مدرس ابتدائي يضرب طفل ويركله حتي الموت

[عاشق الترحال]

إحالة مدرس الإسكندرية الذي ضرب طالبا حتى الموت إلى المحاكمة العاجلة

29th October

أحال المستشار محمد البندارى – المحامى العام – هيثم نبيل مدرس الرياضيات بمدرسة سعد عثمان الابتدائية بمنطقة المنتزه بالإسكندرية، والمتسبب فى موت الطالب إسلام عمرو بدر (11 سنة) ، إلى المحاكمة العاجلة بمحكمة جنايات الإسكندرية بتهمة ضرب أفضى إلى موت. وذلك بعد أن أثبتت التحريات أن سبب الوفاة جاء نتيجة إصابة الطالب بهبوط حاد فى الدورة الدموية والقلب وفشل بوظائف التنفس والمخ، بعد أن تعدى المدرس عليه بالضرب بركلة بقدمه دخل بعدها فى غيبوبة، ولم تفلح معه جهود الأطباء التى استمرت 6 ساعات داخل مستشفى شرق المدينة. من جهة أخرى شيع أهالى الطفل جثمانه أمس، الثلاثاء، وسط انهيار تام لعائلة الطفل وتوعد من الأب بعدم إهدار دم ابنه.

بالأمس شاهدت والد الطفل في لقاء مع أ / محمود سعد في برنامج البيت بيتك والله العظيم حاجه تحزن ربنا يصبره ويصبر أهله ويجيبله حقه من كل اللي تسببوا في موت إبنه وهو بيطالب بمحاكمة شامله لقيادات وزارة التربيه والتعليم بدء من الوزير إلى أقل منصب وهذا أبسط حق له يشفي غليله ويطفي نار قلبه وربنا يلهمهم الصبر والسلوان ويجعله في ميزان حسناته

وأنا أقترح على المشرفين بالمنتدي أنهم يعملوا حمله يؤازروه فيها ويعملوا تصويت على إقالة الوزير ورئيس الوزراء ولازم منسكتش عالفوضى دي بقى ياريت نتحرك ونعمل حاجه ممكن إبني أو أبنك يكون الدور عليه!!!!!!!!1

من فضلكم اقترحوا ازاي ممكن نساعد الإنسان المصري الغلبان ده وياريت بسرعه قبل الموضوع مايتنسى وشكرا للجميع

والسلام عليكم ورحمة الله وبركاته

[عاشق الترحال]

ايه يا أخوانا هو الموضوع ميستحقش للدرجة دي ولا ايه؟؟؟؟؟؟؟؟؟؟؟؟؟؟؟؟؟

وبعدين مش المواضيع الجديده نتتعرض في شريط جديد محاورات المصريين ؟؟؟؟؟؟؟؟

ولا أنتم خايفين من موضوع إقاله الوزير ومحاكمة رئيس الوزراء ولا أيه!!!!!!!!!!!!!!!!

ألوووووووووووو يا ناس!!!!

حد يقول أى حاجه

[dongol]

الأخ عاشق الترحال اقرا القصيده التاليه و هستعرف لماذا لم يرد أحد علي حمله اقالة الوزير

زارَ الرّئيسُ المؤتَمَـنْ

بعضَ ولاياتِ الوَطـنْ

وحينَ زارَ حَيَّنا

قالَ لنا :

هاتوا شكاواكـم بصِـدقٍ في العَلَـنْ

ولا تَخافـوا أَحَـداً..

فقَـدْ مضى ذاكَ الزّمَـنْ .

فقالَ صاحِـبي ( حَسَـنْ ) :

يا سيّـدي

أينَ الرّغيفُ والَلّبَـنْ ؟

وأينَ تأمينُ السّكَـنْ ؟

وأيـنَ توفيرُ المِهَـنْ ؟

وأينَ مَـنْ

يُوفّـرُ الدّواءَ للفقيرِ دونمـا ثَمَـنْ ؟

يا سـيّدي

لـمْ نَـرَ مِن ذلكَ شيئاً أبداً .

