"تجربة" الإسكندرية

[Sherief AbdelWahab]

جريمة الإسكندرية تعيدنا إلى "تجربة الإسكندرية" التي يصدعنا بها السيد الوزير والإعلام بتاع السيد الوزير (على قافية الواد محروس بتاع الوزير)..

أطلب من الزملاء السكندريين.. والمقيمين بالثغر الباسم إقامة دائمة بالتحديد.. أن يحدثوننا عن شهاداتهم عما إذا كانت هذه التجربة بالنجاح "المبهر" الذي يتحدث عنه موقع الوزارة.. أم أنه ساينس فيكشن "على أعلى مستوى"..

خلص الكلام

[أبو محمد]

يا خبر ؟؟؟!!!!

هو فيه تجربة فى اسكندرية وانا ماعرفش :blink:

[محمد عبدالعزيز]

والله ولا أنا سمعت عن التجربة السكندرية دى, التجربة الوحيدة اللى سمعت عنها هى التجربة الدنماركية

[elshafey]

جريمة الإسكندرية تعيدنا إلى "تجربة الإسكندرية" التي يصدعنا بها السيد الوزير والإعلام بتاع السيد الوزير (على قافية الواد محروس بتاع الوزير)..

أطلب من الزملاء السكندريين.. والمقيمين بالثغر الباسم إقامة دائمة بالتحديد.. أن يحدثوننا عن شهاداتهم عما إذا كانت هذه التجربة بالنجاح "المبهر" الذي يتحدث عنه موقع الوزارة.. أم أنه ساينس فيكشن "على أعلى مستوى"..

خلص الكلام

ههههههههههههههههههههههههههههه

انت متأكد ان الكلام علي اسكندرية اللي في مصر

خلي بالك في في العالم بتاع 180 اسكندرية

اصل انا من اسكندرية وماسمعتش عن الكلام ده

يا أخي انتوا غاويين اشاعات علي اسكندرية وخلاص

wst::

[الباشمهندس ياسر]

سبقنى اخويا محمد عبد العزيز

ف موضوع تجربة دانماركية بس يلا حصل خير

ايه بقى الاوشاعة بتاعت الماريا و الحب القديم

[Scorpion]

بدأت التجربة بالتعاون بين وزارة التربية والتعليم ومركز الإسكندرية للتنمية والوكالة الأمريكية للتنمية الدولية.

مضمون التجربة:

المشاركة المجتمعية من خلال ربط أعضاء المجتمع بالإدارة المدرسية، وذلك بتطوير مجالس الآباء والمعلمين إلى مجالس للأمناء ويكون لها صلاحيات إدارية ومالية واسعة.

تفويض السلطة للإدارة المدرسية (اللامركزية).

عدد المدارس التى تم فيها التطبيق 30 مدرسة فى الأحياء الشعبية.

هناك عدد 35 مدرسة أخرى جارى فيها التنفيذ بالجهود المجتمعية الذاتية لمحافظة الإسكندرية.

نتائج تجربة الإسكندرية:

- اتباع طرق تدريس غير تقليدية، وتغيير الشكل التقليدي لحجرة الدراسة.

- تقليل كثافة الفصل والتأكيد على أهمية الأنشطة اللاصفية.

- التعلم بالتقنيات الحديثة كجزء من العملية التعليمية.

- الاستفادة من تكنولوجيا المعلومات والاتصالات لتدعيم العملية التدريسية.

- رفع مستوى الأداء للمعلمين.

- تفعيل متابعة أولياء الأمور ورقابة أعضاء مجالس الأمناء لسير العملية التعليمية

المصدر

تجربة الأسكندرية

[se_ Elsyed]

نتائج تجربة الإسكندرية:

- اتباع طرق تدريس غير تقليدية، وتغيير الشكل التقليدي لحجرة الدراسة.

-- رفع مستوى الأداء للمعلمين.

المصدر

تجربة الأسكندرية

الراجل ده بيتكلم كلام زي الفُل

وأنا اشهد على نتائج هذوها التجروبة

وأحب أضيف على كلام السنيور كابوتشي الشهير بسكوربيون .. إن من ضمن إتباع أساليب غير تقليدية في التدريس بالإسكندرية .. هي منع المدرسين أستخدام العصايا في لهلبت العيال .. ومحاولة تعويض ذلك باللكاكيم والشلاليت ... عملية نضيفة 100 % والعيل بيموت من سُكات .. وكمان الأستاذ مهارته بتنمو وممكن بعد كام سنة يدخل بطولة العالم في التايكوندو او الكونغفول.

