تعسف الكفيل ولا أمل في تطبيق القانون في السعودية

[se_ Elsyed]

آخر الاخبار

الراجل رجع في كلامه كله وكأنه لم يقله

و الله أعلم هترسى على ايه

" اللهم إني مغلوب فانتصر "

راجعي مداخلتي الأخيرة ..

عب ده انا حافظهم عن ظهر قلب وإن ما كانش أي كلام بين صاحب العمل والموظف رسمي وموثق .. يبقى الموظف هو اللي بيدفع ثمن الوعود البراقة ... وأبسط كلمة بتتقال له : ماحصلش وإثبت كلامك ده

[بركة]

طيب يا سي السيد لو راح الموظف واشتكى كفيلة لانه مأخر الراتب

3 شهور ممكن الكفيل يعرض دفع الرواتب المتأخرة

للموظف ؟ هل القانون بتاع نقل الكفالة ساعتها لا محل له

و يقوم مكتب العمل بحفظ الشكوى و يرفض طلب نقل الكفالة

وبعدها يضايق زوجي ويعيدها تاني وتالت

كل أملنا ان القانون يأخذ مجراه ( نقل الكفالة اجباري)

تم تعديل 3 نوفمبر 2008 بواسطة بركة

[se_ Elsyed]

طيب يا سي السيد لو راح الموظف واشتكى كفيلة لانه مأخر الراتب

3 شهور ممكن مكتب العمل يقبل من الكفيل دفع الراتب المتأخر

للموظف ولا ايه؟ هل القانون بتاع نقل الكفالة ساعتها لا محل له

ولاتطبيق وبعدها يضايق زوجي ويعيدها تاني وتالت

كل أملنا ان القانون يأخذ مجراه ( نقل الكفالة اجباري)

القانون ياخد مجراه .... شوفتي الفيلم بتاع " أبو علي " لما القانون كان بياخد مجراه على قفا كريم عبد العزيز ؟

للأسف يا مدام بركه .... إجراءات التقاضي هنا بطيئة جداً جداً ..

وكل أملكم هايبقى في إن لما تشتكو لمكتب العمل وتاخدوا رقم للدعوى .. يروح زوجك بها على الإمارة ويطلب تصريح عمل مؤقت لحين الفصل في الدعوى .. وبكده يقدر يتشغل في أي حته بإطمئنان .

المفروض مكتب العمل ما يقبلش موضوع دفع الراتب بأثر رجعي ..

[بركة]

المفروض مكتب العمل ما يقبلش موضوع دفع الراتب بأثر رجعي ..

المفروض .. هل تعني أن هذا هو الإجراء المتبع أم الموضوع فيه كلام

لأن الخوف من أن يقبل مكتب العمل عرض الكفيل بدفع الرواتب المتأخرة و يحفظ الشكوى

و لا يحق لزوجي طلب نقل الكفالة.

[بركة]

خلاص المفيد هنا

رابط الموضوع

أكرر شكري لكل من شاركنا في موضوعنا أو تعاطف معنا أو منحنا من وقته

اللهم لك الحمد لأنك ألجأتنا إليك بعدما تقطعت بنا الأسباب

اللهم إنا راضون بقضاءك

ولا حول ولا قوة الا بالله العلي العظيم .

تم تعديل 5 نوفمبر 2008 بواسطة بركة

[بركة]

الحمد لله رب العالمين

أحب أطمن كل اللي تفاعلوا مع موضوعنا

ولا أنسى أخي العزيز الغالي سي السيد شكرا على الاهتمام ووجعنا دماغك

أجرك كبير عند الله ربنا يكتر من أمثالك ولا يصيبك مكروه أبدا يارب.....

أما موضوعنا والحمد لله إنتهى الى أن كفيلنا جاب ضرفها وقال لزوجي يشوف شغل في مكان تاني

ولما يلاقي شغل يعمل ( الكفيل) عقد بينه وبين الشركة الجديدة على انه باعت لهم موظف من عنده

لمهمه مدتها كذا بمرتب كذا كمدرب للموظفين وما نحو ذلك باتفاق بين الكفيل والمكان الجديد ده

وكمان مع ورقة تفويض بقبض المرتب لزوجي مباشرة دون الرجوع للكفيل وسألنا قانونيا على كل الاجراءات

دي وكله تمام ..............

وبالنسبة للراتب المتأخر قبضنا منه شهر ونصف وفاضل لنا 2 شهر وهو عمال يسدهم لنا من خلال بيعه

لمستلزمات في الشركة وزوجي بيأخذ الفلوس وبيخصموها من المبلغ الاصلي .........

والراجل قال لزوجي بصراحة ما في نقل كفالة خليك إشتغل في مكان تاني ولما يجينا شغل خذة أعمله وأحاسبك عليه

فورا وعلى فكرة هو فعلا عامل الحكاية دي مع كذا واحد بقاله سنين ومش بيضايقهم وهم مصريين برده

وكمان الايام اللي فاتت دي حاسبها من الاجازة السنوية الى أن يأتي له زوجي بالعقد الجديد

وربنا كرمنا بمكان كويس وبعد العيد إن شاء الله هيخلصوا الإجراءات

والحمد لله الامور تسير في إتجاه جيد أحسن من وجع الدماغ ...........

[شاب مصري]

الحمدلله

مبروك ليكم وكل سنة وانتم طيبين .