مسافر للسعوديه كيف أغير المهنه وايه الورق اللي هحتاجه

[hazzoom]

السلام عليكم ورحمة الله وبركاته

عثرت على منتداكم بالبحث وان شاء الله ألاقي عندكم ما يرد على تساؤلاتي :lol:

أنا مطور برمجيات (دوت نت) خبرة سنتين - مصري - 24 سنة - لكن مازلت بالسنه الرابعه External بكلية العلوم قسم فيزياء وكيمياء ومقيد ببطاقة الرقم القومي طبعاً طالب وعمري ما سافرت بره مصر.

صديق لي يعمل بشركة برمجة لها فرع بالقاهره بمصر وفرع بالرياض بالسعوديه رشحني للعمل والسفر تبع الشركه بعقد عمل وفيزا بوظيفة مبرمج للسعوديه, فبدأت أستخرج الورق بتاعي وبدأت اليوم بعمل قيد عائلي لاستخراج شهادة راشد أو كبير عيله علشان آخد تأجيل أو اعفاء من الجيش.

فبفرض اني ان شاء الله أخدت التأجيل ايه بقى الخطوه اللي جايه؟ فيه الجواز وفيه تصريح عمل والفيزا وأنا معرفش حاجه خالص عن الورق ده فهل فيه ترتيب معين علشان أطلعه ولا ايه؟ وهل فيه ورق تاني محتاج أطلعه علشان السفر؟

كمان أنا عايز أغير الوظيفه في البطاقه لمبرمج حاسب أو مطور برمجيات علشان تتكتب مبرمج في الجواز علشان عقد العمل والفيزا, طيب ازاي أغير الوظيفه في البطاقه لمبرمج؟

أنا احترت ومعنديش خبره خالص, أفيدونا أفادكم الله.

تم تعديل 23 أكتوبر 2008 بواسطة hazzoom

[elshafey]

اعتقد ان طالما انت طالب مش هتقدر تطلع جواز سفر طويل المدة لأن اللي اعرفه إن جواز سفر الطلبة بينتهي في شهر ديسمبر من السنة اللي طلع فيها

هذا والله أعلم ويمكن يكون الموضوع ده اتغير

[madzoro]

اعتقد ان طالما انت طالب مش هتقدر تطلع جواز سفر طويل المدة لأن اللي اعرفه إن جواز سفر الطلبة بينتهي في شهر ديسمبر من السنة اللي طلع فيها

هذا والله أعلم ويمكن يكون الموضوع ده اتغير

اذا انهى موضوع الجيش و اخد الاعفاء يستطيع استخراج الجواز لكن المشكلة هي المهنة ..... ما هي الجهة التي يستطيع من خلالها الحصول على مهنة مبرمج في مصر

ان شاء الله حد من الاعضاء هيفيدك

بالتوفيق

[hazzoom]

شكرا ليكم يا شباب.. فعلاً أنا محتاج بالظبط أعرف منين أغير المهنه.. أنا سألت ناس قالولي من التأمينات تخلي شركه تأمن عليك وتغير الظيفه بس احتمال يطلبوا اثبات على اني مبرمج عموما هنزل التأمينات واشوف وأبقى أوافيكم بالأخبار وياريت اللي يعرف حاجه يفيدنا :lol:

[hazzoom]

طيب كمان سؤال يا شباب.. لو أنا غيرت الوظيفه في البطاقه مثلا إلى "مطور برمجيات" والفيزا جت على "مبرمج حاسب آلي" هل هيبقي فيه مشكله؟

يعني هل هيقولولي انت مطور والفيزا فيها مبرمج ولا الدنيا ايزي؟

ياريت تفيدوني :unsure:

[hazzoom]

لو أنا غيرت الوظيفه في البطاقه مثلا إلى "مطور برمجيات" والفيزا جت على "مبرمج حاسب آلي" هل هيبقي فيه مشكله؟

يعني هل هيقولولي انت مطور والفيزا فيها مبرمج ولا الدنيا ايزي؟