فوائد الازمة الماليه العالمية

[سكر]

فوائد الازمة الماليه

لكل موضوع فى الدنيا عيوب ومزايا واكيد فى الازمة الحالية لازم يكون فى مزايا

العيوب يوجد الكثير من يتحدث عنها ولكن ماذا عن المزايا

لماذا لا نعطى انفسنا فرصة ولو موقته ونبحث عن المزايا بعيدا عن صخب الاعلام العالمى من العيوب

ومن هنا ياريت كل واحد ممكن يفكر هل الازمة من الممكن توثر تاثير ايجابى علية وعلى الدوله ولا كله ضرب ضرب مفيش شتيمة

هبدا بنفسى

[سكر]

على المستوى الشخصى

1- ارتفاع سعر الدولار امام الجنية المصرى يعنى ارتفاع الراتب بطريقة غير مباشره لارتباطة بالريال السعودى

2- الى هيتجوز قريبا مبروك احتمالات كبير ة انخفض اسعار الدهب لهبوط اسعار البترول اصلهم تؤام فى بطن واحدة

3- لو حصل ازمة سيولة فى مصر ودى انا استبعدها هيبقى القرش صياد لحاجات كتير ويابخت الى حططله قرشين تحت البلاطة (راى شخصى)

على المستوى المحلى

1-انخفاض اسعار الحبوب والطاقة ممكن تريح الناس شوية ولكن هناك عوامل اخرى ممكن توثر على الموضوع دة

2-زيادة الثقة فى البنوك الوطنية عن البنوك الاجنبية وتحويل المدخرات الى البنوك الوطنية

3-انخفاض اسعار البورصة فرصة جيدة جدا للمصريين لاعادة شراء اصولهم من الاجانب باسعار منخفضة

4-انحسار موقت لعمليات بيع القطاع العام وعلى راسها بنك القاهرة واعادة التفكير فى برنامج الخصخصه دة لو فى تفكير اصلا

5-يارب يارب بداية التفكير فى التحول من الاقتصاد الخدمى الى الاقتصاد الانتاجى دة بردة لو فى تفكير اصلا

6- لسة بفكر .................................

على المستوى الدينى

1- فرصة قوية جدا لعلماء الاقتصاد الاسلامى شرح وجهة نظر الاسلام بقوة و ازاله الجهل بالامور المالية فى الاسلام حتى ولو لم يتم تنفيذ اقتصاد اسلامى ولكن يجب

ان تعرف الناس ان فى نظم اخرى غير الموجودة

على المستوى الخليجى

1- ظهور كثيف للعماله الاوربية والامريكية بكثافه نتيجة انخفاض مرتباتبهم فى بلادهم او تسريحهم من اعمالهم وبحثهم عن عمل الخليج

والامريكى والاوربى هنا اوعى وشك فرخة بكشك هما بيحبوا كدة لكن انا لا

على المستوى الدولى

ظهور قوى واقوى من قبل وفعال لاقتصاديات اخرى غير المتعارف عليها

الصين -الهند-البرازيل-جنوب افريقيا-(مصر- ان فلحت)

[ابو محمود]

يعنى مصائب قوم عند قوم فوائد

والناس اللى عايشة بالجنية المصرى بقى ليها ربنا

شوف ياخى الغربة بتعمل اية فى الناس

[سكر]

يا اخ محمود ضربتنى فى مقتل

بالطبع والحمد الله انا لا اقصد ذلك ولكن تحليل فوائد الازمة المالية للفئات المختلفة من المجتمع

سواء كان خاريجيا او داخليا ولا تنسى عزيزى ان هناك من بالغربة على شفى ترك اعمالهم نتيجة انخفاض معدل النمو فى اوربا وامريكا

ودول ناس بردة فى الغربة لم اذكرهم فى المستوى الشخصى

لان فى المستوى الشخصى كنت اقصد شخصى انا وليس المواطن

ايضا يا صديقى انا عايز الموضوع دة يكون التحدث للمميزات وليس للعيوب فالعيوب لها الف موضوع

[iloveegypt]

بالفعل الاسعار نزلت للارز والعدس والزيبت فى مصر

وكذلك الحديد والعقارات والبترول

اكيد الاقتصاد الاسلامى القائم على المرابحة وليس القروض بالفوائد المركبةوغيرها اللى ودت الناس فى داهية

وكمان الاقتصاد الاسلامى قائم على الانتاجية الحقيقية وليس المقامرة

[ابو محمود]

يا اخ محمود ضربتنى فى مقتل

بالطبع والحمد الله انا لا اقصد ذلك ولكن تحليل فوائد الازمة المالية للفئات المختلفة من المجتمع

سواء كان خاريجيا او داخليا ولا تنسى عزيزى ان هناك من بالغربة على شفى ترك اعمالهم نتيجة انخفاض معدل النمو فى اوربا وامريكا

ودول ناس بردة فى الغربة لم اذكرهم فى المستوى الشخصى

لان فى المستوى الشخصى كنت اقصد شخصى انا وليس المواطن

ايضا يا صديقى انا عايز الموضوع دة يكون التحدث للمميزات وليس للعيوب فالعيوب لها الف موضوع

