تعسف الكفيل ولا أمل في تطبيق القانون في السعودية

[بركة]

أهلي الأحباء

أشكر الله سبحانه أنه هناك من يسمعني في هذا البيت الكبير

عشت أنا وزوجي الأيام السابقة أحلى أيامنا في السعودية !!!!!!!!! مع أن الكفيل مأخر الراتب !!!!!!!!! طبعا باين من عنوان التوبيك السبب

وبعد ما قربت مهلة ال3 شهور تنتهي قلنا هه يا فرج الله ولكن!!!!!!!! وبعد إستفسار بسيط من أحد أصدقائنا القانونيين المصريين في

المملكة قالنا بالحرف الواحد ......... أن بعد ما نشتكي الكفيل في مكتب العمل وحقوق الانسان هييجي الكفيل بمنتهى البساطة ويدفعلك

المتأخر أو جزء منه ويقول أصلي كنت متعسر وبعد كده يتسلى على أذيتك أنت واللي جابوك ازاي؟ يروح زي الشاطر مقدم فيك هروب

ياشاطر وابقى بقه روح إشتكي تاني .......... أو مايدفعش ويقدم فيك هروب برده وطبعا قلنا طيب احنا معانا ورق يثبت أن هناك قضية في

مكتب العمل فقال طيب بس هتكون نزلت على السستم هربان وتتمسك في دورية وتروح الترحيلات وبعدين لازم ييجي بسلامته يطلعك

ياحلو ويدوخك ويتحكم فيك وهترسى في الآخر على أنه يخرجك نهائي وتتنازل عن كل اللي ليك بقه مكافأة ومتأخر الراتب عشان يتنازل

جنابو ويلغي بلاغ الهروب

ايه رأيكم كلام زي الفل مش كده

ياريت سي السيد يرد علينا بالمفيد ولو حد عنده تجربة أو يعرف في السستم يفيدنا ومحدش يقوللي إتفهامو معاه بالحسنى ده لا يعرف

حسنى ولا أم الخير .........

وحسبنا الله ونعم الوكيل

[ام بلال]

أختي الفاضلة أعانكم الله عز وجل على ما أنتم من بلاء ورفق الله بضعفاء المصريين وغيرهم في السعودية ، وكل مهضوم حقه ، وحسبنا الله ونعم الوكيل من التعصب الذي يعاني منه الناس هنا ،

المشكلة الحقيقية تكمن أنك إذا قومت محامي سيتطلب منك وقت وهذا يعني نفقات من جيبك على نفسك وعلى القضية ، ولا أجد أحد بصراحة ممن أعرفهم ولهم نفس الظروف خلصوا لشيء مع الكفيل الظالم ، عزيزتي لا أملك إلا أن أدعو الله أن يفرج كربك وعليك بالدعاء .فمن السهل جدا أن يلفق ويطبخ الكفيل أي حاجة عشان يخرج منتصرا وما يدفعش هللة من جيبه ، ويوري المصري ده شغله( حسبنا الله ونعم الوكيل، ولا حول ولا قوة إلا بالله) وغالبا يكون الميل لكفة الكفيل لأن له الحق الأول ،

وللأسف شوكة القنصلية المصرية هنا ليست قوية ، والله المستعان على الحريات والحقوق الضائعة في بلاد المسلمين ، والشكوى لله وحده.

أرجو أن يقوم الأخ سيد بمشورتك فهم من المخضرمين في هذا المجال

أختك أم بلال

[الأسير]

لا حول ولا قوة الا بالله

تم تعديل 25 أكتوبر 2008 بواسطة الأسير

[بركة]

شكرا للغالية أم بلال والله يكفي شعورك ودعائك

أنتي نعم الأخت

وربنا ينصر كل مظلوم

احنا عندنا استعداد للانتظار والدوشة بس يبلغ فيه هروب أهو ده بقه الكارثة

مع العلم أنه أتزلل لزوجي عشان يجدد له سنه كمان معاه ووعده بزيادة وطبعا ما قبضناش في السنة دي إلا 3 شهور من ستة ودايما

