ارجوكم يا مصريين الكويت اقفوا جمبى

[كارما نور الدين]

بسم الله والحمد لله والصلاة والسلام على رسول الله

انا عارفه ان عنوان الموضوع يوحى بأنى فى محنة والله اللى انا فيه ممكن يكون شئ عادى جدا لكن فعلا انا فى محنة وللاسف مش لاقيه حد اتكلم معاه ومصدقت عرفتكم بجد علشان اتكلم معاكم ...........

طبعا انا صحبة الموضوع فيروس سي واللى تحطمت امالى امامه .......لكن املى كبير وثقتى فى الله أكبر من اى شئ وخاصه ان زوجى مازال فى طور العلاج وان شاء الله يخف بس كل اللى مضايقنى هى حالته النفسيه

مدمر نفسه نفسيا مش عارفه اعمله ايه وانا اصلا فى مرحلة حملى الاول وفعلا كنت محتاجة مساندة لكن نسيت نفسي خالص من اجله لكن هو برضه معذبنى تعبان نفسيا جدا لانه سافر الكويت فعلا بزيارة تجاريه و عمل انترفيوا فى مكتب استشارى معروف فى الكويت جدا و اتقبل بكل ترحاب و اخد فعلا راتب نصف شهر وكان راجع بفرحة الدنيا علشان يخلص اجراءات الاقامة من هنا - مصر- بعد ما ارسلوله عدم الممانعه وللاسف بعد الكشف الطبى اتصدم صدمة عمر بعد ما الدنيا اتفتحتله وحس انه خلاص هيعوض ويقدر يعوض اللى فاته وكنت حكتلكم على ظروف سنة تخرجه المتاخره واللى هى عقبه فى طريق اخذ راتب مناسب نقدر نعيش بيه كويس فى مصر لذا كان قرار السفر وخاصه وجود اهلى هناك فى الكويت قرار لابد منه فى الوقت ده

لكن نقول ايه قدر الله وما شاء فعل بس كل اللى عاوزه ااكد عليه انه لازم لازم مش هيفكر يعمل اى كشوفات طبيه تانيه الا بعد تأكده من الشفاء التام ان شاء الله وكل اللى عاوزة استفسر عنه موضوع ان اسمه اتحط على الكمبيوتر انه غير لائق لحد امتى بيفضل كدة

لان المكتب اللى راحله كتبله عقد غير محدد المده و كمان على استعداد يبعتوله عدم ممانعه تانى فى الوقت المناسب بس عاوزه افهم موضوع انه لما يرجع تانى ويعمل التحاليل وهو من فترة ستة اشهر اتمضى عليه غير لائق واتلغت عدم الممانعه الاولى هل دى يكون لها تأثير لما ييجى يعمل كشوفات طبية تانيه

وموضوع الاجسام المضاده اللى طلعلنا فى البخت ده ربنا يجعلنا مخرج سليم ولا يحوجنا لحاجة وحشة ابدا يارب

ادعولى يا اخواتى اتمنى الاخ سي السيد يرد على بخصوص غير لائق دى لو يعرف يفدنى يعنى

ارجوكم سامحونى جدااااااااااااا على الاطاله بجد انا اسفه بس الافكار عماله تخدنى وتودينى والحياة هنا فى مصر صعبه جدااااااااااا جدا و الصبر طيب ........ادعولى انا وكل اللى زى وادعوا لزوجى ان ربنا يعوض علينا فى صحته وفعافيته

استودعكم الله الذى لا تضيع ودائعه

[se_ Elsyed]

والله كان نفسسي أساعد لكن أنا في السعودية ولا أعرف شيء عن قوانين دولة الكويت ..

كما أني أُذكرك وأذكر نفسي بإنه " وعسى أن تحبوا شيئاً وهو شر لكم " فحتى لو لا قدر الله موضوع الكويت ما تمش .. فيا اختي الكريمة الحياة مليئة بالفُرص وعلى الإنسان أن يسعى ويجتهد ... وطالما زوجك قُبل في مكتب إستشاري كبير هناك يبقى بالتأكيد هو صاحب خبرة وبالتأكيد لو حاول في شركات بمصر أو تقدم لإعلانات السفر الموجودة بالصحف فبإذن الله هايوفق

[SajedSoft]

ربنا يشيفيه ويعوض عليكم ويكرمكم

[مسافر]

