أخوكم من الجزائر...يشاركم مشوار الهجرة...

[hamdy farag]

السلام عليكم ورحمة الله وبركاته

يا أخوانا من فضلكم كفايه أنتم هتتخانقوا ولا ايه الموضوع إختلاف فى وجهات النظر (( والإختلاف في الرأي لا يفسد للود قضية ))

بس أنا عاوز حد يدلني برضه أعمل ايه (( براَ أم بحرا َ أم جواَ )) أنا عاوز أسافر أوروبا بطريقه مضمونة وخلاص بالله عليكم كفايه أنتقادات للآراء وحاولوا تساعدوني

وأنا بعتلك يا أخي الجزائري رساله عالخاص ومستنى الرد منك. وإن كنت متكبر عالسفر لفرنسا فغيرك (( مثلي )) متوااااااااضع جدا ومستعد للسفر.

و أنت يا أستاذ حمدي فراج بتقول أنك كنت بشتغل في منظمات دولية وأقاربك في منظمات حقوق إنسان وصديق لرئيس سابق يعني ولله الحمد أنت (( مش من ثوبنا ))

أنت راجل عايش في كيبك وإنا شاب غلبان محتاج للي يشجعني مش اللي (( يكسر مقاديفي )) أخوانا اللي في بروج عاليه إحنا تحت أوي وربنا وحده عالم بحالنا أنا لا بفكر في أني آخد قرض مليار من بنك وأهرب ولا بفكر أني أعمل مشاريع إستثمار وهمية أنصب بيها عالغلابة مثلما يفعل كبار المستثمرين والمسئولين (( علية القوم ))

أنا شاب في بداية حياتي ومتعلم وخريج جامعه ملقتش فرصه مناسبه في بلدي فاضطريت أني أسافر للسعوديه ولما جيت لقيت الوضع مش اللي هو يعني هتعيش كويس وبس تاكل وتشرب وتلبس بس فين ثمن الغربه وفين اللي هتحوشه ؟؟؟؟؟؟!!!!!!!!

أنا سايب إبني من يوم ماربنا رزقني به عمره الوقتي سنه وكام شهر بدأ يعرف الناس اللي حواليه ولسه ميعرفش أبوه اللي هو أنا وأنا لسه مشفتوش غير عالنت علشان الظروف الصعبة اللي في البلد وكل أمنيتي في الحياه أني أحصل على فيزا لأوروبا علشان عاوز أعيش أسرتي حياة كريمه وربنا يوفقني بجهدي وتعبي عاوز أشتغل وأتعب وأعمل حاجه لأولادي وأنا شايف ده في المكان ده لأن ببساطه التعب والجهد هناك بمقابل (( متهيألي ده حلم بسيط )) ولا كتير عاللى زيي؟؟؟؟؟؟؟؟؟؟؟؟؟

وجزاكم الله خيرا

والسلام عليكم ورحمة الله وبركاته

اخي عاشق الترحال انا لا افعل ماذكرت ولكن اكتب لك من واقع خبرتي وليس من واقع ما قرأت او ما سمعت كما يفعل كثيرا من الناس...بالتوفيق وعذرا اذا كانت الصراحة مؤلمة.

[شاب مصري]

أخي عاشق الترحال

ارسلت لك رسالة خاصة هامة

قد تفيدك ان شاء الله في موضوعك

بس انا لا اتحمل مسؤولية الأمر يعني انت فكر في الموضوع وقرر وربنا يوفقك .

تم تعديل 1 نوفمبر 2008 بواسطة شاب مصري

[عاشق الترحال]

السلام عليكم ورحمة الله وبركاته

أخواني الأعزاء

شكرا لكل واحد رد على طلبي وحاول مساعدتي أنا فعلا لازم أفكر وبالنسبه أني آخد أسرتي معايا وأنا بفكر أمشي غير شرعي ده مستحيل طبعا لأني عارف أن اللي بيقوموا بالتهريب (( مجموعة من الشياطين )) ومش مستعد أني أضحي بأسرتي وآخذهم معايا في طريق مش مضمون

وعيب يا أخي موضوع اللجؤ بالأساليب الرخيصة دي انا عارف تقصد أيه بس أنا عاوزكم تعرفوا أني (( مش واقع أوي يعني )) لما بفكر في السفر بفكر أدخل البلد حالي حال كل الناس اللى عاوزه تسافر هناك وبعدين يشتغلوا وبعدين يدوروا عالإقامة وأنا كنت بفكر في دخول دوله إتحاد أوروبي علشان ممكن أقدر من خلالها أوصل لأيطاليا وهناك إن شاء الله هتفرج لأن ليا فيها أصدقاء ومعارف كتير بس كلهم للأسف ميعرفوش غير (( طريق البحر ))

أكرر شكري وإن شاء الله هفكر وأشوف آخر الحكاية دي أيه معايا !!!!!!!!

وجزاكم الله خيرا

والسلام عليكم ورحمة الله وبركاته

[عاشق الترحال]

السلام عليكم أخي (( شاب مصري ))

أشكرك على رسالتك وأنا هكلمه وأشوف نظامه أيه وربنا يسهلها

وبكرر شكري لك

وجزاك الله خيرا

والسلام عليكم ورحمة الله وبركاته

[شاب مصري]

السلام عليكم أخي (( شاب مصري ))

أشكرك على رسالتك وأنا هكلمه وأشوف نظامه أيه وربنا يسهلها

وبكرر شكري لك

وجزاك الله خيرا

والسلام عليكم ورحمة الله وبركاته

ربنا يوفقك

[عاشق الترحال]

السلام عليكم ورحمة الله وبركاته

أخونا الجزائري

أنت فين ياعم أنا بعتلك الرساله ومستني ردك من يومها ولسه مردتش !!!! أيه أنت رجعت في كلامك ؟؟؟؟؟؟؟؟؟؟

شكرا