متأخر بعد شهرونصف أو أكتر من استحقاق الراتب

لك جزيل الشكر مرة تانيه

تم تعديل 25 أكتوبر 2008 بواسطة بركة

[se_ Elsyed]

إضافة إلى الرسالة الخاصة المُرسلة إليكي يا أخت بركه .. عاوز أعلق على نقطة هامة هنا لكي وللإخوة جميعاً

أن بعد ما نشتكي الكفيل في مكتب العمل وحقوق الانسان هييجي الكفيل بمنتهى البساطة ويدفعلك المتأخر أو جزء منه ويقول أصلي كنت متعسر وبعد كده يتسلى على أذيتك أنت واللي جابوك ازاي؟ يروح زي الشاطر مقدم فيك هروب

ياشاطر وابقى بقه روح إشتكي تاني .......... أو مايدفعش ويقدم فيك هروب برده وطبعا قلنا طيب احنا معانا ورق يثبت أن هناك قضية في

مكتب العمل فقال طيب بس هتكون نزلت على السستم هربان وتتمسك في دورية وتروح الترحيلات وبعدين لازم ييجي بسلامته يطلعك

الميزة في بلاغ الهروب اللي ممكن الكفيل يعمله ضد أي موظف إن مكتب العمل او الجوازات لا يقبل البلاغ منه إلا حينما يتأكد على السيستم إن الموظف لم يشتكي كفيله بإن له حقوق ... عشان يعني ما يبقاش " ضربني وبكى وسبقني وأشتكى "

كما إن بلاغ الهروب مش جهجهوني كده ... يعني ما ينفعش أكون باروح الشغل كل يوم وأمضي حضور وإنصراف وفي 500 واحد شاهدين إني باحضر بإنتظام وييجي الكفيل يشتكيني .. في هذه الحالة يُمكنني ان أُبت ذلك بمنتهى البساطة وأثبت كمان إن الكفيل متحايل وبيتهمني بالهروب وأنا لم أهرب ..

أعود واكرر يا جماعة إن إجراءات التحقق من شكاوى العمال هنا بطيئة جــــــــــــــــــــــــــــــــــــــــــــداً .. وأقل تأجيل للدعوى وتبوس إيدك وش وضهر بيبقى 3 شهور وممكن توصل سنة لحين البت في شكوى بسيطة لإن اللجان العمالية بتنظر في آلاف الدعاوى وفي لجان بتبقى في منطقة معينة وهي بتغطي العديد من المحافظات هي مُجمعة فعليهم ضغط رهيب رهيب وما عندهمش محققين كفاية .. فكل واحد لازم يبقى عنده صبر ولازم يبقى عنده خطة بديلة عشان يعرف يعيش ..

والخطة البديلة هي :

1- إذا نويت تشتكي شركتك او كفلك وانت على حق سواء إنهم أكلوا حق من حقوقك أو حدث تعسف ضدك يبقى لازم تشتكي بسرعة لمكتب العمل قبل الكفيل ما يبلغ عنك هروب ....

2- في نفس وقت الشكوى لازم تتقدم لإمارة المنطقة اللي إنت فيها وتطلب الحصول على تصريح عمل مؤقت لحين البت في قضيتك والإمارة بتعطيك رقم وارد وبتبعت طلبك لمكتب العمل لإصادر هذا التصريح .

3- أخطر شيء لما إقامتك تقرب تنتهي .. فلازم تتحرك في منتهى السرعة وتقدم طلب للإمارة لتجديد إقامتك وهما بيجبروا كفيلك إنه يسلم جوازك لهم عشان تجديد الإقامة ... وبأقول بسرعة لإن لو صدر لك تصريح عمل مؤقت فمكتب العمل لن يعطيك إياه لو كانت إقامتك إنتهت .

وربنا يوفق الجميع ...

