ناوي تعمل أيه لما تستقر فى مصر ؟

[moody00x]

نداء إلى مودي : إنت روحت فين يابني ده أحنا لسه فى أول المشروع

انا موجود يا زعيم وعمال أدورها شمال يمين مش لاقى قدامى الا الميكروباص

على الطريق يعنى 3000 جنيه فى الشهر لو معاك سواق أمين ويعرف ربنا

مصنع الملابس كنت متحمس جدآ لحد ماألأخت جولد قالت إن ليها ناس كتير عملوه وخسرو

ايه رأيك بافكر جديأ فى قهوة بلدى مودرن شبابية طحن وهنبيع ميه سخنة يعنى التكلفة بسيطة بس المكان هو المشكلة

[شيكو المصري]

نرجع للسؤال الرئيسي حتعمل اية لما ترجع ....

افضل اجابة حتى الان هي اجابة الاخ ابويحي عن الزراعة الحيوية احيية على هذا التفكير .

انا لما ارجع حخلص الكلية ان شاء الله و الجيش بعد كدة ان شاء الله ناوي لو فضل معايا فلوس((وش واحد مش فارقة معاة )) اني اشارك احد زمايلي في عمل مشروع صغير لأحد المنتجات الكيميائية (( لم يحدد)) اهم شروطة ان لا توجد منافسة محلية لة .. احنا ما ننافسش غير المستورد .(( وش واحد شكلة حيخسر اللي قدامة و اللي وراة.. دة لو لقاهم اصلا ))

فالمنتجات الكيميائية تتميز مواد خام رخيصة و انتاج مواد غالية الثمن (( وش واحد استثماري )) لكن عمليات معقدة و متخصصة الى حد ما . و الات غالية الثمن و ربما يكون هناك مشكلة في التمويل .

.... هناك احتمال اخر بقة اني ادور على شركة بترول و لا سماد و ابقى موظف و ارجع بالبطيخة بعد الضهر و دية مش امنيتي و لكن ممكن تتحقق لفترة مؤقتة .

[maksoof]

]

وأنا علشان أثبتلك أن أحنا شباب جدعان قوي يا عم مكسوف ، هاديلك كارت شخصي مني توصية للسمك وهاتلاقيه جاي لحد صنارتك بدون أي تعب ولا قاعده تحت الشمس .. ولو تحب سيادتك كمان أنك تصاد معاه السلطات والعيش السخن ماعندناش مانع .

أهو ده الكلام عشان أرجع البيت أقول لمراتى إصطدت لك سمكة و بصلة خضرة و برطمان طحينة و إصطدت طماطماية بس كانت صغيرة فرميتها تانى فى البحر "وش واحد شبه أبو لمعة".

مصنع الملابس كنت متحمس جدآ لحد ماألأخت جولد قالت إن ليها ناس كتير عملوه وخسرو

يا أخ مودى كل المشاريع اللى ممكن تفكر فيها حتلاقى حد حاول يعملها و فشل بس ده مش معناه إنك ما تحاولش. شوف هما فشلوا ليه عشان تتجنب أخطاءهم. المشاريع بتنجح لما الواحد يخطط لها التخطيط السليم و يديرها إدارة سليمة. و لو تعمل زي اليابانيين يعنى تنتج إنتاج مستواه عالى و تعمل كل حاجة صح من أول مرة عشان يبقى إنتاجك يكسب سمعة كويسة. و النت مليانة دروس عن إزاى الواحد يبدأ بيزنيس جديد. فأنا رأيى إنك تدرس الموضوع كويس و لما تشعر إنك مرتاح للفكرة و عارف إيه اللى لازم يتعمل توكل على الله و بإذن الله حتنجح.

[الطفشان]

]

وأنا علشان أثبتلك أن أحنا شباب جدعان قوي يا عم مكسوف ، هاديلك كارت شخصي مني توصية للسمك وهاتلاقيه جاي لحد صنارتك بدون أي تعب ولا قاعده تحت الشمس .. ولو تحب سيادتك كمان أنك تصاد معاه السلطات والعيش السخن ماعندناش مانع .

أهو ده الكلام عشان أرجع البيت أقول لمراتى إصطدت لك سمكة و بصلة خضرة و برطمان طحينة و إصطدت طماطماية بس كانت صغيرة فرميتها تانى فى البحر "وش واحد شبه أبو لمعة".

