ناوي تعمل أيه لما تستقر فى مصر ؟

[MZohairy]

أنا مش ناوي استقر في مصر :sad:

[م الغزالى]

هذا الموضوع أراه فى غاية الأهمية لأننا مصيرنا حنرجع يوما حتى لوندفن فيها ولى ملاحظة اعتبرها هامة جدا انا على الأقل لاحظتها فى نفسى وأكدتها لى مدخلات الإخوة وأرجوا الأتعتبروها على طريقة - كرسى فى الكلوب - وهنا انا لا اسفه منها والله يعلم انى حرصت على المداخلة بغرض الخير و تقديم النصيحة والآن الى المداخلة

- معظم المشاريع المقترحة مشاريع كلها فردية و بدون هدف

للأسف ليست لدينا روح الفريق حتى فى أعمالنا من منا عمل او يعمل بالجامعة او البحث العلمى يعرف هذه الحقيقة طبعا أعرف ان خوفنا من الاخرين حيث انعدام الضمير و أكل الحقوق هو مايبعث على الخوف و لكن ما أكتب عنه الآن المشاريع الكبيرة التى تاخذ الشكل القانونى والتى بها كل شئ موثق وحفظ الحقوق من البديهيات

أعتقد أن بلدنا تحتاج مشروعات جديدة تقدم خدمات و تكنولوجيا جديدة لايستطيع الفرد الواحد ان يقوم بها و لابد من توافر أكثر من فرد ليس فقط من اجل تجميع رأس مال كبداية و لكن ايضا لتقاسم المسئولبات كل حسب إختصاصه و لكى تتضح الفكرة اضرب مثال كنت احد من عايشوه

كنت أعمل باحدى الشركات العالمية المصنعة للدواء فى احد أقسامها المسئول عن التحليل الأحصائى ووضع النتائج فى صورتها النهائية للتقدم لآخذ الموافقة او التصريح بنزوله السوق وهذه عملية معقدة يعلمها من له علاقة بهذا الموضوع المهم جاءنى يوم رئيسى المباشر وقال لى مارأيك سوف اترك الشركة انا و ثلاثة أخرين وسوف نؤسس شركة جديدة ونريدك المسؤل عن هذا القسم وسنعطيك مرة ونصف قدر مرتبك الحالى و لومعاك فلوس على الأقل عشرة الاف يورو تساهم معانا وكانوا قد قدموا مشروعهم الجديد لاحدى مجموعات الإستثمار التى وافقت عليه واخذوا معهم بعض النابهين من العاملين و كونوا شركة مساهمة ولكن للأسف لم أستطع الدخول معهم بالمال والإشتراك حتى لوبهذا المبلغ الضئيل هذا كان عام 2002 الأن عام 2006 دخلت البورصة بعد انجازات كبيرة وقفزات رهيية حتى أصبح زملائى مليونيرات أى والله وانا فقط لعبت دور الموظف و اعض على اصابعى من الندم صحيح أصابنى بعص الخير من عملى بالإضافة لبعض الأسهم فى البورصة منحونى اياها

نسيت ان اذكر انهم ثلاثة أشخاص هم من بدِؤا هذا الأمر ولكن كان عملهم دؤوب والأن عدد العاملين 181 فرد كلهم من المستوى العالى زو الرواتب الجيدة

المهم من هذا المثال هو روح الفريق فى العمل ووضوح الرؤيا واختيار شئ نافع لك كمستثمر وايضا لمجتمعك و أهم من ذلك كله شئ يتفهم فيه وعدم الخوف والا ستبقى محلك سر ... وفق الله الجميع

أرجوا ان تكون وصلت الفكرة وفق الله الجميع

---------------------------------------------------------------

أخر الكلام ...

تابى العصى اذا اجتمعن تكسرا

[الطائر المحب]

للأسف كل واحد بيجري على بيته واسرته

هنعمل ايه ,,

عن نفسي مش بايدي حاجه ,,

انا على قد الحال ,,

لامليونير ولا عندي افكار اقدر افيد بيها البلد

مع انه نفسي وربنا يشهد عليا

لكن للأسف الوقت الحالي ,, مليش اي دور

ولو اصبح لدي الامكانيه ,, حقيقي هتردد واخاف ,, لانه معنديش ثقه في الآخرين

كل يوم اقرا مصائب وسرقات بالملايين

اذا كان فلسطين اللي دخلها القومي اقل مننا بكتير واقتصادها منهار ,, فضيحه فساد بـ 700 مليون دولار

اومال احنا بيتسرق مننا كام مليار ؟؟؟؟

ربنا يهدينا جميعاً للخير

ويعدل حال البلد وحال الناس للاحسن

[Tafshan]

ح احارب الفساد ..

