خالتي فكيهه

[shahd]

نبيهه النبيهه وخالتي فكيهه

المكان: بير السلم

الأشخاص: نبيهه , وخالتي فكيهه

نبيهيه النبيهه: سالخير يا خالتي فكيهه

خالتي فكيهه: سا النور عليكي يا بت .. والله وكبرتي وبقيتي عروسة يا مقروضة

نبيهه: يوه بقى ياخالتي ما تكسفينيش

خالتي فكيهه: قال يعني بتكسفي قوي .. يابَااااااااي علي بنات اليومين دول..

نبيهه: ليه بس يا خاله ماهم زي الفل اهم

خالتي فكيهه: بلا فل بلا ياسمين.. قطيييييييييييييييعه

نبيهه: مالك ياخالتي مغلولة منهم كده ليه

فكيهه: ما ينفعش الكلام عـ السلم كده... خشي خشي يا بت

نبيهه: بس كده امي حتستعوقني.. اصل عريسي جاي

فكيهه: طب كويس.. خشي معايا وهيا نص ساعه وانا اودكك واعرفك تعاملي عريسك ازاي..

نبيهه: اه والله يا خالتي اصل انا خايبة قوي وعريسي واد انما ايه .. متقمع وبيلبس من بلاد بره

وبيتكلم فسرناوي وعنجليزي ..

فكيهه: فسنواري وجعنليزي ايه ويطلعوا مين دول يا بت؟

نبيهه: دول لغات يا خلتي زي اللي بيتكلم بيهم الخواجه اللي ساكن قصادنا

فكيهه: اااااااااااه ماشي يا بت تعالي بس وانا اجيبلك اللي يعلمك كل مغات الدنيا

نبيهه: مغات ايه يا خالتي هو آني نَفَسَه؟

وتخش نبيهه شقة خالتي فكيهه

يتبع.......

تم تعديل 16 أكتوبر 2008 بواسطة شهد

[shahd]

المكان: شقة خالتي فكيهه

الاشخاص: فكيهه. نبيهه, فتكات

الخالة فكيهه بتنده عـ الشغالة

بت يا فتكات .. انتِ يا بت .. اعمليلنا كبايتين شاي بسرعه

فتكات: حاضر ياستي

فكيهه: صلي عـ اللي حيشفع فيكي

نبيهه: اللهم صلي على كامل النور

فكيهه: بصي يا نبيهه يا بنتي ... جوزك على ما تعوديه وابنك على ماتربيه

نبيهه: يعني ايه يا خالتي

فكيهه: استني اما اكمل كلامي ما تقاطعينيش

نبيهه: حاضر يا خالتي

فكيهه: فين الشاي يا فتكااااااات

فتكات: اهو يا ستي اهو..

فتكات تحط كباية شاي واحدة بس

فكيهه: تاخد كباية الشاي تشربها

وتطنش نبيهه: وبعد ما تخلص الكبايه خاااااااااالص

تزعققققققققققق

بقى دى شاي يا بت .. الله يسد نفسك...

فكيهه: مالك ما شربتيش الشاي ليه يا نبيهه

نبيهه مزبهله: هااااا.. طيب يا خالتي طيب

فكيهه: نخش في الجد بقى

نبيهه: اتفضلي يا خاله فكيهه

فكيهه: شوفي ياست العرايس.. أهم حاجة اول يوم ده يا اما يبقى يوم سعدك وهناكي .. يا اماااااا .. انتِ ادرى بقى!!

نبيهه: يعني ايه ياخالتي؟؟

فكيهه : يعني ايه ايه يا بت يا عبيطه انتِ؟؟

نبيهه: يوه يا خالتي ..

فكيهه: خلاص خلاص ما تعيطيش انا بهزر معاكي

شوفي يا بنتي..انا عايزاكي من اول يوم .. وفي اول ثاينه..تخشي المطبخ وتاكلي فحل بصل .. وشوية توم قد فصين تلاته اربع خمسه ...كده

نبيهه: توم وبصل .. ده كده ريحت بقي حتبقى وحشة

فكيهه: ايوووووة.. مش مهم يا بت مش مهم.. لو بيحبك يستحمل

نبيهه: وبعدين ياخالتي؟؟

فكيهه: اول ما تيجوا تناموا تشيلي البتاع اللي حيلطخولك بيه وشك .. وتدهني وشك واديكي بزيت خروع وتحطي على شعرك جاز..

نبيهه: يا خرابي يا خالتي.. ودي معقولة.. ده كده يسبني ويمشي

فكيهه: ولا يقدر بالعكس يابت.. ده كده يحبك اكثر .. اسمعي الكلام انت بس

نبيهه: تفتكري يا خالتي

فكيهه: طبعا يا بت دي وصفه متجربة علىاربعتااااااااااااااااشر عروسة قبل كده

نبيهه: ولسه معمرين مع بعض يا خاله

فكيهه : طبعا طبعا .. هو انا بلعب ده انا فكيييييييييهه

نبيهه: كملي يا خاله كملي ..

فكيهه: قولي انت يا نبيهه.. لو جوزك في يوم جه تعبان من الشغل حتعملي ايه

نبيهه: حستتقبله ببتسامه جميلة واعمله لقمه يتقوت بيها .. واحضرله حمام سخن.. زي ما امي بتعمل مع ابويا

فكيهه:: غلط كده غلط .. عبيطه زي امك ...

نبيهه : امال اعمل ايه طيب؟

فكيهه: اول مايخش من الباب .. ترقعي بالصوت ..الواد عايز و البت عايزة.. وامك عملت..

نبيهه: بس امه تعيشي انتِ ..

فكيهه: احسن برضه. حاكم الحموات دول سبب خراب البيوت

قوليلي يا بت.. عنده اخوات بنات

نبيهه: ايوه عنده 5 بنات

فكيهه: اياكي يا بت تخليهم يخشوا بيتك ولا تأخديهم عليكي .. اااااه

نبيهه: ازاي بس .. اطردهم من بيت اخوهم يعني؟؟

فكيهه: مش تطرديهم.. بس اول ما يخرجوا تنكدي عليه عيشته

شفت اختك عملت ايه.. ولا ابنها المفعوص كسر الفازة اللي بسفنتاشر جنيه

وكل مرة يجولك من ده

نبيهه: بس يا خاله ما يصحش كده دول اخواته برضه

فكيهه: جك خوووووو اما يخوتك يا بت ..

انت ِ عايزة تعيشي مع جوزك في تبات ونبات ولا لأ؟

نبيهه: عايزة يا خالتي

فكيهه : خلاص يبقى تسمعي الكلام وبلاش غلبة

نبيهه: حاضر يا خاله

فكيهه: بتقولي ايه حاضر؟؟؟ حسك عينك تقوليله الكلمه دي ابدااااااا

نبيهه: امال اقوله ايه؟؟

فكيهه: لو طلب منك كبايه شاي.. تقوليله ., يعني مش عارف تعملك كبايه شاي

نبيهه تبص لفكيهه باندهاش

نبيهه: هه ؟؟

فكيهه: مالك مبلمة .. اسمعي بس,.. واوعي يجي يلاقي الغدا جاهز

خليه يجيب اكل من بره ولو ما جابش روحي اتغدي انت عند امك

نبيهه: وهو يا خاله اسيبه من غير اكل

فكيهه: وايه يعني .. ان شالله عنه ماطفح

نبيهه: بس كده ممكن يزعل قوووووي ويشخط فيا كمان

فكيهه: وهو يستجري.. لو قالك كلمه تردي عليه بعشرة

نبيهه: بس كده ممكن ايده تتمد عليا

فكيهه: لو فكر .. شوفي لو فكر انه يمد ايده عليكي.. تقلعي اللي في رجلك وعلى قفاه عدل

نبيهه: يعني كده جوزي يحبني وما يسبنيش ابدا؟؟

فكيهه: بقلك اسمعي الكلام احسنلك .. كده حتعمري مع جوزك ويحبك ويقدلك صوابعه العشره شمع

نبيهه: اممممممممم .. وهو انت كنتِ بتعملي كده مع عم هنداوي يا خاله

فكيهه: اماااااااااال.. ده عمك هنداوي زي الخاتم في صباعي ولايقدر يتنيلي كلمه ابداااااااا

نبيهه: الباب بيخبط يا خاله.. ده يمكن عم هنداوي

الحاج هنداوي: احمممممم احمممممم .. يا فكيهه.. انتِ يا وليه ما بترديش ليه .. انطرشتي

فكيهه: نعمممممممممممممم .. يا سي هنداوي انا جاية اهوووووووووو

نبيهه مندهشة.. معقولة يا خالة اللي انتِ بتعمليه ده!!

فكيهه: بعمل ايه يعني .. دنا بعمله قيمه قدامك بس ..

نبيهه: طب يا خاله انا ماشية وحرجعلك بكره ان شاء الله

فكيهه : ماشي يا عروستنا

وتخرج نبيهه.. بس تقف تتصنت من الباب

هنداوي: بتعمل ايه عندك يا فكيهه ..

فكيهه: ايوة يا سي هنداوي حاضر

هنداوي: بقالي ساعه بندهلك وانتِ هاتك يا رغي قدام الباب

فكيهه: تأمرني بحاجة ياسي هنداوي

هنداوي: قومي فزي حضريلي لقمه أكلها

فكيهه: امرك يا سي هنداوي..

