عايز تاشيرة فى الخليج بسرعة لزراعى

[tomicrouz]

اهلا

السلام عليكم يا اهل الصدق والاحسان

انا عايز تاشيرة زراعية

اى لمهندس زراعى مشرف زراعى عامل زراعى

اى حاجة فى كلمة زراعى عشان الباسبور مكتوب فيه اجرونوميست اى زراعى

وياريت اللى يقول عنده اعرف ثمنها يحط الثمن وفين ومتوسط الراتب ياريت

وانا جاهز اسافر فى اى وقت

tomicrouz@yahoo.com

او كلامونى على الخاص

[HDarwish]

أهلا بيك يا زميل

Agronomist

غربية إنك تكون Agronomist وتضع بين الوظائف اللي تطلبها "عامل زراعي"

نصيحتي ليك ما تضحيش في البداية علشان ما تضحيش للنهاية

تحياتي

[tomicrouz]

أهلا بيك يا زميل

Agronomist

غربية إنك تكون Agronomist وتضع بين الوظائف اللي تطلبها "عامل زراعي"

نصيحتي ليك ما تضحيش في البداية علشان ما تضحيش للنهاية

تحياتي

ههههههههههههه هو انا لقيت وقلت لا

ادعو لى يا اخى

[HDarwish]

لو لسه متخرج ... أنصحك خد خبرة الأول عندك وبعدين هتلاقي الشغل اللي هيجيلك مش انت اللي هترحله ... وبلاش تستعجل

ما تزعلش إذا كنت بقولك على الصح ... أنا كنت بزعل لما كنت في موقفك بس عرفت إن أنا كنت غلط بعد ما اتعلمت

ربنا يوفقك ... ولو في أي شيء أقدر أقدمه أنا في الخدمة

تحياتي

[HDarwish]

أقولك على حاجة أحسن من ده كله

قدم على هجرة أحسن سواء كندا أو استراليا

وبصراحة أنا أرشح أستراليا wst::

" على فكرة أنا شايف إيهاب سالم متابع معانا ... ياريت يشاركنا"

تحياتي

[tomicrouz]

اااايا جماعة ارجوكم بلاش نخرج عن الموضوع

انا طلبى صريح اللى معه فيزا يخش ويقول السعر

انا مش عايز نصائح من حد (مع احترامى)

وانا خبرة 5 سنين وسنى صغير 27 سنة

يعنى كل شى متوفر عندى ولغة انجليزية وروسية

شكرا

ارجو الرد فى صلب الموضوع

[HDarwish]

أنا آسف

لم أكن أبغي إلا كل الخير

تقبل إعتذاري

دعائي لك بالتوفيق

[الحاج فوزى]

اااايا جماعة ارجوكم بلاش نخرج عن الموضوع

انا طلبى صريح اللى معه فيزا يخش ويقول السعر

انا مش عايز نصائح من حد (مع احترامى)

وانا خبرة 5 سنين وسنى صغير 27 سنة

يعنى كل شى متوفر عندى ولغة انجليزية وروسية

شكرا

ارجو الرد فى صلب الموضوع

أتفهم أنه قد يكن لك ظروف تجعلك ترى أن سفرك هو الحل الوحيد .. وبالتالى تغلق عقلك عن أى نصيحة ..

لكن نصيحتى لك حتى وإن كنت لا تريدها .. أن تصغى للآخرين وتستمع لما يقولون .. فإن من ينصحك قد يكون أعلم منك وأدرى بالحال الذى تسعى إليه حتى لو كنت عاملاً زراعياً .

يا أخى صدقنى وأنى أعنى ما أقول وكل من يسمع ويعرف سوف يؤيدنى .. الخليج ليس جنة الله على أرضه لو جبل من الدنانير ستنهل منها كما تشاء .

وأسوء طريق لدخوله هو الطريق الذى تبحث عنه أنت الأن .. وهو شراء فيزا بعشرات الألف من الجنيهات طمعاً فى تعويضهم .. ولا أدرى كيف تحسب ذلك براتب عامل . وفى خلال كم سنة من عمرك .

والله لسه فى مشكلة عامل مصرى هنا فى الكويت ، إشترى إقامة برضو بحوالى 30 ألف جنيه .. وقعد سنة بدون عمل ، وكل ما يعوز أى شىء من الكفيل بفلوس ، وأخر شىء الكفيل بيتهرب علشان مش عايز يحوله الكفالة ولا عايز يجدد له .

وعمال ادور له على معارف ووسايط لأنه بكل أسف أول كفيل والعامل مؤهل متوسط .

وحتى بإستثناء من وكيل الوزارة الموضوع مش عايز يمشى وواقف برضو بسبب ملف كفيل اللى بايع عشرات الفيز والإقامات لمواطنين مصريين يبحثون عن لقمة العيش.

وهو الأن معرض للتسفير بعد ما دفع كل ده وقعد سنة بيستلف ..

كل ما أعنيه من تلك الحكاية أن أوعيك إلى أخطار شراء إقامات أو فيز .

يا أخى أعلم والله أن الظروف قد تدفع الشاب للمخاطرة ، وأنها قد تغلق إذنك عن السماع لكلمات ناصح لا يعرف ظروفك .

لكنى أدعوك للتفكر والإستخارة قبل الإقدام على خطوة كتلك .

وأدعو الله أن يوفقك فى العثور على العمل الحلال الذى يغنيك حتى يكفيك .

ولو لفت الأيام ودارت وأتيت للكويت وعوزت شىء إبقى كلمنى .

تحياتى .

أخوك الحاج فوزى .

[tomicrouz]

شكرا يا عم فوزى؟

يا عنى لو جيت الكويت تظبطنى فى الشغل ولا حتبعنى؟

تم تعديل 28 أكتوبر 2008 بواسطة tomicrouz

[se_ Elsyed]

يا اخ تومي كروز اسلوبك في الكلام غير مقبول وليس مرحباً به في منتدانا

فلا نحن سوق تجاري ولا محل بقالة داخل تشتري منه تُمن جبنه بفلوسك وبتتأمر على البياع

بالمناسبة لو كان اي حد تطوع وكتب عن تأشيرة وسعرها .. فكنا سنحذف ذلك فوراً لإن مش ده هدف منتدانا

سأضع لك بعضاً مما قلته لعلك تراجع نفسك

انا طلبى صريح اللى معه فيزا يخش ويقول السعر

انا مش عايز نصائح من حد (مع احترامى)

يا عم شكرا بس انت خرجت عن الموضوع لتانى مرة

فين التاشيرة؟ فين السعر؟

نرجو التعلم مش كله كلام كلام

سوالى واضح يا عم فوزى يا كبير الحتة!

قرار اخير : سيتم نقل موضوعك للأرشيف بعد ان تقرأه لإننا لا نبيع ولا نشتري تأشيرات عمل ولا نساعد على ذلك .. وكل دور الزملاء الافاضل الموجودين هو تقديم النصح لوجه الله لقليلي الخبرة او طالبي النصيحة .

واهلاً بك في اي موضوع اخر غير ما تفكر فيه

الإدارة

سي السيد