باركولى انا نجحت فى الانترفيو الفيدرالى فى الرياض

[halah]

السلام عليكم ورحمه الله و بركاته

أولا أحب ان اشكر كل من ساهم فى هذا المنتدى الرائع ولو بنصيحه صغيره واخص بالشكر الشديد الاستاذ/ احمد ابراهيم و الدكتور /أيمن كمال و الاستاذ ميزو لانهم فعلا افادونى كثيرا رغم انهم كيباك لكن نصائحهم زادت من ثقتى بنفسى تماما فى الانترفيو واحب ان ارد و لو جزء صغير من جميلهم على و ذلك بحكايه تجربتى يا رب تفيد الجميع

أنا أخدت رقم ملف فى اغسطس 2005

وعملت ابدات مرتين و اخيرا عملت الانترفيو اليوم فى سفارة كندا بالرياض و الحمد لله ربنا وفقنى و نجحت فيها وفى انتظار الميديكال

سبب الانترفيو كان التاكد من الخبره لانهم غير مقتنعين بمسمى الوظيفه انا كنت باشتغل مترجمه طبيه بمستشفى و مكتوب فى خطاب الخبره مساعد وحده طبيه

ولانى لم انام منذ اسبوع و لانى تلميذه صغيره للدكتور الرائع الشامى سوف اكمل لكم غدا حلقه مشوقه جدا من المقابله وانا على استعداد للاجابه ع اى اسئله ليكم.

[qenawy]

الف مبروك

الف مبروك

[drdarsh]

الف مبرووووووووووووك عقبالنا كلنا

اميييييييين يا رب

[medopharm]

الف مبروووووووووووووك وعقبال الفيزا ان شاء الله

وياريت تحكيلنا بالتفصيل

اولا انت قدمتى الفايل من الرياض ولا من مصر

وطبعا ياريت تحكيلنا عن جو المقابله

وطبيعه الاسئله

وشكرااااااااااااااا

[Alrefaey]

الف مبروك اختنا الكريمة وعقبال يارب الفيزا

بس معلومة جيده اول مرة اعرف ان السقارة الكندية فى الرياض بتعمل انترفيوا كنت متخيل ان مقيمى السعودية بيعملو انترفيوا فى دبى

[Nassarlink]

الف مبروك اختنا الكريمة وعقبال يارب الفيزا

[madzoro]

الف الف مبروك

و عقبال الفيزا و اللاندنج و الاستقرار

[ELSHAMY]

ولانى لم انام منذ اسبوع و لانى تلميذه صغيره للدكتور الرائع الشامى سوف اكمل لكم غدا حلقه مشوقه جدا من المقابله وانا على استعداد للاجابه ع اى اسئله ليكم.

تلميذتنا النجيبة هالة

شرفتينا و ألف مبروك....نراكى فى كندا قريبا..

الشامى

[ahmed_saleh]

الف مبروووووووووك wst::

[halah]

شكرا جزيلا لمشاعركم الطيبه كلكم000 الاستاذ ميدو فارم انا كنت مقدمه من الرياض عن طريق محامى وارسلنا الورق على لندن

بالنسبه للمقابله كان معادنا الساعه 11 وصلنا قبل المقابله بساعه السفاره وكان فيه واحد هندى قبلنا جوة بيعمل المقابله قالوا لنا انه بقاله ساعه و نصف وكان فيه واحد فلبينى قبل موعدنا ع طول قعد ساعه كامله جوه. اما مقابلتنا احنا فلم تستمر الا عشرين دقيقه بالضبط الهندى كان شكله طالع زعلان بس الفلبينى اتوافق عليه برضه يعنى عاوزة اوصلكم ان كل حاله بظروفها

كنت متوقعة انى الاقى الاوفيسير حد كبير فى السن لكنى فوجئت الاوفيسير عبارة عن انسه فلبينيه لذيذه وصغيرة جدا المهم رحبت بينا وعرفتنا بنفسها وسألت ع باسبوراتنا اول حاجه ثم سالت ع خطابات الخبره ع طول اخدت خطاب خطاب تقرأه و تسالنى عن كل نقطة فيه قلتلها انى حاليا باشتغل مدرسة انجليزى عشان اخد خصم لاولادى و عشان انا انسانه نتعدده المواهب وممكن اشتغل فى اى مجال و انجح بس هى كانت مستعجله جدا و عاوزانى اجاوب ع قد السؤال يعنى مثلا حاولت اقولها ان مش اى حد بيشتغل فى السعوديه مدرس لازم كفاءه وشطارةووووو قاطعتنى قائله لو سمحتى جاوبى ع اد السؤال اللى كان انتى بتشتغلى ايه حاليا طبعا احرجت جدا وسكت و بعدين فى سؤال تانى عن الخبره بتسألنى اشتغلتى كام سنه فى الترجمه قلتلها 9 سنوات و حاولت اتفلحس تانى و اقولها اختارونى من بين 20 واحده للوظيفه دى كشرت عن انيابها تانى و قالتلى من فضلك جاوبى ع اد السؤال قلت فى عقل بالى اترفضنا و الحمد لله