و يا سلام لما تقول للمدام ان السمكة طالعة مشوية بالردة و ملفوفة في جرنال كمان!

(ابو لمعتين)

[Rabso]

رجاء إلى : رابسو ، فراشه ، ميزو ... مش عايز أي لغوصة فى التوبيك بتاعي .. ده بزينيس يا ناس يعني ماني توك ( وش زعلان علشان التوبيك أتحول إلى خناقة وشد شعر )

حاضر يا سي السيد ... مدام هناك ترحيب باللي بيسخروا من بلدي في موقع محاورات بلدي و كمان بيُطلق عليهم ألقاب تشريفية و مش عاجب إني أدافع عن بلدي يبقى لازم أعتذر لصاحب الموضوع و أعتذر للموقع ككل و أستأذن.

من زمان الواحد فعلاً حاسس إن الموقع ليه ناسه يبقى الواحد يشعر إنه دخيل ليه؟ و بما إنه أول مرًة أشعر الشعور ده يبقى أعتقد إن مكاني مش هنا ... ربنا يوفق الجميع لما فيه الخير لبلدي.

مع حبي و تقديري لكم جميعاً.

[goold]

رجاء إلى : رابسو ، فراشه ، ميزو ... مش عايز أي لغوصة فى التوبيك بتاعي .. ده بزينيس يا ناس يعني ماني توك ( وش زعلان علشان التوبيك أتحول إلى خناقة وشد شعر )

حاضر يا سي السيد ... مدام هناك ترحيب باللي بيسخروا من بلدي في موقع محاورات بلدي و كمان بيُطلق عليهم ألقاب تشريفية و مش عاجب إني أدافع عن بلدي يبقى لازم أعتذر لصاحب الموضوع و أعتذر للموقع ككل و أستأذن.

من زمان الواحد فعلاً حاسس إن الموقع ليه ناسه يبقى الواحد يشعر إنه دخيل ليه؟ و بما إنه أول مرًة أشعر الشعور ده يبقى أعتقد إن مكاني مش هنا ... ربنا يوفق الجميع لما فيه الخير لبلدي.

مع حبي و تقديري لكم جميعاً.

أزيكم

فراشة .. على كيفك بقه يمكن مصر مفيهاش ورد تحطى عليه خلاص ياجميل حوطى على البلد الا تعجبك بس ونبى خفى الحملة على امنا مصر يمكن ترجعلها يوم لما يطلع فيها ورد جديد ..

رابسو

ادخل بيتك معندناش حد يبات بره ارجع احس انت عارف هعمل فيك ايه .. نظف ياعم ذى ما انت عايز بس متتحججش بقه وتروح تنظف بيت حد تانى .. يلا هزيح الـ تحت البلاطه وبلاش فرن ولا حاجه وهعطيك من الـ goold الـ شيلاه يلا بقه ..

[الطفشان]

الاخت جولد، الاخ رابسو

الموضوع لا يستحق كل هذا

كلامها لم يكن هجوم على مصر

فهي مصرية ايضا، و تعيش في الخارج

و لكنها ترثى للحال الذي وصلنا اليه

و ان البلد اصبحت مركز طرد بدلا من جذب، حتى لابناءها

و يجوز انها اخطأت في التعبير

ارجو اننا نستمر في الحوار البناء

و نتجاوز عن هفوة زميلة

الاخت فراشة

رجاء مراعاة شعور الاخرين مستقبلا

فقد يجرحهم الكلام بدون قصد منك

انتهى الموضوع من فضلكم

[farasha79]

الاخت جولد، الاخ رابسو

الموضوع لا يستحق كل هذا

كلامها لم يكن هجوم على مصر

فهي مصرية ايضا، و تعيش في الخارج

و لكنها ترثى للحال الذي وصلنا اليه

و ان البلد اصبحت مركز طرد بدلا من جذب، حتى لابناءها

و يجوز انها اخطأت في التعبير

ارجو اننا نستمر في الحوار البناء

و نتجاوز عن هفوة زميلة

الاخت فراشة

رجاء مراعاة شعور الاخرين مستقبلا

فقد يجرحهم الكلام بدون قصد منك

انتهى الموضوع من فضلكم

يعيش الطفشان

انا مش بحب اضايق او اجرح حد يا الطفشان ...و فعلا انا ماكنتش اقصد اني اخلق جو نكد بالشكل ده ... او اخرج من الموضوع الاساسي.... و هفضل معاكم اشارك برأي و مش هروح بلد تانيه يا جولد لاني حبيت المنتدى ده . بس مش هقول كل اللي في قلبي بعد كده

و عموما انت قلت خلص الكلام.....

