حصيلة الغربة كالزهرة .. عليك أن تعرف متى تقطفها وترحل..

[سكر]

الموضوع قتل بحثا فى المنتدى بس مش عارف لية حبيت الناس تقراء تانى

لانى اعتقد انه الشاغل الاساسى للحياة فى الغربة

وكمان عجبنى المقولة بتاعة الزهرة

على العموم هترك ليكم الموضع المنقول من مصراوى

بس بردة المقولة عجبانى

حصيلة الغربة كالزهرة .. عليك أن تعرف متى تقطفها وترحل..الفقر في الوطن غربة والفلوس في الغربة وطن.

هكذا يتحدث المغتربون، بعضهم يقسم أنه لن يترك بلاد الخليج ومجتمع الوفرة حتى ينضب آخر بئر بترول بها..وبعضهم يكتفي بتحقيق الهدف الذي ذهب الى هناك من أجله، ويعود إلى بلده ليستأنف حياته من جديد.

وكثير منهم يتحججون بالظروف الاقتصادية الصعبة في مصر، وتفشى الفساد والمحسوبية والعشوائية في كل شئ وعدم احترام القانون، ليظل يغترف من أموال النفط.

البعض الآخر تحول إلى مجرد "حصالة" يطفح المر في الغربة، ثم يرسل الأموال إلى زوجته وأولاده ويعود كل سنة ليقضي شهرا معهم كالضيف، وكلما قال لهم، لقد آن الأوان لأعود، يقولون له.. سنة كمان علشان الحياة صعبة والمعيشة غالية .. والولد يريد كذا والبنت لازم تتجوز .. وسنة تجر سنة والعمر يضيع .. فمن أي صنف أنت عزيزي المغترب.. ولماذا أصبح الكثيرون يفضلون الغربة على الحياة في مصر؟!

في البداية يقول المهندس إبراهيم إنه يفضل الحياة في السعودية عن العودة إلى مصر، حتى لو تحقق له المال الذي يكفيه ويكفي أولاده ويؤمن مستقبله، وأنه ظل يعمل سنوات طويلة في بلده بما يرضي الله ولم يحقق سوى الفشل والإحساس بعدم الجدوى، فمعظم من تعامل معهم في المشروع الذي وضع فيه ميراثه من أبيه ليبدأ به حياته، نصبوا عليه، ووجد نفسه في النهاية مديونا بمبالغ كبيرة لا يستطيع ردها، فكان قراره بالسفر.

ويضيف أنه يشعر في الخليج بأنه ينجز ويحقق أشياء لم يكن سيحققها لو استمر في العيش بمصر، وكل ما يؤرقه هو زوجته وأولاده الذين لم يستطع بسبب ظروف دراستهم اصطحابهم معه إلى هناك..لكنه يعوض ذلك بكثرة النزول لرؤيتهم في إجازات ويحرص على ألا تزيد فترة غيابه عنهم سوى شهور قليلة للغاية.

أما علي وهو صاحب ورشة ميكانيكا في دبي، فهو يرى أن الغربة وردة يجب أن تعرف الوقت الملائم لاقتطافها ثم تعود نهائيا إلى بلدك، وقد اقترب هو كثيرا من قطف الوردة، بعد 15 عاما قضاها في الغربة.

وقد تعهد بينه وبين نفسه، أن يقيم مباراة اعتزال-على حد تعبيره-في عام 2010 ويعود إلى مصر، بعد أن رتب أموره جيدا، مشيرا إلى أن وجود زوجته وطفليه معه في الإمارات كان أحد أهم الأسباب التي أعانته على الاستمرار هناك.

ويرفض "علي" كلام من يدعي أن الحياة في مصر أصبحت مستحيلة، ويعتقد أن من يقول مثل هذا الكلام يحاول أن يبرر لنفسه رغبته في جمع المزيد من الأموال، وان كان يعترف بأنه يعلم مسبقا أنه سيواجه متاعب كثيرة بعد العودة، لكنه يرى ذلك شيئا طبيعيا.

