استفسار بخصوص الكشف الطبي للسعودية

[GoldenTiger]

السلام عليكم ورحمة الله وبركاته

جزاكم الله خيراً اخوتي على مساعدتكم أعضاء المنتدى وعلى تعبكم والمجهود الذي تبذلوه في هذا المنتدى

أنا ليا استفسار صغير

أنا إن شاء الله مسافر السعودية قريب فلما جيت أعمل الكشف الطبي كان تمام الحمد لله اختبار الصدر والأشعة والتحاليل واختبار قلع البنطلون ههههههههههههههه

بس لما جيت للنظر أنا أساساً عندي عين قوية وعين ضعيفة جداً فلما الدكتور كشف قالي انت كدة مش لائق في النظر حاول تروح تكشف وتشوف حل تحسن بيه نظرك وترجعلي تاني وكتبلي تأجيل على الورقة بتاعة الكشف

المهم أنا الحمد لله كشفت برة وغيرت كشف النظارة وعملت كشف جديد وإن شاء الله هعمل نظارة جديدة وأروح أكشف من جديد

بس كان عندي استفسار صغير هل لو بردو قالي انت مش لائق كدة خلاص التأشيرة متجيش من السفارة ولا ممكن تعدي ولا تمشي إزاي العملية

برجاء المساعدة

[نجوم]

السلام عليكم

اتمنى لك التوفيق

وان شاء الله الاخوان يجاوبون على استفسارك ومايقصرون

والسعودية بتنور بوجودك

تحياتي

[عبدوو]

الامر يتوقف حسب مهنتك ( الفيزا ) لانوا لو سائق مثلا اعتقد ان فيها كلام والله اعلم يمكن الاخوان يفيدوك اكثر

انا الحمد لله سافرت للسعوديه عادى والنظر عندى زى حالاتك بس مهنتى ملهاااش علاقه بالعيون خالص

بالتوفيق اخى الكريم واهلا بك فى السعوديه .

[GoldenTiger]

المهنة في التأشيرة كهربائي عام يعني ملهاش علاقة بالنظر

[غريب الخبر]

مفيش اى مشكلة اطمن خالص. واتكل على الله . ما دام غيرت النظارة ونظرك تمام بيها . اعتبر التاشيرة فى جيبك

عموما اهم حاجة كشف الفيروسات

ربنا يوفقك وتيجى بالسلامة