الإتصالات السعودية....حياة أسهل

[Diab]

سلام عليكم يا شباب

كتير من الموجودين في السعودية بيستخدموا شبكة الاتصالات السعودية saudi telecom وخصوصا شبكة الجوال

تم تغيير شكل الشعار القديم بشعار جديد

وعلي فكرة ده توجه اغلب الشركات العالمية اليومين دول بتغيير شعارتها وخصوصا الالوان الموجودة في الشعار ده

موضوعنا هنا هو ازاي استفاد من خدمات الشبكة دي خصوصا احنا المغتربين مطلوب التوفير

يا اما تتصل علي رقم 902 او تستخدم موقع خدماتي وده اسهل بكتير وبيعمل بنفس الكفاءة

دلوقت عاوزين نشترك

ندخل من هــــــنـــــا علي موقع الإتصالات السعودية

بعدها هتدخل صفحة التسجيل وتدخل رقم موبايلك ومش مهم لو معندكش ثابت انك تسجله اي انه اختياري

هتجيلك رسالة علي الموبايل فيها رمز التفعيل تدخله في المكان المخصص له

هيقولك انك تم تسجيلك وهيتم ارسالة رسالة علي الموبايل تؤكد الكلام ده

تمام ؟

تمام

هتدخل باسمك وكلمة السر هتلاقي

تقدر بقي تستمتع ب50 رسالة مجانية كل اسبوع لكل انحاء العالم يعني 200 رسالة في الشهر ودي متاحة للكارت او للفاتورة وتقدر تضيف الخدمات وتغيرها زي ما انت عايز

مثلا الناس اللي بتتكلم اكتر من 175 ريال في الشهر تقدر تشترك في باقة الزيرو

الباقة دي بدون اشتراك شهري و الدقيقة من الجوال للجوال ب 30 هللة بس لازم تكون بتتكلم اكتر من 175 ريال شهريا

باقة الزيرو بلاس الدقيقة فيها اقل من كدة بس لازم تكون بتتكلم ب اكتر من 350 ريال في الشهر ودي مناسبة للمدراء لو الشركات خلت كل المديرين يشتركوا فيها هتوفر مبالغ كبيرة جدا

تقدر تشترك في خدمة قطاف ودي خدمة كل ما بتتكلم اكتر بتاخد نقاط ولما بتوصل لعدد معين ممكن تبدلها بمكافاءت ( قسائم شراء - دقايق مكالمات مجانية - رسائل مجانية ...الخ )

تجربة تستحق

تحياتي

تم تعديل 31 أكتوبر 2008 بواسطة Diab

[مسافر زاده الخيال]

الان يمكن الاتصال (بمصر) دون دفع رسوم التجوال عن طريق (((موبايلي)))

[النجم الثاقب]

عرض جامد جدااااااااااااااااااااااااااااااا من الاتصالات السعودية هيبدأ النهارده إن شاء الله و لمدة شهر

[Diab]

http://www.stc.com.sa/cws/portal/ar/indivi...r/ind-spl-jawal

تقصد العرض ده بصراحة جامد جدا هتكلم مصر ساعة باقل من 8 ريال

[Diab]

العرض خلص النهاردة

[بركة]

لقد مدت شركة الاتصالات العرض الى 8 ديسمبر ادخلوا موقع الشركة وكل سنة وانتم طيبين

[se_ Elsyed]

لقد مدت شركة الاتصالات العرض الى 8 ديسمبر ادخلوا موقع الشركة وكل سنة وانتم طيبين

دخلنا الموقع يا ستي ومافيش لا حس ولا خبر ؟

فين مصدر الخبر أحسن ابعت لك فاتورة النهاردة بس اللي عملت فيهم كام مكمالمة من النوع " طويل التيلة " وأنا عارف إن العرض خلص إمبارح

[ozoozo]

العرض فعلا لغايه 8-12 بس لو اشتريت خط سوا ب 70 ريال عليه 100 ريال مكالمات والعرض ده بتاع الخمس دقايق انا رحت بنفسي stc

وسالت

[ozoozo]