و ح ازرع قمح ..

و ح ارشح نفسي لرئاسة الجمهورية

و ح ابنى مستشفيات نظيفة

و ح اسفلت الشوارع ....

يعنى هو الكلام بفلوس :D

تم تعديل 7 فبراير 2006 بواسطة Tafshan

[ايهاب سالم]

أنا مش ناوي أرجع مصر تاني بمزاجي

مش مشكله عندي أموت و أندفن بره مصر

كلها بلاد الله

أنا مش شايف أمل في البلد دي

[MZohairy]

يا ايهاب

يا ايهاب

خليك وطني لو سمحت

يا ايهاب

متقولش ايه اديتنا مصر

وقول حندي ايه لمصر

ياحبايب مصر حبايبنا

ماشي؟

سلام

[ايهاب سالم]

ماشي يا زهيري

قول ورايا

على مدد الشوف مدنه و مدنه

دي لصلاتنا و دي لجهادنا

مدخنه قايده قلوب حسادنا (على ايه مش عارف)

تحتها صلب كأنه عنادنا

و قدامه من أغلى ولادنا

عامل و مهندس عرقان (دول برخص التراب .. بنأكلهم للسمك)

شبان و الشبان في بلدنا

في الصوره في أهم مكان (في قاع البحر)

صور يا زمان

صور يا زمان

صور يا زمااااااااان

الخيبه

[الاسكندرنى]

السلام عليكم

ادخل فى صلب عنوان الموضوع و اقول لكم ماذا اريد ان افعل اذا رجعت و استقريت فى مصر

اولا انشاء محطات وقود على معظم الطرق الصحرويه تحت اسم مغترب

ثانيا مركز للمساعدات الماليه فى كل اجراءت الدرسه و اعطاء مرتبات لحين الاتنهاء من الدراسه و يرد المبلغ المصروف بالكامل فى هيئه اقساط

ثالثا مدرسه او جامعه للغوص التجارى فى مصر بكل المقاومات الفعليه و الحقيقه التى يحتاجها الغواص حتى ينافس بدوره غواصين العالم و ملحق بها شركه للغوص التجارى لالحاق المتخرجين بها ---- وذلك لتوفير احسن فرص الانقاذ و السلامه البحريه وليس كما هو حاليا فى موضوع غرق السلام 98 ----وذلك لما هو وارد من احتمال حدوث تلك الكاوارث مره اخرى

[Scorpion]

العزيز اوي طفشان كتب :

ح احارب الفساد ..

و ح ازرع قمح ..

و ح ارشح نفسي لرئاسة الجمهورية

و ح ابنى مستشفيات نظيفة

و ح اسفلت الشوارع ....

يعنى هو الكلام بفلوس

هي الأنتخابات عند ولاد العم كسبتها كده ؟؟؟؟ ... يا لئيييييييم :D

الأسكندرني كتب :

ادخل فى صلب عنوان الموضوع و اقول لكم ماذا اريد ان افعل اذا رجعت و استقريت فى مصر

اولا انشاء محطات وقود على معظم الطرق الصحرويه تحت اسم مغترب

ثانيا مركز للمساعدات الماليه فى كل اجراءت الدرسه و اعطاء مرتبات لحين الاتنهاء من الدراسه و يرد المبلغ المصروف بالكامل فى هيئه اقساط

ثالثا مدرسه او جامعه للغوص التجارى فى مصر بكل المقاومات الفعليه و الحقيقه التى يحتاجها الغواص حتى ينافس بدوره غواصين العالم و ملحق بها شركه للغوص التجارى لالحاق المتخرجين بها

ايه ده .. ده انت طلعت رأسمالي و مكوش علي حتتين سيغة بقي ... اسمحلي اقوللك خدني تحت جناحك يا معلمي...

