مسافر جده قريب ان شاء الله

[ahmedr]

ان شاء الله انا مسافر جده فخلال اسبوعين وكنت عايز اعرف ايه الحجات الى اجبها معايا من مصر او احتجها هناك وانا لسه فى الاول

زى هل احول مبلغ للريال والمبلغ ده فحدود كام ؟

هل عشان احول فلوس لمصر لازم يكون ليا حساب هنا فبنك ولا ممكن ابعت على اى حد وتنصحونى باى بنك؟

الملابس الى هحتجها والجو فى الوقت ده عامل ايه وفى محلات ملابس كويسه فجده ولا نعمل حسابنا من مصر

واى معلومه او حاجه ممكن استعد ليها قبل السفر باذن الله وجزاكم الله خيرا

[waaaf]

ربنا يوفقك يا ahmedr

غير مبلغ في حدود 1000 ريال من مصر قبل ما تسافر علشان ماتضطرش تطلب سلفة في بداية عملك لأن الحكاية دي بتدي إنطباع عنك عند الكفيل مش ولا بد

الملابس في السعودية عموماً مش غالية لكن لو بتحتاج ملابس مقاس كبير يبقى أحسن خدها من مصر علشان المقاسات الكبيرة في السعودية مشكلة .

خد معاك حذاء إحتياطي علشان المنتجات الجلدية ( الكويسة ) غالية وعلشان ماتضطرش تشتري صيني

الجو دلوقتي مش حر قوي ومش برد وتقدر تطلع على درجات الحرارة يومياً من النت

ربنا يكتبلك الخير

[ahmedr]

ربنا يوفقك يا ahmedr

غير مبلغ في حدود 1000 ريال من مصر قبل ما تسافر علشان ماتضطرش تطلب سلفة في بداية عملك لأن الحكاية دي بتدي إنطباع عنك عند الكفيل مش ولا بد

الملابس في السعودية عموماً مش غالية لكن لو بتحتاج ملابس مقاس كبير يبقى أحسن خدها من مصر علشان المقاسات الكبيرة في السعودية مشكلة .

خد معاك حذاء إحتياطي علشان المنتجات الجلدية ( الكويسة ) غالية وعلشان ماتضطرش تشتري صيني

الجو دلوقتي مش حر قوي ومش برد وتقدر تطلع على درجات الحرارة يومياً من النت

ربنا يكتبلك الخير

متشكر جدا لحضرتك على ردك وربنا يكرمك

[عاشق الترحال]

السلام عليكم ورحمة الله وبركاته

أهلا بك يا أخى العزيز فى جده

بالنسبة للمبلغ اللى ممكن تحتاجه هنا زى الأخ الكريم تفضل فى البداية 1000 ريال كويس أما بالنسبه للجو هنا فى جدة فدرجة الحراره مرتفعه طوال العام تقريبا يعنى مثلا

السنه اللى فاتت انا هنا فى جده مغيرتش الملابس الصيفي طوال العام حتى فى الشتاء لأن الرطوبه عاليه وممكن تكون الدنيا بتمطر وفى نفس الوقت درجه الحراره عاليه

يعنى متجبش ملابس شتوي معاك وثانيا متجبش ملابس كتير معاك يعنى يدوب كام غيار لأنك هتشتري من هنا والملابس هنا أسعارها معقوله بس الأحذيه الجلد هيا اللى

غاليه يعنى ممكن تجيب معاك حذائين أو ثلاثه بس أنت نظام السكن بتاعك أيه عالشركه ولا أنت هتاخد سكن لحالك ونظام مواصلاتك ايه علشان تبقى عارف ومحدد لما

تيجي هتسكن فين وهتروح الشغل ازاى لأنها تفرق لو هتاخد سكن خاص هتضطر تأسس السكن وتشتري أجهزه كهربائيه ولوازم منزليه وكذلك موضوع المواصلات هيكلفك لو

الشركه مش موفره لك مواصلات.

على العموم أنت حاول تشوف حد من أصحابك أو أقاربك هنا علشان يبقى جنبك خصوصا فى أيام الغربه الأولى وتوكل على الله إن شاء الله ربنا يوفقك .

