الاستقدام للسعودية

[نور عادل]

انا زوجى يعمل بالسعودية بتأشيرة عامل ولايستطيع ان يعمل لى استقدام بسب التأشيرة فهل يستطيع ان يغير المهنة مع العلم انه حاصل على مؤهل متوسط وهل هناك حلول اخرى تفيد غير تغير المهنة احنا متجوزين من ست سنوات ولم نستطيع الحياة معآ اكثر من شهرين كل سنة ولم يكن لنا حظ فى الانجاب خلال الشهرين تفتكر فى حل يساعدنى اعيش مع جوزى فى السعودية ولا ده حلم مستحيل طب ينفع احصل على تأشيرة عمل لى ومنين وازاى واية هى التأشيرات المتاحة للستات فى السعودية اسفه لكثرة الاسئلة وللأطالة فأنا حائره وحزينة لعدم اقامتى مع زوجى وعدم الاستقرار مما حرمنى من الأمل فى الامومة اسفه مرة اخرى وارجو الرد والاهتمام

[نهله عادل نور]

انا اسمي عادل وابني اسمه نور والله العيشه في بلدي احسن من الغربه مهما فيها من فلوس لو تستجيبي لنصيحتي يرجع وتعيشه مع بعض وربنا يرزقكم بالذريه الصالحه 6 سنين كويس وبارك الله فيما رزق

[se_ Elsyed]

كان نفسي أجاوب عليكي بإستفاضة .. لكن الموضوع نوقش العديد من المرات ويكفي أن تتصفحي باب المغتربين وهاتلاقي غجابة على تساؤلاتك واكثر كمان مما تتوقعي .

[zoghaeb]

انا زوجى يعمل بالسعودية بتأشيرة عامل ولايستطيع ان يعمل لى استقدام بسب التأشيرة فهل يستطيع ان يغير المهنة مع العلم انه حاصل على مؤهل متوسط وهل هناك حلول اخرى تفيد غير تغير المهنة احنا متجوزين من ست سنوات ولم نستطيع الحياة معآ اكثر من شهرين كل سنة ولم يكن لنا حظ فى الانجاب خلال الشهرين تفتكر فى حل يساعدنى اعيش مع جوزى فى السعودية ولا ده حلم مستحيل طب ينفع احصل على تأشيرة عمل لى ومنين وازاى واية هى التأشيرات المتاحة للستات فى السعودية اسفه لكثرة الاسئلة وللأطالة فأنا حائره وحزينة لعدم اقامتى مع زوجى وعدم الاستقرار مما حرمنى من الأمل فى الامومة اسفه مرة اخرى وارجو الرد والاهتمام

[zoghaeb]

كل شىء ممكن بالفلوس ان كنت زية و تاشيرة عامل جبت مراتى و دفعت فلوس و عملت استقدام لمراتى و بنتى 14000 ريال و يجبكم فى اسبوعين

[عاشق الترحال]

السلام عليكم ورحمة الله وبركاته

شوفي يا ستى القضيه دي سهله وبسيطه على رأى عادل إمام كل الموضوع أننا هنمشي في الطريق العسليم علشان منتعرضش لنصب من أي شخص وياخد فلوس ويقول هعمل وأسوي وساعتها بقى نقول يا ريتني ؟؟؟ يبقى لازم نمشي سليم يبقى جوزك لازم يغير مهنته من عامل إلى أى مهنة تانيه تمكنه من عمل إستقدام وده ممكن يراجع سجل المهن مع أى معقب بحيث يتناسب مع شهادة المؤهل وفى الغالب هتبقى ( فنى....) حسب التخصص مثلا فنى تبريد وتكييف , فنى ميكانيكا كده يعنى..

ودي الخطوات اللى أنا عملتها لتغيير مهنتي

1 - بياخد خطاب من الكفيل موثق من الغرفة التجاريه بالمملكة إلى الملحق الثقافي السعودي بالقاهرة بيخاطبهم أن جوزك على كفالتهم ولا مانع من تصديق شهادة المؤهل بتاعته وصورة من الإقامه بتاعته ويبعتها لك .

2 - طبعاَ شهادة المؤهل بتاعته لازم تكون مصدقه من مكتب الخارجيه في مصر وده موجود في المدينه اللى أنتى ساكنه فيها ( 11 جنيه تقريبا ) للمستند الواحد.

3 - تاخدي الشهادة والخطاب وصورة الإقامة وتروحي عالملحق الثقافي السعودي قسم التصاديق فى مصر وده عنوانه وتقريبا ( 80 جنيه ) رسوم

العنوان البريدي للملحقية

الملحق الثقافي السعودي في جمهورية مصر العربية

9 شارع السلولي - تقاطع شارع هارون

ص.ب 457 الدقي - الجيزة

أرقام الهواتف والفاكس

المفتاح: 00202

مباشر: 3360612

سنترال: 3360613

وممكن تراجعي الرابط ده http://eg.mohe.gov.sa/Pages/Headline.aspx

وبعد كده بتاخدي الشهادة من الملحق الثقافي وتروحي عالسفارة السعودية ودي عنوانها http://www.sfari.com/forums/sfari8/travel6016/ وتقريبا ( 80 جنيه ) رسوم

وتأكدي من انك تسلمي الشهادة للسفاره أو القنصلية بنفسك للموظف المختص أو لو بعتك لمكتب من اللى ببتعاملوا مع السفاره وبعدها تتأكدي من صحه الأختام من السفاره علشان تبقى فى السليم وعلى فكره ممكن أنتى تروحي بنفسك أو أى من أخوات جوزك أو أبوه أو أى قريب درجه أولي علشان ميتلككوش ويرجعوا الطلب

بعدها بتبعتى الشهادة وعليها الأختام لجوزك ويسلمها للمعقب وهتكلفه تقريبا 1000 ( ألف ريال ) مصاريف ولو أعطى أتعاب للمعقب 500 ريال يبقى كده تمام أوي

والمعقب بيخلص كل حاجه

بعدها جوزك بياخد الإقامه ويروح يقدم طلب لمكتب الإستقدام ومعاه خطاب من الكفيل بموافقة عالإستقدام وموثق من الغرفة التجاريه وشهادة المؤهل الدراسي و بيدفع 2000ريال ( ألفين ريال) رسوم الإستقدام فى بنك الرياض وبياخد الفيزا منهم فى نفس اليوم وبيبعتلك الورق لمكتب من مكاتب السياحه أو الإستقدام في مصر وبيخلصلك الورق .وبتستلمي الفيزا عالباسبور بتاعك.

ويتبقى شئ واحد بعد كده أنك تحضري البط والوز والفراخ والذي منه علشان تلحقي الطيارة .

وربنا يجمعكم على خير إن شاء الله

بس نصيحه لا تخليه يستعجل ويدفع فلوس لأي شخص هنا ويمشي في طرق مش مظبوطه علشان الفلوس ممكن تضيع عليه يبقى تمشي عدل يحتار عدوك فيك

والسلام عليكم ورحمة الله وبركاته

لا تنسونا من صالح دعائكم.