الخبره هى اهم حاجه بالنسبه لى لان ملفى كان معقد جدا حاحكلكوا بعدين ليه فكنت عايزة اقنعها بيها باى طريقة

المهم كل ده وزوجى بجانبى بيقرأ فى سره كل الادعيه اللى فى الدنيا و كنت موصيه بنتى 9 سنوات على قراة القران فى موعد الانترفيو المهم حولت على نقطة البنك قلت الحمد لله خلصنا من الخبرة سالتنى ع شهادة البنك فاعطيتها لها كانت ع فكرة عبارة عن مجمل المبلغ المطلوب مننا وليس قائمه رصيد مالى كانت جزء بالمصرىو سعودى عشان المبلغ يبقى شكله كتير فسالتنى المبلغ ده كام بالكندى فقلت لها لا اعرف لان زوجى هو المسؤول عن النواحى الماديه فسالت زوجى فرد عليها و كأنها افتكرت ان لى زوج و هى ماسكه شهاده البنك قالت له هو انت بتشتغل ايه رد عليها و سالته كنت برتبه ايه فى الخدمه العسكريه فقط سؤالين للزوج

وبعدين طلبت الابليكاشن الجديد بتاعى و بتاع الاسره ألأبدات يعنى ( اللى ورقه موجود على موقع الحكومه) اوكى وبعدين بصتلى و قالتلى انا مبسوطه من اجاباتك ابتسمت و سكت فقالت و حقول للمساعده بتاعتى فى لندن تبعت خطابات الميديكال فانا بصيت لزوجى لا اصدق فلقيت زوجى لسه متوتر و مش فرحان قلت يبقى انا سمعت غلط لقيتها بتقول لازم تدفعوا الاندنج فيييز و تعملوا فيش و تشبيه جديد من السعوديه فانا سالتها يعنى خلاص وافقتى علينا ضحكت وقالت ياس و زوجى ضحك اخيرا ( يبقى الموضوع مش حلم بقى!!!)

الذ حاجه بقى انى قلتلها بس انا لسه عندى معلومات كتير عن كندا عايزة اقولها(تعبانه فيها يا ناس ) ابتسمت و قالت no need

واعطيتنا ورقه صفرة صغيره فيها 3 طلبات عمل الميديكال ودفع الاندج فيز و الفيش و التشبيه والطلبات دى فى خلال 60 يوم واعطيتنا ورقه تانيه باسعار الانج الجديده شكرناها جدا و خرجنا مذهولين من سرعة المقابله و سهولتها رغم انها عصرتنى فى الخبره فقط لم تسالنى اى سوال عن كندا و لم تسالنى فرنسى لانى كنت متوقعه و المحامى بتاعى كان متوقع انها اذا لم تقتنع بالخبره تسالنى فرنسى عشان تدينى الدرجتين اللى كانوا ناقصنى لانى كنت واخده 19 من 21 فى الخبره فالمحامى قاللى لازم اذاكر فرنسى احتياطا فاخدت كورس مكثف فى مصر عشان امشى حالى فى المقابله

اهم نصيحتين عاوزه اقولها لكم:

المظهر و الشياكة عليه عامل كبير فى المقابله يفضل للسيدات بدل شيك حتى و لو هى مش الابليكانت

ترتيب الملف مهم جدا جدا هى كانت اى ورقه تطلبها منى فىثوانى اطلعها الملف لازم تكون حافظه صم

واخيرا انصحكم بهذا الدعاء مع احترامى للرائعة ام بلال ( اللهم ارزقنى فهم النبيين و حفظ المرسلين و الهام الملائكة المقربين)

اللهم انا نجعلك فى نحورهم و نعوذ بك من شرورهم) اللهم لا سهل الا ما جعلته سهلا و ان شئت جعلت الحزن (الصعب) سهلا

يا رب يوفق الجميع وانا ع استعداد لاى سؤال افيد به الجميع وشكرا

تم تعديل 27 أكتوبر 2008 بواسطة halah

[alaashabana]

الف مليون مبروك يا مدام هالة

بس معلش انا عندى سؤال

ازاى انتى بتقولى ان معاكى خبرة واكيد زوجك جامعى ومعاه هوكمان خبرة وكان ناقص ليكى درجتين فى اللغة

هو انتى جيبتى كام فى اكتحان الايلتس ..

