قوانين عمل السعوديه

[konokono]

بعد التحيه ، الاخوة الاعزاء انا واقع في حيره من امري انا مهندس اتصالات ومعايا خبره كويسه وبعمل ف السعوديه من عامين ف البدايه كنت زهقان من طبيعه البلد وانا عايش ف الرياض لكن الجو مغلق خالص وخاصة لو انت عازب مفيش اي متنفس المهم ، اني بفكر اخد تاشيره زياره لدبي وابحث عن عمل هناك لان المشكله لما بحب اروح اعمل انترفيو بيكون صعب اني اطلع من السعوديه عشان مقابله ف دبي فبضطر اعملها ع الموبايل وده بيكون مش عملي فالكل قالي لازم تروح بنفسك ودبي بتعتمد ع اللي عندها وبعدين تبقى تجيب من بره مشكلتي مع السعوديه قوانينها معقده انا عقدي خلص ورفض صاحب الشركه ينقلي كفاله بحجه اننا محتاجينك طب انا مستقبلي فين مش بتطور بالمعدل اللي عاوزه انا سيبت مصر مش عشان الفلوس بس عشان مستقبلي المهني ف مصر موفقتش ف اني اوصل لاماكن كنت عاوزها فقولت اجرب بره وللاسف السعوديه اللي اشتغلوا فيها قواننيها صعبه فاصدقائي نصحوني بالبحث ف دبي

عارف ان دبي غاليه جدا وان السعوديه من ناحيه الادخار افضل بس مش المستقبل يعني عاوزه تشتغل ف شركه وتفضل فيها لحد ماتلاقي مكان تاني معاه تاشيره وكمان شركتك ترضى تديك نهائي، انا طولت عليكم لكن سؤالي انا مش صغير 28 سنه ياترى اساتسلم وارضى بالسعوديه وخلاص ده نصيبي ولا اجرب ف دبي ويا تصيب ويا تخيب بامانه انا كل اللي تاعبني بقول انا مش صغير وف نفس الوقت صعبان عليا اتجمد واقف محلك سر

ارجو نصيحتكم وانا اسف ع الاطاله

[madzoro]

انت ليك حد في دبي يقد يستضيفك فترة يومين تلاتة لحد ما تلاقي سكن و في الغالب هيكون سكن مشاركة ؟

انت معاك جواز السفر بتاعك و لا في الشركة وممكن تاخده و لا ايه ؟

و مجالك ايه في الاتصالات و لغتك الانجليزية جيدة

[عاشق الترحال]

أخى الفاضل أنا شاب فى نفس عمرك أو أكبر منك قليلا أعانى نفس المشكله وهي أني لا أجد نفسي هنا فى السعوديه واللى صبرني والحمد لله أن ربنا كرمنى بالحج والعمره بفضل الله وقررت أن أتخذ من هذه الفتره التى أقضيها فى السعودية فترة تجهيز إلى أن أنتقل إلى المكان الذي أجد نفسي فيه وعلى العموم فإن السعودية فى رأيي تعتبر أفضل بكثير من مصر فى تحقيق الأهداف وأحلام المستقبل وذلك نظراَ إلى الحالة الإقتصادية وقلة فرص العمل المناسبه وغلاء المعيشه وغيرها من العوامل الإقتصادية التى نعانيها فى مصر

وبالنسبه للسفر إلى دبي فأعتقد أنه يمكنك السفر إلى هناك بفيزا زياره أو سياحه وأعتقد أنها سهله وغير معقدة من سفارة الإمارات بالسعودية وخصوصاَ لو كانت مهنتك فى الإقامه والجواز متناسبه يعنى تكون مثلا ( مهندس إلخ..........) متكونش (عامل وخلافه.......) لأنك معاك إقامه فى دول التعاون الخليجي ودي بتسهل الموضوع شويه بس طبعا لازم تكون مظبط الكفيل بتاعك ويتم الموضوع بموافقته علشان الخروج والعوده وكمان علشان الفيزا من السفاره تحتاج خطاب من الكفيل وحاول تفهمه أنك عاوز تروح تقضي فتره سياحه هناك أو تشوف أقاربك أى حاجه بس تبعد عن دماغه فكرة المقابلات دي

وتكون مجهز نفسك ومرتب مع الناس اللى هتقابلها هناك عالمقابلات وتروح خروج وعوده شهر كأنك فى إجازه وربنا يسهل لك حالك ويوفقك فى فرصه كويسه وممكن بعدها تخرج من هناك ومعاك العقد وتنزل مصر وترجع عليهم أو لو كانت الأوراق مش هتحتاج لنزولك مصر ممكن تعمل خروج لمدة يوم إلى إيران أو أى دوله مجاوره وترجع تاني عليهم وده لأنك لازم تثبت خروج من الزياره وترجع تدخل البلد بناء على العقد اللى معاك.

ورأيي أن الأيام بتجري والإنسان لازم يحاول تحقيق أحلامه بالقدر المستطاع وتوكل على الله وإجتهد وإعمل اللى عليك وإن شاء الله ربنا هيوفقك .

