ارجو المساعدة فى الاختيار

[ehababdelgawad]

حقيقى انا محتار جدا وقلت لازم استشير اهل الخبرة الموجودين فى السعودية عشان مكنش لوحدى

جائنى فرصة عمل فى شركة متواضعة فى مدينة الدمام هى شركة متوسطة تعمل فى مجال البيئة على راتب 3500 وبدل انتقال 500 وبعد كدة هيكون الزيادة بواقع 10 فى 100 الوظيفة مهندس بيئة انا خريج علوم ولى خبرة فى المجال 9 سنوات

تم الاختبار فى الشركة لمدة 3 شهور واعجبوا بية جدا وتم الرجوع الى مصرلإنهاء الاجراءات

فى هذة الفترة تم الاتصال بشركة ثانية فى الرياض هى كبيرة شوية و عدد العاملين فيها كبير ومشاريعها ايضا كبيرة وكثيرة و تقدموا لية بعرض اخر وهو 4 الاف اساسى و500 انتقالات والزيادة بعد السنة الاولى اكبر من الشركة بالدمام وهيبعتولى زيارة لمدة شهر فى الشركة فى الرياض

مشعارف هل اجعل الشركة فى الدمام تنتظر شوية لمدة شهر حتى يتسنى لى ان انتظر لمشاهدة الشركة بالرياض واعرف اقارن بين الشركتين ولا اتكل على الله واخلص مع بتاعة الدمام

مع العلم اننى تم تخليص الكشف الطبى بس لسة لم اقوم بتسليم جميع الاوراق للمكتب

ياريت اعرف ردكم بسرعة عشان اعرف اتخذ قرار

[الباشمهندس ياسر]

معلش انا مش هقدر افيدك اوى

بس انا ممكن الفت نظرك لنقطة الكاريير

يعنى انت بعد سنتين او تلاته هتبقى وصلت لايه فى الشركة الصغيرة

و لو رحت الشركة الكبيرة هيبقى مكانك فين

و كمان نقطة مستوى الخبرة فى الشركتين

و اخبار الكورسات والدورات التدريبية والامور اللى بترفع من مستواك المهنى

احسبها و اتوكل على الله

رغم انى حاسس ان المرتب ضعيف على راجل مهندس

[midozz]

السلام عليكم

يا باش مهندس

انت عملت قبل كده مشاركه وكان راينا كلنا ان راتبك موش كويس ومايلقش بعدد سنين خبرتك

انت اقل حاجه تطلع عليها 6000 ريال

لو طلعت ب 4000 تبقي غلطان

راجع نفسك لو سمحت

[ehababdelgawad]

انا معاك فى ان المرتب صغير بس بصراحة الهدف الاساسى من سفرى الى السعودية هو عمل عمرة وحج لى والاسرة يعنى بصراحة انا بفكر فى استقرار سنتين او ثلاثة بس الخوف من ان المرتب لا استطيع توفير احتياجات الاسرة منة من اكل ومدارس لغات وايضا معيشة فعرض الرياض اعلى نسبيا من الدمام وكمان شركة اكبر فمشعارف اتخ> قرار حتى الان

شركة كبيرة ومميزات اعلى ولا شركة متوسطة ومميزات اقل بس ستقرة

[شاب مصري]

الله يوفقك