نعود للموضوع الاساسي بقى

انا في مشروع في بالي بس ممكن اعمله و انا هنا ... شراء شقه و تأجيرها بس طبعا مش هدفع كاش . هدفع مقدم و اقسط الباقي و اجرها و اسدد قسطها من قيمه الايجار لغايه ما اسدد ثمنها ..

فكره في بالي بس لسه بتكتك ليها

[se_ Elsyed]

يا جدعان .. صلوا عالنبي أومال .

- أيه يا عم رابسو الرغاوي اللى أنتى عاملها دي ؟!!! أنا مابحبش اللى بيتأمص .. خلينا نعرف إزاي نختلف مره واحدة ... وبعدين أيه المنتدى بقى ليه ناسه دي ؟!!! أنا سبق وأعلنتها مدوية إني راجل الحكومة وإني بأبلغ عن الموجودين هنا .. يعني أنا مش بتاع المنتدى .. اتبسطت ياعم ( أبعت بقى بينانات املة علشان أبلغ عنك وأكمل الكوته بتاعت الشهر ده )

- نرجع للجد ... شوف يا مودي .. العبد لله بيعتبر أن القهوه هو أسوء فكره عرفتها البشرية خاصة لما تكون فى مصر لما يرتكب فيها من موبقات تودي في ستين داهية وبالتأكيد إذا كان روادها يرتكبوا المعاصي ( معظمهم ) فصاحبنا اللى مؤسس هذه القهوة هايشيل البيعة كلها بما فيها ذنوب البشر دي ... يعني بالعربي كده هاتبقى سيئة جارية .

- وقد قال زميلي فى المهنة الدكتور حلاوة .. مش معنى أن مشروع فشل يبقى الفكره كلها فاشلة ، بالعكس فقد يكون سبب الفشل راجع إلى طريقة الإدارة الخاطئة.

- سيبك من مشروع الميكروباص .. لانها عايزة ناس معينة ، وشعنونة بتلقائيتها المعتادة قالت الموضوع ده عايز واحد " لبط " وأنت شكلك مش لبط يا مودي يعني كتيرك قوي تعمل مشروع بسكلتات .

[moody00x]

كده يبقى قفلتها زى الدومنه يا عرب....انا كنت بهزر طبعآ فى

موضوع القهوة ..لكن طيب وبعدين الميكروباس مش نافع لو عشان بس

حكاية اللبط دى أظن إن أى حاجة هتعملها لازم تكون من ضمن شروط

النجاح فى مصر هى الصفة العظيمة دى انك تكون لبط...طب والله أنا

بافكر لما انزل مصر واشترى عربية والمدام جنبى كده وهب سمعت أحلى كلام

على الطريق لو حاولت تمشى صح ولا متكسرش اشارة قابل بقى اللى

هتسمعه...يعنى تقريبآ كده لازم الواحد يغير الموروثات الادبية

والاخلاقية اللى جوا

نيجى لباقى المشاريع..كنت فى قمة الحماس لمشروع ملابس الاطفال لكن

ألأخت جولد قالت انه اتعمل قبل كده وفشل بسبب التسويق..ورد

ألأستاذ مكسوف بعقلانية ان كل المشاريع معرضه للمكسب والخسارة واللى

يفشل معاك ممكن ينجح مع غيرك وده كلام مظبوط جدآ نظريآ لكن فى بلد

مفيهاش نظرية أو قاعدة إقتصادية واحدة صحيحة هتعمل ايه؟

أنا سافرت وتعبت ورضيت انى أتنازل عن العمل بشهادتى فى الخارج فى

مقابل إنى أعمل فلوس وأنزل مصر وأحقق حلم عمرى اللى سافرت علشانه

وهو انى أرجع وأشتغل فى مجالى وأفتح مكتب هندسى ولما لميت القرشين

إتصلت بكل المهندسين أصحابى فى مصر كلهم قالو لى جملتين إتنين

يا ترجع وتفتح محل فول وطعمية او كشرى

يأماتخليك عندك ومتفكرش فى الرجوع

أقولهم يا جدعان بقى من مكتب هندسة واستشارات لفول وطعمية يقولو

أه كده هتكسب وتعمل دخل ممتاز ومع الهندسة هتقفل تانى يوم ده لو

جالك شغل أول يوم أساسآ

طبعأ نفسى أحقق نجاح فى مجالى وأرتاح نفسيآ انى عملت حاجة..انى لقيت

نتيجة بعد التعب بس برضه أرجع وأقول مانا ورايا أسرة وعايزين

وعايزين...يعنى الفول والكشرى يكسبو وطظ فى الهندسة...

