عيدميلاد العزيز سكوربيون

[لولا]

ممكن تتفجر قريحتك

يا رب ..

واهو نبقى خلصنا :rolleyes:

والله يا أخ عصام انتوا لو مش بتشجعوا المواهب الشابة المتميزه زى زهيرى

يبقى احنا كده بنخسر موهبه ممكن متتكررش فى التاريخ

[ELSHAMY]

العزيز سكوربيون

كل عام و انت بخير

[لولا]

هل لازم بقى اغير القصيده؟

انت قدها وقدود يا زهيرى باشا ...دى حاجه هايفة ...دانت يا دوب الفت القصيدة

الدماغ دى فى شعبطة اتوبيس ...امال تخيل بقى لما تروق وتاخد واحد شاى

على القهوة ممكن تتفجر قريحتك عن أشعار شكلها ايه :blink:

المشكله يا لولا ان القريحه مابتتفتقش الا وانا متشعبط على سلم الاوتوبيس

ابن ناس و ابن عز بقى حنعمل ايه :rolleyes:

فعلا يا زهيرى انا فاهماك..ما احنا فنانين ونفهم بعض يا خويا wst::

الواحد صعب يكرر الحاجات العبقريه الى بتتفجر عنها قريحته ساعات

أصل الموضوع الهام خاضع لعوامل معينه ودرجة حرارة معينه ممكن يكون

شعبطة اتوبيس او طابور عيش ..مهو التأليف مش سهل برضه

يا زهيرى محدش بياكلها بالساهل يا بنى .. وأكيد سكوب حيقدر

الحاجه دى ويكتفى بالقصيده التحفة اللى انت الفتها عشانه واهى كلها اعياد

فى الآخر :sad:

تحياتى لقلمك المبدع المرهف يا زهيرى الدمعه كانت حتفر من عينى بجد

لما قريت القصيدة mfb:

[سهيلة]

:rolleyes:

كل سنة وحضرتك طيب يا استاذ سكوب وعقبال مليون سنة

اما قصيدتك دى يا زوهيرى حببتنى ف الشعر والشعرا بس فى ملاحظة صغيرة خالص

ممكن تترجمها عربى

[MZohairy]

اما قصيدتك دى يا زوهيرى حببتنى ف الشعر والشعرا بس فى ملاحظة صغيرة خالص

ممكن تترجمها عربى :blink:

كنت عارف ان الجماهير ممكن تسأل سؤال زي ده :rolleyes:

شوفي يا ستي

ححاول اترجم ما قد يصعب عليكم فهمه

يعدو: يجري

بعيد: مش قريب

لحومنا: نوع من انواع الأغذيه التي تحتوي على معدل عالي من البروتينات

مطر: ظاهره جويه تسقط فيها المياه من فوق

يارب اكون وضحت الأمور كلها

[مغتربة]

كل عاو و انت و الاسرة الكريمه بالف خير استاذ كامل اتمنى لك راحه البال و طول العمر و رضا الخالق

[~Heba~]

كل سنة و انت طيب و الاسرة الكريمة بخير و سعيد بجونيور و ام جونيور :rolleyes:

[لولا]

هابي بيرس داى تو ييو..هابى بييرس تى تو يو ..ها .. بي.. بيرزى.. تويوه

هابى بيغسى تو يووو.. هابى ..بيرثى توه يوه..هابى بيرتى..تويوه..تويووو

تووو يووووووووووووووووووووووووووووووووووووووووووووووووووووووووووووووووووووه

وعقبال مليون سنه.

معلش يا زهيرى انا شفت القصيدة اللى انت كتبتها دى صعبة على الناس شويه

قلت اروح بسرعة أألف وحدة سهلة جدا..رغم ان الإبداع فيها غميق :rolleyes:

[MZohairy]

هابي بيرس داى تو ييو..هابى بييرس تى تو يو ..ها .. بي.. بيرزى.. تويوه

هابى بيغسى تو يووو.. هابى ..بيرثى توه يوه..هابى بيرتى..تويوه..تويووو

تووو يووووووووووووووووووووووووووووووووووووووووووووووووووووووووووووووووووووه

وعقبال مليون سنه.