قالَ الرئيسُ في حَـزَنْ :

أحْـرَقَ ربّـي جَسَـدي

أَكُـلُّ هذا حاصِـلٌ في بَلَـدي ؟!

شُكراً على صِـدْقِكَ في تنبيهِنا يا وَلَـدي

سـوفَ ترى الخيرَ غَـداً .

**

وَبَعـْـدَ عـامٍ زارَنـا

ومَـرّةً ثانيَـةً قالَ لنا :

هاتـوا شكاواكُـمْ بِصـدْقٍ في العَلَـنْ

ولا تَخافـوا أحَـداً

فقـد مَضى ذاكَ الزّمَـنْ .

لم يَشتكِ النّاسُ !

فقُمتُ مُعْلِنـاً :

أينَ الرّغيفُ واللّبَـنْ ؟

وأينَ تأمينُ السّكَـنْ ؟

وأينَ توفيـرُ المِهَـنْ ؟

وأينَ مَـنْ

يوفِّـر الدّواءَ للفقيرِ دونمَا ثمَنْ ؟

مَعْـذِرَةً يا سيّـدي

.. وَأيـنَ صاحـبي ( حَسَـنْ ) ؟!

[Salwa]

ومن قال لك اننا نخشى ابداء الرأى ؟؟

وهل الخوف او مصير قول الحق سيكون (( ابشع )) من هذه الجريمة ؟؟

فى الحقيقة كنت انوى اليوم فتح موضوع خصيصا بهذا الشأن ...ولكن ؟؟

بما ان هذا الموضوع من الممكن ان يكون امتداد لموضوعى ...(( الذى لم افتحه و اكتب بداياته )) ..

سوف نناقش هنا بعض الامور ..

امور كثيرة تستدعى كتابة اكثر من موضوع ...وفضفضة لاتتسع ولا لكل صفحات المنتدى..

اول شئ....هنا فى محاورات المصريين ...لن نقبل عزاء ..فى الضحايا من اطفالنا ..

.خصوصا من الناس (( الكمل ))....الا بعد القصاص .

........وهذه سوف اشرحها وحدها .

ثانيا ...التهريج فى منظومة التعليم فاق الوصف ...بداية من انهيار المدارس فوق روؤس التلاميذ ونهاية بمهزلة الدروس الخصوصية ..

ثالثا ....مسألة ..((صراحة محمود سعد ...فى البيت بيتك

تحية لهذا الانسان

رغم تحفظى على بعض آراءه ( فى بعض الاحيان ) او مجاملاته للكثير من ضيوفه ( مثلا ) ..

لكنه ككل وكانسان لاغبار عليه ...

اعتقد انه صادق من ناحية احساسه بالناس ...

كلمته الموجهة بالامس ..(( لرئيس الجمهورية )) ..وطلبه باقالة الوزير ...بل ..وطلبه من السيد / عمرو بدر

والد الطفل الشهيد ....ان يطالب باقالة رئيس الوزراء ..

اعجبتنى جدااا....وجعلتنى احترمه ...

لكنى ؟؟؟ !!!!بدأت .اراجع حساباتى وقناعاتى ..(( اعملوا اللى انتم عاوزينه بس ملكوش دعوة بالاسرة الحاكمة ....!!!!))..

وللأسف ده اللى حاصل وبيحصل فى كل الدول العربية ...

ولهذا ..

لست ادرى ....هل كانت صرخة الاب المكلوم ؟؟ ام نداء استغاثة من كل الشعب ؟؟ ام ..ماذا على وجه التحديد !!!!

عندما قال الاب ......

هل لو حدث هذا لحفيدك ياريس......حايكون موقفك ايه ؟؟

فى الدول (( المتقدمة بعض الشئ ....انسانيا ))..

لاتمر حادثة كهذه مرور الكرام ...

لكن ؟؟ حادثة طفل المحلة ...(( اللى ميعرفش ثقافة الوقوف فى البلكونات !!!!!!!!!!!!!))

او كل اطفال مصر ....

او الطفل اللى جربوا فيه كل طرق التعذيب الوحشية وهو عنده سنتين لمجرد ابتزاز والدته ....لدرجة اجبروها على التسول ...واخيرا تم وضع جثته ام باب بيت وزير الداخلية .......!!!!!!!!!!!!!!!