عزيزى انا مش قصدى بس كنت عايزانوة اننا ما نحكمش بدرى الموضوع عايزكام شهر بعد الزلزال علشان نحكم بمعنى ان لازم انتاج الشركات تخلص من المخازن وبعدين تنتج جديد ويبقى السعر يحدد من سعر التكلفة

يعنى ازاى انا صاحب مصنع مثلآ انزل بضاعة بسعر اقل وهى متكلفة منى خامات ايام قبل الأزمة بمعنى انى سأخسر خسائر مضاعفة يعنى لازم احافظ على ربح ولومن خلال الأزمة وما تنساش انها عالمية بمعنى اننا جميعآ مستهلكين للبضائع ولسنا منتجين لها حتى لوضحكنا على انفسنا وقلنا اننا بنصنع برضو لن تنخفض الأسعار الأن يجب ان ننتظر على الاقل 3شهور حتى تهدأ العواصف المتتابعة لزلزال النقد فى العالم ودمت بصحةياعزيزى

[أحمد سيف]

رد الأخ ataamer منظم وشامل ومنطقي جدا

دون التطرق للأمور الأيديولوجية (زي سقوط النظام الرأسمالي وانهيار أمريكا ... الخ) ، فإن أهم نتائج الركود الاقتصادي هو هبوط معدلات التضخم (يعني ثبات الأسعار تقريبا) ، ودي نقطة مفيدة لمن يملك سيولة ووضع مقلق لمن وضع استثمارات قبل مدة وينتظر عائد رأسمالي من ورائها

[قديم]

الازمــه كانت بدايتها في امريكا . وهي ام المصائب . وزي ما سمعنا عن قوه اعلامهم في كثير من القضايا مثل حشد القوات الامريكيه لغزو افغانستان . عباره عن جبال متاج ايـه عشان تضرب افغانستان .؟؟الناس هناك تموت من الجوع . وما عندها وسائل نقل وتقنيــه ...

الامريكان يهولون من هول اي مصيبـه ويتعاملون معها بشكل قوي وعنيف . .

الامريكان . . يبتدعــون ازمـه ثم يوجهــون العالم كله لحلها ( هذا على اعتبار صحه الفرضــيه ان ضرب برج التجاره مدبر من الاستخبارات الامريكيــه ) . وهاهي الامريكان الان تجيش العالم للحرب ضد الارهاب .

نتذكر ما حصــل في ازمــه الصفــر ( عام الفيــن ) وانه ممكن تقوم القيامه . وتنفجر القنابل وتتوقف رحلات الطيران ..

لا اعتقـد ان هناك ازمـه بمعنــي الكلمــه فالازمـه مفتعله . ولكن على طريقتهم الخاصه . كما حصل في البورصات العربيـه قبل ثلاث سنوات . . الاثرياء العرب ضربوها . وسرقو اموالنا الي الخارج والان الامريكان يضربون الاثرياء العرب .

لم تتاثر مصادر الطاقه الحقيقيه والازمات عباره عن ارقام بنكيه . فلا ازمه مياه او او فيضانات حروب مستعره او نضوب البترول او او ...

لو كانت الازمــه حقيقيه فهــي مشكله امريكــه بالدرجــه الاولـى . والامريكان دائما لديهم القدره على التصرف ومواجهات الازمــه . فلديهم عقول تفكر وتخطط وايضا تكذب

دمتم بود

[المعتصم]

بسم الله الرحمن الرحيم

من المتوقع ايضا زيادة معدلات الأوت سورسينج لدول مثل مصر في مجالات الدعم الفني والبرمجة

[Tafshan]

على المستوى الشخصى

1- ارتفاع سعر الدولار امام الجنية المصرى يعنى ارتفاع الراتب بطريقة غير مباشره لارتباطة بالريال السعودى

2- الى هيتجوز قريبا مبروك احتمالات كبير ة انخفض اسعار الدهب لهبوط اسعار البترول اصلهم تؤام فى بطن واحدة

3- لو حصل ازمة سيولة فى مصر ودى انا استبعدها هيبقى القرش صياد لحاجات كتير ويابخت الى حططله قرشين تحت البلاطة (راى شخصى)

و برضوا حط في اعتبارك ان الازمه جابت معاها انخفاض سعر البترول يعنى في تسريح عماله في الخليج .. يعنى ح نرجع مصر بال DHL و ربنا يستر ..

على المستوى المحلى

1-انخفاض اسعار الحبوب والطاقة ممكن تريح الناس شوية ولكن هناك عوامل اخرى ممكن توثر على الموضوع دة

2-زيادة الثقة فى البنوك الوطنية عن البنوك الاجنبية وتحويل المدخرات الى البنوك الوطنية

3-انخفاض اسعار البورصة فرصة جيدة جدا للمصريين لاعادة شراء اصولهم من الاجانب باسعار منخفضة

4-انحسار موقت لعمليات بيع القطاع العام وعلى راسها بنك القاهرة واعادة التفكير فى برنامج الخصخصه دة لو فى تفكير اصلا

5-يارب يارب بداية التفكير فى التحول من الاقتصاد الخدمى الى الاقتصاد الانتاجى دة بردة لو فى تفكير اصلا

6- لسة بفكر .................................

