****شلالات نياجرا ****

[MoHaMMeD EgYpT]

روعه روعه روعه بمعني الكلمة و طريقة تصويرك فعلا روعة احنا هنا في الكويت مافيش حولنا غير صحراء x صحراء و ما فيش اماكن كويسة زي مصر للفسح ولا في وقت اساسا :lol: :lol: و عيشة بصراحة مش حلوة لكن ما باليد حيلة للاسف مصر دراستها صعبة اما الكويت دراستها سهلة اوي اوي اوي :) :o

مشكور (شكرا بالمصري :lol: ) علي الصور الجامدة دي يا استاذ ايهاب و يا ريت تبقي تصور لنا صور حلو زي دي تاني

[hamdy farag]

بكرر طلبي يا استاذ ايهاب ان تضع صور توصف مدينة تورونتو جزاك الله خيرا.

صور من شوارع تورونتو عشان خاطر أ / حمدي

تسلم ايدك يا أ/ايهاب حقيقي دايما بتسعدنا بصورك الجميلة .ربنا يباركلنا فيك.

[ايناس احمد]

تسلم ايدك يااستاذ ايهاب انا اول مرة اشوف الصور دى دلوقتى حقيقى تحفة

انا كنت فاكراها نفس الصور القديمة بتاعت حضرتك فى رحلة الاندنج

اول مرة دلوقتى افتح التوبيك دا

بس بصراحة تحفة :blush2:

بالمرة بقى اشكر حضرتك على مجهودك الرائع فى المنتدى

وفى انتظار المزيد علشان تشوقنا لكندا اكتر

[emano]

بصراحه تسلم ايديك على الصور الجميله ده ياباشمهندس ايهاب اناكنت بتصفح كده بالصدفه ولقات الجمال ده ومش معقوله اشوفه واسكت بصراحه فنان ماشاء الله وكمان انسان خدوم ومحترم يارب يبارك فيك ويحفظ اولاده وزوجتك ويارب يكتر من امثالك انت والدكتور الشامى :blink: اختك ايمانو

[ايهاب سالم]

إخواني

دعونا نعمل في صمت angl::

[osmel33]

أيه الجمال ده يا أيهاب فعلاً صور تحفة بس سؤال رخم أيه ده ؟ العربية دي أيه اللى جابها هنا ؟

أكيد دى مش حادثة يعنى وأنت جايبها تتحفنا بيها أكيد دى حاجة سيرياليزم من بتوع عيسوى عيسوى

[casanooovaaa]

تسلم ايدك اللى يتلفو فى حرير يا بشمهندس ايهاب واللهى شغل عالى جدا و اللى اعلى منو الكاميرا دى ما شاء الله عليها صور تحفه و اهى تصبيره لحد ما نيجى نصور بنفسنا بس برضوا ما نستغناش عن حضرتك ابدا

[د هشام ابراهيم]

بسم الله ما شاء الله ...موضوع رائع

تسلم الايادي يا زعيم ....مش باقولك هيد كوتش :happy:

اسمحلي أضيف كام صورة علي قدي كده

الصورتين دول تقريبا نفس الshot بس واضح طبعا إن الوقت مختلف :blink:

[د هشام ابراهيم]

دول بقي نفس المكان بس لقطتين مختلفتين و وقت مختلف :happy:

[Torontotruk]

بين أيديكم صور أخر زياره لشلالات نياجرا

قمنا بهذه الزياره بناء على رغبة أخر صديق و زميل دراسه ترك الكويت و أستقر في تورونتو منذ أسبوعين

كنا 5 زملاء ندرس في نفس الكليه و نفس التخصص ...

تخرجنا و تفرق دمنا بين دول الخليج

إتفقنا جميعا على شئ واحد ....

نترك الخليج و لا نعود إلى مصر....

إذن أين نذهب ...

إخترنا كندا

عملنا لاندنج في أوقات مختلفه و عدنا للخليج

ثم بدأنا نعود نهائيا لكندا تباعا ...