فكيهه تحضر الأكل لهنداوي

هنداوي: مال اكلك ماسخ كده ليه يا وليه .. جتك القرف

فكيهه: في ايه بس يا سي هنداوي ماهو الأكل جميل اهوة

هنداوي : وكمان بتردي عليا .. طااااااااااااااااخ

نبييهه: زغرطو يا عرببببببب ..خالتي فكيهه بتنضرببببببببببب

يتبع.............

[لولا]

شهد :rolleyes:

تسجيل متابعة مسجل لمسلسل نبيهه وفكيهه..والقلم اللى خدته فى الآخر دا بردلى قلبى :blink:

تحياتى لك شهد .

لولا

[shahd]

شهد :rolleyes:

تسجيل متابعة مسجل لمسلسل نبيهه وفكيهه..والقلم اللى خدته فى الآخر دا بردلى قلبى :blink:

تحياتى لك شهد .

لولا

لولا منوراني يا قمر .. شكرا للمتابعه

[وليد أهلاوى مصراوى]

:rolleyes: متابع .... لما نشوف أخره فكيهه دى أيه

فكيهه دى موجوده ياما فى الدنيا

[shahd]

:rolleyes: متابع .... لما نشوف أخره فكيهه دى أيه

فكيهه دى موجوده ياما فى الدنيا

شكرا للمتابعه .. انتظرونا في الحلقة الجاية مع خالتي فكيهه ونبيهه

[shahd]

المكان: قدام باب شقه خالتي فكيهه

الأشخاص: فكيهه وعم هنداوي

المنظر : عم هنداوي يفتح الباب فجأة ونبيهه واقفه ..

نبيهه تقع...

دبببببببببببب

عم هنداوي: بتعملي ايه يا نبيهه..

نبيهه: ولا حاجة يا عم هنداوي .. ولا حاجة

وتجري تستخبا فوق لحاد ما عم هنداوي يمشي

ترجع نبيهه لشقة فكيهه.......

المكان: شقة خالتي فكيهه

الأشخاص: نبيهه وخالتي فكيهه

الحوار:

نبيهه: يا خبر .. سلامتك يا خالتي .. ايه اللي عملوا فيكِ ده.. منك لله يا عم هنداوي

.. الهيييييييييييييي...

فكيهه: تقفل بق نبيهه... بس يا بت اوعي تدعي عليه تاني.. ده سي هندااااااااااااااوي.

نبيهه: باندهاش: بعد كل اللي عمله فيكي ؟؟ عجايب؟؟

فكيهه: يا بت يا عبيطه .. هو الأكل يحلى من غير بهارات؟؟

نبيهه: لا طبعا وإ يبقى ماسخ ومالوش طعم.

فكيهه: اهي دي يا نبيهه بهارات الحب ..

نبيهه: يا حلاوة يا ولاد .. بس دي بهارت ملهلبة قووووووي يا خالة

فكيهه: سيبك انت بس يابت وقوليلي.. فرحك امتى؟

نبيهه: كمان شهرين يا خالة

فكيهه:كويس .. يعني عندنا فرصة لسه ؟

نبيهه: فرصة لأيه يا خالة؟

فكيهه: تعاليلي بكره بدري حنروح مشوار مع بعض؟

نبيهه: مشوار ايه يا خاله؟؟

فكيهه: يا سااااااااتر على بنات اليومين دول مافيش صبر؟؟

نبيهه: حاضر يا خالة امري لله حستنى لبكره .. اشوف وشك بخير.

فكيهه: تلاقي الخير يا عروسة.

تطلع نبيهه على شقتها

*********************

المكان: شقة فكيهه

الأشخاص: فكيهه وفتكات الشغالة

فكيهه تندة على الشغالة..

انت يا هبابة يالي اسمك فتكات

فتكات: ايوة يا ستي

فكيهه: جكك اوه.. اسمها نعم يا مودااااااام ..

انجري اعمليلي كباية عرقسوس ..

فتكات: حاضر يا سسسس.. قصدي يا مودام

فتكات : حقه بطلوده واسمعوده الله يرحم !!!

نبيهه: بتبرطمي تقولي يا مدهولة على عينك؟؟

فتكات: ابدا ابدا .. ولا حاجة يا مودام

فتكات تدي كباية العرقسوس لفكيهه

فكيهه: ناوليني التلفون يا منيله..

فتكات: حاضر يا مودام.. هو يعني لازم الشتايم يعني ..

فكيهه: براحتي يا بت براحتي .. يلا امشي غوري من وشي؟

فتكات مكشرة .. ومادة بوزها شبرين

فكيهه: الووووووووو.. سالخير يا عدلات يا ختي

عدلات: سالنور يا فكيهه. ازيك.. عاملة ايه

فكيهه: الحمدلله يا ختي .. بقلك ايه .. اخبار عطيات وبهيه ايه؟

عدلات بخير وزي الفل يا فكيهه يا ختي.. خير فيه حاجة

فكيهه: خير طبعا .. عندنا بنوته زي القمر على وش جواز.. عايزين نودكها ونفطمها ..عشان

تروح لعريسها ميه ميه...

عدلات: بس كده غالي والطلب رخيص.. هاتيها معاكي يوم الخميس الجاي عند عدلات ..

فكيهه: طيب يا اختي.. مع السلامة انتِ دلوقتي

فكيهه تطلب نبيهه عـ التليفون

الوووو: سالخير ازيك يا نبيهه؟

بتعه: انا بتعه الشغالة يا ست فكيهه

فكيهه: فين ستك نبيهه يا بت

نبيهه تاخد التليفون من بتعه

الوو : ايوة يا خاله

فكيهه: مال صوتك يا بت ؟؟ بتعيطي ولا ايه؟؟

نبيهه: ابدا يا خالة مافيش حاجة؟؟

فكيهه: حتخبي عليا يا بت؟؟ فولي فيه ايه .. المدهول على عينه عريسك زعلك.. قوليلي وانا اقطملك رقبته

نبيهه: لا يا خالة .. دي امي بهدلتني عشا ن اتأخرت عندك وعريسي مشي ..

فكيهه: يا ختي ولا يهمك ..ده انتوا يا ما حتزهقوا من بعض..

المهم عايزاكي تيجي معايا يوم الخميس الجاي عند خالتك عدلات

نبيهه: يوم الخميس؟؟ ليه يا خالة ؟؟

فكيهه: حتعرفي بعدين يا بت ما تستعجحليش على رزقك

نبيهه: طيب يا خالة ..... الو .. الو خالة فكيهه...

حقول لأمي ايه بس ؟؟ دي ما بتطيقش خالة فكيهه.. اقوم اقولها حروح معاها لخالتي عدلات

تعملي ايه يا نبيهه؟؟ تعملي ايه ؟؟

يتبع...............

[لولا]

ومازالت المتابعة مستمره

اما نشوف أخره فكيهه من نبيهه

[فولان بن علان]

مفيش نشاز واحد عن اللهجة

ولا أجدع بنت بلد في ثلاثية نجيب محفوظ

أو ماري منيب

مذهل يا شهد

تسجيل متابعة واندهاش

[shahd]

ومازالت المتابعة مستمره :happy:

اما نشوف أخره فكيهه من نبيهه :ninja:

ومازلت الأحداث مستمرة ومنورة يا جميل :D

[shahd]

مفيش نشاز واحد عن اللهجة

ولا أجدع بنت بلد في ثلاثية نجيب محفوظ

أو ماري منيب

مذهل يا شهد

تسجيل متابعة واندهاش

استاذي الفاضل د\ فولان.. كلماتك هذه شهادة اعتز بها حقيقة لا ادري ما اقول!! .. شكر لمداخلتك الطيبة وخالص امتناني وتقديري لجميل اطرائك

[shahd]

المكان: شقة الحاج أبو نبيهه

الأشخاص: نبيهه وبتعه الشغالة

المنظر : باب الحمام مفتوح وبتعة بتمسح ارض الحمام

الحوار:

بتعه: الطشط قالي الطشط قالي

ياحلوة يالي قومي استحمي

نبيهه تصحا من النوم قرقاااااانة على صوت بتعه

نبيهه تروح عـ الحمام وتقف ورا بتعه

بتعه مستمرة في الغنا:

الطشط قالي الطشط قالي

ياحلوة يالي قومي استحمي

نبيهه: يا خي ان شالله يحموكمي في كنكة ..

بتعه= يختييييييييييييييييييييييييي.

بفففففففففففف ..... ففففففففففففففففففف

بسم الله الرحمن الرحيم

هنيه: ايييييييييييه .. طلعك عفريت

اجري جهزيلي الفطار يلاااااا

بتعه: ححح حاضر حاضر ..

نبيهه استني هنا مش تسأليني حفطر ايه

بتعه: هو في غير الفول و الطعمية

نبيهه: يييييييييييه .. كل يوم من ده توب علينا يااااااااااارب

بتعه: ما خلاص يا ستي .. هااااااانت.. بكره تفطري زبدة ة ومربي والبتاع ده اسم ايه الكسرانون ولا الكرواسوووون

حسرة عليا أنا وعلى حظي... اصوم اصوم وافطر عـ الواد بسيوني الجعر

أما عريسك أنتِ اسم الله عليه قيمه و سيما .. يخواااااااااااااتي على جماله ولا كلامه

يا سلااااااااااااااااام

نبيهه: وايه كمااااااااان ..