وهل انتى مثلا مطلوب منك 12 درجة فى اللغة ولغاية ميعاد النترفيو جيبتى مثلا 10 درجات يبقى كدة ناقص درجتين ممكن فعلا لو ذاكرتى فرنساوى كويس تاخديهم فى المقابلة عادى ويبقى انتى جمعتى درجات اللغ ولا اية..

معلش انا متلغبط شوية وياريت توضحى ...

الف مبروك مرة تانية ويارب يتمم حلمك على خير انتى واللى زيك وكلنا هنا فى المنتدى الجميل دة

مستنى الرد..

وياريت كمان تحكيلنا بالتفصيل عن ملفك كان اية اللى فية والاورارق اللى كانت معاكى واللى كانت مطلوبة منك .

شكراااا

[mezo]

الف مبروك مدام هالة وان شاء الله يتمم ليكى بقية اجرءآت اللاندينج معلش كان ليا استفسار بالنسبة للفيش الى من السعودية لما انتى بتعمليه بتعمليه بالاقامة ولا بالباسبور لانى كنت عايش فى السعودية وسبتها من زمان وعايز ارجعلها زيارة اعمل الفيش علشان عايزينه فى سفارة كندا ولما بتقدمى عليه بتاخديه بعد اديه علشان اعرف ارتب نفسى على الزيارة تبقى اد ايه لانى مش عارف اعمل ايه فى الموضوع ده

[halah]

الاستاذ علاء شبانة

الف شكر ع دعواتك ربنا يكرم الجميع

بالنسبة لاليلتس انا اخدت 12 بس نقصونى درجتين فى الخبره و ارسلوا لى انى لازم اعمل امتحان tef عشان اكمل الدرجات المطلوبه ولازم ارسله لهم فى خلال شهرين طبعا الموضوع ده كان شبه مستحيل بالنسبه لى خصوصا انى كنت زيرو فى الفرنش فبعتلهم قلتلهم ان الامتحان لا يوجد له سنتر فى الرياض وانى حاضطر اسافر البحرين و هذا مكلف جدا و ان الخبرة كافيه و انا ع اتم استعداد لعمل الانترفيو لاثبات ذلك فبعتولى ع الانترفيو و عشان كده المحامى نصحنى انى اذاكر فرنش احتياطا عشان لو ما اقتنعوش بالخبره ساعة الانترفيو يدونى درجتين فى الفرنش طبعا حضرتك عارف الاوفيسر عنده الحق ساعة الانترفيو انه يزودك حتى 10 درجات لو حس انك تستاهل

بالنسبه للاوراق المطلوبه همه بيبعتوا لسته مطبوعه لكل الناس اللى عندهم انترفيو بنفس الطلبات وكان ترتيت الاوراق عندى كالاتى

شهادات ميلاد - باسبورات- شهادة الزواج -شهادة البنك - شهاده الفيش و التشبيه - الشهادات الدراسيه - شهادات الخبره- الشهاددات الدراسيه للزوج- خبره الزوج ثم وضعت بعض المعلومات عن كندا مثل الطقس و اسعار الشقق و الوظائف المتوفرة فى مجالى و بجانب ذلك كنت عامله ملف كامل عن كندا طبعته من الموقع و طبعا حطيت الابليكشن فى مكان اخر فى الشنطة لعدم اللخبطه

وشكرا

[moheltohamy]

ألفين مبروك يا هالة... دلوقتي بس نقدر نقول لك عدي الأيام اللي تفصلك عن كندا وتلجها bv:-

حاولوا تحوّشوا فلوس على أد ما تقدروا ؛ كل سنت هتحوشوه هينفعكوا هناك.

وإبدؤوا مخمخة في السكن ع النت ، وآهو منها تاخدوا فكرة عن مناطق تورونتو (أو أيّاً كان المكان اللي رايحينه).

وبالمرة إبدؤوا في السيرش وخدوا فكرة عن الوظائف في كندا ع النت ، وآهو تعرفوا إيه المتطلبات هناك لسوق العمل مقدماً.