ويؤكد أن الحياة في الغربة ليست مفروشة هي الأخرى بالورود..لكن المهم أن تعرف لماذا سافرت، وماذا تريد من هذه التجربة؟!

ويعترض المحاسب "وائل" على هذا الكلام..ويقول إنه عاد إلى مصر بالفعل بعد السنوات الخمس الأولى التي قضاها في الغربة، وظن أنه جمع ما يكفيه ليفتتح مشروعا خاصا في بلده، لكنه فوجئ بالجميع يقفون ضده، وأن الأمور كلها لا تسير سوى بالرشاوى و العلاقات، ولأنه كان لا يؤمن بالاثنين، فقد ضاعت تحويشة عمره في مشروع فاشل، واضطر للسفر مرة أخرى، ولكن هذه المرة بلا نية في العودة.

و الدكتور "صلاح" المغتربين من "النداهة" ..ويرى أن من يتخذ قرار السفر الى الخارج لابد أن يحدد في البداية الهدف من هذا السفر، ويضع لنفسه حدا معينا سواء في حجم المبلغ الذي يريد أن يجمعه ويعود، أو في عدد السنوات التي يقضيها هناك، بغض النظر عما حققه أم لم يحققه فيها، أما أن يظل مغتربا هكذا بلا هدف، أو يسير وراء سراب الطموحات التي لا تنتهي ، فهذه هي الخدعة التي يقع فيها كثيرون..فبعد الشقة وفرشها، يأتي حلم الحصول على الشاليه، ثم ثمن "العربية"، ثم المبلغ في البنك الذي سيؤمن له الحياة بعد العودة.

وهكذا كلما أراد أن يعود، يجد ألف مبرر ومبرر للبقاء..ويظل يدور في حلقة مفرغة، حتى يكتشف أن عمره ضاع في الغربة، وأنه لم يستمتع بالثروة التي أفنى حياته لكي يحققها!

[ابو حودة]

مبارة الاعتزال بتاعتي ان شاء الله صيف 2011 يعني بعد 3 سنين

[osmel33]

الأخوة الأفاضل والله أنا قعدت مع نفسي كده أشارك ولا مشاركش فى الحوار السو ده :shs: لأنى اتكلمت فى الموضوع ده فى أكثر من مكان بس قولت بما أنه اتعمله توبيك خاص بيه من الأخ الجميل ataamer فلازم الواحد يدلو بدلوه وأستحملوا بقى