الاخت العزيزة

أولا نسأل الله العظيم رب العرش العظيم أن يشفيه

ثانيا وعسى أن تكرهوا شيئا ويجعل الله فيه خيرا كثيرا

[أبو عبدالرحمن]

ربنا ييسر لكم ويقدر لكم الخير ، ويشفي زوجك هذا هو أهم شيئ بغض النظر عن الكويت أو غيرها

بفرض حتى أن الكويت ستكون فرصتها ضعيفة (أنا غير متأكد لأني لاأعرف القوانين هناك) فإن الله هو الرزاق وهو قادر على رزقكم في أي بلد آخر أو حتى في مصر

ربنا معك ويرزقك الذرية الصالحة

[HDarwish]

أختي الكريمة

كان الله في عونكم

وأنا أقدر ما أنتم فيه ... لأن نفس هذه التجارب رأيتها أمامي أكثر من مرة وفيها من العظات الكثير ... فقد كان لي صديقاً عزيزاً علي ومر بهذه التجربة لكن للأسف كانت بالخطأ ... حين ذهب وكشف في معمل تحاليل غير معتمد وغير موثوق في نتيجته ... وفعلاً كانت حالته النفسية سيئة جداً جداً إلى أبعد الحدود ... كما كان لي صديق آخر وكانت النتيجة أنه مصاب بفيروس بي وليس سي وللأسف لم يستطيع السفر برغم ارتباطه وخطبته لإحداهن هنا وإضطر إلى فسخ الخطبة ولا تعلمي مدى التغيير الذي حدث في حياته وهو زواجه من أفضل من التي كان سيتزوجها بكثير وحمد الله على ذلك أن كان ما حدث سبب في إنهاء الخطوبة وذلك كما ثبتت له الأيام وعندما استقر هذا الشاب في مصر وأصبح لا يوجد أمامه سوى الاستقرار في مصر اجتهد وتصارع مع الحياة وماشاء الله عليه الآن لو قُدمت له مئات الفرص في دول الخليج لن يفكر فيها حيث وسع الله عليه رزقه وأصبح يمتلك بدل الشركة ثلاث شركات وسيارة حديثة ولديه عمال يتعدوا العشرات ... فلا تعلمي أين يوجد الخير ... قولي قدر الله وماشاء فعل ... الحمد لله على كل شيء .... فبغض النظر عن هذه الفرصة أو غيرها فالمهم هنا الآن هي الإطمئنان على صحته ليس أكثر ... وعليك أن تقفي بجواره ولا تزيدي عليه همه ... كما عليكي أن تفعلي عكس ما تريدينا مساعدتك فيه وهو ان تقنعيه أن الكويت ليست جنة الله في الآرض كما أن الحياة في مصر لها مميزات أيضاً وليست كلها عيوب ... أي بطريقة عكس التفكير الذي عكف عليه وذلك بعد أن كان كل التركيز على التفكير في مميزات الكويت ومساوئ مصر أن تفعلي العكس وتذكري مساوئ المعيشة في الكويت ومميزات المعيشة في مصر ... وأن الحياة لم تقف عند هذه النقطة ... وسوف تستمر أبينا ام قبلنا بها ... صدقيني بهذه الطريقة على الأقل سوف يزول ولو نصف الهم الذي يحمله ... فهو بالتأكيد بقدر ما يفكر فيما أصابه بقدر ما يفكر ما هو شعورك أنتي وما هو رد الفعل تجاه ذلك ...

آسف على الإطالة وإذا كنت تدخلت في أمور شبه شخصية كان من دافع شعوري وألمي على ما أنتم فيه ....

تحياتي

[almasry]

الأخ درويش ،

جزاك الله خيرا على هذا الكلام الجميل .. وأزيد عليه أن الاستعانة بالله وحده حقا والدعاء المخلص في أوقات الاجابة ، وان يكون مستيقن بالاجابة سوف تزبل عنه الهم ان شاء الله ، والمرض بإذن الله ... ونسأل الله العظيم رب العرش العظيم أن يشفيه .