عرض الشهر ده اشحن ب300 تاخد 500 ريال لغايه 31-12

يعني الدقيقه لمصر تقف بحوالي من 70 ل80 هلله

[بركة]

أهلا بيك يا س السيد تستاهل والله الواحد يدفعلك ميت فاتورة من النوع التقيل ولا يهمك

بس أنا دخلت الموقع فعلا من 2 يوم ولقيت مكتوب في الصفحة الرئيسية على ايدك الشمال وانت داخل

العرض لغاية يوم 8\12 والله العظيم وعلى العموم أخونا ozoozo

طمنا ولسة العرض بتاعي ساري ابعت الفواتير ومالكش دعوة

وعلى فكرة أمورنا بقت تمام والحمد لله وربنا يخليكم لينا يارب

تم تعديل 4 ديسمبر 2008 بواسطة بركة

[se_ Elsyed]

أهلا بيك يا س السيد تستاهل والله الواحد يدفعلك ميت فاتورة من النوع التقيل ولا يهمك

بس أنا دخلت الموقع فعلا من 2 يوم ولقيت مكتوب في الصفحة الرئيسية على ايدك الشمال وانت داخل

العرض لغاية يوم 8\12 والله العظيم وعلى العموم أخونا ozoozo

طمنا ولسة العرض بتاعي ساري ابعت الفواتير ومالكش دعوة

وعلى فكرة أمورنا بقت تمام والحمد لله وربنا يخليكم لينا يارب

والله فرحت ان اموركم انتهت على خير والظاهر ان الشهر ده هو شهر الخير لإن اخويا الصغير كان له قضية ضد كفيلة بقى لها سنة بالتمام والكمال والحمد لله اتحكم فيها من 5 ايام لصالحه واخد نقل كفالة والامور تمام

احكي لنا بقى ايه اللي يتم لو ما كانش يضايقك .... بس احكي في الموضوع اللي كنتي فاتحاه وفاتحه نفوخي معاه :rolleyes: ..

وبعدين لما اموركم تمت بخير ... فين بقى نصيب المستشار القانوني من الخروف ؟ ابعتوا لي لو حته من بيت الكلاوي حتى

[ozoozo]

معلش ياخت بركه الكلام علي شراء خط جديد من سوا وليس الخطوط الموجوده بالفعل ولا انتي عايزه ادفع معاكي الفواتير بتاعه سين سين

والف مبرووك علي انتهاء مشكلتك

[DIA ELDIN]

الله يسامحك بقى يا اخت بركة علشان انا سدقتك واخدت خاذوق في مكالمة طويلة التيلة

[tahereyad]

والله يا جماعة بما أنكم بتتكلموا عالاتصلات السعوديه كان عندي سؤال في سياق الموضوع,, أنا عرفت ان زين بتستقبل المكالمات في مصر مجانا.. بس اللي حصل اني بعتّ للأولاد خط زين في مصر فيه رصيد حوالي 100 ريال,,, و كلمتهم عليه مكالمة واحده بس,, و بعدها الرصيد بتاع الخط خلص و ماباقاش بيجمع تاني خالص,,, هل موضوع استقبال المكالمات ده طلع نصب ولا ايه؟؟ علما اني برضه رقمي زين,,

و مساكم زين ان شاء الله

[se_ Elsyed]

والله يا جماعة بما أنكم بتتكلموا عالاتصلات السعوديه كان عندي سؤال في سياق الموضوع,, أنا عرفت ان زين بتستقبل المكالمات في مصر مجانا.. بس اللي حصل اني بعتّ للأولاد خط زين في مصر فيه رصيد حوالي 100 ريال,,, و كلمتهم عليه مكالمة واحده بس,, و بعدها الرصيد بتاع الخط خلص و ماباقاش بيجمع تاني خالص,,, هل موضوع استقبال المكالمات ده طلع نصب ولا ايه؟؟ علما اني برضه رقمي زين,,

و مساكم زين ان شاء الله

هل قمت باختيار شبكة موبنيل هناك من خلال خط زين ؟

[Diab]

