كيف يتم التصديق من القنصليه السعوديه على شهادة المؤهل

[وليدمقلد]

السلام عليكم ورحمة الله وبركاته

قبل سفري الى السعوديه عملت توكيل عام لأخي

وعندما حاولت اعمل استقدام طلبوا منى شهادة المؤهل موثقة من القنصليه السعودية بمصر مع العلم اني وثقتها من مكتب التصديقات في مصر فقط قبل ان اسافر المهم ارسلت اخي ليصدقها من القنصليه السعوديه فرفضوا فهل هناك طريقه لتوثيقها من القنصليه السعودية

وجزاكم الله خيرا

[عاشق الترحال]

السلام عليكم ورحمة الله وبركاته

التوثيق لازم يتم أولا من مكتب الخارجيه المصري وأنت بتقول عملته يبقى يروح الملحق الثقافي السعودي في مصر ولازم بخطاب تعريف موثق من الغرفه التجارية فى السعودية من الكفيل بأنك تعمل لديه وتحت كفالته ولا مانع من توثيق شهادة المؤهل وتبعته مع صورة من الإقامه أخوك ويروح الملحق الثقافي السعودي في القاهرة

وبعد كده بياخد الشهاده ويروح عالسفارة وهناك مش هيقبلوا انه يقدمها مباشرة لازم عن طريق مكتب من المكاتب اللي بتتعامل مع السفارة خليه يسأل الموظف فى السفاره عن أقرب مكتب وهو هيدله عليه يروح يعطيهم الورق ويشوف هيقولوله تعالي أمتى وبعد ميخلص وياخد الختم يبقى يروح يتأكد من صحة الختم في السفارة وبس.

ثمن التوثيق من الملحق الثقافي حوالي 80 جنيه تقريبا والسفاره نفس السعر تقريبا وده للوثيقه الواحده.

وأعتقد أنه أى حد من أخواتك أو أبوك المهم درجه أولي يقدر يعملهالك لأن زوجتي هيا اللي وثقت الأوراق بتاعتي من هناك.

وبالتوفيق وربنا ييسر لك أمرك

ولا تنسانا من دعائك

والسلام عليكم ورحمة الله وبركاته

[وليدمقلد]

جزاك الله خيرا ووفقك الله ارحتني اراح الله قلبك

[DIA ELDIN]

ولو مكنش معاك الخطاب من الكفيل في واحد هناك ومشهور اوي بيخلصها من الملحق ومن السفارة لو عايز رقمة ابقى سيبلي اميلك وانا ابعتلك رقمة وعلى فكرة دا لية تسعيرة حتى لو رحت الملحق الثقافي هناك هتلاقي الحرس هناك عارفينه بلدنا بقى تقول اية

تم تعديل 30 أكتوبر 2008 بواسطة DIA ELDIN

[redwany]

ماتحاولشى توثق بنفسك لانك هتفشل

اعرف مكتب وثقلى 3 شهادات

ابعتلى اميلك وانا ارسلك رقمه

[وليدمقلد]

ايميلي

waleedmaklad@yahoo.com

[وليدمقلد]

فينكم يا شباب

[وليدمقلد]

ياشباب فين رقم التليفون

[DIA ELDIN]

انا ارسلتلك رقم التليفون على الاميل

[فيصل رافت]

السعوديه رخمه اوى فى اجراءاتها يعنى لازم عشان اوثق شهادة المؤهل اخد اذن الكفيل ايه المنطق الغريب ده وليه يعنى ايه يخصه هو فى التصديق من عدمه ديه حاجه شخصيه جدا مش بعيد اخد اذنه قبل مانام يعنى لو اذنلى اما عجايب مفيش احسن من الامارات فى كل دول الخليج

[وليدمقلد]

جزاك الله خيرا وصلني رقم التليفون

ربنا يعنا عليهم وعلى الغربه الله المستعان

[DIA ELDIN]

ربنا يوفقك ان شاء الله

[drmado]

******

تم حذف الرابط المُكرر في عدة موضوعات وكأنه فيروس .. ولكن للأسف نحن نفتقد أقل درجات التنظيم .

تم وضع مداخلات الزميل تحت الرقابة لمدة إسبوع

الإدارة

سي السيد

[hazemnasser]

من فضلك يا استاذ ضياء مساعدتي بارسال رقم التليفون لاني فينفس المشكلة

ايميلس هو: hezem22@yahoo.com

وجزاك الله كل خير

[yoga]

فيه مكتب اسمه مكتب فهد نت خلف نقابه الطباء دار الحكمه بتديلو الشهادات وبياخد 80 ع الورقه الواحده وبتروح تاخدها بعد يومين تلاته

الله معاك

[abukareeem]

السلام عليكم ورحمه الله وبركاته

من فضلكم انا اريد رقم مكتب تصديق الشهادات ضروررري جداااا في اقرب وقت او اي شخص عندة القدرة علي تخليص التصديق في اقرب وقت

جزاكم الله خير

alaa_011@hotmail.com

[Guest اسامه شعبان]

لو سمحتم يا جماعة الخير انا في السعودية وعاوز حد في مصر يصدقلي المؤهل بتاعي من الملحق الثقافي والسفارة السعودية انا ارسلت المؤهل لمصر وعاوز رقم تليفون حد يكون بينجز الله يباركلكم 

 

[Moha Yon]

السلام عليكم انا في السعوديه وعوزه اوثق  شهاده المؤهل بتاعتي من القنصليه وكان في اخ كاتب انه يعرف حد ينجز الموضوع ده فبرجاء ارسال رقمه وشكرا وجزاكم الله كل الخير وده ايميلي للتواصل mohaa211@hotmail.com

تم تعديل 30 ديسمبر 2017 بواسطة Moha Yon
كتابه الايميل للتواصل والمساعده

[Guest khairy]

ممكن اوثق المؤهل بالسفارة السعودية بدون اذن الكفيل لانى كل ما اروح اى مكتب للسفر بيقول يفضل حامل الشهادة الموثقة من القنصلية السعودية ارجو الرد مع العلم انا لم اسافر  فهل ده ممكن ام لا ارجو الرد جزاكم الله  خيرا 

[خيرى ابو مريم ومرام]

ممكن اوثق المؤهل بالسفارة السعودية بدون اذن الكفيل لانى كل ما اروح اى مكتب للسفر بيقول يفضل حامل الشهادة الموثقة من القنصلية السعودية ارجو الرد مع العلم انا لم اسافر  فهل ده ممكن ام لا ارجو الرد جزاكم الله  خيرا