[DIA ELDIN]

أختي الكريمة

كان الله في عونكم

وأنا أقدر ما أنتم فيه ... لأن نفس هذه التجارب رأيتها أمامي أكثر من مرة وفيها من العظات الكثير ... فقد كان لي صديقاً عزيزاً علي ومر بهذه التجربة لكن للأسف كانت بالخطأ ... حين ذهب وكشف في معمل تحاليل غير معتمد وغير موثوق في نتيجته ... وفعلاً كانت حالته النفسية سيئة جداً جداً إلى أبعد الحدود ... كما كان لي صديق آخر وكانت النتيجة أنه مصاب بفيروس بي وليس سي وللأسف لم يستطيع السفر برغم ارتباطه وخطبته لإحداهن هنا وإضطر إلى فسخ الخطبة ولا تعلمي مدى التغيير الذي حدث في حياته وهو زواجه من أفضل من التي كان سيتزوجها بكثير وحمد الله على ذلك أن كان ما حدث سبب في إنهاء الخطوبة وذلك كما ثبتت له الأيام وعندما استقر هذا الشاب في مصر وأصبح لا يوجد أمامه سوى الاستقرار في مصر اجتهد وتصارع مع الحياة وماشاء الله عليه الآن لو قُدمت له مئات الفرص في دول الخليج لن يفكر فيها حيث وسع الله عليه رزقه وأصبح يمتلك بدل الشركة ثلاث شركات وسيارة حديثة ولديه عمال يتعدوا العشرات ... فلا تعلمي أين يوجد الخير ... قولي قدر الله وماشاء فعل ... الحمد لله على كل شيء .... فبغض النظر عن هذه الفرصة أو غيرها فالمهم هنا الآن هي الإطمئنان على صحته ليس أكثر ... وعليك أن تقفي بجواره ولا تزيدي عليه همه ... كما عليكي أن تفعلي عكس ما تريدينا مساعدتك فيه وهو ان تقنعيه أن الكويت ليست جنة الله في الآرض كما أن الحياة في مصر لها مميزات أيضاً وليست كلها عيوب ... أي بطريقة عكس التفكير الذي عكف عليه وذلك بعد أن كان كل التركيز على التفكير في مميزات الكويت ومساوئ مصر أن تفعلي العكس وتذكري مساوئ المعيشة في الكويت ومميزات المعيشة في مصر ... وأن الحياة لم تقف عند هذه النقطة ... وسوف تستمر أبينا ام قبلنا بها ... صدقيني بهذه الطريقة على الأقل سوف يزول ولو نصف الهم الذي يحمله ... فهو بالتأكيد بقدر ما يفكر فيما أصابه بقدر ما يفكر ما هو شعورك أنتي وما هو رد الفعل تجاه ذلك ...

آسف على الإطالة وإذا كنت تدخلت في أمور شبه شخصية كان من دافع شعوري وألمي على ما أنتم فيه ....

تحياتي

جزاك الله خير اخي على هذا الكلام لعله يصبر اختنا

اختي اعلمي ان هذا قدر الله لذا فهو الخير

اكيد ربنا شايلة حاجة احسن سدقيني الموقف دا حصل مع اخويا كان مسافر السعودية بعد مجت الفيزا رجعت تاني كان ساعتها مش شغال خالص في مصر وبعدها مش بكتير جتله شغلانة في بنك حكومي في مصر اظن انه لو كان سافر كانت ضاعت علية الفرصة دي سدقيني ربنا دايما بيعمل الصالح لعبادة وما عليكي هو الصبر والمفروض فعلا تقفي بجوار زوجك وتفهمية ان اكيد ربنا شايلة حاجة افضل

[الحاج فوزى]

الأخت الفاضلة ..

ليست الكويت جنة الله فى الأرض كما قال الأخ الفاضل درويش ..

وهو أجاد الرد بالفعل ..

فكونى عوناً لزوجك .. ولو تأمل الإنسان منا المفارقات التى تحدث في حياته لتأكد أن كل شىء مقدر ومكتوب ..

والله وحده يعلم أي الطرق أفضل ..

أسأل الله العظيم رب العرش العظم أن يتم نعمته عليكم بالشفاء العاجل وهداية السبيل .