عرض جامد جدااااااااااااااااااااااااااااااا من الاتصالات السعودية هيبدأ النهارده إن شاء الله و لمدة شهر

العرض اتكرر تاني من النهاردة بس بيشمل كمان عملاء سوا ولنا

يلا يا شباب هيصوا شوية :partytime:

في حاجة بتضايق ان مفيش حد بيفوز في مسابقاتها غير السعوديين

وده مثال

http://ardalwatn.com/last_page/13416.html

عشان كدة موبايلي اسمها شبكة الغلابة اللي هما المقيمين اللي زي حالاتنا بتوع كرت شحن ابو عشرة ريال :egyflag:

احم انا اتصالات مفوتر علي فكرة بس عندي خط موبايلي كمان

تم تعديل 23 ديسمبر 2009 بواسطة Diab

[doha]

انا مش عارفه بيفوزوا بايه بس اجمالا يمكن سبب عدم الفوز ان غير السعوديين مش بيهتموا يسجلوا الشريحه باسمهم ( تحديث البيانات ) فعشان كده مبيفوزوش

بنصح اي حد معاه جوال سوا انه يسجل الشريحه باسمه في اي مركز من مراكز اس تي سي وده بيديلك ميزه انه لو ضاع الموبايل لا قدر الله بتقدر تستخرج شريحه بديله وبالتالي تسترجع الرصيد بتاعك عادي بينما لو مش باسمك بيروح بالرصيد بكله ..

وطبعا بتحتفظ بالرقم نفسه ودي برضه ميزه مهمه ..

[Diab]

انا مش عارفه بيفوزوا بايه بس اجمالا يمكن سبب عدم الفوز ان غير السعوديين مش بيهتموا يسجلوا الشريحه باسمهم ( تحديث البيانات ) فعشان كده مبيفوزوش

بنصح اي حد معاه جوال سوا انه يسجل الشريحه باسمه في اي مركز من مراكز اس تي سي وده بيديلك ميزه انه لو ضاع الموبايل لا قدر الله بتقدر تستخرج شريحه بديله وبالتالي تسترجع الرصيد بتاعك عادي بينما لو مش باسمك بيروح بالرصيد بكله ..

وطبعا بتحتفظ بالرقم نفسه ودي برضه ميزه مهمه ..

طيب يا ضحي بالله عليكي من عملاء الفواتير مفيش اجنبي واحد

واحد بس

العملية مقصودة علي فكرة ودي مش اول مرة

هما بيقولوا دايما البلد بلدنا

[se_ Elsyed]

أنا عُمري ما كسبت ولا صرصار حتى

بالرغم من إن الخط بإسمي من 12 سنة ... من ايام ما كانت العدة عبارة عن علبة زبادي المراعي ومبروط فيها حبل

أينعم جوائز برنامج قطاف مروقانا دقايق ورسايل مجانية .. لكن عاوز أكسب مره ولو مرسيدس اس حتى

-------------

دون الخروج عن الموضوع

نعم معظم الجوائز هنا متسعوده ...

أتذكر من 5 سنوات في أحدى المسابقات سيدة فلسطينية كسبت سيارة مرسيدس وراحت تستلم الجايزة قالوا لها الإقامة مش عارف فيها إيه والعلبة فيها فيل وأمشي يا بت من هنا بدل ما أجيب لك الظابط

راحت أشكت في امارة الرياض وأجبروا الشركة على إنهم يمنحوها الجائزة ..

[Diab]

اللي مشترك في برنامج قطاف ووصلت نقاطه اكتر من 500 نقطة يروح لأي حد من شركاء قطاف زي سنتر بوينت وياخد مشتروات 100 ريال لكل 500 نقطة

ولما تروح عشان تشتري حيقلك دخل رقم تليفونك والرقم السري

الرقم السري هتيجيبه ازاي

تبعت 1777 ل 902 هتجيلك رسالة فيها الرقم السري تدخله في الماكينة اللي علي الكاشير هيطبعلك كوبون ب 100 ريال

لو معاك 1000 نقطة = 200 ريال وهكذا

حاجة ببلاش كدة

تم تعديل 19 يوليو 2010 بواسطة Diab