علي فكرة .... صافي يا لبن ؟؟؟؟؟

[الاسكندرنى]

حليب ياقشطه

فل يا عم اللداغ صافى لاخر نقطة و كل حاجه و افضل اشرب شاى العروسه

اما حكايه الراسمالى ديه ولى الفخر اننى تعلمتها من الحكومه و من رائى ده حاجه كويسه بس من غير فاسد

اما حتتين السيغه واللهم لا حسد يعنى فى خميرة مش حلوه اوى و مش تعبانه اوى الحمد لله بس لو تبص كده انت مش محتاج كتير فى المشريع ديه اقولك ازى

محطات الوقود

بما ان الدوله بتنادى بتعمير الصحراء فا سعر الاراضى على الطرق السريعه ليست باهظة الثمن بمقارنتها بالسعر داخل المدن سوف تجد الفرق كبير جدا --- ديه الارض----

تروح كده تمضى عقد مع شركه بترول كبيره مثلا زى موبيل او توتل اى شركه كبيره,,,,و على حاسب الاتفاق اللى حتتوصل ليه الشركه حتنفذلك كل الاعمال البنائيه على حسب رغبتك يعنى عايز غسيل و تشحيم و الذى منه الشركه حتجهز كل ده و انت فى السليم و بعدين يجى الدفع اولا التكاليف حتكون مناصفه بينك و بين الشركه لان الشركه بتجهز المحطات تحت بند الدعايه و الاعلام ----- ملحوظه لو انت اشتريت اكثر من قطعه ارض و ابلغت الشركه بكده سوف تكون حمله داعائيه قيمه للشركه و ذلك ما يبحثون عنه

مركز المساعدات الماليه

بما ان الحكومه علمتنا كيفيه استغلال الظروف على الوجه الحسن و الانفتاح السياسى و الاقتصادى اقولك ازى انت تستفيد

تعمل اشتراك فى معظم الاحزاب المتاحه امامك يعنى تكونى وفدى على وطنى على احرارى و تحضر معهم كده كام جالسه و لازم طبعا تظهر انك من الاغنياء و بعدين تنقى اتقل واحد يكون معه فلوس طبعا و تروح ماسك دماغه ان انت بتعمل مشروع خدمى حيوصل بسرعه الى الناس يعنى مشروع حيتسيط بسرعه حتلاقى الراجل حلاقلك ده كويس لانك ناجحت و بعدين كام شهر تعملك اعلان فى التلفزيون عن افتتاح المركز يعنى تعملك_ بالوه_ حتلاقى الراجل هو اللى جايلك و يقوله اه الفكره الجنان ديه انا عاوز اوسع نطاق المركز و بعدين انت و مهرتك يا معلمى ---------- كده انت مش محتاج غير المركز و اعلانات التلفزيون و بعدين الباشا حيساعدك حتى يضع اسمه مع الاعلانات (وهو بيقص الشريط يعنى ) ( عمليه نصب بس على نصابين و المستفيد الشعب الغلبان )

اما عن الاخير فهو اختصاصى لانه مجال عملى ولو عاوز تاخد فكره ماعنديش مانع فى مشروع فى مصر قريب انشاء الله عن امداد خطوط غاز من مصر الى اوربا عن طريق البحر المتوسط و الان تجرى بعض المناقصات فى مصر على اختيار الشركه التى سوف تنفذ بدايه الخط فى المياه الاقليميه المصريه اما عن شركاتى التى اعمل بها فهى متقدمه لتنفيذ بقيه المشروع و تسعى الان فى تقديم عرض اى تنفيذ المشروع كاملا من بداية الخط الى نهايته و دورى هنا التوصل الى اتفاق بين شركتى الحاليه و بين الشركه التى كنت اعمل بها فى مصر الخ الخ الخ,,,,,,,,,,,,,,,,,,,,,,, و من هنا تاتى فرصتى فى عمل شركه تابعه فى مصر للشركه الفرنسيه التى اعمل بها

بس يا معلمى انت بقه قولى ايه رايك و ايه رايك محتاجة فلوس كتير ولا محتاج مخ كبير

[niel]

السلام عليكم

انا عضو جدد وكنت عايز اطرح فكره على الاخوه المغتربين الى عايزين ينزله مصر و يقيمو فيها مشروعات

هو من الصعب صحيح تنزل منطقه عمل ما تعرفشى ظروفها و مداخلها من مخارجها لكن المرمطه مطلوبه لحد ماتفهم الناس ده عايشه ازاى

واللهى كان عندى فكره انك تاخود توكيل شركه اوروبيه مش موجود منها فى مصر و تعمل على تاسيس مقر لها

و شكرا جدا

[الاسكندرنى]

الاخ niel او الاخت

مرحبا بك فى المحاورات بما انها اول مدخله لك فى محاورات المصريين مرحبا فى بيتك معك اخوك المغترب امير سريعا سوف تستفيد من هذا المنتدى و باذن الله تفيد و تضيف

ثانيا اريد ان افهم ما قصدك بالتحديد فى اخذ توكيل اوربى غير موجود فى مصر اضرب مثلا يعنى ( اصل الموضوع ان مافيش حاجه فوتها ولاد الذين لا و اخدوا توكلاتها يعنى لو فى حاجه جديدة و الواحد مش واخد باله ياريت تفيد )