[HDarwish]

ده بس من ذوقك يا حاج فوزي

وهذه شهادة أعتز بها من شخص مثلك له عندي كل التقدير والإحترام

وهنا ينطبق القول " لا يُفتى ومالك في المدينة "

تحياتي وتمنياتي القلبية بالتوفيق والسعادة

إبنكم حسن درويش

[كارما نور الدين]

بسم الله والحمد لله والصلاة والسلام على رسول الله

جزاكم الله كل خير عنى وعن زوجى و بارك لكم فى صحتكم وفى اعماركم اللهم امين يارب العالمين

ربنا يشفيه ويعافيه ويهديه و يعوض عليه يارب اللهم امين ......... واتمنى من الله انه يوقفله ولاد الحلال فى كل مكان ويرزقنا برزق المولود الجديد اللى ان شاء الله يارب يكون سليم ومعافى بعد الظروف الصعبه جدا اللى عشتها فى حمله واللى انا منتظراه خلاص بفارغ الصبر ......ربنا يجيبه بالسلامه اللهم امين ....وأقوم انا كمان بالسلامه

شكرا جدا للاخ حسن درويش ولكل الاخوه الذى لم يبخلوا على بالدعاء وربنا يرزقنا من حيث لم ندرى ولم نحتسب ويرزقه بالعمل عن قريب جدا يارب

والله المستعــــــــــــــــــــــــــــــــان

[ahmed ibrahim]

اختي فى الله. الاخوه هنا اجادوا في الرد عليكي. و انا لن ازيد الكثير و لن احكي لك قصتي بالتفاصيل. انما ساقول لك ما فعلت و نصحتني به اختي في موقفي;

اجري حالا طلعي اي اكله من طعام بيتك للمسجد و خرجي مبلغ و لو اقل القليل للمسجد او لحد يكون محتاجه. اعملي الحاجتين دول بنية ان يشفى الله مريضك ويسهل حملك و وضعك و ان يغدق الله عليكم من نعمه. و احسنوا الظن بالله. و هتشوفي و اللهي ايه في كرم الله و فضله

[كارما نور الدين]

ربنا يجزيك كل خيريا اخ احمد ابراهيم وان شاء الله هعمل بالنصيحه وبالرد العملى ده ويارب يتقبله منى اللهم امين

ربنا يجزييكم كلكم كل الخير و ان شاء الله بعون الله اطمنكم بعد الولاده على وعلى المولود الجديد

ربنا فعلا مفيش اكرم منه وانا متأكدة من كدة ودايما عندى حسن ظن بالله وبنصح بذلك كل من فى ضيق او محنة الى ان جاء الدور على ويارب ارزقنى حسن الظن به و صدق التوكل عليه وقوة اليقين به اللهم امين

ونسيت اؤؤكد للاخ حسن درويش انه لا تدخل ولا شئ فى امور شخصيه جزاك الله كل خير على نصيحتك اللى فعلا نابعه من تعايش فى الموقف وكانك تعمقت فى شخصيه زوجى

ربنا يجزيكم كلكم خير امال بيقولوا المصريين فى الغربه وحشيين ليه ما انتوا زى الفل اهو

شكرا والف شكر و استودعكم الله

[HDarwish]

لا داعي للشكر أختنا الكريمة ...

وفقكم الله فيما فيه الخير إليكم وإلى المسلمين أجمعين ...

نحن هنا إخوانك جميعاً ... ولن نبخل بإذن الله بما فينا من استطاعة وقدرة وهبنا الله إياها في تقديمها لفك كرب ما أو تفريج الهم عن إخواننا ... حد يطول يفرج كربة من كرب الدنيا الدنيا ويلاقي مقابلها تفريج عنه كربة من كرب الآخرة ....

تحياتي ودعواتي ليكم بالسعادة والهناء وراحة البال ...

[pocy]

ياه الموضوع ده من اخر 2008 بس انا حبيت اضيف شئ ما على الموضوع

وهو ان للاسف بياناته اتسجلت على الكمبيوتر وبما انى عارفه ازاى بيتعاملوا مع قواعد البيانات فهو اتحط برقم الباسبور بتاعه فلو عمل باسبور جديد برقم جديد اعتقد يحل المشكله طالما اتعالج بس فى مشكله ودى بقي اللى معرفش حلها ايه انهم بيعرفوا ان الشخص ده كان مصاب قبل كده ولا لا بالاجسام المضاده وهل الموضوع ده هيفرق ولا لا ياريت تبقي تتاكده ولو ان كلام الاخ الفاضل الاستاذ حسن درويش كفي ووفي وكمان الحاج فوزى اقره بارك الله لنا فيكم يارب واتمنى من الله العلى القدير انا يشفينا واياكم ويشفي جميع مرضي المسلمين بس انتم قولوا امين