مع خالص تمنياتي لك بالتوفيق

والسلام عليكم ورحمة الله وبركاته

[konokono]

اشكر الاخوه ع الرد انا مهندش شبكات والحمد لله معايا سيرتيفيكيت كتير واللغه الحمد لله كويسه جدا وشغلي ف السعوديه كان كله مع ناس مش عرب لكن زي ماقولتلكم مشكله انك عشان تنقل من شره للتانيه شيئ صعب شويه ، وانا حاليا ف مصر نازل من اسبوعين وماشي من السعوديه خروج وعوده وده بعد سنتين فكان صعب قوي اني اروح ع دبي اهلي كانوا واحشني فقولت انزل معاهم شويه واشاوف والسعوديه لازم اكون فيها ع 1-12 وليا زميل هناك ف دبي واوضاعه اتحسنت كتير عن اول ماراح وقالي هتتعب ف الاول شويه وهتمشي القصه بعد كده وانهم ف دبي بيتيحوا الفرصه للتطور وفيه منافسه فكل بيطور نفسه فغصب عنك هتتطور مما يعود عليك بالنفع المادي والمهني

ومتشكر جدا ع اهتمامكم معلش انا اسف ان الواحد بيطول ف الكلام بس لان الواحد كان عاوز يمسك الاتنين ف ايده بس مش عارف ، ومصر انا جربت فيها قبل كده ففكرة الاستقرار فيها شبه صعبه خاصه ان مصر لها مشاكل تانيه غير الفلوس والشغل

وبكرر شكري تاني للاخوه اللي ردوا بالسرعه ده

اه نسيت اقولكم انا جوازي معاه والمهنه اللي ف التاشيره مبرمج حاسب الي انما الاقامه هناك مع شئون الافراد ف السعوديه ومعايا رخصة القياده السعوديه وكل شيئ واللغه انا كويس فيها لاني مقدم طلب هجره وكنت ممتحن امتحان ielts وامتحنته تاني هنا اول ماجيت مصر لاني كنت عاوز درجات اكتر

[madzoro]

اشكر الاخوه ع الرد انا مهندش شبكات والحمد لله معايا سيرتيفيكيت كتير واللغه الحمد لله كويسه جدا وشغلي ف السعوديه كان كله مع ناس مش عرب لكن زي ماقولتلكم مشكله انك عشان تنقل من شره للتانيه شيئ صعب شويه ، وانا حاليا ف مصر نازل من اسبوعين وماشي من السعوديه خروج وعوده وده بعد سنتين فكان صعب قوي اني اروح ع دبي اهلي كانوا واحشني فقولت انزل معاهم شويه واشاوف والسعوديه لازم اكون فيها ع 1-12 وليا زميل هناك ف دبي واوضاعه اتحسنت كتير عن اول ماراح وقالي هتتعب ف الاول شويه وهتمشي القصه بعد كده وانهم ف دبي بيتيحوا الفرصه للتطور وفيه منافسه فكل بيطور نفسه فغصب عنك هتتطور مما يعود عليك بالنفع المادي والمهني

ومتشكر جدا ع اهتمامكم معلش انا اسف ان الواحد بيطول ف الكلام بس لان الواحد كان عاوز يمسك الاتنين ف ايده بس مش عارف ، ومصر انا جربت فيها قبل كده ففكرة الاستقرار فيها شبه صعبه خاصه ان مصر لها مشاكل تانيه غير الفلوس والشغل

وبكرر شكري تاني للاخوه اللي ردوا بالسرعه ده

اه نسيت اقولكم انا جوازي معاه والمهنه اللي ف التاشيره مبرمج حاسب الي انما الاقامه هناك مع شئون الافراد ف السعوديه ومعايا رخصة القياده السعوديه وكل شيئ واللغه انا كويس فيها لاني مقدم طلب هجره وكنت ممتحن امتحان ielts وامتحنته تاني هنا اول ماجيت مصر لاني كنت عاوز درجات اكتر

انت ممكن تدخل الامارات بفيزا سياحة من المطار بمهنتك دي اعتقد ممكن بس تكون تاشيرة الذهاب و العودة سارية

و ساعتها مش هتكون محتاج اي ورقة من الكفيل و مش لازم يعرف

هو فعلا انت لو قدمت عليها من السفرة بتكون محتاج ورقة من الكفيل زي ما ذكر اخونا عاشق الترحال

بس عموما في المطار في مكتب لتاشيرات الدخول وقت الوصول و هي مسموحة لمقيمين دول الخليج واغلب المقيمين في السعودية معندهمش خلفية عن الموضوع ده

نا اخويا يعمل محاسب في السعودية بيجي الامارات بالطريقة دي و جاء مرة بالسيارة و اخد التاشيرة من على الحدود و مرة من مطار الشارقة

و رسومها 100 درهم مدتها شهر

اخي العزيز لو معاك بعض من المال و ممكن صديقك يستضيفك اسبوعين تلاتة ...... او يوفرلك سكن مع بعض زملاءه مثلا

احجز و تعالى قبل ما تسافر السعودية

احجز مثلا على العربية للطيران من الاسكندرية للرياض و هتعدي على الشارقة و هيكون عندك وسيلتين للدخول يا اما ترانزيت 96ساعة

ياما سياحة شهر على اساس انك مقيم في السعودية و بتكون في مكتب اسمه اهلا بداخل المطار و تقريبا هتدفع ضريبة زيادة في حدود 100 او 200 درهم علشان انت مش مكمل خط سيرك للرياض بالاضافة ل 100 رسوم الفيزا

ملحوظة مهمة الحجز من مصر بيكون الاسكندرية الى الشارقة و بعدين الشارقة الى الرياض حاول تخليهم على قد 96 ساعة (يعني 4 ايام ) بحد اقصى و لما تدخل مطار الشارقة اجل حجز الرياض الى اخر يوم في التاشيرة السياحية اللي هتاخدها باذن الله او للموعد اللي يريحك في حدود الشهر

اه وحاول تشوف صورة الاقامة عشان المهنة و ممكن تستفسر من السفارة عندك على المهن

مع اني اعتقد انها من المهن المسموح بيها فلا تقلق

بالتوفيق ان شاء الله

اي استفسار انا في الخدمة

تم تعديل 23 أكتوبر 2008 بواسطة madzoro