مرحبا بك مرة اخرى

[Tafshan]

سكوربيون حبيبي :wub:

وحشنى يا جميل :)

هي الأنتخابات عند ولاد العم كسبتها كده ؟؟؟؟ ... يا لئيييييييم    :D

:blush: يا جزوفى يا جزوفي

[Tafshan]

السلام عليكم

انا عضو جدد  وكنت عايز اطرح فكره على الاخوه المغتربين الى عايزين ينزله مصر و يقيمو فيها مشروعات

هو من الصعب صحيح تنزل منطقه عمل ما تعرفشى ظروفها و مداخلها من مخارجها لكن المرمطه مطلوبه لحد ماتفهم الناس ده عايشه ازاى

واللهى كان عندى فكره انك تاخود توكيل شركه اوروبيه مش موجود منها فى مصر و تعمل على تاسيس مقر لها

و شكرا جدا

<{POST_SNAPBACK}>

اممممممم :blush:

انت بقالك قد ايه ما نزلتش مصر :D

يا عزيزي العزبه - مصر سابقاً - لا تقبل دخول منافسين .. بمعنى ان لو لاقيت اساساً توكيل مش متاخذ اصحاب التوكيلات المنافسه من ذوى النفوذ لن يسمحوا لك بالترخيص او العمل او او او ... حالياً افضل شئ ممكن يتعمل في مصر هو انك تحط فلوسك - ده لو بتعرف تحوش مش زي حلاتى :) - في البنك و تصرف من ايرادهم ... غير كده شقى العمر ح يضيع يا ولدى :wub:

و ممكن تشتري ارض و "تسقعها " يعنى تسيبها لما تغلى و بعدين تبيعها ...

يعنى ..

اي نشاط سلبي غير مفيد ح يبقى مفيد بالنسبه لك غير كده ح تتفرم مع اول خطوة في السوق المصرى ...

[Tafshan]

بما ان الدوله  بتنادى بتعمير الصحراء فا سعر الاراضى على  الطرق السريعه  ليست باهظة الثمن  بمقارنتها  بالسعر داخل المدن  سوف تجد الفرق  كبير جدا  --- ديه الارض----

تروح كده تمضى عقد مع  شركه  بترول كبيره مثلا  زى موبيل او توتل    اى شركه كبيره,,,,و على حاسب الاتفاق اللى حتتوصل ليه الشركه حتنفذلك كل الاعمال البنائيه على حسب رغبتك يعنى  عايز غسيل و تشحيم و الذى منه الشركه حتجهز  كل ده  و انت فى السليم  و بعدين يجى الدفع  اولا التكاليف حتكون مناصفه بينك و بين الشركه لان الشركه بتجهز المحطات  تحت بند الدعايه و الاعلام  ----- ملحوظه  لو انت اشتريت اكثر من قطعه ارض و ابلغت الشركه بكده سوف تكون حمله داعائيه قيمه للشركه و ذلك ما يبحثون عنه

مركز المساعدات الماليه 

<{POST_SNAPBACK}>

اممممم :)

انت بقالك قد ايه ما نزلتش مصر :P

اولاً : لا تقرأ الصحف المصرية : الصحف فيها سم قاتل :wub:

ثانياً : الاراضى الصحراوية اللى بتتكلم عنها لما تبقى على ال " هاي واي " بتبقى "هاى " خالص :blush: و اسعارها في السماء .. غير انها ح تبقى مرخصة "زراعة" و بالتالى ح تقعد من 20 الى 30 سنه بتحاول تأخذ ترخيص و الاهم هو انك تقدر تجيب موافقات من الجهات التالية على شان تعمل محطة بترول - طبعاً بعد تخصيص الارض

1- هيئة الاثار

2- وزارة البترول

3- وزارة الزراعة

4- الدفاع المدنى

5- المحافظة / الحي التابع لها

6- ... حاجات تانية كثيـــــــــــــــــــــــــــــــــــر

المهم بعد 45 سنه ان شاء الله ممكن تقدر تجيب الحاجات دى و تقدر تديهم لشركة البترول و يعملوا المحطة و نبيع و نكسب ... و كده :D

[الاسكندرنى]

السلام عليكم

اخى الطفشان اسعد بحوارك معى و شاكرا للاضافات التى الحقتها ولكن لى تعقيب بسيط ارجوا ان تقبله