وغيره وغيره وغيره ..

ده غير تعذيب الاحداث ...

وغير عمالة الاطفال ...

وكله يمر مرور الكرام ..

حكاية انى قلت ...(((الناس الكمل )))..

لاننا نلاحظ ان كل المسئولين ..................حتى لو مسئولين عن مجموعة من اربعة افراد .

يعتبروا نفسهم انهم وحدهم لهم احقية اتخاذ القرار الصح ..

بدليل ان المسئول الوحيد اللى تحدث مع والد الطفل .....قال له.....معلش معلش ..

معلش ؟؟

يعنى انتم كلكم ناس بتفهموا ....والباقى لأ ؟؟

يطلع علينا المسئول من دول ويقولك .........وهو منتفخ الاوداج ......اظن واعتقد وحيث انه ..وقد تم اتخاذ اجراء وقائى ...وسوف نبدأ العمل والضرب بيد من حديد على من تسول له نفسه اللعب بقوت الشعب ...

وانت تتفرج ونفسك تقول لهم ........انتم اللى بتسرقوا قوت الشعب وانتم سبب كل البلاء ..

ولو يسيبونا نقول رأينا نطالب بشنقكم جميعا عبرة لمن يأتى بعدكم ..

هم ناس كمل ....(( يعنى كاملين من وجهة نظرهم بس )) ..

طيب ايه رأيكم بقى ...؟؟؟؟؟؟؟

احنا عاوزين ناس (( مش كمل زيكم ))

عاوزين ناس طبيعيين ...عادييين ...........ناس ((( مش بيقفلوا حجرات الجلوس لما ييجوا الضيوف ))) وبس يخلوهم يشوفوا الصالون ...!!!!!(( الاهرام وابو الهول ...والمستشفى المجهز ....لعدد بسيط ))

عاوزين ناس ....بتقول انها بتعمل الصح والغلط ..

ناس بتقول ان شكلها مريح ....مش وحشة ومش حلوة ..

عاوزين ناس معندهمش امراض نفسية تطلع علينا كل شوية ...

عاوزين ناس تقعد بيننا بدون حواجز.....زجاجية .

عاوزين ناس تكلمنا ....وظهرها مش للحوائط..

و..

مازال للموضوع بقية بالطبع ...

الله يرحمك يااسلام عمرو بدر ....ويرحمنا ويرحم كل اطفال مصر ....ويصبر اهلك

وان شاء الله يوم الحساب قريب..

انت الضحية يااسلام ....لكن انت حاتكون اول نور يضئ كل النفق المظلم ...

ان شاء الله دى حاتكون بداية .....لنهايتهم ..

كلهم ..

[Sherief AbdelWahab]

قلبك أبيض..

أشك أن إسلام سيكون سبباً في إقالة الجمل الذي يتشدق بتجربة الإسكندرية ، فهناك ألف صحفي وسياسي سيقفون بجانبه من أجل أن تستمر تجربة الإسكندرية.. ولنسقط نحن من الدور الرابع وتحيا تجربة الإسكندرية..

خلص الكلام

[mizo]

الله يرحمه ويصبر اهله تخيلواانى لقيت عينى دمعت من الصوره اللى حاطته س س

لكم الله ياطفال مصر انااابنى 7 سنين اديته علقه على الماشى وبعدين بعد يومين اخبرنى انه مش زعلان منى لانهم كانوا غلطانيين بس اللى انا عملته يعتبر child abuse لان الرسول قال لاعبوهم لسبع وانا لسه سبع سنين والله انا بقيت مبسوط الولد عارف حدوده مع والده لكن عنده

حريه التعبير على فكره ده علشان مافيش كبت وضرب زى اللى منه لله المدرس

[redwany]

نامى ياصفية مافيش فايده

لا احد فى مصر يخاف من الرأى والكلام لان مايسمونه الحراك السياسى فى مصر هو انه سمح للمصريين بالكلام ولكن انا اعتقد ان مايجرى فى مصر هو مسلسل حلقاته مكتوبه وكل مصرى اخذ الورقة التى فيها دوره ولا يستطيع ان يتعداه ابتداءا من الفقير حتى الى رئيس الوزراء الكل يعمل فى خلال الدور