بص يا عضو أنت هو ومش عارف أقول من حسن الأقدار ولا من سوئها أنى بسافر بره مصر من ساعة ما اتولدت يعنى أهلى خدونى كده وأنا حتة حمرة زى ما بيقولوا وعلى خميس مشيط فى أبها عدل ومن غير أحم ولا دستور وعشت هناك سنين وكنا بننزل مصر اللى هى أم الدنيا طبعاً وكنت باحس انى بسافر اتفسح فى بلد مش بلدى المهم بعد أما قعدنا كام سنة أكتشفت إنى المفروض أنتمى لهذه البلد اللى اسمها مصر المهم عدت سنين والواحد اتخرج ورجعت لغربتى لوحدى ثم مع أولادى بعد كده وبعد ما توفى الله أمى وأبى أقولكم شعور يمكن يكون صعب شوية أنا فى الغربة فى أى بلد باحس أنى عايش ولما برجع مصر باحس انى متضايق وياريت الناس بتوع الشعارات يسيبونى أكلم وأكمل من غير ما حد ينطلى prt: لأنه ده بقى بالذات اللى حس بيه ناس كتير غيرى من اللى مش واخدين على السفر من صغرهم زى حالاتى وبيحسوا بيه أنهم بيكونوا مبسوطين فى الغربة أكتر من وجودهم فى مصر وده طبعاً تحديداً للى ولادهم عايشين معاهم بره وبالتحديد أكتر للناس اللى فى الإمارات أو قطر والبحرين وممكن يعنى الكويت وعمان لأنهم بيلاقوا حاجات مابيلاقوهاش فى مصر واللى زى حالاتى عايشين وخلاص لا فيه حصيلة ولا زهرة غير تربية أولادى فى مكان كويس حساباتهم مختلفة عن حسابات منطق الماضى أنا مسافر علشان الفلوس :lol: والكلام من ده لأنى أنا شخصياً مع إقامتى بره مقدم أنا وأولادى على هجرة يبقى المسألة بتاعة السفر للفلوس ما بقتش بتاعتنا خالص بس فيه سؤال عايز أسئله وهو سؤال صعب جداً بس للأسف فيه ناس موجوده فى مصر بيعنيهم الموضوع ده أنته بتكره مصر ولا بتكره اللى بيحصل فى مصر وناس معينين فى مصر وطبعاً واخدين بالكم الناس ده معروفه وخليها فى سركم :lol: انتم عارفين أنا سألت السؤال ده لواحد صديقى جبته يشتغل معانا فى الدوحة قولتله أنت بتكره مصر ولا ناس فى مصر تخيلوا قاللى أيه قالى أنا كنت شغال فى شركة فى مصر وبعدين استقلت من الشركة ومابقيتش حابب أسمع اسمها واخدين بالك" الشركة" فلما سبتها سبت الشركة مش الناس اللى فى الشركة ودى المصيبة يا أخوانا الناس مابقيتش عارفه هما بيكرهو الشركة ولا الناس اللى فى الشركة bv:-

[osmel33]

معلش للتصحيح مابقتش عارف عارف مش عارفه فى آخر الجملة لحد يتحول ولا حاجة :lol:

[alaashabana]

انا كمان عاوز اشارك ..[س قبل ما اقول اى كلمة دى كلها اراء يا جماعة يعنى ممكن تختلف مع حد

بصراحة بعد ما قرأت كلام osmel33 وبعد كلام ataamer انا عاوز اقول رايى بصراحة ..

اولا انا مش من النوع اللى اتولدت برة علشان كدةمتعود على الغربة ومش من النوع بردو اللى علشان اول ما طلعت برة وشوفت الحاجات الجميلة اللى مش موجودة فى مصر يبقى مصر وحشة وافضل اشتم فيها..

لأ يا جماعة ..فعلا فية سؤال فى المداخلى اللى فاتت وهى" هل نات بتكرة مصر ولا الناس اللى فى مصر "

فضضلت افكر فى السؤال دة كتير اوى

بس الاول عاوز اخلص كلامى ... انا سافرت دبى من سنة تقريبا .. وقبل كدة اشتغلت فى اماكن كتير اوى فى مصر فى شرم والساحل واسكندرية ..يعنى لفيت شوفت الحلو وشوفت الوحش..

انا لما هتكلم عن مصر او اقارنها مثلا بدبى مش هتكلم عن الشوارع النظيفة والاماكن الجميلة ..لألأ اصل الشوارع اللى مش نظيفة احنا اللى عملنا فيها كدة ..بس بردو علشان مش لاقينا صناديق زبالة نرمى فيها ..

لكن انا لما مثلا بكرة مصر او مش عاوز ارجع مصر يمكن اول حاجة بتيجى فى دماغى الحكومة..

مقصدش الحكومة اللى هما مجلس الشعب والحاجات دى ..لألأ انا مليش فى السياسة خالص.

لكن انا قصدى اللى شغالين فى الحكومة .. شئون الموظفين ،، شئون الطلبة ،، اى مصلحة حكومية ،،

يا جماعة انا لما اتخرجت من الكلية كانت لسة شهادة الميلاد اللى بالكومبيوتر نازلة جديد وكانوا عاوزينها فى علشان تقدم على التجنيد ..اقسم بالله انا شوفت مهازل علشان بس تستخرج شهادة..وفضلت يوم كامل من الساعة\ه 10 الصبح لغاية 6 بالليل علشان بس اقف فى الطابور واوصل للشباك بعدكدة جية على دورى وقفل..