1- انا مانزلتش مصر بقالى تقريبا سنتين

2- امثله على سعر الاراضى انا لا اختلف معك فيما قولت على الاسعار فى الهاى واى فهى فعلا هاى كمثال الاراضى بين القاهرة و الاسكندريه ولكن يا اخى فى طرق تانيه الاسعار فيها ولا حاجه مثلا الطرق بين الغردقه و مرسى علم طريق يطول عن 400 كيلو وليست به اى خدمات سعر المتر هناك يتراوح بين العشرة و العشرون جنيها ده لوكانت الارض على البحر اما اذا كانت على الجهه المقابل فالسعر اقل شويه

3- الترخيص و الكلام الذى اسرده فهو كلام صحيح ولكن التصريح ده بتختلف من محافظه الى اخرى

اولا الاثار فده ضرورى جدا ولكنه سهل لان الارضى التى سوف تعرض عليك فهى فى كردون العمران كمثل للقطعه الارض السابقه

ثانيا الزراعه الارض مخصصه سابقا للبيع للجمهور( اى خارج كردون الزراعة) فا الترخيص السابق سوف تحصل عليه بسهوله من وزارة الزراعه اذا قدمت ما يفيد ان تلك الارض من تخصيص الدوله

ثالثا البترول ى اعرف بالظبط ما المطلوب هناك بس اعتقدى انه مش صعب جدا

رابعا المحافظه و الدفاع المدنى تقريبا واحد فى الغردقه او فى مرسى علم و بلاد سياحيه زى دول المحافظه مش حتكلكعها كتير لكن حتمشى اسالنى انا عن اللى بيجرى فيها

امثله كتير جدا على الاراضى

مرسى علم __الغردقه او الاسكندريه __ مطروح

قنا ____الغردقه او السلوم______مطروح

الاقصر _____الغردقه الخ الخ الخ

بس ياسيدى مده انت اختصرت الاربعين سنه الى خمس سنين او اقل و ربنا يسهالك و يسهالى يارب

ياجماعه انا مش علشان كنبت هنا و قولت مشاريعى التى احلم بتنفيذها الاقى واحد يسبق و يعملها من ورايه ( يا اكل قوتى يبقى انت ناوى على موتى )

[Tafshan]

معلش يا اسكندرانى اصل انا محبط حبتين :)

بس ربنا يوفقك و تعمل اللى نفسك فيه ... بالنسبه لسؤالى انت بقالك قد ايه ما نزلتش مصر فدى لازمه عندى باقولها للمغتربين اللى زيي لما احس انهم نسيوا مصر و كلاكيعها ..

تحياتى

[عاشق مصر]

:P

السلام عليكم ورحمة الله وبركاته ،،

ياجماعه شوفوا المنتديات الرائعة الموضوعيه - بس إحنا بنقول إن إحنا أجدع ناس وإحنا أصحاب حضارة عمرها سبعة آلاف سنه ، علي إيه حتى في المنتديات مش قادرين نكون موضوعيين - اللي بيهظر وإلى داخل المنتدى علشان يلعب ويضيع وقته

الرجاء زيادة هذا الرابط وسوف تستفيدون الكثير والكثير مع إن هذا الرابط منتدى من شباب دوله المفترض إنه ليس لها مثل حضارتنا نحن المصريون أدخلوا وتعجبوا من هؤلاء الشباب وكيفية تفكيرهم وإزاي بيحاولوا يساعدوا بعضهم البعض مش إحنا أصحاب حضارة السبع آلاف سنه ومع ذلك مش عارفين حتى نتكلم بموضوعيه -

هذا ليس جلد للذات ولكنها الحقيقة العارية التي أغفلناها سنين لذلك نحن لن نتقدم إلا على الأقل عندما نأخذ الأمور بموضوعيه وجديه أكثر حتى يمكن في يوم من الأيام نقول إن إحنا أصحاب حضارة سبعة آلاف سنه

وشكراً وعذراً

هذا هو الرابط أرجو الإستفاده للجميع

http://www.uaesm.com/vb/forumdisplay.php?f=19

[التونسى]

نزلت مصر فعلا على امل انى استقر

لكنى وأااااااااااااااه من لكنى

لاقيت كل الدروب مقفوله وكل الحاراات سد

وطريق الهموووم طوووويل زى السما ممتد

والفساااااد كحبات الرمال لا يمكن ف يوم تنعد

والاحاسيس الدافيه بقت اسياخ حديد و جليد وبرد

رجعت تانى لغربتى وانا بيملانى الحنين والوجد

تم تعديل 23 يناير 2007 بواسطة التونسى

[أبو زياد]

الله على الكلمات ..

يالله بقى عليك و على باب الأدب ..