بتعه: ياااااااااه يا ستي عريسك .. ده تتقال فيه مواويييييييييل

نبيهه: والله .. لا يا شيخة.. طب انا عندي فكرة ..

بتعه: قولي يا ست البنات قولي

نبيهه: ايه رأيك اسيبهولك تجوزيه انتِ؟؟؟

بتعه: يارييييييييييييييييييييييييييييييييييت

نبيهه من غير ولا كلمة تاخد المقشة من الأرض وعلى ظهر بتعه عدل

بتعه: خلاص يا ستي خلاص سمااااااح .. بهزر معاكي

نبيهه: وتهزري معاياا ليه اصحاب؟؟ ولانكونش اصحاب؟؟ جتك البلى عكرتي مزاجي قبل ما اخرج

بتعه: تخرجي تروحي فين يا ست نبيهه؟

نبيهه: وانتِ مااااااااالك يا حشريه ؟

بتعه: وانا مالي وانا مالي؟؟ بس سي الحاج وستي الحاجة مش هنا

نبيهه: يا دي النيلة .. راحو فين ؟؟

بتعه: ست الحاجة راحت تزور عمتك وسي الحاج في الشغل ؟؟

نبيهه: بقلك ايه يا بتعه كلمي امي عـ التلفون واعرفيلي حترجع ولا حتتغدى هناك

بتعه: حاضر

بتعه تكلم الحاجة ام نبيهه

نبيهه: هاااا قالت لك ايه ؟؟

بتعه: قالت انها حتتغدى عند عمتك وبعد كده حيروحوا مشوار مع بعض مش راجعين غير عـ العشا

نبيهه: طب فللللللللل وعال العال .. الحق اخرج انا وارجع قبل ما امي

بتعه: لا بلاش يا ست ابوس ايدك.. سيدي الحاج لو جه ومالقاكيش حيطين عيشتي ..

هنيهه: ابويا بيرجع من الورشة متأخر قوي .. اكون انا رجعت ونمت كمان ..

وتخش نبيهه اوضتها تغير هدومها

بتعه: تخبط الباب على نبيهه

طب اقولهم رايحه فين ؟؟

نبيهه تطلع من الأوضة

نبيهه: قوليلهم... قوليلهم... راحت عند عطيات صحبتها .. امي بتحبها قوي ومش حتزعل

بتعه: وهو انتِ رايحه هناك بجد؟؟ ولا كده وكده؟؟

نبيهه: مالكيش دعوة انت اعملي اللي بقلك عليه وبس

بتعه: امري لله .. بس ما تعوقيش الله يخليكي

نبيهه: ماشي ماشي.. سلام عليكو

بتعه: وعليكو السلام...

وتروح نبيهه عند خالة فكيهه ويروحوا مع بعض عند خالتي عدلات

وفي شقة خالتي عدلات.........

يتبع......

تم تعديل 20 أكتوبر 2008 بواسطة شهد

[shahd]

المكان: شقة خالتي عدلات

الأشخاص: عدلات وفكيهه و نبيهه

الحوار:

فكيهه و نبيهه قدام باب شقة خالتي عدلات

فكيهه بتخبط عـ الباب ..

عدلات تفتح

فكيهه: سلام عليكو يا عدلات ياختي

عدلات: وعليكو السلام ... ياالف مرحب .. يادي النور يا دي النور

اموووووووووووووة ...

ميييييييين القمر اللي معاكي ده.. عروستنا الحلوة ؟؟ ياا اهلا يا اهلا... اموووووووة... اموووووووووووووة

اتفضلوا يا ختي اتفضلوا عـ الصالون

ثواني ورجعالكوا .. خدو راحتكوا البيت بيتكوا .....

فكيهه: مالك ساكته ليه يا بت يا نبيهه؟ الست عمالة ترحب بيكي وهاتك يا بوس وانت ولا نطقت بكلمة؟؟

نبيهه: هيه ادتني فرصة يا خالة . من ساعه ما دخلنا وهيه دو دو دو دو

فكيهه: عندك حق يا بت .. هيه عدلات دايما كده بالعه راديوا

عدلات تدخل الصالون على نبيهه وفكيهه..

عدلات: ايوة يا فكيهه يا ختي , ازيك كده وازاي جوزك.. قولتيلة انك جيالي؟

فكيهه: لاااااااااااااااااا.. واقله ليه يعني ؟؟ هو يستجري يفتح بقه بكلمه ولا يقلي لأ حتى ..

ده انا فكييييييييييهه ياعدلات.. قال استأذنه قال.. ما بقاش الا دي كمان ؟؟

عدلات طب خلاص خلاص.. مالك اتحمقت كده ليه؟؟ انا بسأل بس ؟؟ عشان المرة اللي فاتت لما عوقتي عندي ووووووووو.........

فكيهه: شششششش اكتمي خالص .. ايه هو انتِ ما تتبلش في بقك فولة؟؟

نبيهه: هو في ايه يا خالة ؟؟ تكنش تقصد ان عم هنداوي .. رنك علقة زي اللي رنهالك لما مشيت من عندك ؟؟

فكيهه: وشها يحمر ويصفر وتقرص نبيهه قرصه جامده

نبيهه: اييييييييييييييييي.. في ايه يا خالة هو انا قلت حاجة غلط لا سمح الله ؟؟

عدلات: ههههههههههههههههههههههه ده انتِ فضيحتك بقت بجلاجل.. وانا اللي عماله اتكلم

بالهمس .. قال ايه البت نبيهه مش فاهمة..ههههههههههههههه

فكيهه :ههههه!!فرحانة قوي وبتضحكي .. قال يعني انتِ جوزك اللي مهنيكي وممنيكي.. بلا خيبة ...

عدلات: لايا ختي انا جوزي امشيه على عجين ما يلخبطوش.. تحبي تشوفي؟؟

فكيهه: ياشيخه هو جوزك ده يتعد في سوق الرجال؟؟ انا عارفة اتلميتي عليه منين؟

عدلات: لألألأ لمي نفسك ياعدلات اقعدي عوج واتكلمي عدل؟؟ انا جوزي سيد الرجالة

فكيهه: بأمارة ايه بقى ؟؟ خليني ساكته احسن وخلي الطابق مستور ؟؟

عدلات : وتسكتي ليه ماتقولي .. انا ماعنديش حاجة اخبيها ؟؟ على الأقل جوزي بيحبني وشايلني على راسه من فوق مش زيك يصبحني بعلقه ويمسيني بعلقة

فكيهه : بيحبك؟؟؟؟؟؟؟؟؟؟ طب قولي الكلام ده لحد ما يعرفكيش؟؟ ..يالي جوزك عامل زي خيال المآته

عدلات: انا جوزي خيال مآته ياعرة النسوان

فكيهه: انا عرة النسوان يا م اربعه واربعين

فكيهه وعدلات يمسكوا في خناق بعض وهاتك يا ضرب وشد شعر

نبيهه: بس يا خالة فكيهه.. كفاية ياخالة عدلات.. مايصحش كده

فكيهه: مالكيش دعوة انتِ يانبيهه؟؟ سيبني اعرفها مقامها الولية الدكر دي .....

عدلات : انا وليه دكر يا وليه ياجربانه وقال على رأي المثللللللل.. ابوك البصل و أمك التوم منين تجيك الريحة الحلوة يا مشئوم

نبيهه: تروح من هنا تجيي من هنا.. شوية عند خالة فكيهه وشوية مع خالة عدلات

ولا فيش ايتوهاااااا فايدة ؟.. طب وبعدين مش حيفطموا نبيهه ويودكوها ؟؟

يتبع.............

[shahd]

المكان : شقة خالتي عدلات

الأشخاص: عدلات , فكيهه, نبيهه

المنظر: فكيهه ونبيهه ماسكين في خناق بعض .. نبيهه سابتهم ولسه حتطلع من الباب

فكيه تلحقها....

الحوار:

فكيهه: بت يا نبيهه.. انتِ يا بت .. سايباني مع امنا الغولة دي ورايحه على فين

نبيهه: مروحة يا خالتي مروحة .. كملوا خناق براحتكو

فكيهه: بقى كده يا بت مااااااااااااشي .. دوري بقى على اللي حيوعيكي ويرسيكي في جوازتك الغبرة دي

نبيهه: ما انتوا عمالين تلطشوا في بعض اهو ياخالة وماخدتش منكوا حاجة

عدلات : خلاص ياعروستنا .. خلاص .. عشان خاطرك بس حسامح الوليه القرشانة دي!!

فكيهه: انا قرشانة..ياااااااااااااا

نبيهه: بسسسسسسسسس ابوس ايديكو خلاااااااااااااااص ..

اعمل ايه بس ياربي اشق هدوممممممممممممي...

بصوا خلاص مش عايزة اعرف ولا افهم أي حاجة ...

خليكو كده قطعوا في هدوم بعض .. انا حفضل اتحايل عليكو لحاد امتى ؟؟

ياسااااااااااااااااتر ...