1- انخفاض اسعار الطاقه يعنى خراب مستعجل في الخليج .. لو وصل البترول تحت 50 دولار يعنى دول الخليج ح تعمل عجز .. يعنى كل مشروعات البنى التحتيه اللى مشغلاها ح تقف

2- البنوك الوطنيه حطه فلوسها في امريكا .. يعنى راحت ! على فكره الموضوع ده باستثناء مصر لان البنك المركزى بيلزم البنوك بايداع نسبه كبيره من ودائعها لديه .. و ده اللى سند فرع ال CIB الوحيد في العالم في مصر عند انهياره في الثمنينات

3- المشكله ان المصريين شاريين بالفعل بالغالى يعنى قيمة مدخراتهم خلاص راحت !

4- الخصخصه عمرها ما كانت مشكله .. المشكله كانت في طريقة الخصخصه .. اما انها تتوقف لان مافيش حد عايز يشتريها ... فدى مصيبه !

5- مش فاهم ..

على المستوى الدينى

1- فرصة قوية جدا لعلماء الاقتصاد الاسلامى شرح وجهة نظر الاسلام بقوة و ازاله الجهل بالامور المالية فى الاسلام حتى ولو لم يتم تنفيذ اقتصاد اسلامى ولكن يجب

ان تعرف الناس ان فى نظم اخرى غير الموجودة

علماء الدين مش فاضيين للكلام ده .. كبيرهم بدل ما يطرحوا بديل للبنوك يعملوا "بنك" و يسموه "اسلامى" اما الاقتصاد الاسلامى فده مش موجود خالص .. مافيش حد حاول حتى يجمع التجارب الماليه للحكم الاسلامى في كتاب له قيمه ... يا ريت

على المستوى الخليجى

1- ظهور كثيف للعماله الاوربية والامريكية بكثافه نتيجة انخفاض مرتباتبهم فى بلادهم او تسريحهم من اعمالهم وبحثهم عن عمل الخليج

والامريكى والاوربى هنا اوعى وشك فرخة بكشك هما بيحبوا كدة لكن انا لا

يعنى باختصار احلال العرب و الاسيويين بالاوروبيين و الامريكان .. ايه الايجابي في كده ؟؟

يا عزيزي في حركة تجميد للانشطه الاقتصاديه في الخليج نظراً لامتناع البنوك عن تقديم الائتمان للمشاريع ... هذا ادى الى انهيار اسعار خامات البناء و مع ذلك لا تجد من يشتريه .. يعنى موجة كساد ما يعلم بها الا ربنا .. الشركات بدأت بالفعل توقف التعينات و في شركات بدأت تسرح عماله .. و بنوك بتفلس في الخباثه و تتسند في الخباثه و منها بنك الخليج اللى فلس فس العلن في الكويت .. و عليه كام بنك في الامارات (برضوا في الخباثه )

على المستوى الدولى

ظهور قوى واقوى من قبل وفعال لاقتصاديات اخرى غير المتعارف عليها

الصين -الهند-البرازيل-جنوب افريقيا-(مصر- ان فلحت)

الصين : اغلاق العديد من المصانع و خاصة مصانع لعب الاطفال لانخفاض الطلب العالمى

باقى الدول المذكوره تعانى من مشاكل ماليه هائله .. اما مصر فالغريب اننا حاطين في بطننا بطيخه صيفي و كأن الموضوع ما لوش دعوه بينا .. تماما زى يوم 11 سبتمبر .. الكل قال قشطه .. يستهلوا الوحشين ... و ما حدش حط في دماغه حجم امريكا و رد فعلها لما تضرب ..

النهارده امريكا اتضربت تانى .. و الظريف انها صدرت الضربه على اوروبا .. دول اوروبيه على بعضها بتفلس .. دول الخليج اضربت في اعز ما تملك .. كل ايرادات البترول راحت في البورصات الاوروبيه ... و اللى استثمروه في بنى تحتيه .. عقوده مبنيه على سعر بترول 50 دولار .. لو نزل مش ح يعرفوا يسددوا ... مصر .. كل اللى حيلتها هو شوية البترول اللى بيعدوا من قناة السويس و السياحه و الاستثمارات الخليجيه و العاملين في الخارج .. طبعاً مافيش بترول بيعدى لانهيار الطلب على البترول .. و السياحه اتضربت لان الاجانب في اوروبا و امريكا اطردوا من شغلهم .. و الاستثمارات الخليجيه بتخرج و بسرعه جباره .. و ده اللى عمل انهيار البورصه .. اما العاملين في الخارج .. فربنا يستر ..

يا عزيزي دى "مصيبه " نسأل الله السلامه ..

[فيصل رافت]

احنا دلوقتى فى الكساد والركود الاقتصادى وربنا يستر