[بركة]

شكرا على الاستجابة

أولا لكن زوجي الموظف الوحيد في العمل لا فراش ولا الهوا (راجع موضوعة الأسير)

ثانيا من حوالي 2 سنة حصل مع زميله انه اشتكى في مكتب العمل وراح الكفيل مشتكية برده انه هرب

أما بالنسبة للخطة البديلة موجودة طبعا

والاقامة فاضل عليها 10 شهور

1- الاهم من كل ده هل فعلا ممكن ييجي ويدفع بعد الشكوى المرتب وتنتهي الحدوتة فعلا ولا نقل ولا حاجة

2- وبعد قفل القضية يبلغ هروب مثلا لأن مافيش شهود والدفتر زي قلتة

3- اصلا الى الان زوجي لم يثير شكوك الراجل بانه هيشتكي وعلاقتهم هادية وكأن الراجل حلو وزي العسل

تم تعديل 25 أكتوبر 2008 بواسطة بركة

[melhamy]

السلام عليكم ورحمه الله وبركاتة ...

سى السيد جزاك الله خيرأ على مساعدتك ودعمك للأخوة المصريين و اظهار الواقع

أختى انا شايف ان فى ميل لدخول مشاكل و خطط بديلة وتحايل بلا داعى سيبك من أن الراجل حلو وزى العسل و اثاره الشكوك !!!!!!!!

هما مش (مخطوبين) علشان الكلام ده !!!

دى علاقة عمل بحتة 1+1 = 2 و زى ما قال عمو سى السيد الأجراءات القانونية فى البلد هنا بطيئة جــــــــــــــــــــــــــــــــــــــدا و انتم اللى هتدفعوا الثمن ...

ومافيش شيئ بيجبر الكفيل على نقل الكفالة فى يوم أو اسبوع أو شهرين و الفترات دى هتبقى ضغط نفسى عليكم بدون داعى ....

الافضل إنهاء الوضع مع الكفيل بشكل واضح سواء قانونى أو ودى ...

[بركة]

السلام عليكم ورحمه الله وبركاتة ...

سى السيد جزاك الله خيرأ على مساعدتك ودعمك للأخوة المصريين و اظهار الواقع

أختى انا شايف ان فى ميل لدخول مشاكل و خطط بديلة وتحايل بلا داعى سيبك من أن الراجل حلو وزى العسل و اثاره الشكوك !!!!!!!!

هما مش (مخطوبين) علشان الكلام ده !!!

دى علاقة عمل بحتة 1+1 = 2 و زى ما قال عمو سى السيد الأجراءات القانونية فى البلد هنا بطيئة جــــــــــــــــــــــــــــــــــــــدا و انتم اللى هتدفعوا الثمن ...

ومافيش شيئ بيجبر الكفيل على نقل الكفالة فى يوم أو اسبوع أو شهرين و الفترات دى هتبقى ضغط نفسى عليكم بدون داعى ....

الافضل إنهاء الوضع مع الكفيل بشكل واضح سواء قانونى أو ودى ...

شكرا لكلامك ولاهتمامك بالرد علينا الله المستعان

الراجل مش سهل أبدا وزوجي آخر موظف لديه في المؤسسة التي تفلس يوما بعد

يوم وهو متمسك بزوجي بالشكل الظالم ده عشان ما يجبش ضرفها ومش مهم مصلحتة ولا يصرف منين وعندنا 3 أولاد

ربنا يفك أسرنا وأسر كل أسير

[yosef]

الله يرد لك حقك هذا اللي اقدر اقوله

[iloveegypt]

اسئل الله ان يفك اسركم وترجعوا بلدكم بالسلامة

بصى حضؤرتم لى زميلى شخصى اشتكى فى مكتب العمل والكفيل بلغ هروب الشرطة مسكته فعلا بس لما وجدوا معاه جواب من مكتب العمل رجع سكهنه تانى بتاع الكفيل لانه عزابى وطول القضية كان شغال برة والسكن على الكفيل بس للامانة القضية بتطول ممكن اكتر من سنة