تكلمنا وسوف نتكلم وسوف يستمر قتل الاطفال وحريق القطارات وغرق السفن والتحرش الجنسى وفى كل مرة نقوم بحمله

اخوانى السلم يتم تنظيفه من اعلى وهباءا نفعل اذا اردنا ان ننظفه من اسفل

[عاشق الترحال]

السلام عليكم ورحمة الله وبركاته

صورة الطفل إسلام

أنا بشكر كل الناس اللي ساهمت وبتساهم بآرائها في الموضوع وأنا بوجه نداء باسمي وإسم الطفل اللي مات إلى إدارة المنتدي بعد إذنكم أنا عاوزكم تتفاعلوا وتحاولو تتخذوا أي خطوة من شأنها أننا ناخد تار الطفل البرئ ده ونحاول نريح أهله وأنا بناشد الأعضاء كلهم من فضلكم اللي عنده إقتراح لإيجاد طريقه إيجابية ولها تأثير يتفضل يقوله ونحاول نتفق على رأى من الآراء دي وننفذه عاوزين نبدأ نتحرك في حل مشكله من مشاكلنا بجد وبلاش نقف وقفه النقاد ونقول نحن (( نشجب ونستنكر وندين ))

رأي من الآراء أننا نتصل بجمعية من جمعيات حقوق الطفل المصريه ونعرفهم أننا متفقين في الرأى مع والد الطفل بمحاكمة كل المسئولين

بدء من رئيس الوزراء ووزير التربيه والتعليم حتي نهاية السطر....

فيه أعضاء كتير أكيد عندهم آراء ومقترحات أكتر إيجابيه من كده فياريت يتفضلوا ...

الطفل إسلام أبوه غلبان وزي حالتنا وعاوز يحس ان فيه ناس وراه هتسانده وتأيده

وربنا أقوى من الكل وقادر أنه ينصره وينصرنا والراجل ده إبنه (( ثمرة قلبه )) مات يعني ربنا ميوريها لحد.

إتحركوا ............

والسلام عليكم ورحمة الله وبركاته

تم تعديل 31 أكتوبر 2008 بواسطة عاشق الترحال

[عاشق الترحال]

السلام عليكم ورحمة الله وبركاته

صورة الطفل إسلام

أنا بشكر كل الناس اللي ساهمت وبتساهم بآرائها في الموضوع وأنا بوجه نداء باسمي وإسم الطفل اللي مات إلى إدارة المنتدي بعد إذنكم أنا عاوزكم تتفاعلوا وتحاولو تتخذوا أي خطوة من شأنها أننا ناخد تار الطفل البرئ ده ونحاول نريح أهله وأنا بناشد الأعضاء كلهم من فضلكم اللي عنده إقتراح لإيجاد طريقه إيجابية ولها تأثير يتفضل يقوله ونحاول نتفق على رأى من الآراء دي وننفذه عاوزين نبدأ نتحرك في حل مشكله من مشاكلنا بجد وبلاش نقف وقفه النقاد ونقول نحن (( نشجب ونستنكر وندين ))

رأي من الآراء أننا نتصل بجمعية من جمعيات حقوق الطفل المصريه ونعرفهم أننا متفقين في الرأى مع والد الطفل بمحاكمة كل المسئولين

بدء من رئيس الوزراء ووزير التربيه والتعليم حتي نهاية السطر....

فيه أعضاء كتير أكيد عندهم آراء ومقترحات أكتر إيجابيه من كده فياريت يتفضلوا ...

الطفل إسلام أبوه غلبان وزي حالتنا وعاوز يحس ان فيه ناس وراه هتسانده وتأيده

وربنا أقوى من الكل وقادر أنه ينصره وينصرنا والراجل ده إبنه (( ثمرة قلبه )) مات يعني ربنا ميوريها لحد.

إتحركوا ............