يأما أرجع أشتغل فى أى شركة زى ألأول بس برضه مع وجود المحل على جنب

فكرت فى مشروع تربية المواشى ولا مؤاخذة على طريقة حشيش بس على

أوسع لقيت برضه محتاج أرض ومبانى وحد متواجد على طول يراعى المشروع

بس هى فكرة كويسة لان حتى لو سيادتك خسرت هاتاكل الباقى واهو

برضه مكسب...

ممكن حد لو سمحتم يجاوبنى على السؤال ده

أدعى على مين اللى غربنا؟

واللى وصل مهندس من تفكير متزن وعقل مرتب الى انه يفكر يبيع فول

وطعمية؟

مع إحترامى طبعآ لكل المهن الشريفة لكن أقصد إستبدال مجال فيه فكر

وابداع وعلم لمجال الفول والطعمية والمكروباس والمواشى

برضه بوضح وأقول إستبدال لأنى فى ألآخر عارف إن كل المهن دى

نضيفةوشريفة والرسول عليه الصلاة والسلام قال تسع أعشارالرزق فى

التجارة..لكن قصدت تحويل التفكير من مجال لمجال بعيد عنه تمامآ

سيد تشاركنى على عربية كبده؟

وش واحد قاعد فى خيمة فى الصحرا ودقنه طويلة وبيشرب قهوة وهربان من الواقع المر

[shakoosh]

الأخ مودى..نصيحة من أخ ..أنت فى بلد الجميع يحلم أن يذهب إليها و ليس فقط من مصر و لكن من الأوربيين أنفسهم .!! و إتعلمت أن أفضل و أكبر إستثمار هو إستثمار النفس !! سوف تسأل كيف ؟ حاول أن تعادل شهادتك , أو تتعلم فى الجامعة هناك شئ آخر يضيف إلى شهادتك تخصص ما . إذا إرتفعت قيمتك العلمية إرتفعت فرص وجود عمل و فرص دخل أكثر ..و لا تتنازل عما تعبت من أجله الليالى لكى تكون مهندسا ..بل حاول من تطوير كفاءتك و علمك.. و أنظر إلى ما يحتاجه السوق فى مجالك و ركز عليه أكثر .. و أعتقد أنه يوجد دورات تدريبية و غيرها للتأهل ..المهم أن تبدأ و لا تضيع الوقت ..

[maksoof]

الأخ مودى:

أنا معرفش إنت فى أي بلد بس الموقع ده فيه الحاجات الأساسية اللازمة لنجاح أى مشروع.

http://bsa.cbsc.org/gol/bsa/interface.nsf/...f/engdoc/0.html

طبعا البلد اللى إنت فيها جايز لها متطلبات زيادة (فهلوة أو لبط ... الخ) بس الحاجات الأساسية لازم تتوافر.

[albablawy]

سا عتين بقرأ فى الموضوع اربع صفحات كاملين قلت بس وجدت ضالتى وعرفت هعمل ايه لما أرجع مصر......................................بس لما خلصت الموضوع عرفت أنا هعمل ايه ............ بس انا مبحبش اصطاد سمك :blush: احب اكله على الجاهز.

