ناوي تعمل أيه لما تستقر فى مصر ؟

[Virus]

بأفكر برضوا في موضوع ورشة صيانة سيارات متكاملة .... وأنا عارف إن في مصر ميكانيكة كويسين ... لكن الواحد لو ضمن شغلانه .. بالذات هذه الفئة الغير مثقفة .. فكثير منهم بيآنتخ ويتجه لقلة الضمير ... فعشان كده ممكن أسأل عن سكة إستقدام عمالة ماهرة من الفلبين .. وده بالكتير قوي هاياخد 500 دولار شهري ... يعني بنتكلم في حوالي 3500 ج وهاوفره سكن ممكن في الموقع نفسه ...

ويا سلام عن إعلان صغير وأدرمغ به البلد إن الورشة دي فيها فنيين فلبينيين بجانب المصريين طبعاً ... ده هايعمل challange وغيرة بينهم ... بس خايف أحين الواد بيليه يحط للواد ريكاردو سِم في ساندوتشات الفول ويخلصوا من اللوبي الفلبيني ؟

خصوصاً إن العيال دي هاتلاقي نفسها في مصر لإن المجتمع مفتوح ... بس اللي هايقل عقله ويسكر او يتجه لسكة الحرام ... هاعلقه من رموشه على باب الورشة وأديه نهائية - ما انا هابقى كفيل وهاطلع عليهم كل القعد النفسية والعصبية -

العيال الفلبينيين دول في الشغل الحرفي .. دكاترة .. وبادخل هنا وورشة الهندي او الباكستاني .. بأحس إني داخل زريبة ..

أما الفلبينيين فنضاف قوي قوي قوي في شغلهم ... عايز حد من سكان الرياض يروح صناعية الأمير سلمان ويروح سلسلة وِرش " العضيب " أو أي ورش من اللي جنبها وفيها فلبينيين ... يحس بالظبط إنه داخل مستشفى من النضافة وما تلاقيش حتى نقطة زيت عالأرض ...

بس أهم تحدي هايواجهني هو قطعة الأرض ...

بس دي بإذن الله سهله ... فبالدراسة الجيدة ممكن الواحد يبدا مع شركاء محترمين ونعمل شكل قانوني للمشروع ولتكن شركة مساهمة ... وبالتأكيد ممكن نلاقي حد عنده حتة أرض مش عارف يستغلها ونبدأ عليها المشروع اللي تجهيزاته سهلة برضوا وممكن نشتري المكن بالتقسيط أو حتى مُستعمل من أوروبا ونجيبه عن طريق بورسعيد ... وطبعاً هياتشحنوا لي هدية أخويا سكوربيون .. كادو منه من إيطاليا

كمان هايبقى اساس مشروعي هو الامانة والصدق مع الزبون ... والله حتى لو هاخسر فلوس .. إنما لازم أكسب رضى ربنا ... يعني لا في إشتغالات للزباين ولا الزبون يدخل وعنده حاجه بسيطة في العربية نقوم نكركب له الدنيا ونشيله حاجات مالهاش لازمه ..

- إتعاملت مع ولد ميكانيكي من المنطقة اللي فيها بيت العيلة والله مش عايز أقول لكم إنه عنده يمكن 25 سنة .. وعرفت إنه فتح ورشة صغيرة للميكانيكا عند نادي الشمس ... وروحت له لقيته ما شاء الله مشغل ييجي 5 صنايعية معاه يمكن كلهم أكبر منه في السن .. ومستولي عالشارع كله اللي مرصوص عربيات وما بيقبلش الا الموديلات الحديثة وبيتعامل بامانة وضمير مع الزباين وربنا فتحها عليه وبقى معلم خلال فترة وجيزة ... بالتأكيد بعد ما أتمرمط شويه في الورش الخاصة وشرب الصنعة ...

- كمان كنت باتعامل مع واحد تركي هنا ... بصراحة أي حاجة بسيطة في العربية كان بيرفض ياخد فلوس وده اللي خلاني أتمسك بالتعامل معه ..

وإتأكدت من مبدأ في التعامل التجاري وهو إنك ما تبصش تحت رجليك وتفرج بقرش جايلك سريع النهاردة وبس .. في حين إنك لو نميته بالتعامل الجيد ممكن القرش ده يبقى قروش .. والزبون صاحب القرش اللي وجد معاملة وجودة عمل جيدة اليوم بالتأكيد وإنت مغمض هايجيب لك العديد من الزباين غداً ..