حبيب قلبي سكوربيون إنت عارف إن أنا باحبك ..

من حوالي 15 سنة كده ظهر علينا خير اللهم أجعله خير حاجة إسمها ( مشروع مبارك - كول ) لتطوير التعليم الفني تحديداً سنة 1995 وهو فيلم إنتاج مصري ألماني مشترك

مبارك .. وعارفينه كلنا .. وهو عبارة عن إسنان عايش معانا في البلد من 27 سنة وناس بتتولد وناس بتموت وهو برضوا موجود ..

كول ... مش يعني رِوش .. لأ .. ده نسبة إلى هيلموت كول الراجل المستشار الألماني السابق

وكلنا أستبشرنا خير وقلنا هايبقى عندنا عيال متخرجة من مدارس فنية وعلى أعلى مستوى ويعملوا نهضة بالبلد .. ( مش عارف ليه كل ما تيجي سيرة المشروع ده أفتكر احمد زكي في فيلم النمر الأغبر لما كان خراط وسافر ألمانيا عمل شغل زي الفل واتجوز وفاء سالم واتعرف على احمد مظهر )

طب أنا بأستحلفك بالله لو أُتيحت لك الظروف .. روح لعم ابو محمد في الأنفوشي وخدوا بعض وزوروا مدينة برج العرب الصناعية وشوف أصحاب المصانع بيبكوا إزاي لإنهم مش لاقيين عمالة مُدربة .. ولما يجيلك عم أبو محمد إبقى خده 6 أكتوبر وشوف العمالة الهندية اللي عندنا وبقوا كام دلوقت وهم في إزدياد

أقول لك على حاجه خزعبلية هاتخليك تقول الراجل ده بيسرح بيه وينخع عليه

عارف يا سكوربيونو سنة 2007 عندنا كام طالب في مدارس التعليم الفني ؟ .. أنا بأقول مدراس مش جامعات

خد عندك ؟

3 مليون بني أدم .... ده غير الملايين اللي اتخرجوا قبل كده والملايين اللي بعد كده ... تفتكر بيروحوا فين ؟

عارف هاتقول فين يا لئيم على القهوة او في البحر في الطريق إلى روما

اللي عايز أقوله يا عزيزي إن تلك الثُلة الفاسدة الموجودة من 25 سنة .. مافيش منها فايدة .. ومهما تعمل 500 نظام و3000 طريقة .. فالنتائج ستكون صفر .. لإنهم تعودوا على الفته والفساد وإن مافيش حد بيحاسبهم ..

طب ما عندك المدارس التجريبية ومشروعات الكمبيوتر بتاع كل موطان .. وكميوترات المدارس ... اتحدى عيل ما يكونش طبعاً عنده جهاز في البيت وبيتدرب عليه .. اتحدى إنه يتخرج من مدرسة ويكون بيعرف يحمل save as لملف معين

أنا النهاردة سوداوي ومتشائم مش كده ؟

معليش أستحمل اخوك أصل اعصابي متوترة

[blbl]

من حوالي 15 سنة كده ظهر علينا خير اللهم أجعله خير حاجة إسمها ( مشروع مبارك - كول ) لتطوير التعليم الفني تحديداً سنة 1995 وهو فيلم إنتاج مصري ألماني مشترك

مبارك .. وعارفينه كلنا .. وهو عبارة عن إسنان عايش معانا في البلد من 27 سنة وناس بتتولد وناس بتموت وهو برضوا موجود ..

كول ... مش يعني رِوش .. لأ .. ده نسبة إلى هيلموت كول الراجل المستشار الألماني السابق

من ضمن الحاجات الكوميدي ان المانيا عمرها معرفت حاجة اسمها مبارك-كول لانهم دولة مبتقدرش رجالتها والاستاذ كول مكنش يقدر يحط اسمه علي المشروع. فتلاقي كل الاوراق الالماني للمشروع باسم محترم ملوش علاقة بالحاج كول.

[iloveegypt]

بصراحة حكومة مصر الفاسدة لانها حكومة بما فيها الرئيس جات عن طريق التزوير مش بارادة الشعب

ويارب اشوف اليوم اللى تكون في مصر حكومة بانتخابات حرة

وساعتها هنكون زى تركيا اللى دخلها زاد ثلاثة اضعاف خلال السنوات الاخيرة

عقبالنا يا رب