كتب المدارس العالمية بالسعودية

[ترنيم]

ربنا يبارك لنا جميعا فى أولادنا ويجعلهم ذرية صالحة

أنا فعلا سمعت عن المدارس دى بس الصراحة أقربهم لبيتى كانت الجلوبال بس منفعش تدخلها طيب هى تنصح بمدارس تانية ايه ولو مايضايقهاش ممكن ترسلى لى تليفونها على الخاص

[galaxy]

المدرسات لما كانوا لبنانيات كانت اللغه عندهم متميزة وكان المستوي متميز فعلا................لكن بعد كدا نقلوهم للبنات بس وجابوا مدرسين من مصر للاسف مش ملمين بلمنهج ودا خلي المستوي يبقي مش مظبط عشان كدا المستوي عند البنات افضل ....................وعموما انا تت امرك في اي استفسار تاني .........بالتوفيق................

[ahmos1]

الوادى ممتازة جداااااااااااااااااااا

[عصام أبوالفتح]

رجعنا برضو لقصة سوسو ونادية وفوزية !!!!!!!!!!

جدة ولادك يا أم هاجر بتتكلم صح .. طالما قالت لود يبقى بتتكلم صح .. تحياتى لها :lol:

[ترنيم]

أحييك يا أستاذ عصام بس برده ما قلتوش ولا سمعت رأيكم فى موضوع مدارس اللغات

أوكى هو لود طيب بنسيب المدارس العربى وندخل ولادنا فيها ليه؟

[عصام أبوالفتح]

أوعى تكونى موجهة السؤال لى لانى مش هاعرف اجاوب بالنيابة عن الاخرين .

انا شايف ان الموضوع فيه عدة عوامل تتواجد فرادى او مع بعضها البعض

( المنظرة والتباهى- افتقاد اللغة وضعفها عن الاباء او الامهات اللى نشأوا فى مدارس عادية - الخوف من المستقبل- الاهتمام الزائد - انعكاس الاولويات وعدم وضوحها - التبرأ من المسئولية الشخصية عن تربية وتعليم الاولاد فى البيت .. وغيرها )

فى النهاية ممكن ميكونش اى من هذه العوامل موجود عن بعض الاسر واولادهم يكونوا قادرين ماشاء الله على الجمع بين تعليم عالمى واعداد تربوى ودينى صالح فى البيت وفى الصيف .. لكن اعتقد انها نسبة ضئيلة جدا بسبب ((( اللود ))) .

وتذكروا منظر الاولاد وعلى ظهورهم الشنط .

[ترنيم]

شكرا لرد حضرتك بس طبعا السؤال للمناقشة ومش موجه لشخص بالذات

[iloveegypt]

بصفة مجال عملى فى السعودية فى مجال له احتكاك شبه يومى بالتعليم الانترناشونال للامانة معظم الامريكان والبريطانيين اللى اعرفهم شخصيا ليسوا اصلا مدرسين بل بعضهم طلبة ثانوى وجاؤا لدراسة اللغة العربية او الاسلام والغير مسلمين سييئن الخلق بطريقة بشعه جداويمكن لحد الان معرفتش واحد اصله مدرس وده طبعا لان مرتبه فى بلده هيكون قريب من مرتبه فى السعودية

ويمكن ده من الاسباب اللى هتخلينى مدخلش ولادى لغات

والحل الافضل زى م عصام المدارس الاهلية بس يكون المدرسين والطلاب معظمهم مصرييين لانهم الافضل فى التعليم

وحتى لو رجعت مصر انا مع التعليم العربى

باختصار ايام الجامعة عملنا مشروع عن علاقة التعليم قبل الجامعى وتفوق الطلاب بالجامعة

واخذنا هندسة القاهرة كنموذج والبيانات لعدة دفع مش دفعة واحدة تخيلوا ايه النتيجة الاتى

1-الافضل طلاب المدارس الحكومية

2-التجريبية الحكومية

3-الخاصة عربى

4-الخاصة لغات

5-المدارس ذات المناهج الامريكية

[ترنيم]

شكرا الىiloveegypt على إضافتك وفعلا كلام حضرتك مضبوط

فى كليتى كان أوائل الدفعة طبعا بعد أولاد الأساتذة من مدارس حكومية عادية بس لا أنكر إن كان فى نسبة لا يستهان بيها من مدارس اللغات بس للحق معرفش بقى لغات إيه ؟تجريبى ولا خاص

