

"وش واحد فتح علي نفسه فتوحة"

[Salwa]

كيف حالكم؟؟؟

اصل انا كالعادة...على طول مشغولة...ودى برضه ظاهرة صحية..

ايه ياشانا ياحبيبتى؟؟؟

اوعى تلبسى اللى اسمه ايه ده؟؟؟ مايوه شرعى.

ايه الشرعى اللى فيه؟؟؟

تنزلى الميه والملابس تلصق على جسدك....ويبقى فيه اثارة اكتر من البكينى..صح؟؟

اختارىنوادى تخصص يوم للسيدات.

او البحر...اما تاخدى مركب او لنش وتنزلى تسبحى فى الحتة اللى على كيفك..بيتهيألى سهل جدا جدا تاخدى بلسوار انتى واخوكى..وتلبسى بنطلون عادى وتى شيرت...يوجد حلول طيبة لكل شىء..

المشكلة....ان مفيش مشكلة.

شانا...تعرفى تعومى؟؟

اوعى تغرقى؟؟

سلامى.

[se_ Elsyed]

.........بس خلينا في نقطة حمامات سباحة للنساء دي .. و الله العظيم فكرة هايلة ..

طيب عارفة يا أخت شعنونة .. خللي الموضوع ده نشاطك و هدفك ؟؟؟

ما رأيك في ذلك ؟؟

يصبح لك هدف تسعين من أجله .. جمع تبرعات .. البحث عن ممولين .. عمل اشتراكات مدفوعة .. و الله انت متعرفيش الثواب اللي هتاخديه على حس الموضوع ده ؟؟

و حضرتك ماشاء الله نشيطة .. و تقدري على كده !!

و لا تقولي .. لا أستطيع لوحدي .. أصل و ماتنال المطالب بالتمني .. و لكن تؤخذ الدنيا غلابا .. صح ؟؟

ايه رأيك ؟؟

و هو هدف محمود .. يعني اخت مسلمة تسعى من أجل أن تمارس رياضة .. و في نفس الوقت بدون مخالفة شرعية .. يعني هدف جيد ..

فكري في الموضوع ....

انت بتقول فيها يا باشمهندس. ممكن تبقى شركة مساهمة لانشاء المشروع و ادارته بعد استكماله. تخيل مشروع زى ده يؤسس بالأخوة و الأخوات من المنتدى اللى لهم اهتمام بالمشاريع التجارية مثل اخونا SS و اخونا حشيش و اختنا ست امينه ود. شعنونة و اختناgoold و انا (ان شاء الله) وتطرح بقيةالأسهم للبيع . ممكن المشروع يشمل صالون تجميل و جيمنزيم للأخوات فقط.

إبن النيل .. أخويا .. حبيبي ... شيلني من دماغك اللهم أجعل كلامنا خفيف عليهم ، طب من غير حلفان يا شيخ لو مجموعة فكرت فى مشروع زي ده هايخدوهم ورا الشمس ..

عايزلي شاطيء للمحجبات والأخوات ياخويا !!! آه يعني فيها تنظيم قاعدة وواقفة ونايمه ... ويبعتونا كلنا على جوانتانامو .

لكن خلي واحد كده يعلن عن أفتتاح شاطيء للعراه ... على طول يبعتوا وزير السياحة يفتتحه .

لسه جايلي خبر أنهم قفشوا واحد من معارفي ... شاب محترم ومتدين وعلى فكره هو طبيب بس أتخصص فى مجال الكمبيوتر ... مش عارف أيه تهمته ( يمكن علشان كان بيصلي !!! )

[Proud Muslim]

يا برااااود انت عقدتني اانا شخصياااا يا ابنيييي!!!! 

"وش مفلووووق عيااااط"

أنا ؟؟ أنا ؟؟؟

:((((

و الله ده انا بحاول أخلي الأمور تبقى أسهل و في اطار الشرع بس مش أكثر ..

طيب .. موضوع الشاطيء المخصص للعائلات ده .. ممكن تطبيقه بأمان 100 % ؟؟؟

لو ممكن نضمن 100 % .. يبقى نتفاوض ..

:))

خلوان بس في مشروع الأخت شعنونة اللي هاتعمله ان شاء الله هيو الاخوات اللي في المنتدى ..

و معاكي كمان الأخوات الفاضلات في المنتدى .. Salwa .. Farida .. Elham .. Crossfield .. goold ..

يعني عايزين همة بقى .. و مفيش قلق و لا حاجة يا أستاذنا العزيز se_elsayed .. عادي و الله ..

[حمزاوى]

كتبت الأخت سلوى:

ايه ياشانا ياحبيبتى؟؟؟ 

اوعى تلبسى اللى اسمه ايه ده؟؟؟ مايوه شرعى. 

ايه الشرعى اللى فيه؟؟؟ 

تنزلى الميه والملابس تلصق على جسدك....ويبقى فيه اثارة اكتر من البكينى..صح؟؟ 

اختارىنوادى تخصص يوم للسيدات.

هناك نقطة أخشى أنكم لم تلحظوها وأرجو أن تراعوها في نقاشكم وهي أن للمرأة عورة على المرأة يجب أن تسترها حتىفي النوادي التي تخصص يوماً للنساء.

وقد قال صلى الله عليه وسلم{لا ينظر الرجل إلى عورة الرجل ولا المرأة إلى عورةالمرأة} أخرجه مسلم عن أبي سعيد الخدري رضي الله عنه.

[White heart]

achnaton كتب:

وجيوش الحريم ينزلوا البحر زى ما هما بلبسهم .. تلاقوا المية اتبقعت بلون اسود .. نقط كده جنب بعضها .. والعساكر بتحرسهن على البر .. وكان ممنوع على آى راجل او شاب الأقتراب من الشاطئ .. ولما العساكر تصفر .. تخرج الحريم من المية.. وجرى على العشش وتلاقى بعدها احبال الغسيل رافعة الأعلام السوداء ( ملابسهن ) معلنة فتح الشاطئ للرجال والشباب .. ليتفرج عليهم الحريم ..