وألفين مبروك تاني... ونوّرتوا كندا مقدماً wst::

[supersuper]

يا ريته الف الف مبروك

يا رب تتيسر باقي الامور معاكم

يعني اللي انا فهمته لو كان مطلوب مني في الايلتس 16 عشان اكمل الـ 67 نقطة

وانا جبت مجموع اقل ممكن يوافقوا علي بس يحددوا مقابلة معي عشان يختبروني؟

يعني لو نقصت عن المجموع ما بلتغى ملفي زي ما انا كنت متصور؟

[halah]

الدكتور تهامى ألف شكر ع نصائحك وربنا يعمل اللى فيه الخير ان شاء الله

الاستاذ ميزو بالنسبه للفيش و التشبيه فهو بيخلص فى خلال اسبوع و بيكون بالباسبور بس لازم همه يبعتولك من لندن خطاب موجه الى وزارة الداخلية ادارة البحث الجنائى وانت تملا بياناته و توثقه من وزاره الخارجيه السعوديه وبعدين تروح ادارة البحث الجنائى تكمل بقيه اجراءات الفيش و بالتوفيق ان شاء الله

الاستاذ سوبر سوبر لأ مش بالضبط كده زى ما انت فاهم انا كنت استحق الدرجه كامله فى الخبرة بس مسمى الوظيفه كان ملخبطهم شويه هناك

[bent misr]

الف الف مبرووووووووك يا مدام/ هاله وعقبال باقي الاجرآت ان شاء الله

والف شكر لك على نصائحك الجميله والمفيده :blink:

وعقبالنا يا رب :happy:

[Ebn Sina]

الف مبروك يا استاذة هالة

ربنا يوفقك ويكمل لك الموضوع على خير......وان شاء الله تنورى كندا قريب انت والاسرة الكريمة

انا عندى مقابلة لكيبيك الشهر الجاى فى القاهرة واتمنى من الله ان تمر مقابلتى بتلك السهولة وفى مدة قليلة ...اصل انا قلقان من المفاجات التى ممكن تحصل

بس ف نقطتين عايز اسال حضرتك عليهم

حضرتك قلت ان هيبعتوا لك كشف الميديكال فى خلال فترة بسيطة ...فهل ده معتاد اصل فى حدود معلوماتى ان الكشف الطبى بيتبعت بعد 6 او 7 شهور ع الاقل بعد المقابلة؟

ثانيا بالنسبة للفيش هنا فى السعودية -انا شغال فى السعودية- ...انا هسال سؤال عكس الاستاذ ميزو وهو هل ممكن اطلع الفيش باستخدام الاقامة .لان هنا لو عملت قرد قدام الكفيل عشان اخد الباسبور يوم واحد مش هيرضى...وهيعملى تحقيق كانه باسبوره مش باسبورى؟

فرجو ان حضرتك تجاوبينى على اسئلتى ......ومبروك تانى على النجاح فى الانترفيو

[alaashabana]

halah مشاركة بتاريخ أمس, 09:35 PM

الدكتور تهامى ألف شكر ع نصائحك وربنا يعمل اللى فيه الخير ان شاء الله

الاستاذ ميزو بالنسبه للفيش و التشبيه فهو بيخلص فى خلال اسبوع و بيكون بالباسبور بس لازم همه يبعتولك من لندن خطاب موجه الى وزارة الداخلية ادارة البحث الجنائى وانت تملا بياناته و توثقه من وزاره الخارجيه السعوديه وبعدين تروح ادارة البحث الجنائى تكمل بقيه اجراءات الفيش و بالتوفيق ان شاء الله

مدام هالة بجد متشكر جداا جدا على درك ويارب يكون فى ميزان حساناتك ويوفقك هناك فى كندا يارب...

معلش تانى انا اتلخبطت فى موضووع الفيش دة..انا فى الامارات ..وكنت متخيل انى لما احتاج فيش هروح على طول للسفارة المصرية هنا واقولهم عاوز اعمل فيش وتشبية موجهة الى سفارة كندا..هل كلامى كدة صح ولا اية ..

ولا بيبقى موجه لمكتي لندن؟؟ بصراحة انا كنت فاكر موضوع الفيش دة عادى بس انا كدة اتلخبطت جداا..معلش لو تجاوبينى ...