يا سلاااام عليك يا ابو عمر.. المشروع ده في دماغي زي مانت بتشرحه كده بحذافيره من قبل ما اسافر الخليج ومعنديش أدنى شك من ربحيته إن شاء الله زائد إن له ثوابه إن شاء الله بإنقاذ الناس من جشع ونصب الميكانيكية والتوكيلات كمان

كمان كنت عايز جنبه مخزن قطع غيار يغذي الورشة..وكان نفسي أخلي حساب التصليح بعدد ساعات الشغل..مش بالتقدير كده

وتخيلت المكان في أطراف مدينة نصر أو في القاهرة الجديدة..لم أفكر في قطعة أرض ولكن في 4 أو 5 محلات أمامها مساحة كبيرة

أو لو البلية لعبت تبقى بنزينة موبيل محترمة فيها خدمة غسيل و تلميع (Detailing)على أعلى مستوى وبجانبها مركز الصيانة والاتنين يشغلوا بعض

وتصورت أن يتخصص الفنيين أو المهندسين في لكل نوع من السيارات الشهيرة في مصر..أو حتى استقطاب العاملين في مراكز الصيانة الرسمية

وسرح بي الخيال فتصورت المشروع بعد عدة سنوات يشتهر ويعرفه الجميع..فيفتح جنبه معرض سيارات يبيع السيارات وارد الخليج مثلا بضمان مركز الصيانة اللي سمعته هتبقى ممتازة والناس هتفضله عن التوكيل الرسمي

فعلا..ما أجمل الأحلام..وفعلا..9 أعشار الرزق في التجارة

اتكل على الله يا س س..مش هتلاقي شريك محترم أكتر مني وأنا شايف نوحد الجهود لأنك مش هتقدر تنافسني بالعيال الفلبينيين بتوعك دول..كفاية بس أقول إنهم بياكلوا القطط والكلاب ومش هتلاقي حد يقرب عندك نهائي..وياسلام لو شغلت عندك واد فلبيني بديل حصان.. ساعتها بقى يا معلم هتلاقي الناس هاجمين على الورشة بالشوم وانت عارف ليه... :sad:

[عنبو]

انا شخصيا لسه مقعدتش حاجه علشان لما افكر هنزل هعمل ايه ؟؟ لكن نحلو بمصنع مواد كيمياويه ونكون شركه فيه انا واصحابى بس ندى مرتبات زى الناس مش زى الا بنسمع عنها فى مصر

[الباشمهندس ياسر]

كده ممكن أسأل عن سكة إستقدام عمالة ماهرة من الفلبين .. وده بالكتير قوي هاياخد 500 دولار شهري ... يعني بنتكلم في حوالي 3500 ج وهاوفره سكن ممكن في الموقع نفسه ...

ويا سلام عن إعلان صغير وأدرمغ به البلد إن الورشة دي فيها فنيين فلبينيين بجانب المصريين طبعاً ... ده هايعمل challange وغيرة بينهم ... بس خايف أحين الواد بيليه يحط للواد ريكاردو سِم في ساندوتشات الفول ويخلصوا من اللوبي الفلبيني ؟

خصوصاً إن العيال دي هاتلاقي نفسها في مصر لإن المجتمع مفتوح ... بس اللي هايقل عقله ويسكر او يتجه لسكة الحرام ... هاعلقه من رموشه على باب الورشة وأديه نهائية - ما انا هابقى كفيل وهاطلع عليهم كل القعد النفسية والعصبية -

والله يا كبييييييييير

الناس طبقات

انا فكرت اجيب هنود وبعدين قلت هيخربوها و البلد مفتوحه اصلا

و الناس هنا بتشجع المنتج الغريب حتى لو هندى

ف النهاية قلت لنفسى هاتهم مصريين و لمهم بمعرفتك وربيهم بقى م اول وجديد

المهم

لو ناوى اتوكل على الله

مفيش اشطر م الفلبينى ف ظروفنا دى

بس خلى بالك لياكلوك يا معلم لو زعلتهم

عملوها والله و اكلوا محاسب قبل كده