بصراحة انتم حيرتونى :blink: نفسى قفلت عن كل المشاريع يبقى بلاش الواحد يفكر ويدخل ينام احسن لما ننزل يبقى يحلها ألف حلال :lol:

[Almaistrow]

هذا التوبيك قصدت منه أن نستفيد من أفكار وخبرات بعضنا البعض ، فلو فرضنا أن خلاص حصل اللى حصل ونزلت أستقرت فى مصر .. هاتعمل أيه يا جميل ؟

- هاتدور على وظيفة تاني وتستنى الكام ملطوش بتوع أخر كل شهر ؟

- أو تطلع القرشين اللى محوشهم نتيجة الغربة وتفتح بهم مشروع بتفكر فيه من زمان ؟

<{POST_SNAPBACK}>

تحياتى لك: سى السيد

واشكرك على الفكرة الجميلة

حبيت اشكرك واحييك وبعد قرااتى لافكار الاخوة الافاضل ستجد ردى بالنهاية

تحية من القلب

[Almaistrow]

سي السيد

لو انت بتعرف تتعامل مع طبقات الشعب المتشردة

اشتري ميكروباص وشغله على الخط

يجيبلك 3000ج كل شهر بعد خصم الأصلاحات ومرتب السواق

بس لازم تكون لبط عشان تعرف تتعامل مع السواقين عشان ما حدش يسرقك

ومريحة جدا ولا ها تتعب في اي حاجا

<{POST_SNAPBACK}>

مش لبط مع السواقين بس

دة لازم يكون لبط مع المرور وسيصبح زبونا لنيابة المرور

كل يوم مسحوبة الرخصة؟؟؟؟؟؟؟؟؟؟

تحياتى

[Almaistrow]

خلوهم ثلاث كراسي

و يا أما مية مالحة، يا أما مش لاعب

(بلاش ترعة الدكر)

سمك المية الحلوة مليان طفيليات

و سمك المية المالحة طعمه احلى

(فين الدنيس و المياس و القاروص و البوري!)

على فكرة

عارفين ان في شركة انجليزي بتجيب الخواجات سافاري يصطادوا سمك ضخم جدا اسمه Nile Perch في بحيرة ناصر؟

و انواع تانية كمان زي سمك النمر و انواع من القرموط

ببس الدنيا هناك حر موت ...

خلينا في وجه بحري

<{POST_SNAPBACK}>

ياجماعة انا غاوى جدا جدا صيد سمك بس نصيحة للى حاجزين كراسى بلاش تتفائلوا لان من يوم مارموا الاستاكوزا علشلن ورد النيل والثروة السمكية عندنا للاسف انتهت

الاول كانت الاستاكوزا تطلع مع لما احط فى السنارة(طعم اسمةدود الارض)اللى بيكون فى الطين

بعد كدة قلنا نصطاد بالقمح المبلل نغلية فى ماء برضة جت الاستاكوزا علية رغم انها مابتحبوش الان اى طعم نحطة تيجى علية عارفين لية؟

لانها خلصت على الزريعة السمكية واتجهت الى الاسماك الكبر فاكبر حتى توحشت فى المياة

والاستاكوزا ليست الاستاكوزا اللتى ناكلها ولكن فصيلة منها تشبهها

وتحياتى

[zamalkawy]

بص يا سي سي رغم انك اهلوي بس هقول الأفكار اللي في الطاسة بس كلها افكار عايز راس مال غميق :angry:

انا من طموحتى لما الم الجرشنات اني الأستثمار يكون في الأعلام و الأي بيزنس

يعني مصر مثلا لو تخبطلك محطة راديو محترمة بس بفكرة جديدة مش اغاني راديو كدة زي بتوع برة يكون مسئول مثلا عن محافظة القاهرة و يكون قريب من الناس مش زي الراديو بتاعنا الدنيا ريشة في هوا و يصباح الخير يلي معانا و كدة لا راديو دكر ان قلت متخفش و انا خفت متقولش مش سياسي برضوة يعني اللي عايز اعملها راديو من الواقع العام بلاعة مفتوحة مش عارف فين حملة بقى لحد ما يشوفلها حل و برامج توك شو و الناس تفضفض

او الأي بيزنس احلى سبوبة بس كلها بتعتمد على الجمجمة ايه فكرتك و هتفضل ورها لحد امتى و عملها راس مال ازاي و كدة

يعني كان في واحدة هندية في مصر متجوزة واحد مصري بس جمجمة ايه شعلة كانت قلتلنا على فكرة رهيبة لموقع رهيب و يجيب فلوس بالعبيط بس مش هقول فكرته لانه امانة

المهم يا باشا في البيزنس هو الفكرة و خش في الأفكار الغير تقليدية كل ما كنت انت صاحب الفكرة الجديد كل ما خدت احلة عائد من السوق

و إلى كل عشاق السمك في التوبك ده خدوني معاكواااااااااا ا يسلام على الوقار المشوي و البربوني اديني في الفسفور :ninja:

[se_ Elsyed]

والله يا جدعان أنا جذبني العنوان جداً .. وفوجئت بعد ما دخلت إني أنا اللي بدأته ...