بالمناسبة مديري كان في إجازة وداوم اليوم وهو أصله صعيدي دخلت حكيت له عالموضوع ده قالي والله العظيم ده لو إبني كنت قتلت المدرس ده واللي يتعرض له من عيلته أو في أقل رد عاللي عمله كنت خطفت المدرس وعلقته وكل يوم قطعت منه حته وأنا بستمتع بصراخه

فياريت قبل الظلم ميحولنا للإحتكام لقانون الغابة وكل واحد ياخد حقه بأيده

والسلام عليكم ورحمة الله وبركاته

[كيميائي محمد نور]

السلام عليكم و رحمة الله وبركاته.......

(الذين اذا أصابتهم مصيبة قالوا إنا لله و انا اليه راجعون)

بعد الحوادث الماضية وآخرها مأساة العبارة السلام و ارتفاع الاسعار و حادثة الدويقة و انهيار العقارات و انتشار الفساد في الوزارات و آخرها و ليس بأخر ( الطفل اسلام :lol: )............من كان يتخيل ان صاحب العبارة هايخد برأة لا تندهش فاننا في بلد الظلموقراطية....فلم أجد غير هذا الشعر لأعبر به عن مابنا:

للشاعر/ فاروق جويدة

هذى بلاد ...لم تعد كبلادى

كم عشتُ أسألُ: أين وجــــــــهُ بــــلادي...............أين النخيلُ وأيـن دفءُ الــوادي

لاشيء يبدو في السَّمـَــاءِ أمـامنــــــــــا...............غيرُ الظـلام ِوصــورةِ الجــلاد

هو لا يغيبُ عن العيــــــــون ِكأنــــــــه ............... قدرٌٌ .. كيوم ِ البعــثِ والميــــلادِ

قـَدْ عِشْتُ أصْــــرُخُ بَينـَكـُمْ وأنـَـــــادي............... أبْنِي قـُصُورًا مِنْ تِـلال ِ رَمَـــادِ

أهْفـُـو لأرْض ٍلا تـُسـَـــاومُ فـَرْحَتـِــــي............... لا تـَسْتِبيحُ كـَرَامَتِي .. وَعِنَــادِي

أشْتـَـاقُ أطـْفـَـــــالا ً كـَحَبــَّاتِ النـَّــــدَي ...............يتـَرَاقصُونَ مَـعَ الصَّبَاح ِالنـَّادِي

أهْـــفـُــــو لأيـَّـام ٍتـَـوَارَي سِحْــرُهَـــــا ............... صَخَبِ الجـِيادِ.. وَفرْحَةِ الأعْيادِ

اشْتـَقـْــــتُ يوْمـًا أنْ تـَعـُــودَ بــِــــلادِي ............... غابَتْ وَغِبْنـَا .. وَانـْتهَتْ ببعَادِي

فِي كـُلِّ نَجْــم ٍ ضَــلَّ حُلـْـــٌم ضَائـِـــــع............... وَسَحَابَــة ٌ لـَبسـَـتْ ثيــَـابَ حِدَادِ

وَعَلـَي الـْمَدَي أسْـرَابُ طـَيــر ٍرَاحِــــل ٍ............... نـَسِي الغِنَاءَ فصَارَ سِـْربَ جَرَادِ

هَذِي بِلادٌ تـَاجَـــرَتْ فــِـي عِرْضِهـــَــا ............... وَتـَفـَـرَّقـَتْ شِيعًا بـِكـُـــلِّ مَـــزَادِ

لـَمْ يبْقَ مِنْ صَخَبِ الـِجيادِ سِوَي الأسَي............تـَاريخُ هَذِي الأرْضِ بَعْضُ جِيادِ

فِي كـُلِّ رُكـْن ٍمِنْ رُبــُــوع بـِـــــلادِي............... تـَبْدُو أمَامِي صـُورَة ُالجــَــــلادِ

لـَمَحُوهُ مِنْ زَمَن ٍ يضَاجـِــعُ أرْضَهَـــا ............... حَمَلـَتْ سِفـَاحًا فـَاسْتبَاحَ الـوَادِي

لـَمْ يبْقَ غَيرُ صـُـرَاخ ِ أمـْــس ٍ رَاحـِـل ٍ............... وَمَقـَابـِر ٍ سَئِمَتْ مـِــنَ الأجْـــدَادِ