ولا اقلكوا بلاها جوازة من اصله

مش عايزة اتجوز

مش عايزة اتجووووووووووز

نبيهه وعدلات يبصوا لنبيهه باندهاش وينسوا الخناقة

عدلات: هيه البت مالها ياختي .. ياكبدي يا بنتي .. البت جالها لطف..

فكيهه: معلش يا عدلات يا ختي هيه الحالة النفساوية دي بتجيلها من يوم ما اتقرت فاتحتها ..

نبيهه: لطف ايه وحالة نفساوية ايه ياوليه انتِ وهيه؟؟ ماهو مش عاملالكو قيمة .. تتمقلسوا عليا ..لأأاااااااااااااااااااااا . ده انا فكيهه والآجر على الله.. لمي نفسك انتِ وهيه لا اعرفك مقامك.........

فكيهه: نعم نعم .. نعمممممممممم.. بقى انتِ يالي لسه ما طلعتيش من اليضة حتعرفيني مقامي

اناااااااا.. فكيهه بت الحاج بسطويسي الجزار على سن ورمح.. تعاليلي يا شاااااطرة

وتشدها من شعرها...

عدلات: سيبهالي انت يا فكيهه .. اما اربيهالك من اول وجديد..

نبيهه: حتربي مين ياوليه ياللي عمرك الافتراضي خلص

نبيهه تمسك عدلات وبالبوكس على وشها

عدلات: ااااااااااااااه يا وشييييييييييييي.. اااااااااااه ياعينييييييييي

فكيهه تجري لعدلات عشان تخلصها من ايد نبيهه

نبيهه: تعض عدلات جاااااااااااااامد

عدلات: اااااااااااااااااااي .

الحقوني يا ناس

الحقونا ياعااااااالم

نعيمة شغالة عدلات تطلع من المطبخ :

في ايه خير .. مالك يا ستي.. ياخبرررررررررر ايه اللي شلفط وشك كده؟؟

نبيهه: ولا كلمة يا بت .. اجري هاتيلي حبل يا بت .. اجرييييييييي..

نعيمة شغالة عدلات مسهمة وواقفة تبص على عدلات وفكيهه

عدلات: اجري يا بت اطلبي البوليس

نبيهه: اتلقحي هنا لأكومك جمبهم.. يلاااااااااااا

نعيمة: ححححح حاضر حاضر

فكيهه: يخيبك يابت .. خايفة منها ؟؟ وانا اللي بقول عليكي بت جدعه.. طب احنا نسوان عواجيز كبار وقدرت علينا.. اخص عليكِ اخصصصصصصص!!!

نعيمة : وانا مالي يا ست فكيهه العمر مش بعزقة .. دي ايديها زي المرزبة !!

نبيهه متنرفزة:هااااااااااااااتي الحبل بسررررررررررعه.. وحسابي معاكي بعدين .. ان ما ورييييييييتك

نعيمة لا بلاش يا ست العرايس حقك عليا .. ادي راسك ابوسها ..

نبيهه : خلاص .. سماح النوبة . بس قسماً عظماً لو قليتي ادبك بعد كده لاقطع خبرك ..

اانجري هاتي الحبل واربطي الدبيحتين دول يلااااااا.. ابقي خلي ابوكي الجزار ينفعك ياست فكيهه..

نعيمة : تربط فكيهه ونعمية تربط عدلات وتقفل بق كل واحده فيهم

نبيهه تتفرج على فكيهه وعدلات وهما مربوطين وتطلب من نعيمة كباية شاي

نبيهه وهيه بتشرب الشاي: ياساااااااااتر خلي الواحد يعرف يشرب كباية الشاي على رواقة

فكيهه: تشاور لنبيهه براسها .. فكينا ينوبك ثواب

نبيهه: لا يمكن ابداااااااا.. خليكوا كده عشان تبطلوا تتمقلسوا علييا تاني.. انا ااااااااا عندي

لطف.. وفيوزاتي ضاربة؟؟؟

نعيمة: خلاص يا ست البنات.. عشان خاطري .. دول ستات كبار برضه.. بعدين يفيصوا منك

نبيهه: طززززززززز.. ولا يسوو عندي ميلم احمر..

نعيمه: تمسك ايد نبيهه تبوسها .. معلش عشان خاطري .. ابوس ايدك .. الهي لا يسيئك

نبيهه: طيب .. طيب .. بس لو حس واحده فيهم طلع .. حقطع خبركوا كلكوا:

نعمية: ماشي اعملي اللي انتِ عايزاه

نبيهه: خلاص شيلي الهباب اللي على بقهم

نعيمة تشيل الشريط اللي ملزوق على بق عدلات وفكيهه

لسه عدلات حتصرخ

نبيهه: هااااااااااااااااااااااااا سكتي صاحبتك ياخالة فكيهه

فكيهه هو بقى فيها خالة بعد قلة القيمة دي؟؟!

نبيهه: اعملك ايه انتِ اللي اطريتني اعمل كده.. كله الا الغلط ..اااااااااااااه

فكيهه: انا اسفة حقك عليا. فكينا بقى.. عشان نعرف نتكلم

نبيهه:.. لايمكن ابدااااااا.. لو فيكت الحبل حترجعوا تتخانقوا تاني

عدلات: لا خلاص توبة من دي النوبة

فكيهه: جربينا كده وشوفي

نبيهه : لا وعلى ايه خليكو كده واللي عندها كلمة تقولها وهيه متلقحه في مكانها

فكيهه: بقى كده يا نبهبه يهون عليكي العيش والملح.....

نبيهه: اه يهون عليا .. عاجبك على كده ماشي مش عاجبك .. خلاص..

فتكو بعافيه.....

عدلات: عجبنا .. عجبنا.. خلاص يافكيهه .. نقلها الكلمتين... ونخلص

فكيهه: ماشي و امري لله ..

عدلات : اسمعي يا ست العرايس وطرطقي ودانك.. اول هااااااااام....

نبيهه: مطرطقه ودانها ومبرقه عنيها ... وعدلات حتبتدي في الكلام

والباب يخبط.......

يتبع...........

[shahd]

المكان: شقة خالتي عدلات

الأشخاص : فكيهه, نبيهه’ عدلات’ نعيمة الشغالة

المنظر: عدلات وفكيهه قاعدين في الأرض مربوطين بحبل, نبيهه بتشرب كباية الشاي ,

نعيمة الشغالة قاعدة في الأرض جمب الكرسي اللي قاعدة فيه نبيهه.

الحوار: نبيهه: مش سامعه الباب بيخبط يا مضروبة قومي افتحي..

نعيمة الشغالة: ايوة ياست نبيهه بسسسسسس ..

نبيهه: ما تبسبسيش .. قولي مين قبل ما تفتحي.

نعيمه : حاضر

نعيمة تقوم تفتح الباب..

ايوة مين اللي بيخبط

بهيه: انااااااا

نعيمة: ايوة مين يعني ؟؟

بهيه: انا بهييه يا بت مالك مش عارفة صوتي ؟؟

نعيمة تفتح الباب بالراااااااحه وبصوت واطييييي: يخرب بيتك ايه اللي جابك دلوقتي ؟؟ امشييييييي

بهيه: في ايه يا نعيمة.. بقى دي مقابلة تقابليني بيها؟؟

نعيمة: تلطم على وشها:.. امشي دلوقتي الله لا يسيئك.

بهيه: ايه يا بت امشي ليه .. هو احنا بنسرق.. انا جاية ازورك .. وعندي ليكي اخبار من الواااد عويضة

نعيمة: ياختي ان شا لله تسلمي بس امشي دلوقتي يا بهييه .. وانا حبقى اكلمك بعدين .. يلااااااااااا

بهيه: طيب طيب .. بس ما تزقيش.

نبيهه: مين يا نعيمة ؟؟

نعيمة: مافيش ده الزبال يا ستي.. خلاص مشيته

بهييه واقفة تتصنت ـ عـ الباب

بقى انا الزبال.. يا معفنه يا جربانة.. ماااااااااشي

نبيهه: خلاص اترزعي هنا

نعيمة : حاضر يا ست نبيهه

عدلات: هو احنا مش حنخلص مـ الربطه السودة دي

فكيهه: والله ما انا عارفة يا عدلات يا ختي .. كان يوم اغبر يوم ما جبت البت دي

نبيهه: في ايه يا خالة عدلات عايزة حاجة؟؟

فكيهه: لا موش عايزة حاجة .. احنا كده فل وتمام التمام.. مش كده يا عدلات؟؟

عدلات: اه طبعا ... امااااااااااااااال.

نبيهه: طيب : طالما كده احكي و قولي اللي عندك ياخالة عدلات انا جوازي فاضل عليه شهر .

عدلات: لو قلتلك حتشيلي الهباب اللي انتِ رابطاني بيه ده؟

نبيهه: ايوة طبعا .. هو انا ربطاكوا ليه اساسا مش عشان تهدوا كده واعرف افهم منكوا

عدلات: طب اسمعي طبعا خالتك فكيهه فطمتك حتعملي ايه ليلة الدخلة

نبيهه: ايوة البصل و التوم وزيت الخروع.....