معلش يا زهيرى انا شفت القصيدة اللى انت كتبتها دى صعبة على الناس شويه

قلت اروح بسرعة أألف وحدة سهلة جدا..رغم ان الإبداع فيها غميق

كمحلل ناقد للشعر احب اقولك ان الشعر بتاعك يتميز بتلونه :rolleyes:

[tarek hassan]

كل سنة وأنت طيب الفاضل : سكربيون

وإن شاء الله السنة الجاية تكون حقتت آمالك

بقالك سنين بتشرب من زمزمية الأمل

يا ترى أمتى تقولنا إن الأمل تحقق

أتمنى أن تصل إلى ما تصبو إليه

على المستوى الشخصي وعلى المستوى الوطني

عيد سعيد - ميلاد أو زواج

[لولا]

هابي بيرس داى تو ييو..هابى بييرس تى تو يو ..ها .. بي.. بيرزى.. تويوه

هابى بيغسى تو يووو.. هابى ..بيرثى توه يوه..هابى بيرتى..تويوه..تويووو

تووو يووووووووووووووووووووووووووووووووووووووووووووووووووووووووووووووووووووه

وعقبال مليون سنه.

معلش يا زهيرى انا شفت القصيدة اللى انت كتبتها دى صعبة على الناس شويه

قلت اروح بسرعة أألف وحدة سهلة جدا..رغم ان الإبداع فيها غميق :blink:

كمحلل ناقد للشعر احب اقولك ان الشعر بتاعك يتميز بتلونه :rolleyes:

دا لون من ألوان الإبداع أنا تعمدت أ ن أضمنه القصيدة حتى تناسب مناسبات

الأخ سكوب الغير محددة الهوية فى انتظار أن يظهر وتنجلى الأمور.

وبعدين أنا كده يا زهيرى حغطى جميع الأذواق وهو دا الذكاء الفنى ..مش أكتب قصيدة

شبه المعلقات السبعة

لولا

[MZohairy]

وبعدين أنا كده يا زهيرى حغطى جميع الأذواق وهو دا الذكاء الفنى ..مش أكتب قصيدة

شبه المعلقات السبعة

لولا

ولاد اللذينه بتوع المعلقات السبعه دول كل ماكتب قصيده يسرقوها مني :rolleyes:

[Click]

عيد ميلاد سعيد.. تمنياتي لك بسنة أسعد.. كل عام وأنت بخير.

[سهران]

أنا برضه أتخضيت لما قريت أن عيد ميلاد العزيز سكوربيون التمنتاشر :rolleyes: ......... الراجل بيكتب بعقل واحد عنده يجي تلاتلاف أربعتلاف سنة يبقى تركب أزاي mfb: .......... لغاية ما عرفنا السر .

كل عيد جواز و انت طيب و عقبال مية سنة ......... حياه مديدة و أوقات سعيدة و ربنا يسعدك بأسرتك و بأولادك . :blink: :sad: wst::

[Hammer]

كل عام و العزيز سكوربيون بخير و صحة و سعادة

:rolleyes:

[Virus]

كل سنة وانت منور المحاورات ومن نجاح لنجاح

[qenawy]

كل عام وانتم بخير

[somayasaleh]

الاخ الفاضل سكوب

كل عيد زواج وحضرتك والمدام بخير

:roseop: :wub:

[لولا]

العزيز سكوب ...

من بعد إذن شاعرنا المبدع زهيرى أنا قريت الكلمتين دول النهاره وأفتكرت عيد ميلادك

فقلت أجى أكتبها هنا أهى برضك سناك خفيف جنب القصايد التُحف اللى انا وزهيرى

كتبناها مخصوص عشان عيد ميلادك

باينى كبرت

ما افتكرش زمان في عمري

كنت أصدق إني عيل

كنت قزعة

بس حاسس إني شخص ما هوش قليل

كنت شايف إني راجل

حلمي خاص جدا وعاجل

كنت أشوف صورتي في عيونهم

إني عيل

شيء يحير

وإن قالوا لي في يوم هتكبر

كنت أقول أنا مش صغير

لما أول مرة قلبي

جه ودق في إعدادية

كنت شايف نفسي فارس

والأميرة دي تبقى هي

وأبني بيت لينا ف خيالي

وأبتكر

أسماء عيالي

كنت أشوف صورتي في عيونهم

إني عيل

شيء يحير

وإن قالوا لي ده لما تكبر

كنت أقول

أنا مش صغير

الغريبة

لما مرت

لحظة لحظة

سنين صبايا

لما صرت لابد أوطي

لجل أسرح في المراية

سرسبت ضحكة طفولتي

لما نسيتها الملامح

والمشاغل

غصب عني

سكنت القلب اللي طامح

حن قلبي لأياميها

روحي راحت تشتهيها

نفسي انام على حجر أمي

وأركب السلم حصان

نفسي العب بره حافي

والا أشاغب في الجيران

نفسي أصرخ "آه كفاية"

اللي شايله ده مش قليل

بس خايف من سؤالهم

إنت راجل ولا عيل ؟

بقلم : أحمد عيد

[المعتصم]

بسم الله الرحمن الرحيم

كل عام وأنتم بخير ومن الله أقرب وعلي طاعته أدوم