خطوات عمل زيارة أو إقامة

[roka]

ياريت لو سمحتوا تقولولى بالظبط خطوات عمل إقامة بابوظبى من ناحية الخطوات هناك فى أبوظبى والمتعلقة بزوجى من اوراق وتكاليف والمدة اللى بتستغرقها

وهنا فى مصر أيه المطلوب منى وكنت عايزة أستفسر على حاجة انا عندى باسبور بس مش مكتوب فيه أنى متزوجة لازم أغيره وأضيف بنتى عليه ولا اعمل لبنتى باسبور لوحدها وخلاص وفى أوارق مطلوب منى تجهيزها هنا فى مصر

ولكم جزيل الشكر

[roka]

هو ليه كل ما اسأل سؤال مافيش حد يرد عليا على العموم متشكرة جدا جدا

[AboAsem]

الأخت ROKA

السلام عليكم

ده موقع وزارة الداخليه الإماراتيه \ الإدارة العامه للجنسيه و الإقامه

http://www.moieserv.ae/website/index.html

عليه كل التفاصيل اللى عايزاها بخصوص الإجراءات ، الأوراق المطلوبة و غيرة .

.

أول شىء ، لازم زوجك يعمل لك فيزا (إذن دخول) سواء إقامه أو زيارة حسب اللى عايزينه

تفاصيل الأنواع المختلفه من الفيزا هتلاقيها هنا http://www.moieserv.ae/website/index.html

المطلوب منك فى مصر

تصديق عقد الزواج ، من المحكمه و الخارجيه لمصريه ا و سفارة الإمارات فى القاهرة . و بعدين الزوج يوثقه من وزارة الخارجيه الإماراتيه فى أبو ظبى

تصديق شهادات ميلاد الأولاد من الخارجيه المصريه ثم سفارة الإمارات فى القاهرة . و بعدين الزوج يوثقه من وزارة الخارجيه الإماراتيه فى أبو ظبى

صور شخصيه ذات خلفيه بيضاء

صور جوازات السفر

بالنسبه لى ، أنا أفضل أن يكون لكل طفل جواز سفر خاص به ، لكن زوجك هيعمل فيزا لكل جواز سفر ، يعنى لو إنت و أولادك على جواز سفر واحد هيكون لكم فيزا واحده . لو كل طفل له جواز سفر مستقل ، لازم يكون له فيزا مستقله

تكاليف إصدار الفيزا ، حوالى 260 درهم للفيزا المستعجله تستلمها فى نفس اليوم

بعدين لازم يعمل تأمين صحى عليكم (قانوناً الشركه تتحمل هذة المصارف )

و بعدين يقدم على إقامه (مدتها 3 سنوات) خلال 4 أيام يكون الموضوع إنتهى إن شاء الله

يعنى دى فكرة سريعه عن الموضوع ، أى سؤال فى الخدمه

بالتوفيق

ابو عاصم

[roka]

انا متشكرة لحضرتك جدا

بس الخارجية اللى هى المكاتب فى شارع أحمد عرابى المهندسين اللى وثقنا منها الشهادة الدراسية

ولك جزيل الشكر

[AboAsem]

انا متشكرة لحضرتك جدا

بس الخارجية اللى هى المكاتب فى شارع أحمد عرابى المهندسين اللى وثقنا منها الشهادة الدراسية

ولك جزيل الشكر

أهلا بك يا أختى

صح أقصد بالخارجيه ، المكاتب الموجوده فى شارع جامعه الدول العربيه من ناحيه شارع السودان ، تحت الكوبرى

و طبعا فيه فى المحافظات الأخرى ، بالنسبه لسكان الغربيه و المنوفيه ممكن يروحوا مكتب الخارجيه الموجود بمبنى محافظه الغربيه فى طنطا (شارع البحر)

و هو المكتب الذى وثقت منه شهاداتى ، حيث أنى من سكان بركه السبع محافظه المنوفيه

سلام