اضطريت اجى تانى يوم من الساعه 4 الفجر علشان الحق مكان فى الطابور ..

انا مش عارف لو هحكى اقول اية ولا اية ولا اية ...

بلاش بجد احسن نفسى اتسديت ...وانا فعلا مش بحب مصر .. وعلى جثتى ان ارجع لها تانى ..وبردة مش عاوز اعيش فى الخليج طول عمرى يبقى فعلا زى ما استاذ ايهاب قال مفيش حل غير الهجرة ..

وحياة ابوكم مش عاوز ناس بتوع شعارات وكلام فارغ ويقولوا علشان طلعنا برة نسينا مصر وجمالها..

اصل الناس اللى بتقول على مصر جميلة انا اسف فى الكلمة شايفانها من وراء شباك العربية بتاعتهم ..وشايفنها لما بيروحوا يتفسحوا فى شرم الشيخ ولا الساحل الشمالى ...واوراقهم الرسمية بتيجى لغاية عندهم فى البيت ومش بعيد كمان تكون رخصة السواقة بتاعتهم جاتلهم لغاية بابا البيت ...

لكن بحب مصر علشان اهلى فيها ..واصحابى ... مفيش ضمير ولا نظافة ولا احترام للبنى ادام .... هقول اية ولا اية..

[بنت الشاطئ1]

معلش للتصحيح مابقتش عارف عارف مش عارفه فى آخر الجملة لحد يتحول ولا حاجة :lol:

الناس مباقتش عارفة..مفيش غلط خالص

[alaashabana]

طيب ان اعندى سؤال بالنسبة للاخوة اللى بيموتوا فى تراب مصر

انت احسن من احمد زويل ؟؟؟؟

تفتكر لية احمد زويل بعد ما وصل للمكانة العالية دى ومتهيألى مفيش حاجة اكبر من نوبل ..تفتكروا لية منزلش مصر واستقر فيها باقى عمرة ؟؟؟

فعلا مصر مش امى ..مراتة ابوية القاسية الغبية فى تصرفاتها ...

[melhamy]

الأخ / alaashabana

انا برد عليك مع انى عارف ان ردك فى التوبك هيكون زى ماقرءت لإنى والحمدلله عندى ملٌكه بمعنى (إحساس) فى حسن تقيمى للناس و انا لما رديت على اسلوبك فى نشر الصور عن مصر وبعنوان ( حاجة تكسف ) لقيتك غيرت الكلام وخليتنى أحس أنى ماشوفتش مصر ....

رغم إنى فعلاً من مواليد السعودية و عمرى 29 سنة ونصيب العيش فى مصر منها 11 سنة فقط لكنى لا أقبل أى كلمة تسيئ لمصر و عندى أستعداد أضرب أتخن واحد يتكلم عن مصر بمليوووووووووووووووون جرزمة و لما بقول فداكى يا مصر بقولها و انا عااارف معناها و رغم ال 11 سنة اللى عيشتها فى مصر فترة الجامعة والثانوى هناك فأنا واثق انى شوفت فيها أكتر مما قد يشوفة اى شاب عايش فى منطقتهم طوال حياتة ما طلعش منها ...

الحمد لله لفيتها شبر ..شبر من أول القاهرة و الجيزة لحد جامعتى فى الأسكندرية أجدادى من سوهاج و ااسيوط و اشتغلت برضة فى الساحل الشمالى و شرم الشيخ و دهب و رحت طابا و نوبيع و السويس و فايد و الأسماعلية و روحت الفيوم والمنيا و طنطا و المنصورة و البحر الأحمر و سفاجا و الأقصر و أسوان و كنت شايفها بعنيا و شامم هواها بمناخيرى اللى زى النبقاية :lol: مش من ورا شباك العربية ......