تانى حاجة انتى بتقولى انهم عملوا معاكى الانترفيو علشان كانوا متلخبطين فى موضوع الخبرة ..طيب هل هما لما عملوا معاكى الانترفيوا سألو على الكلام اللى انتى كتبتية فى البلكيشن ؟؟ يعنى وقت تقديم الملف..؟؟ ولا بعد ما عملتى الابديت ؟؟

يعنى انا قصدى مثلا وقت تقديم الملف كان معاكى 4 سنين خبرة ..بس مش معاكى اثبات لهم غير شهاات خبرة لسنتين بس..بعد كدة لما عملتى الابديت مثلا او وقت ميعاد الانترفيو كنتى جيبتى كمان سنتين خبرة وبكدة بقى عندك 6 سنين خبرة لكن سنوات الخبرة موثقة بالشهادات لاربع سنين بس.. هل همل هيقوليلك كدة انتى كذبتى علينا ولا عادى..؟؟

انا بصراحة قرات كلام كتير فى النقطة دى وسمعت كلام من ناس كتير ..لكن عاوز احدث واحد عمل الانترفيو هو اللى يقولى ..

تقلت عليكى ..معلش حقك علية .... ويارب يارب يارب تكونى سعيدة فى حياتك ويوفقك

[mezo]

halah مشاركة بتاريخ أمس, 09:35 PM

الدكتور تهامى ألف شكر ع نصائحك وربنا يعمل اللى فيه الخير ان شاء الله

الاستاذ ميزو بالنسبه للفيش و التشبيه فهو بيخلص فى خلال اسبوع و بيكون بالباسبور بس لازم همه يبعتولك من لندن خطاب موجه الى وزارة الداخلية ادارة البحث الجنائى وانت تملا بياناته و توثقه من وزاره الخارجيه السعوديه وبعدين تروح ادارة البحث الجنائى تكمل بقيه اجراءات الفيش و بالتوفيق ان شاء الله

مدام هالة بجد متشكر جداا جدا على درك ويارب يكون فى ميزان حساناتك ويوفقك هناك فى كندا يارب...

معلش تانى انا اتلخبطت فى موضووع الفيش دة..انا فى الامارات ..وكنت متخيل انى لما احتاج فيش هروح على طول للسفارة المصرية هنا واقولهم عاوز اعمل فيش وتشبية موجهة الى سفارة كندا..هل كلامى كدة صح ولا اية ..

ولا بيبقى موجه لمكتي لندن؟؟ بصراحة انا كنت فاكر موضوع الفيش دة عادى بس انا كدة اتلخبطت جداا..معلش لو تجاوبينى ...

تانى حاجة انتى بتقولى انهم عملوا معاكى الانترفيو علشان كانوا متلخبطين فى موضوع الخبرة ..طيب هل هما لما عملوا معاكى الانترفيوا سألو على الكلام اللى انتى كتبتية فى البلكيشن ؟؟ يعنى وقت تقديم الملف..؟؟ ولا بعد ما عملتى الابديت ؟؟

يعنى انا قصدى مثلا وقت تقديم الملف كان معاكى 4 سنين خبرة ..بس مش معاكى اثبات لهم غير شهاات خبرة لسنتين بس..بعد كدة لما عملتى الابديت مثلا او وقت ميعاد الانترفيو كنتى جيبتى كمان سنتين خبرة وبكدة بقى عندك 6 سنين خبرة لكن سنوات الخبرة موثقة بالشهادات لاربع سنين بس.. هل همل هيقوليلك كدة انتى كذبتى علينا ولا عادى..؟؟

انا بصراحة قرات كلام كتير فى النقطة دى وسمعت كلام من ناس كتير ..لكن عاوز احدث واحد عمل الانترفيو هو اللى يقولى ..

تقلت عليكى ..معلش حقك علية .... ويارب يارب يارب تكونى سعيدة فى حياتك ويوفقك

اتا زيك فى الامارات لما بتحتاج فيش وتشبيه مصر بتروح القنصلية تدفع 30 درهم ويبصموك على نموذج الفيش وتبعته مصر لاى حد يخلصه فى القسم من غير حواب من اى حد انا خلصته فى اقل من اسبوع لكن الامارت بردك من غير جواب بتروح الادارة العامة لشرطة دبى الى عند المطار وتدفع 110 درهم ويبصموك بس لازم اقامتك تكون اكتر من 6 شهور انما بقى السعودية والكويت هما الى بيحتاجو الخظاب الى قالت عليه مدام هالة ومش هيعملو حاجة من غيره