الظاهر إني قربت من المرحلة السنية بتاعت صيد السمك ساعة العصاري ...

----

بس وليكن لسه الواحد داخله جذوة من الحماس ...

أي نعم ممكن تكون الأفكار إتغيرت لكن مازال الحماس موجود ..

----

تحية من القلب لكل الأسماء التي شاركت في الموضوع الغائبين والحاضرين والذي سيدلون بدلوهم من جيل الطلائع ( الأعضاء الجدد الذين سيحملون الشُعلة )

---

ولو إن بيني وبينكم بأفكر دلوقت لما أنزل مصر أشتري كرسي هزاز وأخد 10 % من تحويشة العمر ( يعني نقول مينيمم مليون دولار :ninja: ) وأقعد طول النهار في البورصة أبيع وأشتري أسهم - حلال طبعاً عشان مش عايزين كلام :angry: -

وبعدين أعدي على الترعة .. قصدي على محل السمك وأنا ماسك القُفه ( جيجي هاتسأل دلوقت قُفه يعني إيه ؟ ... من الاخر يعني هاند باج بس بلدي ) وأشتري إتنين كيلو سمك مع السلطات .. وأحبس بعلبة زبادي ... وقشطة على كده

[Almaistrow]

كل التحية لجميع الاغضاء

والفكرة الحلوة الجميلة وطبعا قرات كل الحوارات اللى دارت والافكار

بس ياجماعة لى رايى الشخصى فى موضوع (لما ترجع مصر هاتعمل اية)

ياجماعة اولا فية ناس عارفة هاترجع امتى وفية ناس برضة سايباها للظروف دى عامل اساسى فى الوقت والمبلغ اقصد ان الانسان لما يرجع ويفكر فى شىء اعتقد ان الوقت الذى تعيشة ماهو انسب شىء لهذا الوقت؟

بعد كدة نيجى للمكان اللى انت فية ونقول المكان دة محتاج اية؟ ومش شرط يكون موضوع انت فاهم فية اوى ومتخصص يكفى انك تتعاون اولا مع احد متتخصص براتب مثلا.

بعدين المبلغ اللى معاك كام؟ وتبدا تعمل دراسة جدوى وتاخد اراء بعض المستشارين لو لك اصحاب مثلا ناس تجاريين يعنى

اقصد فى النهاية ان الوقت والمبلغ والمكان دى حاجات ممكن تحكمك فى مشروعك

احيانا هناك بعض الصناعات او الانشطة لاتحتاج مكان شارع رئيسى مثلا ولو تحت بئر سلم هايجيلك زبونك والعكس هناك مشاريع لابد لها شارع رئيسى او مكان وسط بلد من هنا ممكن نعرف اية اللى ممكن نعملة

بعض الامثلة

بيع وشراء اجهزة وموبيليا المستعملة بحالة جيدة بعد شرائها وتظبيطها على يد بعض التخصصات كنجار براتب كهربائى مثلا

لو المبلغ كبير هنا ممكن شراء معرض لعرض البضائع دة غير الورشة

وهناك السوبر ماركت الكبير واعتقد فى اى مكان بيمشى لانة استهلاكى

مخبز وحلاوانى دة ماشى جدا

هناك الكثير ولايشترط التخصص لصنع افكار المهم المكان والزمان والمبلغ ودراسة جدوى

وانشاء اللة بالنجاح والتوفيق

وسيبها انشاء اللة للنزول وقتها هاتتحل وربك هايحلها لوحدة

تحياتى للكل ولمصر الحبيبة الغالية

[الطائر المحب]

آآآآآهـ يادماغي

والله ياجماعه قلبتو عليا المواجع وفكرتونا بالغربه وايامها ,, هي صحيح مرة ,, لكن احلى بكتير من مرارة الغربه في مصر

وبقول ياليتني مارجعت ولانزلت مصر ,,, كان مالنا ومال وجع الدماغ دا

لكن ارجع واقول الحمدلله على كل حال ,, ماهو هنعمل ايه

كان لازم يجي يوم ونرجع فيه لارض الوطن

انا بقالي 19 سنه في الغربه يعني من ساعه مااتولدت ,, وانا حالياً هكمل الـ 22 بعد 3 شهور فقط

في حياتي كلها ماشفتش اسوأ من الـ 3 سنين دول ...