فكيهه: شاطرة يا بت ما بنتنسيش الدرس ابدااااا

نبيهه: ودي تيجيي انسى كلام خالتي فكيهه على سن ورمح

فكيهه:ايييييييييه . سن و رمح ايه هو بقى فيها سن .. ده انا بقيت فكيهه مسخرررررررررة

نبيهه: قطع لسان اللي يقول كده يا خالة.

فكيهه: ما انت قلتي يلا ما بدهاش , خلينا فـ موضوعنا

نبيهه: احسن برضه

عدلات: نكمل ولا ايه العبارة؟

نبيهه:قولي يا خالة عدلات .

عدلات: شوفي يانبيهه يا بنتي جوزك اوعي تعمليلة قيمه ابداااااااا .. تخرجي وقت ماتحبي و وترجعي وقت ما تحبي

نبيهه: طب ولما يسألني رايحه فين؟؟

فكيهه:.. تقوليله وانت مالك ياحشري.

عدلات: ولو شخط فيكي مثلا .. تشتميه بكل شتايم الدنيا اللي تعرفيها ..

فكيهه: وكل يوم تطلبي حاجة.. اشي دهب واشي هدوم,, واشي البتاع ده اللي اسمه موباين وكده يعني.. وفلانة جوزها جايبلها عربية اخر موديل اشمعنى انا .. وتشطبي على اللي في جيبه اول بأول..

نبيهه: طب ولو ما معاهوش؟

عدلات: ساعتها تولعي البيت حريقة, وتفضحيه وتروحي للجيران وتقوليلهم جوزي بخيل.. ده مجوعني..

ومبهدلني ......

فكيهه: وأول ما يحط اللقمة في بقه تقوليله

نبيهه: بالهنا والشفا يا حبيبي

فكيهه: حبيبي ايه حبك برص..

نبيهه: يوه يا خالة ما بلاش الكلام ده

فكيهه: با بت انا بوعيكي..

اول ما يحط اللقمة في بقه ,, تقوليله .. ان شالله تطفح .. بالسم الهاري .. حار ونار في جتتك.. مطرح ما يسري يهري..

نبيهه: ياخالة .. ياخاله..ده كده يرجعني بيت ابويا عدل.. ده لو ما جابش ساطور وقطعني حتت !!!

فكيهه: يقطع مين يا بت .. يقطع خبره .. هو يستجري.. بس استحياط برضه خدي معاكي قزازة مية نار .. ولو حسيتي بأي غدر .. رشيها على وشه على طول

نبيهه: يانهار مش فايت .. دي ما بقتش جوازه .

عدلات: يا عبيطة . ما هيه الرجالة ما تجيش الا كده.. جربي انت بس ولو ما بقاش زي الخاتم في صباعك..مابقاش انا عدلات..

فكيهه: اسمعي الكلام يا بت .. حاكم خالتك عدلات دي خبره .. هو انت ما شفتيش جوزها

نبيهه: لا ما شفتوش يا خالتي

فكيهه: كان راجل ملو هدومه.. ماحدش يقدر يقله تلت التلاته كام اتجوز عدلات من هنا .. وهما شهرين!! شهرين ايه ؟؟

اسبوعين بس .. ما عادش في لسانه غير حاضر يا عدلات .. من عنيا ياعدولتي .. اطبخلك ايه يا روحي .. هاتي هدومك اغسلهالك ...

نبيهه: ياحلاوة ياولاد.. جوزك بيعمل كووووول ده يا خاله عدلات!!!

عدلات: طبعا ياست العرايس اسمعي كلامنا بس وانتِ تعيشي عيشة الأمرا .

نبيهه: ماشي يا خالة حجرب!!

نبيهه تبص في الساعه.. يانهااااااااااار مش فااااااااايت انا اتأخرت قوي . زمان امي جت...

نبيهه تجرييييييييييييييييي عـ الباب

فكيهه: استني يا بت استني ...حتسيبينا كده ..

عدلات: مش تشيلي الحبل اللي انت رابطانا بيه ده

نبيهه: فكيهم يا نعيمة .. بسررررررررررعه

نعيمه تفك خالة عدلات وخالة فكيهه

نبيهه: تمسك ايد خالة فكيهه وتطلع الأتوبيس .. ومواصلة ورا التانية لحاد ما توصل البيت.

نبيهه و خالتي فكيهه يوصلوا لباب العمارة

الست سعديه مامة نبيهه واقفالهم عند البوابة

نبيهه: يامصييييييييييييييييييتي

وتمسك في ديل خالتي فكيهه وتستخبى وراها

نبيهه: أمييييييي.. خبيني ياخالتي .. خبيني..

سعديه: كنتِ فين يا بت لحاد دلوقتي

نبيهه: كو ...كو ,,ككو ,,نننت

سعديه: كنتِ فين انطقي؟

تبص تلاقي فكيهه: واقفه::انتِ كنت ِ مع الست ديه نهارك اسوووووووود

فكيهه: وانا مالي يا ختي انا جاية لو حدي

نبيهه: بقى كده ياخالة؟؟

فكيهه: انا لا خالتك ولا اعرفك .. روحي شوفي بنتك بتتصرمح فين يا ست سعديه

سعديه: ما تتلمي يا وليه انتِ انا بنتي متربيه

فكيهه: طب اسأليها كده كانت فين ؟؟ ولولايا انا .. كانت الفاس وقعت فـ الراس

نبيهه: انت ِ حتتبلي عليا .. ولا ما كفتكيش العلقة اللي خدتيها

سعديه: علقة ايه دي يابت؟؟

فكيهه: اصل بنتك المتربية لما رحت الحقها واطلعها من المكان.. استغفر الله العظيم !! استغفر الله العظيم !! اللي كانت فيه ..

مسكتني ضربتني وكسرت عضمي .. اكمني ست عجوزة وعضمة كبيرة وهيه شابة وربنا مديها شوية صحه

نبيهه: ماتصدقيش الولية الخرفانة دي يا امه

فكيهه: انا وليه خرفانة .. الله يسامحك يا بنتي

سعديه ام نبيهه تشدها من شعرها انجري قدامي عـلى جوا يا بت

نبيهه: يا امه دي كدابة .. كدااااااااابه

سعديه: اخرسي يا قليلة الرباية انا حعرف اربيكي من اول وجديد....

نبيهه:يا امه اسمعيني بس

فكيهه تدخل شقتها وتتصل بعدلات وتقولها لو ام نبيهه اتصلت قوليليها انها ما جاتلكيش خاااالص

فكيهه تطلع من شقتها وتخبط عـلى باب شقة نبيهه ..

فكيهه :على مهلك يا ست سعديه .. دي البت لسه صغيرة .. كله بالهداااااااااوة .. بالهداااااااوة

نبيهه: كله منك ياوليه يا قرشانة .. يا امه والله كنت معاها عند خالتي عدلات حتى كلميها واسأليها

فكيهه: ايووووووووة كلميها وادي النمرة اهيه

سعديه : حكلمها واللي تطلع فيكو كدابة يا ويلها يا سواد ليلها

سعديه: الووووووو .. ممكن اكلم الست عدلات

عدلات: ايوة معاكي

انا سعديه ام نبيهه: الا قوليلي نبيهه بنتِ جتلك النهاردة؟

عدلات: نبيهه ؟؟ لا ما شوفتهاش خالص

سعديه تبص لنبيها بنرفزة وعصبيه ..

نبيهه: في ايه يا امه.. خالة عدلات قالت لك ايه؟؟

عفاريت الدنيا تتنطط في وش سعديه .. تزق فكيهه لبره وتقفل الباب وو.......

يتبع.....

تم تعديل 2 نوفمبر 2008 بواسطة شهد

[shahd]

المكان: شقة الحاج أبو نبيهه

الأشخاص : نبيهه. الست سعديه ام نبيهه, بتعه الشغاله

المنظر: الست سعدية نازلة تقطيم وبهدلة في نبيهه ...

الحوار: نبيهه: يا امه كفايه ابوس ايدك .. كسرتي عضمي

الست سعديه: انتِ لسه شفتي حاجه؟؟ ده انا حقطم رقبتك لو ما قلتيش كنتِ فين ؟؟ واوعي تقولي اني كنتِ عند اسمها ايه عدلات ؟؟

نبيهه: حاضر يا امه .. شعريييييييي...

نبيهه: صلي عـ النبي يا امه..

الست سعديه: اللهم صلي وسلم على كامل النور

نبيهه: والله والله كنت مع خالتي فكيهه عند خالتي عدلات

الست سعديه: تاااااااااني .. يا بت ده انا اتصلت بيها بنفسي وقالت ماشافتكيش

نبيهه: كدابة يا امه والله .. هاتي المصحف احلف لك عليه؟؟

هو انا بتاعة صرمحه وكلام فاضي يا امه ده انا تربيت ايديكي

الست سعديه: امال ما قلتيش انك رايحه مع فكيهه ليه؟و تمدي ايدك على وليه اكبر من امك؟؟ وتشلفطي وشها بالطريقة دي ليه؟

نبيهه: انا حقلك على كل حاجة بس روقي كده واسمعيني

بت يا بتعه هاتي الشاي يابت

بتعه: من عنيا يا ست العرايس .