والسلام عليكم ورحمة الله وبركاته

[ahmedr]

السلام عليكم ورحمة الله وبركاته

أهلا بك يا أخى العزيز فى جده

بالنسبة للمبلغ اللى ممكن تحتاجه هنا زى الأخ الكريم تفضل فى البداية 1000 ريال كويس أما بالنسبه للجو هنا فى جدة فدرجة الحراره مرتفعه طوال العام تقريبا يعنى مثلا

السنه اللى فاتت انا هنا فى جده مغيرتش الملابس الصيفي طوال العام حتى فى الشتاء لأن الرطوبه عاليه وممكن تكون الدنيا بتمطر وفى نفس الوقت درجه الحراره عاليه

يعنى متجبش ملابس شتوي معاك وثانيا متجبش ملابس كتير معاك يعنى يدوب كام غيار لأنك هتشتري من هنا والملابس هنا أسعارها معقوله بس الأحذيه الجلد هيا اللى

غاليه يعنى ممكن تجيب معاك حذائين أو ثلاثه بس أنت نظام السكن بتاعك أيه عالشركه ولا أنت هتاخد سكن لحالك ونظام مواصلاتك ايه علشان تبقى عارف ومحدد لما

تيجي هتسكن فين وهتروح الشغل ازاى لأنها تفرق لو هتاخد سكن خاص هتضطر تأسس السكن وتشتري أجهزه كهربائيه ولوازم منزليه وكذلك موضوع المواصلات هيكلفك لو

الشركه مش موفره لك مواصلات.

على العموم أنت حاول تشوف حد من أصحابك أو أقاربك هنا علشان يبقى جنبك خصوصا فى أيام الغربه الأولى وتوكل على الله إن شاء الله ربنا يوفقك .

والسلام عليكم ورحمة الله وبركاته

مشكر لردك وربنا يكرمك

يعنى مجبش لبس شتوى خالص؟

والسكن عالشركه ان شاء الله وتغيير العمله ده من اى بنك ولا شركات صرافه

وبالنسبه لموضوع انى ابعت فلوس لمصر هيكون عادى بعد اول شهر ولا النظام ايه فى الموضوع ده

[Diab]

ان هافيدك في موضوع الجو بس

في جدة بقالي سنتين مبلبسش غير صيفي

اقصي حاجة لبستها كان قميص بكم

وصلت ؟

[عاشق الترحال]

السلام عليكم ورحمة الله وبركاته

أخي العزيز

بالنسبه لإرسال الفلوس لمصر دي مسأله سهله وبسيطه وده عن طريق أى مصرف من المصارف هنا فى جده مثل الراجحي أو العامودي وده مش محتاج فتح حساب لأنك ببساطه بتاخد الإقامه بتاعتك وبتروح لأى مصرف من المصارف وليكن الراجحي وتقول للموظف أنا عاوز أبعت فلوس لمصر بياخد الإقامه بتاعتك وبيعملك حساب للتحويل عندهم وده ( مجاااااااااااااااااااني ) وبعدين بيعطيك كارت عليه رقم بيفضل معاك كل متحب تحول فلوس بتاخد الكارت والإقامه وتروح تحول وممكن من غير الكارت بس بالإقامه فقط وبياخد منك 20 ريال رسوم تحويل كل مره تحول فيها ومش مرتبطة بمبلغ معين يعنى لو هتحول 100 ريال هياخد منك 20 ريال ولو هتحول 10000 ريال هياخد 20 ريال

وبفرض أن إقامتك كانت لسه مطلعتش ممكن تبعت من خلال إقامة أى صديق لك وبنفس الخطوات السابقة لو مكنش عنده إشتراك فى البنك

وتحويل الفلوس ممكن تحول من مصر أو لما تيجي هنا عادي مش هتفرق كتير وخصوصا أن المبلغ مش كبير والأحسن حول من مصر قبل متيجي السعوديه علشان يكون معاك فلوس تصرف منها لما تدخل المملكه ومسأله من بنك ولا صرافه اللى يعطيك سعر أحسن غير منه.

وبالنسبه للشتوي يعنى خليك فى أصعب الظروف هات معاك غيار واحد بس ومتكترش علشان هتضايق بعد كده انك أحضرت ملابس كتيره معاك ..

بالتوفيق ولو عندك أى أستفسار مفيش مشكله

والسلام عليكم ورحمة الله وبركاته

[ahmedr]

متشكر جدا ليك يا عاشق الترحال على اهتمامك ومعلوماتك ولدياب كمان وربنا يجازيكم خير