الحمدلله على كل حال ,, هفضل اقلها واقلها ,,

لكن بجد الوضع في مصر حاجه مؤسفه جداً

مش عارف اخد شهاده وبحول من كليه لكليه ومن قسم لقسم عشان الاقي نفسي في الدراسه

لكن كل ماافكر في المستقبل والشغل وحال البلد , وكنا فين وبقينا فين

احس انه هيحصل لي حاجه

سبب فشلي في الدراسه له عوامل كتير جداً ,, اهمها للاسف اني كنت بهمل في دراستي وانا صغير لحد ماكبرت ودا لسهولة المناهج في السعوديه وتعودت اذاكر قبلها بيوم او يومين واحيانا ادخل امتحان من غير مذاكره نهائي والحمدلله بنجح وعمري ماسقطت واحياناً باخد تقديرات

لكن فشلي الحقيقي في مصر انه للاسف كان عندي احلام ورديه بصورة لاتتخيلوها عن المستقبل واللي جاي ,, تحولت لظلمه وتخبط في اوراق المناهج الدراسيه في مصر

اضافه الى صعوبتها

اضافه الى مشاكل الحياة التي اواجهها ...

بس برضو الحمدلله والشكر لله

فكرت بقى اني اسيب الدراسه وبلاوجع هم ووجع قلب ,,

اللي اخدو شهاده عملو بيها ايه

ماهو بسم الله ماشاء الله 80% من الشعب المصري بيشتغل في حاجه بعيده تماماً عن دراسته

لكن نقول ايه في مجتمع يحب المنظرة ,, ويحب الواجهه الاجتماعيه

نصائح كل الاهالي

خد يابني الشهاده وعلقها على الحيطه وبعد كدا اعمل اللي انت عاوزه

طيب يابابا وياماما لزمتها ايه السنين دي كلها والمصاريف ووجع القلب والدماغ والضغط العصبي في المذاكره من الاول

مااشتغل من دلوقتي واخد الدراسه هوايه ,, وخلاص

لا يابني ازاي ,, خد شهادتك ,, سلاح وسكينه ومطوى ومش عارف ايه

هي سلاح في انك تدخل جيش سنه وتتعامل احسن من غيرك بتوع السنتين والتلاته

انك لما تتقدم لواحده يكون معاك مؤهل عالي

المنظره على الناس انا معايا بكالورياس هندسه , انا دكتور ,, معايا ليسانس انجليزي ,, معايا ليسانس علم نفس ,, الخ الخ الخ

انا اعرف محامي معرفه من بعييييييد واخد ماجستير وبيتشغل جرسون

ياناس ياعالم ,, بالله عليكم مش حرام

الفلوس اللي بتتصرف على التعليم دي كلها , نوفرها ونعمل بيها مشاريع احسن

كله بقى يدخل كليات ومعاهد وبقت المعاهد على قفا مين يشيل

وفي الآخر المحصله ايه ؟؟؟؟

صفررررررر

اقتصاد منهار

سلبيات للسقف

استغلال

مصالح

واسطه

فساااااااد

رشاوي

لبط وعربجه

انا آسف على وش التشائم دا

بس انسو ياجماعه كل دا

انا كنت بس بتنفس معاكم شويه عن اللي جوايا

متحصر على المليارات اللي بتتصرف علىا لتعليم وفي النهايه كل شاب من دول عارف مستقبله , ياقاعد على قهوة , يابيشتغل شغلانه اي كلام ,, يايهاجر على برا ,, يايشوف الباباهـ والماماهـ يوظفوه في شركتهم ,, يايجيب واسطه ,, يايروح ينتحر

انا عندي الف واحد يتعلمو كل سنه يفيدو المجتمع بجد ويكونو واخدين الحياة جد وليهم دور في الحياة

احسن من انه يتعلم ملايين وفي النهايه المحصله لاتتجاوز الـ 10% من اللي استفدنا منهم في التعليم اذا مكنش اقل كمان