الست سعديه: مش عايزة اشرب حاجة.. قولي وخلصيني

نبيهه: يا امه صبرك عليا بس !

اللي حصل ان خالتي فكيهه لما عرفت ان فرحي قريب قالت لي تعالي يابت يانبيهه اما اعلمك كلمتين ينفعوكِ

وبعديها قالت لي تعالي معايا عند عدلات عشان برضه هيه تفهم في الموال ده وليها خبره في معاملة الرجالة ..

سعديه: خبره؟؟ بقى فكيهه وعدلات بقم خُبرات دلوقتي.. حقه بطلو ده واسمعو ده!!

هه وبعدين اختصري؟

نبيهه: لما رحنا عند خالتي عدلات .. خالتي فكيهه وخالتي عدلات قعدوا يتخانقوا وتتريقوا على بعض .. وكلمه من دي وكلمه من دي مسكوا في خناق بعض.. وهاتك ياعض وشد في شعور بعض

الست سعدية: وانا مالي بالموال ده كله .. خلصيني .. وجعتي دماغي

نبيهه: ما انا جايلك فـ الكلام اهوه يا امه...

رحت مزقعه بعلو صوتي وقايلالهم خلااااااااااااااااااص مش عايزة اتجووووووز ان شالله تحرقوا بعض حتى

سعدية: هاااااااااااااااه وبعدين ؟؟؟

نبيهه: الاتنين قعدوا يبحلقوا فيا ويمصموصوا شفايفهم وقال ايه .. واللي تقول البت مالها.. جالها لطف يا ولداه!!والتانيه واللي تقلها معلش دي ما صدقت تتجوز تقلها ؟؟

انا سمعت الكلام ده منها وماحسيتش بنفسي غير وانا رازعه الولية المفترية فكيهه بالبوكس على وشها هيه والهبابة اللي اسمها عدلات

الست سعديه: اهييييييييييه!! بقى عايزاني الفيلم الهندي ده ده يا بت؟؟ تكونيش شايفاني مختومة على قفايا؟؟

نبيهه: يووووووووووووه ياامه هو ده اللي حصل بالحرف .. وانتِ مش عايزة تصدقي خلاص بقى ؟؟ انا داخله اوضتي....

وتخش وترزع الباب وراها

سعديه : بت يا نبيهه!! انتِ يا بت .. تعالي هنا .. بترزعي الباب في وشي؟

نبيهه تطلع من اوضتها : ياامه ما اقصدش .. بس ده هو اللي حصل .. انا نفسي ما عرفش

عملت كده ازاي ؟؟ بس عفاريت الدنيا اتنططت فوق دماغي ؟؟حسسوني اني ما صدقت الاقي عريس يلمني يا مهههههههه ............

وتترمي في حضن مامتها وهاتك يا عياط...

سعديه : فشررررررررررررررر بس يا ضنايا بس ..ده انتِ

اللي اجدعها شنب يتمنالك الرضا ترضي .. ماشي ياام اربعه واربعين .. ان ما عرفتك مقامك انت وبوز الأخص اللي اسمها عدلات ....

نبيهه: حتعملي ايه يا امة؟؟

سعدية: مالكيش دعوة انتِ

بت يا بتعههههههههههههه

انتِ يا بتتتتتتتتتتتتتتت

بتعه: ايوة يا ستي.. انا جاية أهوه؟؟

سعديه: لو سيدك الحاج وصل انا عند ام اربعه واربعين ...

بتعة مزبهلة!! : مين يا حاجة؟؟

سعديه : عند الهبابة فكيهه ..

بتعه:ااااااااااه.. حاضر يا ستي .. حاضر

سعديه طالعه من باب شقتها ... تطلع شقة فكيهه .. تخبط عـ الباب جااااااااامد

شغالة فكيهه تفتح

فتكات: ايوة مين اللي بيخبط .. على مهلك شويه ديه دي؟؟

ميييييييين ست سعديه يا دي النور يا دي النور؟؟

سعديه: فين ستك يا بت؟

فتكات تعيط : ستيييييييييييييييييي.. ااااااااااااااااااااا اهئ ... اهئئئئئئئئئئ

سعديه: في ايه يا بت بتعيطي ليه ؟؟

فتكات مستمرة في العياط ... ستي عيانه قوي يا ست سعديه.......

سعديه: هي لحقت ؟؟ تلاقيها .. دي لسه طالعه من عندي بترمح زي الخيل .. تلاقيها بس استخبت لما سمعت صوتي؟؟

فتكات : ..( خمسة في عين العدو)

الست سعدية: بتبرطمي بتقولي ايه يا بت ??

بقول لو مش مصدقاني طب شوفيها نايمة في السرير اهيه واني مش عارفة اعملها حاجة

ااااااااااااااااااااااااااااااااهئئئئئئئئئئئئئئ

سعدية: خلاص .. سدي الجاعورة اللي انتِ فاتحها دي.. اما نشوف ؟؟

سعديه تخش اوضة فكيهه..

يانهااااااااااار ابيض دي سخنه بصحيح!! وسايباها كده ؟؟ ما خبطتيش علينا لييييييييه؟؟

فتكات: اصلكوا . متخانقين وما بتطيقوش بعض .. خفت اجيلك.. تطرديني ؟؟

سعديه: بقى ده كلام يا بت!! اما انك عبيطه بصحيح ؟؟

ناوليني التلفون

فتكات:. اتفضلي..

سعديه تكلم الدكتورة اللي في العمارة اللي قصادهم ....

سعديه:الووووووووووووووو... ايو ه ياست الدَكتُورَة

الدكتورة : اهلا يا ست سعدية .. خير ان شاء الله؟؟

الست سعدية: معلش حنتعبك معانا .. بس جارتنا الست فكيهه عيانة قوي وعايزنك تشوفيها

الدكتورة : لا ابدا مافيش تعب ولا حاجة انا جاية حالا..

الدكتورة تخبط عـ الباب تكشف على فكيهه...

سعدية: خير يا دكتوره عندها ايه ؟؟

الدكتورة: ما اقدرش اقرر دلوقتي لازم تتنقل المستشفى نعملها شوية تحايل ؟؟ واشعة ونشوف؟؟ لو كان في خطور ة نعملها عملية......

فتكات: عملية ؟؟؟؟؟؟؟

يامصييييييييييييييييييييييييبتي ؟؟

ما كانش يومك ياستيييييييييييييييييييي

ده انا ماليش غيرك .. يا ستيييييييييييييييييييييي

اااااااااااااااااااااااااااااااااااااااااااااااهئئئئئئئئئئئئئئئئئئئئئئئئئئئئئ

سعديه: بس يا بت .. بتصوتي على ايه ؟؟هيه قالت لك حننقلها القرافة.. دي المستشفى

حسابك كام يا دكتورة؟

الدكتورة : عيب ده حنا جيران

الدكتورة تكلم الإسعاف .. عربية الإسعاف توصل .. تاخد فكيهه...

وفي المستشفى ......

يتبع...............

[shahd]

المكان: مستشفى

الأشخاص: خالتي فكيهه, الست سعدية, الدكتورة جارتهم

المنظر:

الست سعدية والدكتورة جارتهم ساندين فكيهه وداخلين المستشفى

الدكتورة جارتهم توصي الدكتورة المناوبة زميلتها على فكيهه وتستأذن

الحوار

الدكتورة المناوبة:مالك ياحاجة الف سلامه؟؟

فكيهه: اه يا ضهري يانييييييييييي..

اه يا بطنييييييييي اااااااااه

ااااااااه يادمااااااااااااغي ..

ااااااااااييييييييي يالوزيييييييييييي

اه يا مرارتي اللي اتفقعت ياااااااني

اااااااااااااااااااااه ياكل حتة في جسميييييييي

الدكتورة: طب.. أهدي كده .. وأول ما اجي على حتة بتوجعك قولي ااااااااه بس بالراحة.. ماشي

فكيهه: مااااااشي يا دكتورة.

الدكتورة يادوب لسه حتحط ايدها على فكيهه

فكيهه: اااااااااااااااااااااااااااااااااي

الدكتورة بهدوء أ نا لسه ماعملتش حاجة ؟؟

فكيهه: بتشخطي فيااااااااا انا عايزة دكتورة تاااااانية ؟؟

الممرضة : مافيش دكتورة تانية ولو مش عاجبك المستشفيات على قفا مين يشيل

الست سعديه: اختشي على دمك يا فكيهه !! مش كفاية الدكتورة سايبة العيانين بتوعها وبتكشف عليكي

الدكتورة: معلش يا حاجة .. معلش ؟؟ ده شغلي.

فكيهه: وانتِ ايش اخششك بينا يا حشريه ؟؟ ؟؟ ايه اللي جابك هنا اساسا ؟؟ جااية تشمتي فيا

مشوا الوليه دي من هنااااااااا؟؟

سعديه: صحيح خير تعمل شر تلقى!!

انا ماشية يا دكتورة .. فتكوا بعافيه؟؟

فكيهه: امال مين اللي حيدفع الحساب؟؟

يا سعدية .؟؟؟ يا سعديييييييييييييه

ادفعي الحساب طيب وغوري في داهيه .

