بين أرضك .. بين سماكي

[City of angels]

بين أرضك بين سماكي

بين ارضك.. بين سماكي

قلبي بيطلب رضاكي

وانت ولا حاسه بيا

ولا شايفه دموع عينيا

خايف لو اسيب ايديا

هواكي ما يشلنيش

واديكي ما تلقانيش

ما أقدرش اسمع نداكي

دي سنين عماله تدبل

وبريئة م الذنوب

ودموع م العين بتنزل

معصوره م القلوب

ودا كله ماكفاكيش

ودا كله ما خلاكيش

تشوفيني وتندهيني

وبايدك تمسكيني

وبقلبك تحضنيني

وترمي اللي رماكي

وتبصي ف يوم وراكي

وتشوفي مين بناكي

ومين هدك

ومين شدك

وليه ابنك مابيغنيش

وله حضنك ما بيكفيش

وليه صوتك مايطربنيش

مع انك كنت بتغني

زمان و الدنيا سمعاكي

عمرو عريبه

تم تعديل 16 أكتوبر 2008 بواسطة City of angels

[shahd]

عود أحمد اخي الفاضل عمرو عريبة.. كالعادة اسلوب رائع وحس مرهف.. صح لسانك

[bentmasria]

ودا كله ماكفاكيش

ودا كله ما خلاكيش

تشوفيني وتندهيني

وبايدك تمسكيني

وبقلبك تحضنيني

وترمي اللي رماكي

وتبصي ف يوم وراكي

وتشوفي مين بناكي

لغة جميلة يا عمرو مرحبا بعودتك والعود احمد لكنه عتاب الواثقين سيدى وهو عتاب لا يرجع ما فات جميل نصك كقالب ادبى ولغتك كشعر واوزانك محكمة تحتاج فقط ان تنادى بلغة اخرى ربما وهذذذا رأى شخصى لغة من يتمنى ان يسكن عالما احبه وصار يفتقده

مرحبا بعودتك يا صديقى

البنت المصرية

[City of angels]

الاخت الغالية شهد

شكرا لك على الكلام الجميل

الأصيلة البنت المصرية

شكرا لك على النقد الجميل