احنا قاعدين ندردش ونتكلم عن المشاريع وهنعمل ايه

طيب ياجماعه انا عندي استعداد تام للشغل حالياً وتأجيل الدراسه ومش فارقه معايا

يقولوا معاهـ ثانويه عامه , براحتهم , انا مش بتعامل بشهادتي , انا بتعامل باخلاقي مع الناس ,,

والشهاده تيجي براحتها ,,

بيكتر قوي مشروع الداوجن والارانب

وكل شويه الوسيط تطلع اعلانات بالعبيط عن المشاريع دي

يعني عندكم مشروع بياض ,, بقيمه 10 تلاف جنيه ,, العائده كل 32 يوم حوالي 1350 جنيه

ومشروع بط تسمين تدفع 16 الف جنيه والعائد كل 92 يوم حوالي 4850 جنيه ,

ومشروع رومي تسمين بقيمه 22 الف ,, العائد 8500 جنيه كل 117 يوم ,,

المشاريع دي من شركه اسكندريه للدواجن

وفيه شكره تانيه مش عارف اسمها

المشروع عليك والاشراف والتسويق علينا

مشروع ارنت بقيمه 19 الف جنيه والعائده 3 الاف جنيه شهرياً

ومشروع بط تربيه بتكلفه 3250 نيه والعائده 400 جنيه ( ادخل في 5 مشاريع كدا يعني 16250 جنيه والعائده الفين جنيه شهرياً )

مشروع بياض بقيمه 5500 جنيه بعائد 675 جنيه شهرياً

وغيره من الحاجات دي

انا بفكر جدياً اني ادخل احد هذه المشاريع

رأس المال معقول والحمدلله ممكن ادبره من تحويشه المصروف :sad: وبرضو هستلف من الحاجه ربنا مايحرمني منها يارب

وابدأ ,,,,

بس انا خايف وعاوز اسأل ناس ايه

ومش عارف اسأل مين ولااروح فين

متغرب جوا مصر وبرا مصر

ومعرفش اتعامل مع الناس كويس في المعاملات الماديه للأسف ,, ( لسا صغنن )

يعني وبسأل نفسي لو كان مشروع الارانب والفراح بيربح كدا

وبيجيب اجدع من الف بنك فائده 10% بس

يعني اللي يحط 100 الف في البنك يجيله 10 تلاف في السنه يعني حوالي 830 جنيه شهرياً بس ..

ولو بيخاف من ربنا يطلع زكاة المال اللي هي 2.5% من رأس المال يعني تتصفي الـ 100 الف تجيبله 7 الاف ونص في السنه يعني حوالي 625 جنيه في الشهر

ومحدش يقلي فوائد حرام ومش حرام ,,

شيوخ اجازوها وحللوها والحمدلله ,, وحاطط الفلوس بتاعتي في بنك اسلامي ,, الكام سحتوت اللي عملتهم والزكاة بتطلع والحمدلله

المهم ,, طيب بدل مااحط 100 الف في البنك مش بيجيبو همهم ,, مااحط نصهم في مشروع ارانب من ابو 19 الف ويجيب 3 تلاف في الشهر

يعني احط 57 الف جنيه ويدخلي 9 تلاف شهرياً

والباقي البنك خليه شغال زي ماهو ,, لانه محدش يغامر بفلوسه كلها ,, والا يبقى بيغامر مغامره كبيرة جداً

لكن ارجع واسأل نفسي معقول صافي الربح 3000 جنيه ,, اكيد فيه حاجات تانيه هدفعها

مش داخله دماغي حكايه الـ 19 الف تجيب 3 جنيه شهرياً ,,,

ممكن حد يشوفلنا الموضوع دا ياجماعه

اصل الاعلانات جميله قوي ومغريه

لكن تروح وتسأل ,, تفاجئ بالصدمه

ويارب مايكون صدمه

حتى لو هتجيب الفين كل شهر ,, حلوين وراضي بيهم

المهم اشتغل واتعب

لان الايد البطاله نجسه

ومستني رأيكم

ومعليش داخل عليكم سخن من اول رد ليا في المنتدى

بس انا قديم قوي قوي ,, وبتابع المنتدى من اكتر من 3 سنين ,, صحيح متابعه من بعيد لبعيد وعلى فترات متباعده

لكن فيه ناس حابب اقرا ردودها ,, وخصوصاً سي السيد

وبموت فيه وهو بيتكلم في الركن الرياضي

وتقبل تحياتي والجميع

اخوكم الطائر في احلام اليقظه