انت زعلان علشان وقفت فى طابور استخراج شهادة الميلاد و مابتبقاش زعلان من منظرك لو كفيلك بيقولك اسف السنة دى مافى تجديد أقامة ...

الست الطيبة اللى ربت و اديت سمعتها و شرفها لعيالها و لما عيالها كبروووا أستعروا منها و قالوا ست كبيرة و معفنة و راحوا يجروا يبوسوا ايد ناس أكلهم من عند الهنود و الناس اللى لا ليهم أصل ولا فصل و لما أطردوا من عندهم رجعوا ليها تانى .... وياريتهم من الأول عرفوا أن مالهمش غيرها فى الدنيا .....

... الست الطيبة دى تبقى (مــــصــــــــر ) و على فكرة .... عنك مارجعت مصر لا أنت و لا أمثالك ... عارف ليه ؟؟؟؟

لإن اللى زيك هما اللى بيسيؤا سمعة مصر و بيقللوا من شأنها فى عيون الناس ... لا تكون فاكر نفسك (أحمد زويل) ....

حته محاسب متخرج ملهوش سنتين خبرة و بتجحد حق بلدك عليك .... وتلاقيك لما بتنزل بستحقر اللى حوليك أصلهم ماشوفوش دبى هههههههههههههههههههههههههههههههه

دبى اللى بناها مصريين زى مابنو السعودية و عمان وقطر و الخليج كله

هجرة ايه يا أبو هجرة ... انت فاكر انك لو كنت فلسطينى ولا هندى ولا بنغالى ولا أندونيسى ...... كانوا هيقبلوا ورقك فى كندا .... انت عارف .. و شكلك مش عاارف.... الناس اللى عايز تهاجر و تاخد جواز سفرهم علشان تتعالى على أولاد بلدك بيه بيتمنى تراب مصر اللى مش عاجبك

كلمة أخيرة ( اللى مش عايز ينزل مصر عنه مانزل ولا شافها ولا يستاهل يدفن فيها لكن ما يجبش سيرتها بسوء و يروح يدور له عن وطن )

خلص الكلام

[ابو حودة]

اللي مش بيكبر نفسه عمره ما هيكبر ولا حد هيشوفه كبير

وبلد فيها 80 مليون مش هتنقص لو كام واحد من الناس اللي مش عاجبها بلدها مش هأقول مصر او غيرها ما رجعوش لها تاني وعلى فكرة دي واحدة من ضريبة الغربة ان الابناء يكبروا وهم مش عارفين بلدهم ( مش هأقول يكرهوها )

[alaashabana]

melhamy مشاركة بتاريخ اليوم, 01:57 PM

الأخ / alaashabana

انا برد عليك مع انى عارف ان ردك فى التوبك هيكون زى ماقرءت لإنى والحمدلله عندى ملٌكه بمعنى (إحساس) فى حسن تقيمى للناس و انا لما رديت على اسلوبك فى نشر الصور عن مصر وبعنوان ( حاجة تكسف ) لقيتك غيرت الكلام وخليتنى أحس أنى ماشوفتش مصر ....

رغم إنى فعلاً من مواليد السعودية و عمرى 29 سنة ونصيب العيش فى مصر منها 11 سنة فقط لكنى لا أقبل أى كلمة تسيئ لمصر و عندى أستعداد أضرب أتخن واحد يتكلم عن مصر بمليوووووووووووووووون جرزمة و لما بقول فداكى يا مصر بقولها و انا عااارف معناها و رغم ال 11 سنة اللى عيشتها فى مصر فترة الجامعة والثانوى هناك فأنا واثق انى شوفت فيها أكتر مما قد يشوفة اى شاب عايش فى منطقتهم طوال حياتة ما طلعش منها ...

