المصريون فى الأرض

[ragab2]

لماذا يتكبر المسؤلين على  الشعب المصرى

هل نحن المصريون فى الأرض

على وزن المعذبون فى الأرض

لماذا يتأفف المسؤلين منا وبيستكبروا علينا

يكونش عندنا جرب

وبيخافوا على نفسهم

هل احنا جرابيع وهما ولاد ناس

مع ان احنا المصريين اللى بندفع مرتباتهم

ليه المسؤلين بيفرحوا بالخواجة ويكشروا لابن البلد المصرى

هل شكلنا وحش ومايشبهش لأشكالهم

طب ماحنا من طينة واحدة وزى الفولة اللى انقسمت نصين

ما انا مش عارف السبب

يجوز هما ولاد تسعة واحنا سبعة

ده تحقيرهم لينا وغلاستهم معانا محصلتش

فى أى بلد ولا هاتحصل

طب كلهم معتمدين على ورث ومايهمش الوظيفة

طب بيشتغلو ويزهقونا ليه مادام مستغنيين

مايرحلوا ويسبونا

بدل ما ندفع مرتباتهم ويتأمروا علينا

ولا هما هات لقمة وأنا سيدك

أرجوكم يا ناس اللى عنده الجواب يقول

أحسن الواحد خلاص هايطق وها يشق  هدومه

ولا هاتنفع معانا كسرولة ولا حتى مرارة

من بتوع اخواتنا أميرة وعبلة

مش كدة ولا ايه

(Edited by ragab2 at 3:16 am on June 24, 2001)

[هشام عبد الوهاب]

الاخ رجب شوفلك حاجه ولا اتنين من دول تريح بيها نفسك

الاحساس بالعظمه ( سمعت من واحد صاحبى ان المسئول بياخد مع الكرسى حته عظمه كبيره

الألاطه ( واحد قالى ان المسئول قبل التعيين لايزم ياخد كورس ألاطه

عقده الخواجه ( عرفت ان اللى بيعلمهم المسؤليه قبل التعيين واحد خواجه و بيضربهم بالكرباج عشان كده بيخافوا من اى خواجه لحسن يكون قريب الخواجه ابو كرباج

التأفف ( من التمرينات الاساسيه لاى مسئول انه يتأفف كل يوم قبل التعيين 100 مره ولما يبقى متأفف يقدر يرشح نفسه للمسؤليه

غسيل المخ ( قبل التعيين بيومين يذهب المسؤل الى مكان سرى وتحت ايدى مسؤلين اكبر تبدأ عمليه غسيل المخ واهم ما فيها ادخال هذه البيانات الى عقله

المصريين عندهم جرب

المصريين جرابيع و لمامه

المصريين لا ولاد تسعه و لاولاد سبعه  المصريين ولاد ,,,,,

الفن التشكيلى ( ويدرس فيه المسؤل ان الناس مش من طينه واحده بل ان الكبار من فخار و  

المصريين من طينه من مياه الترعه العفنه وبالتالى شكلهم وحش  

عابز تانى و لا كفايه كده

[Khaled Ahmed]

يا جماعة الخير الموضوع بكل بساطة أن كل واحد من السادة اللى فوق شايف نفسه على الأخر على خلق الله المصريين لأنه لايعتقد أنه سوف ينزل من على الكرسى بل أن الكرسى أصبح ملاكي له ( ياجماعة حطوا نفسكم مكانهم وأعذروهم) بالطبع إن كنتم ولاد ناس متربين فإنكم سوف لا تقبلون أن تضعوا نفسكم فى هذا الشكل المهين ولكن سوف تتبعوا القول الخالد "كما تدين  تدان"وكذلك لو دامت لغيرك ما وصلت إليك

[ragab2]

عشان كده يااخوانى

سموهم فخار .. القوم عشان فعلا هما فخار واحنا طين

متشكرين على التفسير المعقول

تحياتى

[حمودى]

موضوع من ذكرى الماضى القريب