سعديه داهية ما ترجعك.. أما انتِ وليه ناقصة بصحيح؟؟ انا اللي استاااااااااهل

سعدية تخطي اول خطوة

فكيهه تمسك في ديل جلابيتها!!

فكيهه: اااااااااااااااااااااااااهئ .. بقى كده يا سعدودتي ؟؟ تسييني ويا الجزارين يقطعوا فيا !!!!!

الممرضة : جزارين!! جزارين ايه يا ست انتِ ! دي مستشفى موش سلخانة

الدكتورة : ششششششششش ولا كلمة سيبيها تقول اللي هيا عايزاه

الممرضة: بس يا دكتورة دي ست قليلة الأدب

الدكتورة: انا قلت ولا كلمة اتفضلي اعمليلها التحاليل والاشعه دي بسرعه

الممرضه بتكشيرة : امرك يا دكتورة

سعدية : انا رايحة ادفع الفواتير يا دكتورة

فكيهه: محاليل ايه دي ؟؟ سعدية ما تسبينيش يا سعديه؟؟

الممرضة تاخد فكيهه على معمل التحاليل

فكيهه:ايه ده .. حقن .. لا يا ستي مش بحب الحقن

الممرضة: هاتي دراعك وخلصيني ..

يا حسنات ؟؟ يا حسنات .. تعالي امسكي ايد الست دي عايزين نخلص

فكيهه: بقى دي حسنات.؟؟ دي سيئااااااااات

حسنات: تمسك دراع فكيهه ..فكيهه ماتعرفش تفلفص منها

فكيهه: دميييييييييييييي؟؟ بتشفطي دمي يا مفترييييييييييه... اييييييييي

الممرضة: ما تخرسيييييي يا وليه

حسنات تكتم بق فكيهه والممرضة تخلص بقية التحاليل

الممرضة: تاخد فكيهه اوضة الأشعه

فكيهه: تصوت وتقلب المستشفى

حتودوني على فين تااااااني؟؟ يا مجرمين؟؟ يا جزارين!! مش كفاية شفطتوا دميييييي

ااااااااااه يادمي يااااااااااااااااني ......

صويت فكيهه يوصل لمكتب رئيسة القسم في المستشفى!!!

رئيسة القسم المستشفى:ترفع السماعه وتكلم الدكتورة المناوبة الو يا دكتورة هو في ايه؟؟ ايه الدوشة دي ؟؟

الدكتورة : ابدا يا دكتورة مافيش حاجة ’ ما تقلقيش حضرتك

الدكتورة رئيسة القسم المستشفى: ما اقلقش ازاي ؟؟ انا جاية بنفسي اشوف فيه ايه؟؟

الدكتورة: يادكتورة ما تتعبيش نفسك اناااااا..

تقفل السكة

الو.... الو... الووووووو................ ربنا يستر

الدكتورة توصل اوضة الاشعه قبل رئيسة القسم تلاقي فكيهه عمالة تتنطط فوق الأجهزة

والممرضة تجري وارها هيه وحسنات (مسؤلة النظافة في المستشفى ) عشان يمسكوها

الدكتورة: ايه ده ؟ ايه اللي بيحصل هنا؟؟

وانت ايه اللي جابك هنا؟؟ انا مش قلت لك مالكيش دعوة بالعيانين؟؟ اتفضلي شوفي شغلك

وحسابي معاكي بعدين

حسنات تفتح الباب تلاقي رئيسة القسم المستشفى في وشها ..

تخبط فيها توقعلها النظارة

حسنات بصوتها الخشن: حقك عليا يا دكتوووووووورة ما خدتش بالي

الدكتورة رئيسة القسم المستشفى: وانت حتاخدي بالك ازاي ؟؟ما احنا بالنسبالك كائنات صغيرة لاترى بالعين المجرده !!

هي مامتك رضعتك ايه وانت نونة؟؟ ولاتلاقيكي اتولدت كده!

حسنات : الله هو ايه اصله ده يا دكتورة ؟؟ ما تخليكي حلوة اماااال؟؟

الدكتورة رئيسة القسم: انتِ بتردي عليا ؟؟ طييييييب ؟؟ ان ما وريتك ؟؟ مخصوم منك شهر ونص

حسنات تقف قدام الدكتورة رافعه راسها ومكشرة وحاطة ايديها في وسطها

ليه بس كده يا دكتورة .. ما بلاش افترى ؟؟ هو انا كنت عملت لك ايه يعني ؟؟

الدكتورة رئيسة القسم: ما تناقشنيش؟؟ امشي غوري من هنا؟؟ انتِ مرفودة

حسنات: منك لله يا مفتريه.؟ بس صبرك عليا لما نخرج من المستشفى؟؟ ا ن ما عملت عضامك فتة كوارع

الدكتورة المناوبة: بتهدديني ؟؟ اندهولي الأمن ؟؟ فين الأمن؟؟

الدكتورة المناوبة: حقك عليا يا دكتورة .. امسحيها فيا انا حسنات ما تقصدش؟؟

امشي يا حسنات امشييييييي

حسنات بصوتها الخشن : انا ماشية اهو الله ؟؟ عشان خاطرك انت بس ؟؟

رئيسة قسم: حاجة تقرف .. ومين الست اللي بتنطط دي ؟؟ احنا في مستشفى ولا ف جبلاية القرود؟

فكيهه: تنظ من عـ السرير وتقف في وش رئيسة القسم ؟؟

جبلايه مين يا ختييييييييييييييييييييييي؟؟ اهو انت واللي يتشدللك..

يا معصعصة يا مسلووووووووووعه

الدكتورة المناوبة: عيب كده يا ست فكيهه ما يصحش؟؟

رئيسة قسم: هو ده اللي قدرتي عليه ؟؟ عيب كده يا ست فكيهه؟؟

الدكتورة: امال اعمل ايه يا فندم؟؟

رئيسة قسم: تطلبي أمن المستشفى والتمرجيه ؟؟ مش شايفة عملت فيا ايه؟؟

الدكتورة المناوبة : معلش حقك عليا انا يا دكتورة دي ست كبيرة وعيانة قوي معلش ؟؟

الدكتورة رئيسة القسم: بقى دي عيانة دي ؟؟ امال لو كانت كويسة كانت عملت ايه؟؟

فكيهه: الله اكبر !! الله اكبر!! خمسة في عين اللي ما يصلي ع النبي تف تف تف تففففففففففف

الدكتورة: اللهم صلي على النبي .. اهدي يا مدام ارجوكي خلينا نعرف نعملك الاشعه ونشوف اللي عندك ده من ايه؟؟

سعديه تخبط عـ الباب

في ايه مالك يا فكيهه ؟؟ نهااااااااارك اغبر ايه اللي انتِ هببتيه ده؟؟

فكيهه: بيضربوني يا سعدية يختيييييييييييي....ااااااااااااااااااااااااااااااااااااااااااهئئئئئئئئئئئئئئئئئئ

ئئئئ

الست المسلوعه ام نظارة قعر الكباية دي بهدلتني وشتمتني؟؟ وضربتني بالجزمة المعفنة على وشيييييييييييييييييييييييي؟؟؟؟؟؟؟

اااااااااااااااااااااااااااااااااااااهئئئئئئئئئئئئئئئئئئئئئئ

رئيسة القسم: انا ؟؟ انا ضربتك وشتمتك يا مدام ؟؟

فكيهه: ايوة .. حتنكري يعني؟؟ ولا اكمنك الست الدكتورة رئيسة قسم ؟؟ وانا ست غلبانه

ومنكسسسسسرة؟؟

سعديه: بقى الست الأميرة دي تضربك انت ؟؟ وانتِ ياست الدكتورة سايباها تعمل كل ده فيكي و ساكته؟؟

الدكتورة رئيسة القسم: امال اعمل ايه بس ؟؟ دي في مقام والدتي؟؟

سعديه : في مقام والدتك ..و الله انتِ ست محترمة ؟ وعلى نياتك؟؟ انا لو مكانك .. ارقعها قلمين على سداغها اعرفها ان الله حق؟؟

فكيهه: ودي مين دي اللي ترقعني قلمين يا ؟؟ اخص عليكي يا سعديه اخصصصصص لكن معلهش مانت مستقصادني

سعديه: ومسقتصداكي ليه إن شاء الله ؟؟ من جمال سحنتك يعني؟؟

فكيهه : ايوة طبعا بأمارة ماكنتِ واقعه لشوشتك في سي هنداوي جوزي وهو اداكي الطرشة واتجوزني أكمني احلى منك؟

سعديه: هنداوي مين ده اللي ابصله !! بلا خيييييييية؟؟ ده ضافر سي الحاج عبد العظيم برقبة اللي ما يتسمى جوزك ؟؟

فكيهه: اسمه هندااااااوي بسطويسي عبد العال هندااااااااوي

سعديه بسخريه: عاشت الاسامي يختي !!! اوعي من وشي كده خليني اعرف اكلم الست الدكتورة.بقلك ايه يا ست الدكتورة

الدكتورة: نعم يا سعدية هانم

سعدية: هانم ؟؟؟ ان شا الله تسلمي ياختي .. شايفة الناس المحترمة ؟؟

فكيهه: ضحكتيني ؟؟ فرحانة قوي ؟؟ معلش اصلها مش واخده عـ العز ؟؟

سعديه: احترمي نفسك واتلمي يافكيهه ؟؟

فكيهه: واتلم ليه يا ختي ؟ شايفاني مبعتررررررررررة!!