الحمد لله لفيتها شبر ..شبر من أول القاهرة و الجيزة لحد جامعتى فى الأسكندرية أجدادى من سوهاج و ااسيوط و اشتغلت برضة فى الساحل الشمالى و شرم الشيخ و دهب و رحت طابا و نوبيع و السويس و فايد و الأسماعلية و روحت الفيوم والمنيا و طنطا و المنصورة و البحر الأحمر و سفاجا و الأقصر و أسوان و كنت شايفها بعنيا و شامم هواها بمناخيرى اللى زى النبقاية laugh.gif مش من ورا شباك العربية ......

انت زعلان علشان وقفت فى طابور استخراج شهادة الميلاد و مابتبقاش زعلان من منظرك لو كفيلك بيقولك اسف السنة دى مافى تجديد أقامة ...

الست الطيبة اللى ربت و اديت سمعتها و شرفها لعيالها و لما عيالها كبروووا أستعروا منها و قالوا ست كبيرة و معفنة و راحوا يجروا يبوسوا ايد ناس أكلهم من عند الهنود و الناس اللى لا ليهم أصل ولا فصل و لما أطردوا من عندهم رجعوا ليها تانى .... وياريتهم من الأول عرفوا أن مالهمش غيرها فى الدنيا .....

... الست الطيبة دى تبقى (مــــصــــــــر ) و على فكرة .... عنك مارجعت مصر لا أنت و لا أمثالك ... عارف ليه ؟؟؟؟

لإن اللى زيك هما اللى بيسيؤا سمعة مصر و بيقللوا من شأنها فى عيون الناس ... لا تكون فاكر نفسك (أحمد زويل) ....

حته محاسب متخرج ملهوش سنتين خبرة و بتجحد حق بلدك عليك .... وتلاقيك لما بتنزل بستحقر اللى حوليك أصلهم ماشوفوش دبى هههههههههههههههههههههههههههههههه

دبى اللى بناها مصريين زى مابنو السعودية و عمان وقطر و الخليج كله

هجرة ايه يا أبو هجرة ... انت فاكر انك لو كنت فلسطينى ولا هندى ولا بنغالى ولا أندونيسى ...... كانوا هيقبلوا ورقك فى كندا .... انت عارف .. و شكلك مش عاارف.... الناس اللى عايز تهاجر و تاخد جواز سفرهم علشان تتعالى على أولاد بلدك بيه بيتمنى تراب مصر اللى مش عاجبك

كلمة أخيرة ( اللى مش عايز ينزل مصر عنه مانزل ولا شافها ولا يستاهل يدفن فيها لكن ما يجبش سيرتها بسوء و يروح يدور له عن وطن )

خلص الكلام

قولت كلامك كلة خلاص

كلامك على عينى وراسى ... وجميل جداا.... بس على فكرة انا لما اتكلمت فى الاول قولت اكيد دة رأى وهيخالف مع ناس..وصوابعك مش زى بعضها..

لكن لو اخدت بالك من كلامى هتلاقية مش موجة لحد شخصيا ..ولا بتعالى على حد ..ولا بشتم حد ..ولا قولت كلام يجرح حد ..

لكن انت فى مداخلتك دى قولت

الأخ / alaashabana

مكنش يصح كل الكلام اللى حضرتك قولت وموجه لية خصيصا...واذا كنت بتحب تراب مصر وعامل وطنى وطلعتنا اننا مش بندى مصر بالجزمة يبقى انت غلطان يا حضرت الاستاذ...

وياريت متوجهش كلام لحد ولشخص معين باسمة فى المنتدى...علشان دة مكان محترم وكل واحد بيقول اللى عندة بحرية وبدون غلط فى حد تانى ..واكيد هيكون فية اختلاف فى الاراء كتير..

حته محاسب متخرج ملهوش سنتين خبرة و بتجحد حق بلدك عليك .... وتلاقيك لما بتنزل بستحقر اللى حوليك أصلهم ماشوفوش دبى هههههههههههههههههههههههههههههههه

الله يكرمك دة بردو من اصلك وذوقك..