أخرنا وصل منذ أسبوعين قبل إنتهاء كارت إقامته بخمس أيام فقط

و ألح علينا أن نذهب في فسحه جماعيه لشلالات نياجرا و التي تبعد ساعه بالسياره عن تورونتو

ذهبنا و كانت هذه الصور

في طريقنا إلى الشلالات توقفنا عند نقطه سياحيه تقع عند دوامه شهيره في مجرى النهر

أقيم فوقها تلفريك ظريف و يوجد بها محلات لبيع التذكارات و أتوبيس بدورين لعمل جولات سياحيه

بعد النزول من السيارات

لاحظ اوراق الشجر المتساقطه بفعل الخريف

هذه هي الدوامه و يظهر إختلاف ألوان الشجر بسبب الخريف و يظهر التلفريك في يمين الصوره

تصد ء دي اول مرة اشوف الصور دي.. صور بتنبض بالروح...علي فكرة انت ذوئك جميل فحت ...حتى ذوئك في اختيار ملابسك...تدل علي اناقة منئطعةالنظير...ياى..... قميصك الفرنجي روش تحن...يائته حتاكل من رئبتك حته...تعيش و دوب..

[ايهاب سالم]

بسم الله ما شاء الله ...موضوع رائع

تسلم الايادي يا زعيم ....مش باقولك هيد كوتش

اسمحلي أضيف كام صورة علي قدي كده

الصورتين دول تقريبا نفس الshot بس واضح طبعا إن الوقت مختلف wst::

بقى أنا برضه الهيد كوتش يا دوك

ده إنت طلعت رئيس الإتحاد الدولي

حلوه صورة الشلالات المتجمده دي

دي كانت الإسبوع اللي فات أكيد وقت الزمهرير

و الشلالات كانت متجمده خالص و الا كان فيه سرسوب كده

[د هشام ابراهيم]

بقى أنا برضه الهيد كوتش يا دوك

ده إنت طلعت رئيس الإتحاد الدولي

حلوه صورة الشلالات المتجمده دي

دي كانت الإسبوع اللي فات أكيد وقت الزمهرير

و الشلالات كانت متجمده خالص و الا كان فيه سرسوب كده

العفو يا زعيم ........ العين ما تعلاش عن الحاجب احنا فين و إنت فين يا عمنا ... زاي ما باقولك أنا يا دوبك أحط الكاميرا أدام المنظر و أدوس علي الزرار ... ما ليش بقى في موضوع تظبيط الصور ديه خالص

الحقيقة صور الشلالات المتجمدة ديه كانت السنة اللي فاتت ... كان لسه فيه سريان للمياه بس طبعا أقل كتير من وقت الصيف ....فعلا سرسوب

[د هشام ابراهيم]

صديقي الهيد كوتش .... نفس اللعبة بس shot تاني ...إيه رأيك ؟

و ديه واحدة كمان حاسس انها حتعجبك

[ايهاب سالم]

أيه الصور التحفه دي يا دوك

لو سمحت نزل كل صورك عن الشلالات حالا و فورا في الموضوع

شتاء و صيف و خريف و كله

[د هشام ابراهيم]

أيه الصور التحفه دي يا دوك

لو سمحت نزل كل صورك عن الشلالات حالا و فورا في الموضوع

شتاء و صيف و خريف و كله

غالي و الطلب رخيص يا هيد كوتش شاكر ذوقك و أدبك يا زعيم .....بس صور نياجرا كتير قوي ....استسمحك أنزلهم تدريجيا علشان دعاوي الأغراق

[bent misr]

باش مهندس ايهاب و د/ هشام والله موضوع الصور ده

بيعجبني أوي ياريت تمتعونا بالمزيد من صور كندا

الجميله اذا مافيهاش تعب يعني wst::

وشكرا لمجهودكوا الجميل ده

[د هشام ابراهيم]

باش مهندس ايهاب و د/ هشام والله موضوع الصور ده

بيعجبني أوي ياريت تمتعونا بالمزيد من صور كندا

الجميله اذا مافيهاش تعب يعني :unsure:

وشكرا لمجهودكوا الجميل ده :rolleyes:

تحت أمر حضرتك .... سعادتك و الهيد كوتش تأمروا بس

حابتدي بديه ....معلهش صورة للعبد لله في شارع كليفتون ...ده الشارع التجاري في نياجارا فالز

[د هشام ابراهيم]

صور للشلالات من قريب ( علي سطح مركب ...maid of the mist )

[د هشام ابراهيم]

صور من أعلي

[د هشام ابراهيم]

قوس قزح