وربنا معاكم

[ام بلال]

أختي العزيزة كما أكد لك الأستاذ سيد أن حبالهم طويلة جدااااااااااااااااااااااااااااااااااااااااااااااااااانننننننن ، ويوجد صديق لزوجي دكتور علاج طبيعي أنهوا عقده في الحكومة والله العظيم تبع شيء اسمه البند ، والوزارة تريد حرمانه من مكافأة نهاية الخدمة، كما اتضح انه قانونيا من حقه أن يجدد الإقامة على حسابهم وهذا مالم يحدث ، وله الآن 6 شهور رافع قضية ومنتظر فرج ربنا ،

وطبعا عمال يصرف من جيبه ،

أخدت بالك من كلمة الحكومة والوزارة

ربنا يفرجها على الجميع

اللهم إنا نشكوا لك ضعفنا وقلة حيلتنا وهواننا على الناس الهم رب المستضعفين انصر كل مظلوم بحولك وقوتك يارب العلمين

[Phoenician]

السلام عليكم ... طيب لو واحد عايز يخرج نهائي و الشركة تماطل او تنكر بعض المستحقات رغم وجود مستندات واضحة تثبت هذا الحق ... هل كمان بتحصل المماطلة و لا ممكن مكتب العمل يسرع في اجراءاته عشان موضوع الخروج النهائي ؟؟؟

تم تعديل 26 أكتوبر 2008 بواسطة Phoenician

[DIA ELDIN]

فرج الله كربكم

وربنا دايما مع المظلوم ادع الله وان شاء الله ربنا ييسرك - فعلا قنصليتنا هنا شوكتها مكسورة هنقول اية حسبي الله ونعم الوكيل

ربنا معاكم

[Phoenician]

أتمنى ان حد يجاوب على سؤالي ... اذا كان الواحد عايز يعمل خروج نهائي و الشركة ناوية تماطل او تاكل عليه بعض الحقوق رغم وجود مستندات تثبتها ... هل مكتب العمل ايضا يتأخر في النظر في الشكوى ؟ ألا يشفع للشاكي انه سيخرج نهائي و يعجل ذلك بالنظر في شكواه ؟ افيدونا أفادكم الله

[se_ Elsyed]

أتمنى ان حد يجاوب على سؤالي ... اذا كان الواحد عايز يعمل خروج نهائي و الشركة ناوية تماطل او تاكل عليه بعض الحقوق رغم وجود مستندات تثبتها ... هل مكتب العمل ايضا يتأخر في النظر في الشكوى ؟ ألا يشفع للشاكي انه سيخرج نهائي و يعجل ذلك بالنظر في شكواه ؟ افيدونا أفادكم الله

لأ .. بس الموضووع ممكن يقعد له شهرين تلاتة ..

[Phoenician]

سي السيد .... شكرا على الرد المختصر المفيد .... اذا الحكاية شهرين تلاتة مش مشكلة ... انا كنت فاكر ان الموضوع ممكن ياخدله قد سنة ونص سنتين (حسب ما سمعت من بعض المصادر) لكثرة اعداد الشاكيين و قلة اعداد المحققين طرف مكتب العمل

وبيني و بينك فيه ناس توقف المراكب السايرة ... يعني تيجي تقول حشتكي لمكتب العمل يمسكك و ياخدك على جنب و يقولك ... بلاش ... انتا الخسران ... حتتبهدل سنتين تلاتة عقبال ما تاخد فلوسك ... حيقدم الكفيل فيك بلاغ هروب ... ارضى بالليهديهولك و بوس ايدك وش وضهر .... ومن هذا الكلام المحبط ... و انا بصراحة واكيد كتير من الاخوة هنا يهمنا ناخد المعلومة الصحيحة و المفيدة ... لان الواحد حرام يضيع شقا هدر و ظلم و عدوان عمره و كل ريال بيتنازل عنه لشركته او لكفيله ده اساسا تعبه و شقاه و فلوس ولاده و اكيد حيتسأل عنه يوم القيامة وكما قيل قديما (ما ضاع حق وراءه مطالب) .. مش كدا ولا ايه؟

[بركة]

السلام عليكم

حبيت أعرفكم آخر الاخبار ..........