الدكتورة رئيسة القسم : بسسسسسسسسسس يا ست انتِ وهيا احنا هنا في مستشفى ؟؟ عايزين تتخانقوا اطلعوا بره؟؟

سعديه: معلش يا ست الدكتورة حقك عليا انا ؟؟ سامحيني ؟؟ هاتي راسك ابوسها

رئيسة القسم: خلاص خلاص؟؟ ما جراش حاجة يا سعدية هانم

سعديه مبسوطة قوي من كلمة هانم:

فكيهه: انت حتفضلوا تجاملوا فـ بعض وسايبني وجسمي كله بينقح عليا؟؟

ااااااااااااااااه ياااااااااااااني يا كعوب ؟؟

يا مصراينننننييييييييييييي..

ناااااااار بتولع في جتتي

الدكتورة المناوبة: ما حضرتك مش عايزانا نعملك التحاليل والاشعه يا مدام فكيهه؟

فكيهه: ماشي ياست الدكتورة ؟؟ بس بشرط مش عايزة الست الممرضة اللي عاملة زي السيد قشطة دي تعملي التحاليل ؟؟ اعمليهاالي انت ؟؟

الدكتورة : المناوبة بس يافكيهه هانم ده شغلها هيه ؟؟

فكيهه: خلاص مش حعمل أي حاجة ؟؟ يلا يا سعديه نروح مستشفى تانية

سعديه: يا فكيهه بلاش دلع ؟؟ هو في مستشفى حتستحمل عمايلك دي ؟؟ اسمعي الكلام ؟؟

فكيهه: لا ااااااااااااااا يمكن الست دي تقرب مني ؟؟ لايمكنننننننننن

الدكتورة المناوبة : طيب يا فكيهه هانم انا حجيبلك ممرضة تانية ولا يهمك اهدي انتِ بس.

فكيهه: ان شا الله يخليكي يا اميرة يا بنت الأمرا؟؟

الدكتورة المناوبة: الو ؟؟ انسة نورا من فضلك تعاليلي حالا

الممرضة نورا: حاضر يا دكتورة

الممرضة نورا : تدخل ببتسامة هادية وجميلة تحت امرك يا دكتورة

يتبع............

[Scorpion]

انا قاعد اهه يا شهد مستني ايه اللي حيحصل ,,,

تسلسل قصصي سلس و رائع .. كأني فعلآ ببص من بلكونة شارعنا علي خناقات "السيدات" في البلكونات التانية ...

بجد بجد ... أحسنتي wst::

[shahd]

انا قاعد اهه يا شهد مستني ايه اللي حيحصل ,,,

تسلسل قصصي سلس و رائع .. كأني فعلآ ببص من بلكونة شارعنا علي خناقات "السيدات" في البلكونات التانية ...

بجد بجد ... أحسنتي

عمووووووو كامل منوررررررني يادي الهنا ... ميرسي جدا على تشجيعك الجميل..

والحلقة الجاية ... جاية حااااااااالاً

[shahd]

فكيهه: بسم الله ما شاء الله ؟؟ يا ارض اتهدي ماعليكي قدي؟؟

الممرضه نورا: مبتسمة ؟؟ عايزاني في حاجة يادكتورة؟؟

الدكتورة المناوبة: شايفة الست الكبيرة دي؟؟ عايزاكي تعمليها كل التحاليل دي والاشعه ؟؟

الممرضة نورا: تحت امرك يا دكتورة ؟؟ اتفضلي يا حاجة ؟؟

فكيهه: يزيد فضلك يا قمر ؟؟ اهو كده مش جايبنلي وحده وشها وش السيد قشطة

الدكتورة رئيسة القسم زعلانه جدا من اللي بيحصل وواقفة تتفرج وناويه على نيه سوده؟

الدكتورة رئيسة القسم: تعالي على مكتبي لما تخلصي من المهزلة دي؟؟

الدكتورة المناوبة مرعوبة:ربنا يعدي اليوم ده على خير.. حاضر يا دكتورة جاية لك حالا.

فكيهه: ما تخافيش ولا تقدر تعملك حاجة؟؟ لو زعلتك اندهيلي بس وانا اقطملك رقبتها اللي عاملة زي زي رقبة الفرخه ..

الدكتورة المناوبة: لأ ما يصحش كده يا مدام دي الريسة بتاعتنا برضه؟؟ عن اذنك اشوفها عايزة ايه ؟؟

فكيهه: ماشي يختي ؟؟ ربنا معاكي؟؟ يكتبلك في كل خطوة سلامة؟

الدكتورة المناوبة تروح مكتب الدكتورة رئيسة القسم...

فكيهه: تفتكري عايزة منها ايه؟؟

سعديه: وانت مالك يا ساتر مش حتبطلي الطبع الهباب اللي فيكي ده؟

فكيهه: الله مش بطمن عـ الدكتورة.. مش واجب برضك يا ست الممرضة؟؟ الا انت اسمك ايه؟؟

اسمي : نورا يا حاجة؟؟

فكيهه: ومتجوزة ولا عزبة يا ختي؟؟

نورا: مخطوبة يا حاجة وفرحي قريب ان شاء الله

فكيهه: اهيييييي .. ياحلاوة يا حلاوة؟؟ طب بقلك ايه عندي ليكي كلمتنين تحطيهم حلقة في ودانك .. قبل ما

تخشي القفص ياختي ااااااااه؟؟ حاكم انت شكلك طيبة وعلى نياتك؟؟ هاتي ودنك اما اقلك .......

نورا الممرضة: ماشي يا حاجة نكمل بس التحاليل وقولي كل اللي حضرتك عايزاه؟؟

فكيهه: ماشي يا سنيورة ,, يختي على كمالو يختييييييييييي...

سعديه مستنيه لحاد ما يخلصوا تحاليل

التحاليل والاشعه خلصت ..

الممرضة تودي فكيهه لأوضة في المستشفى وترقدها عـ السرير على بال ما تعرض نتيجة التحاليل على الدكتورة

الممرضة نورا: تأمريني بحاجة ياحاجة؟؟

فكيهه: يختي ما يؤمرش عليكي ظالم؟؟ قولتيلي ان فرحك قريب مش كده؟؟

نورا وشها يحمر : ايوة يا حاجة ان شاء الله

فكيهه: ياختي ياكمالو ياختي !! مكسوفة؟؟ طب تعالي جمبي وتشدها تقعدها على السرير بالعافيه؟؟

نورا: بس ياحاجة انا وريا شغل ؟؟

سعديه: سيبيها يافكيهه ما تعطليهاش.

فكيهه: مالكيش دعوة انتِ اطلعي منها .

سعديه: ربنا يعينك يا بنتي وقعتي ولا حدش سمى عليكي

فكيهه:قوليلي الأول في بنات زيك كده على وش جواز في المستشفى دي؟

نورا: ايوة يا حاجة في كتير

فكيهه: طب لميهملي كلهم كده بربطة المعلم عشان اقول الكلام مرة واحده ..

نورا: هو كلام مهم قوي يا حاجة ما يتأجلش لبكره ؟؟

فكيهه: بكره ايه ؟؟ خير البر عاجله؟؟

نورا: حاضر يا مدام فكيهه تحت امر حضرتك؟؟

نورا تلم الممرضات كلهم على بال ما نتيجة التحليل تطلع..

فكيهه: يا مرحب يا مرحب.. كلكوا عرايس كده بالصلاتو عـ النبي

الممرضات: ايوه يا حاجة ..

فكيهه: بسم الله ما شاء الله .. ربنا يتمملكوا بخير .. تعالي انت يا ام عيون عسلية اقعدي في ريحي

وانتِ يا نورا تعالي جمبي هنا..

شوفوا يا بنات واسمعوني كويس وطرطقوا ودانكو حاكم الكلام ده ما يطلعش غير للحبايب

نورا: اتفضلي يا حاجة سامعينك

فكيهه تاخد نورا والممرضة التانية ام عيون عسلية بين دراعتها

ولسه.. هاااااااااااا...........

تدخل عليهم رئيسة الممرضات:

رئيسة الممرضات: بتعملي ايه انت وهيا ؟؟ روحي شوفي شغلك

الممرضات: حاضر .. حاضر ياست الريسة؟؟

فكيهه: مالك يا ست الريسة بتبصيلي كده ليه؟؟ عجايب!!

رئيسة الممرضات: مش معقول كده يا مدام ؟؟ دي مستشفى وفي عيانين عايزين يستريحوا

فكيهه: الله هو انا عملت ايه بس ده احنا كنا بنتسلى؟؟

رئيسة الممرضات: هنا مش مكان تسليه يا ست هانم من فضلك مش عايزين مشاكل

فكيهه: لا مشاكل ولا حاجة يا مودام ؟؟ مش مودام برضك ولا لسه عازبة

رئيسة الممرضات: ايه عزبه دي ؟؟ كتب كتابي بعد شهر...

فكيهه: يعني لسه عـ البر ... تعاليلي .. يا عنيااااااااا.......

يتبع.............