هجرة ايه يا أبو هجرة ... انت فاكر انك لو كنت فلسطينى ولا هندى ولا بنغالى ولا أندونيسى ...... كانوا هيقبلوا ورقك فى كندا .... انت عارف .. و شكلك مش عاارف.... الناس اللى عايز تهاجر و تاخد جواز سفرهم علشان تتعالى على أولاد بلدك بيه بيتمنى تراب مصر اللى مش عاجبك

لما هى الهجرة مش عجباك كدة بتدخل التوبيك بتاعها لية ...

ومالهم الفلسطينى ولا الاندونيسى ...مش بشر بردو زيك ولا اية ...

اللى مش عايز ينزل مصر عنه مانزل ولا شافها ولا يستاهل

وانت حضرتك مين بقى علشان تحكم على الناس وعلى اللى عاوز ينزل ولا مينزلش...

مش هرد على كلامك اصل انت انسان معندكش ادب فى اسلوب الحوار... وميلزمنيش اضيع وقت وارد عليك ...

ولما الموضوع مضايقك كدة بتدخل تقرأة لية ..

[spain]

هو لييه في الاربعينيات والخمسينيات والستينيات ويمكن السبعيناااااااااااااااااااااااات كان فيه اجانبب كتير سايبين بلادهم وعايشين في مصر وكانوا بيقولوا وااااااااااااااااااااااااااو

[waaaf]

بلدي وإن جارت علي عزيزةٌ

وأهلي وإن ضنوا علي كرام

[waaaf]

بلدي وإن جارت علي عزيزةٌ

وأهلي وإن ضنوا علي كرام

[ahmedkamal]