عرض الكفيل على زوجي أنه يفضل على كفالته ويشتغل برة ولما يحتاجه في شغل يبقى مقابل اتفاق

يعني بالقطعة وأنه لا يريد أن يخسر موظف كفء (يعني مافيش نقل كفاله) ...

ما باليد حيله مافيش شغل

يغطي التكاليف (مرتب وبدل سكن وايجار مكان ) .

طبعا احنا عارفين ان الوضع ده مش مظبوط

وقال له المرتب المتأخر 3 شهور أحاول أدبر لك فلوسه ولو شهرين منه

دلوقتى هو عاوز زوجي ينقطع عن العمل ويدور على شغل بره

احنا عاوزين نعرف هو كده هيضيع حقوقنا عنده ولا ايه

هل الوضع ممكن يكون فيه خير أم نحاول نضغط لحد ما ننقل كفاله مقابل المستحقات ؟

من فضلك يا سي السيد تفيدنا ولك جزيل الشكر ..........

[se_ Elsyed]

السلام عليكم

حبيت أعرفكم آخر الاخبار ..........

عرض الكفيل على زوجي أنه يفضل على كفالته ويشتغل برة ولما يحتاجه في شغل يبقى مقابل اتفاق

يعني بالقطعة وأنه لا يريد أن يخسر موظف كفء (يعني مافيش نقل كفاله) ...

ما باليد حيله مافيش شغل

يغطي التكاليف (مرتب وبدل سكن وايجار مكان ) .

طبعا احنا عارفين ان الوضع ده مش مظبوط

وقال له المرتب المتأخر 3 شهور أحاول أدبر لك فلوسه ولو شهرين منه

دلوقتى هو عاوز زوجي ينقطع عن العمل ويدور على شغل بره

احنا عاوزين نعرف هو كده هيضيع حقوقنا عنده ولا ايه

هل الوضع ممكن يكون فيه خير أم نحاول نضغط لحد ما ننقل كفاله مقابل المستحقات ؟

من فضلك يا سي السيد تفيدنا ولك جزيل الشكر ..........

الوضع ده غير قانوني بالمرة ..

ولو توفرت النية السيئة .. يبقى كده هو بيحفر لكم حفرة وممكن زوجك يشتغل بره وهو مطمئن وصاحبنا من ورا عمال يخطط ويتكتك ويُثبت عليه إنه منقطع عن العمل لمدة 10 أيام مثتصلة بدون عُذر وبالتالي يحق له فصلة بدون أي مستحقات .. أو يخلية يشتغل بره ويُبت عليه ذلك ويبلغ عنه هروب وكمان يبلغ عن الشركة الجديدة اللي بيشتغل فيها زوجك فيخرب بيتهم ويدخلهم في مشاكل تصل إلى حبس صاحب المنشأة لإنه بيشغل ناس عنده ليسو على الكفالة ...

فيا ست الكل المثل بيقول " خبطة بالمرزبة .. ولا عشرة بشاكوش ... "

يعني أفضل لكم التضحية بمستحقاتكم عنده وراتب الثلاث شهور دول وتاخدوا نقل كفالة وتنقلوا بسرعة .. ولا تفضلوا تحت رحمته ويشتغل بالحتة وبالكيلو والكلام اللي ما بياكلش عيش ده واللي معناه إن صابعكم يفضل طول العُمر تحت ضرسة ...

[بركة]

جزاك الله خيرا يا سي السيد

أشكر لك سرعة الاستجابة وربنا يكرمك

[بركة]

آخر الاخبار

الراجل رجع في كلامه كله وكأنه لم يقله

و الله أعلم هترسى على ايه

" اللهم إني مغلوب فانتصر "