وَعِصَابَةٍ سَرَقـَتْ نـَزيــفَ عُيـُـونِنـَــــا ............... بـِالقـَهْر ِ والتـَّدْليـِس ِ.. والأحْقـَادِ

مَا عَادَ فِيهَا ضَوْءُ نـَجْــــم ٍ شـَــــــاردٍ ............... مَا عَادَ فِيها صَوْتُ طـَير ٍشـَـــادِ

تـَمْضِي بـِنـَا الأحْزَانُ سَاخِــــرَة ًبـِنـَــا ............... وَتـَزُورُنـَا دَوْمــًا بـِـلا مِيعــَـــادِ

شَيءُ تـَكـَسَّرَ فِي عُيونـِــــي بَعْدَمَـــــا ...............ضَاقَ الزَّمَانُ بـِثـَوْرَتِي وَعِنَادِي

أحْبَبْتـُهَا حَتـَّي الثـُّمَالـَـــــة َ بَينـَمـَــــــا............... بَاعَتْ صِبَاهَا الغـَضَّ للأوْغـَــادِ

لـَمْ يبْقَ فِيها غَيـرُ صُبْــح ٍكـَـــــــاذِبٍ ............... وَصُرَاخ ِأرْض ٍفي لـَظي اسْتِعْبَادِ

لا تـَسْألوُنـِي عَنْ دُمُـوع بــِــــــلادِي............... عَنْ حُزْنِهَا فِي لحْظةِ اسْتِشْهَادِي

فِي كـُلِّ شِبْر ٍ مِنْ ثـَرَاهـَا صَــرْخَـــة ٌ............... كـَانـَتْ تـُهَرْولُ خـَلـْفـَنـَا وتـُنَادِي

الأفـْقُ يصْغُرُ .. والسَّمَــاءُ كـَئِيبـَـة ٌ............... خـَلـْفَ الغُيوم ِأرَي جـِبَالَ سَـوَادِ

تـَتـَلاطـَمُ الأمْوَاجُ فـَــوْقَ رُؤُوسِنـَــــــا ............... والرَّيحُ تـُلـْقِي للصُّخُور ِعَتـَادِي

نَامَتْ عَلـَي الأفـُق البَعِيـــدِ مَلامــــــحٌ............... وَتـَجَمَّدَتْ بَينَ الصَّقِيـِع أيـــَـــادِ

وَرَفـَعْتُ كـَفـِّي قـَدْ يرَانـِي عَاِبـــــــــرٌ .................. فرَأيتُ أمِّي فِي ثِيـَــابِ حـِـــــدَادِ

أجْسَادُنـَا كـَانـَتْ تـُعَانـِـــقُ بَعْضَهـَــــا ............... كـَوَدَاع ِ أحْبَــابٍ بــِــلا مِيعـَــادِ

البَحْرُ لـَمْ يرْحَمْ بَـرَاءَة َعُمْرنـَـــــــــا ............... تـَتـَزاحَمُ الأجْسَادُ .. فِي الأجْسَادِ

حَتـَّي الشَّهَادَة ُرَاوَغـَتـْنــِي لـَحْظـَــة ً ............... وَاستيقـَظـَتْ فجْرًا أضَاءَ فـُؤَادي

هَذا قـَمِيـصـِـــي فِيهِ وَجْــــهُ بُنـَيتــِي............... وَدُعَاءُ أمي .."كِيسُ"مِلـْح ٍزَادِي

رُدُّوا إلي أمِّي القـَمِيـــصَ فـَقـَـدْ رَأتْ............... مَالا أرَي منْ غـُرْبَتِي وَمُـرَادِي

وَطـَنٌ بَخِيلٌ بَاعَنــي فـــــي غفلـــــةٍ ............... حِينَ اشْترتـْهُ عِصَابَة ُالإفـْسَـــادِ

شَاهَدْتُ مِنْ خـَلـْفِ الحُدُودِ مَوَاكِبــًـا............... للجُوع ِتصْرُخُ فِي حِمَي الأسْيادِ

