أسرار المهنة

[Scorpion]

بما أن مافيش شغل اليومين دول.. فرجاء لجميع الأعضاء ذوى الخبرة أعطاء نصائحهم للعالم الفاضية... يعني يعلمونا مهنة بدل ما مقرطسين كلهم شهادة البكالوريوس و بيقزقزوا فيها لب...

أبتدي أنا بكام نصيحة لكل من يريد أن يعمل في السينما بما أني متفرج مدمن من أكتر من 30 سنة...

فالي كل من يريد أن يعمل فيلم سينمائي عليكم أتباع الخطوات التالية :

الأول شوية أعلانات و بعدين نرجع لموضوعنا...

[Scorpion]

1- أي توأم واحد فيهم لازم كون شرير

2- لما تعوز توقف التايمر لأي قنبلة... مش مهم اي سلك تقطعه.. المهم تقطعه دايمآ علي آخر ثانية

3- أي كمبيوتر نقال كافي جدآ للأتصال بالكائنات اللي بتيجى من كواكب تانية

4- ما يهمكش أذا كان البطل متحاصر من 50 واحد أبطال كاراتيه..كلهم حيستنوا دورهم بصبر يتنططوا حوالينه مستنيين دورهم في العلقة واحد ورا التاني .

5- لما النور يتطفي و الدنيا تبقي ضلمة ما يهمكش.. المشهد هيكون واضح دايمآ فقط متنور بلون أزرق

6- لو تكوني شقرا و حلوة.. فبمنتهي البساطة ممكن تكوني خبيرة بشهرة دولية في علوم الذرة حتي لو عندك 21 سنة.

7- الشرطي الشريف المحبوب لازم يتقتل 3 أيام قبل ما يتحال عالمعاش

8- بدل ما يقتلوا البطل برصاصة و يخلصوا... الأشرار الوحشين بيفضلوا أنهم يقتلوه بقنبلة زمنية.. شمعة بتسيح علي طرف خيط..ليزر أو أسماك قرش.. المهم أنهم يمشوا و يسيبوه فترة 20دقيقة ..الزمن الكافي أنه يفك الحبل و يخلع.

9- في خلال البحث عن مجرم يجب الدخول حتي لو لمرة واحدة فقط في ملهي ليلي بتكون فيه رقاصة.

10- بمنتهي البساطة و لأي حد يقدر يسوق طيارة كابتنها مات و ينزلها بالسلامة في أي مطار.. يكفي أنه يكون فيه واحد بيشرحله يعمل أيه من برج المطار.

11- برج أيفل ممكن يتشاف من أي شباك في أى حارة أو زقاق من فرنسا

12- مهما كان الجرح عميق او خطير سواء كان سبه سكينة أو رصاصة أو حتي قنبلة البطل ما يبانش علي وشه أي أشارة ألم أو حتي حتة أي صغيرة... بس يا دوب تلمسه البت علشان تداويه من هنا و هات يا ولولوة من هنا.

بس كفاية عليكم كده النهاردة...

[optimistic]

هاها .. و الله حلو الموضوع يا سكوربيون

و أضيف

* البطلة تترمي من طيارة و تتضرب بالقنابل و تسريحتها و مكياجها لا يتأثران بتاتا

[White heart]

optimistic كتب:

هاها .. و الله حلو الموضوع يا سكوربيون

فعلا عندك حق .... هاهاها

و انا كمان أحب أضيف....

يا سلام على كام عربية شرطة "أمريكانى" عارفينهم؟

من اللى بطيروا و يتهبدوا و يتقلبوا و يروح منهم فى اثناء مطاردة "الشريرين" كام عجلة على كام باب و بالمرة "الموتور"!! و مع ذلك العربية اية، سبحان الله "فريرة" لازم فى النهاية تكمل مهمتها بنجاح!!!!

و يا سلام بقى على شرطى من النوع اللى كانوا برضعوة "أطفال صغيرة" و هو طفل!!! يبقى سايق بأيد و رجل، و الأيد التانية ماسكة "الفرفر" اللى بيعمل "طاخ طاخ" و برجلة التانية بيحاول يوقف العربية "الطوربيد" أرض - جو - أرض- بحر !!!

[الطفشان]

دا انت حكاية!

باين عليك حنحط لك لقب جديد (السلطانية!)

نائب رئيس الظرفاء و المنكتين و الفرفشة في المنتدى

(أصل حشيش هو الرئيس، بس متغيب لظروف لبنانية خاصة

و لذلك تكون انت الرئيس acting؟)

انت فين يا شيشو؟

سكوربيون: اقرا موضوع اسمه "المنتوف"، و موضوع اسمه "هيثم و تامر و وليد"