كتاب أعجبني

[optimistic]

و انا مروح عديت على بياع الكتب و الجرايد و دفعت نص اللي في جيبي كالعادة

المهم من الكتب اللي عجبتني و أرشحه لكم كتاب اسطورة الاطار و هو لا يتكلم عن الاسا طير زي الساحرات و كده

لكنه كتاب شامل في عدة مجالات و الاساس فلسفي

المؤلف كارل بوبر

حد يرشح لي كتاب بقى

[مصرى]

كده ما ينفعش

اللى يعمل جميل يتمه

يعنى تقدم عرض للكتاب

[optimistic]

عارف و الله

انا استنيت أشوف حد هيعبر الموضوع و لا لأ

حقك عليا يا سيدي

و ادي تعريف بالكاتب في الاول

كارل بوبر

(1902-1994)

صاحب رسالة فكرية رصينة و اسلوب حقيقي بناء

فلسفته كانت القوة المحركة لاتجاهات الفلسفة في القرن العشرين

الكتاب اخر كتبه و هو يعتبر نبوءة لاحداث صدام الحضارات فالرجل يعترف بحتمية هذا الصراع كنتاج طبيعي للتطور الحياتي لكنه يفرق بين منهجي الالتقاء المثمر (عند وجود عقلية نقدية متفتحة _ )و منهج يجعل الامور تتطور لتغدو صراعا مأساويا بتوفر الاطر المغلقة ومن هنا جاء اسم الكتاب

فالرجل يحطم بسلاسة رائعة كل اصنام الاطر المغلقة

الكتاب دسم و(تقيل) و لكنه ممتع لهواة الكتب الفكرية .. وهم قلائل (وش واحد عامل نفسه مثقف وهو ماسك الكتاب بالمقلوب)

ملخص الكتاب انه دفاع عن العلم و العقلانية

بالمناسبة للاخوة المتحمسين الرجل كاره رافض للصهيونية

نسيت اقول انه نمساوى الجنسية

و الكتاب في النهاية ... رخيص .. 4 جنيه بس

و بالهنا و الشفا

[مصرى]

شكرا

موضوع جيد .. لكن يعنى بوبر شايف أن الحضارات فى النهاية تتصارع أم تتكامل وليه ؟

[optimistic]

هو يقول انها لابد ان تتضاد و تتلاقى اما نهاية ذلك الى صراع او حوار فهي مرهونة بالاساس الفكري و العقائدي و تشابك المصالح و تعارضها

و اسف على التاخير