لجنة من الأعضاء للمشاركة في إدارة المنتدي

[جويرية]

السلام عليكم و رحمة الله و بركاته

لو سمحتم يا جماعة عندي أقتراح

أن يبقي في لجنة من الأعضاء تشارك في إدارة المنتدي

و يكون ليها حق التصويت في القرارات اللي بتاخدها الإدارة

لأن دلوقتي الإدارة بتبقي خصم و حكم في نفس الوقت

و عايزين نعمل أنتخابات حرة نزيهة لأختيار أعضاء اللجنة

يكون عدد أعضائها 10 أعضاء وهوه ده نفس عدد السادة المشرفين

و ضمانا للحرية و الديموقراطية

تبقي شروط أختيار اللجنة زي شروط مجلس الشعب

يعني 50% عمال و 50 % فلاحين

و يكونى فيه مقعد أو مقعدين محجوزوين للمرأة

يعني أنا ليا كرسي محجوز من دلوقتي

يا تري أيه رأيكم في الفكرة دي ؟

تم تعديل 29 أكتوبر 2008 بواسطة جويرية

[جويرية]

أنا يا جماعة لو أنتخبتوني في اللجنة دي أوعدكم أن مفيش عضو حيحصل علي أنذار أو أيقاف

[se_ Elsyed]

أنا يا جماعة لو أنتخبتوني في اللجنة دي أوعدكم أن مفيش عضو حيحصل علي أنذار أو أيقاف

إنتي بتتكلمي جد ولا بتهزري ؟

يعني مافيش إنذارات ولا إيقافات حتى للناس اللي داخله تقل أدبها فقط لا غير أو تتطاول على الأخرين أو اللي بيضربوا بقرارات الإدارة عُرض الحائط ؟ فدول بقى لو حكمتم هاتخلوهم يبرطعوا في المكان وعادي خالص ؟

وبعدين لجنة تدير تبقى من الأعضاء ؟ اومال اللجنة الموجودة دي من المريخ يا جويرية ؟

أنا في رأيي قبل إختيار لجنة إنقاذ للحكم .. علينا أن نفكر أولاً في موضوعات تفيد الناس وتُثري الفكر ...

لإنها لا مسألة كراسي ولا سُلطة ولا منظرة ...

بالمناسبة : في منتدى ثقافي أنا معجب به جداً وبصراحة أقرأ فيه مواضيع قِيمة لناس المفروض إنهم هواه .. لكنهم أفضل بكثير من محترفي الكتابة .. المنتدى ده إسمه " هريدي دوت كوم " قد يكون من إسمه يدل على إنه منتدى ساخر .. لكن حقيقة هو على قدر عالي من الثقافة .. تخيلي إني عمري ما قرات موضوع عن مين اللي بيحكم أو مين المشرفين أو أو أو .. لغن اللي جاي هناك بيبقى عارف إن هدفه ثقافي وفِكري بحت ..

[قاهريه]

اختي جويريه

لا لا لا قولي كلام غير ده

مع احترامي لكلامك

اذا كنتي هاتسيبي الدنيا كده مفتوحه على بعضها من غير انذارات ولا شطب هايبقى المنتدى اسمه خناقات المصريين وهانسيب فرصه لكل من هب ودب بسب واهانة الناس المحترمين وبعدين الاداره مش بتنذر حد كده منها لنفسها اكيد بيكون غلطان وغلطه واضح زي الشمس قدام الناس او ان قناعاته بتخالف القوانين وده اللي

لاحظته في المحاورات من قبل اشتراكي حتى

تقبلي تحياتي

[ام بلال]

معلش يا أختي جويرية أخالفك في الرأي نحن ضيوف هنا وهم أصحاب البيت وهم من أنشأ الموقع وهم من وضع المشرفين ، أظن فكرة التشبيه بين الفكرة بتاعتك والمنتدى كمنتدى متباعدة ولا ايه ؟؟

على العموم ده رأيي وكل واحد حر.

[عصام]

معلومة فى ذات السياق

- السادة المشرفون ليسوا أصحاب الموقع وما هم إلا أعضاء أيضا

- فى محاورات المصريين يتم تعيين السادة المشرفين بعد استئذانهم وليس انتخابهم ومسألة اختيارهم بالانتخاب ليست مطروحة حاليا

وعليه فالموضوع مغلق

الإدارة