يا جماعه بلاش نختلف ع شيئ اساسي كلنا لازم نعترف بيه هو اننا بنحب بلدنا ولو مكنش بنحبها ماكناش سيبناها اه، سيبناها عشان بنحبها ، لان لو قعدنا فيها هنكرها او هنسرقها او نرتشي فيها او ندفع رشوة فيها ، انا اتولدت بره مصر وعيشت معظم حياتي بره مصر يادوب اتعلمت وجربت اشتغلت فيها 4 سنوات وبرده للاسف فشلت ف اني اعمل اللي عاوزة ف حين ناس تانيه اول مابتتخرج بتطلع بره مصر جري واول اجازة تيجي كانها عايشه طول عمرها بره مصر ، لكن اللي يهمني هو احنا بننتقد ليه بلدنا مش عشان بنحبها مش اللي بيحب هو اللي بينتقد هو لما انتقد اهمال او فساد ده غلط لما اقول نفسي بلدي تكون احسن بلد ف الدنيا ده غلط لعلمكم احنا ممكن نقسى ع بلدنا ونجلدها قوي بس هل فيه حد فينا يقبل كلمه عليها انا كنت متربي ف الكويت ومكنتش بسمح لحد وانا ف المدرسه يتريق ع مصر وكنت لسه صغير ولكن بلدي حتى لو مش عاجبني فيها حاجات انا اللي اتاكلم ولما كبرت شغال حاليا ف السعوديه لما بتناقش مع اصدقاء سعوديين ليا كل واحد بينتقد السلبيات اللي عنده لكن ما اقبلش كلمه غلط ف حق بلدي زي ما بيقولوا ادعى ع ابني واكره اللي يقول امين، انما عن موضوع الغربه وقطف الثمره للاسف الغربه مرض مزمن ومش حكايه فلوس انا مقدم ع طلب هجره وكنت امتحنت من سنتين امتحان اللغه ف شيراتون المطار مش عاوز اقولكم امتحان ielts كان زحمه اد ايه وكلهم ناس بالمنطق مش محتاين يسيبوا البلد كفاءات ممتازة وماديا تمام جدا ، لكن خلونا نقول ليه ف ناس عاوزة تمشينا من مصر انا ف اجازة ف مصر صدقوني البلد فيها فلوس بس للاسف بالتهليب ، كله راكب احدث موديلات زمان مكنتش البلد كده تروح اي مركز صيانه للعربيه لازم تحجز قبلها لكن متزعلوش مني ركزوا كده ف سلوكيات الناس هنلاقيها وحشه صح ف ظروف خلتهم يعملوا كده انا اشتغلت 4 سنوات هنا وشوفت اد ايه ف ضغوط ف الحياه وانا راكب عربيتي ومشغل التكييف لكن زحمه الطريق ولا لما الدنيا تمطر الدنيا بتقف ، لكن بره الحياه اريح فصدقوني كل اللي بيقولك هرجع مش هيرجع ومش حكايه فلوس الحكايه تعود ع نمط حياه عشان نوفره ف مصر صعب هتجيب شقه فمنطقه شيك وعربيه حلوة طيب هتعمل ايه ف الناس اللي ماشيه نبكف الشارع هتعمل ايه ف روتين الحكومه انا كنت بقول لصحابي كده لما هتسافر مش هترجع وفعلا كله قدم طلب هجره وانا كمان بس صدقوني كلنا بنحب مصر بس نعمل ايه مستيين الوقت اللي ممكن نخدمها فيه ع الاقل مش مشيلنها همنا والله العظيم اللي عايشين ف مصر هنا عمالين يسرقوا فيها سرقه ومتمتعين بخيرها واحنا طلعان عنينا بس اقول ايه بلدنا وبنحبها وحتى لو بقى معانا جواز سفر تاني بلدنا وهنفضل نتناقش مع بعض ونختلف على حبها صدقوني احنا بنتكلم كده بس عمرنا ما نقبل حد يغلط فيها وللاسف الشله المتنفذه ف البلد حاليا واخده خيرها وناهباها بس البركه فينا لما يجي الوقت نكون جاهزين ونخدمها خلينا بس نقف مع بعض بره خلي كل واحد مننا وهو بيشتغل يحاول انه يقول للي حواليه انا مصري وكويس بلاش الحركات اللي بتتعمل وتسيئ لينا ، وصدقوني غيرنا عمل لنفسه صورة جميله وهم بيدبحوا ف بعض هو احنا نيجي ايه جنب اللبنانيين فيه مصري يعرف يمسك مناصب اللبنانيين لانهم عملوا لنفسهم صورة حلوة ، ياريت نبقى زيهم نحاول نظهر اننا متكاتفين ، والغربه مش هتكون غربه لو حطينا ف دماغنا اننا عايشين ايامنا كويس وبنخدم بلدنا لما كل واحد مننا يطور نفسه وينجح ف شغله ، لان ده المهم لو ع الفلوس تعالوا شوفوا ناس هنا ف مصر معاها ايه من فلوس وخير من غير غربه ولا بهدله لكن هي ضافت لنفسها ايه خلونا نحاول نعمل جيل يبني البلد حتى لو احنا بره والله العظيم ما شعارات بس بجد لو كل واحد حاول لما يشتغل انه يتقال عليه كلمه واحده اهو المصري بتاع شغل مش بتاع اونطه زي ما بيتقال ، عاوزين المصري يبقى زي زمان كان كل شيئ انا كنت صغير زمان لما والدي سافر بس المصريين كانوا هم الاساس والفلسطينيين ف الخليج ف السبعينات ، بلاش الصورة الوحشه بتاعت الناس الجعانه اللي ضيعتنا

[iloveegypt]

كلنا بنحب مصر لا جدال

بس ناس عايو تعيش برة

وناس عايزة تعيش جوة

كل واحد حر

بس بلاش اللى برة يكرهنا فى بلدنا

وبلاش اللى جوة يغلط فى اللى برة

اما عن نفسى فانا عايش برة وهموت وارجع واعيش جوة ان شاء الله بس العقد اللى برة بس يخلص وانا طيران الى مصر