كـَانـَتْ حُشُودُ المَوْتِ تـَمْرَحُ حَوْلـَنـَا............... وَالـْعُمْرُ يبْكِي .. وَالـْحَنِينُ ينَادِي

مَا بَينَ عُمْـــــر ٍ فـَرَّ مِنـِّي هَاربـــــًـا............... وَحِكايةٍ يزْهـُــو بـِهـَـــا أوْلادِي

عَنْ عَاشِق ٍهَجَرَ البـِلادَ وأهْلـَهـــــــَـــا............... وَمَضي وَرَاءَ المَال ِوالأمْجـَـــادِ

كـُلُّ الحِكـَايةِ أنَّهـــَـــا ضَاقـَتْ بـِنـَـــــا............... وَاسْتـَسْلـَمَتَ لِلــِّـصِّ والقـَـــوَّادِ!

في لـَحْظـَةٍ سَكـَنَ الوُجُودُ تـَنـَاثـَـــرَتْ............... حَوْلِي مَرَايا المَوْتِ والمِيـَـــلادِ

قـَدْ كـَانَ آخِرَ مَا لـَمَحْتُ عـَلـَي الـْمَـدَي............... وَالنبْضُ يخْبوُ .. صُورَة ُالجـَلادِ

قـَدْ كـَانَ يضْحَـكُ وَالعِصَابَة ُحَوْلـَــــــهُ............... وَعَلي امْتِدَادِ النَّهْر يبْكِي الوَادِي

وَصَرَخْتُ ..وَالـْكـَلِمَاتُ تهْرَبُ مِنْ فـَمِي:............... هَذِي بـِلادٌ .. لمْ تـَعُـــدْ كـَبـِلادِي

[عاشق الترحال]

السلام عليكم ورحمة الله وبركاته

أخي دنجل بمناسبة أين صاحبي حسن ؟

فكرتني بنكتة عن واحد ثورجي كان كل شويه يشتم الحكومه ويشتم البلد و المسئاين وبعدين أخوانا اللي أنت عارفهم (( ربنا يجعل كلامنا خفيف عليهم )) أخدوه قضى عندهم تلات أربع أيام وبعدين سابوه خرج ورجع الحاره بتاعتهم ومبيكلمش حد الناس تكلمهم وتقوله ازيك وحمد الله عالسلامه مبيردش المهم دخل بيتهم وراح طالع على سطح البيت وكان عنده برج حمام وقف عالبرج وراح ماسك العلم وقعد يقول (( تحيا مصر .... تحيا مصر ..... تحيا مصر )) .

عرفت فين صاحبك حسن ؟؟؟؟؟؟

[نوره]

طفل فى عنيه البراءة ليه القسوة دى ازاى الحكومةيوظفوا واحد مقدرش اقول عليه مدرس او حتى معلم معندهوش استعداد يتعامل مع الاطفال متجاوزتش سن ال11 مش حرام عليه البراءة دى

ليه كده علشان خاطر عيون الواجب يتحرف الواجب مفرود اصلا ان الضرب ممنوع فى المدارس وبعدين هو متهم بالقتل الخطأ اى خطأ قتل طفل؟! خطأ ههه والله حرام وكانوا بيقولوا على الطفل انه مريض بالقلب علشان ينفوا نفسهم من المسؤلية بالذمة فى كده؟!

لا الطفل مش مريض بالقلب بالقلب اهله قالوا انه كان بيلعب كره فى نادى اكاسيا وكان نفسه يكون لعيب كره مسهور وربنا حقق حلمه ويقا مشهور والله يصبر اهله

اتمنى ان تقبله تعليفى وردى

وتقبلونى اختا بينكم

اختكم

نوره

[abo_sameer]

فساد التعليم والجامعات ضرب مصر كلها . . مين المجرم ومين المظلوم ومين الظالم اصبح الاعلام هو اللاعب نمره رقم واحد في الموضوع

كل قضيه هنلاقي لها الف سيناريو . انهي فيهم الصح الله اعلم

هل اعلامنا فقد مصداقيته واصبح يثير قضايا وقفه تستحق التامل