المهم إن هنا فى السعودية أو بالأدق فى جدة -لأن الصراحة أنا لسه جايه من قريب ومعرفش عن باقى السعودية ولو أعتقد مش هتختلف كتير- المدارس العالمية الى معظم الناس بيودوا ولادهم فيها مسيطر عليها اللبنانيين ومشفتش أمريكان خالص

هو الميزة الى فى المناهج دى بخلاف اللغة الى أصبحت شئ مهم جدا فى كل التعاملات والشغل طريقة التدريس الى مابتعتدمدش على الحفظ بس زى مصر الى حتى لو انك فاهم كويس لازم يكون عندك مقدرة جيدة على الحفظ علشان تجيب درجات كويسة

والى لاحظته كمان إن المناهج تراكمية يعنى الوحدات الى فى منهج السنةدى هى نفسها وحدات السنة الى جاية مع الزيادة

بس طبعا كل المدارس دى مفتقرة لحفظ القرآن والسنة بس على الأقل مازالوا ملتزمين ببريك للصلاة كل الناس تروح تصلى عند أذان الظهر وده طبعا مش بيحصل فى مصر

وعشان كده لازم نحاول نقوى الجانب ده فى أولادنا عن طريق جمعيات تحفيظ القرآن الكريم الى بحاول إنى ألاقى واحدة منهم قريبة من بيتى

وربنا يصلح أولادنا جميعا ويجعلهم ذرية صالحة

وفى انتظار آراءكم

[nash]

صباح الخير يا ام هاجر.....

أنا هاجاوبك علي سؤالك بالنسبه للمدارس الدوليه من واقع خبرتي فيها من مرحله الكيندر جاردن لغايه الثانوي الأمريكي....

أولا لا مجال للمقارنه بين مدارس اللغات العاديه التي تدرس ثلاث مواد فقط باللغه الإنجليزيه مثل الرياضيات والعلوم إلي جانب اللغه الإنجليزيه نفسها....في المدارس الدوليه كل المواد كلها باللغه الإنجليزيه ..هذا بالنسبه للصفوف العليا..أما في البدايات فبتكون المناهج بسيطه وتبدأ في الصعوبه تدريجيا كلما أنتقلنا إلي مرحله أعلي....وهذا شيء طبيعي جدا.ولو قارنا بين طفل في مرحله الصف السادس مثلا في مدرسه لغات....وقرينه من مدرسه دوليه.....لن نجد أي وجه للمقارنه من حيث الطلاقه في اللغه...وإذا كان مستوي المدرسين جيدا والنطق سليم..سيتميز الطفل اكثر....

هنا في المملكه..هناك حلين لا ثالث لهما ..إما أن يلتحق الطفل بمدرسه أهليه وعاده المناهج فيها ضعيفه جدا..مع العلم ان هنا مدارس بدأت في تطبيق نظام اللغات في مصر...ولكن لازالت التجربه في بدايتها والمناهج ايضا ضعيفه..أو المدارس الدوليه ....والموضوع لا يدخل فيه اي منظرة.هي مسئله قناعات ورؤيه شخصيه بحته لمصلحه الإبن من وجهه نظر الوالدين....

هناك بعض القصور ولكن يمكن تداركها مبكرا....وهذا شيء عادي جدا....مثل أي مدرسه لغات...وهو ضعف اللغه العربيه من حيث ماده التعبير أو القراءة ...ومع بعض الجهد من الوالدين تنتهي هذه المشكله....

أما الدراسات الدينيه وهي تدرس علي فكرة باللغه الإنجليزيه مع استحداث مواد جديده تدرس بالعربي مثل الفقه والتوحيد والتفسير فأمرها غير مستعصي لإن دور البيت بيكون واضح وقوي خاصه هنا الدين والحمدلله يدخل في كل شيء تقريبا من حيث المعاملات اليوميه....

أردت فقط توضيح بعض النقاط ...تقبلي تحياتي

أختك ناش

[ترنيم]

نورتى الموضوع أختى الحبيبة ناش وشكرا لردك

[شيماء حمدين]

نصيحة للاخوة ... الثانوى لازم فى مصر

وقبل كده خير الامور الوسط .. المدارس العالمية بتمسح شخصية الولاد .. والمدارس الحكومة مستوى الاعداد والدراسة ضعيف

المدارس الاهلية الكويسة افضل شئ من وجهة نظرى مع التركيز على اللغة كمان فى الصيف ولغاية الاعدادى فقط .

[شيماء حمدين]

اولا السلام عليكم واهلا بكل من فى المنتدى انا عضو جديد من مصر وعايشة فى الرياض وراى فى المدارس الدولية انها اتجاة هايل جدا لكن فى ضوابط انا ولادى فى مدرسة دولية لكن الادارة مصرية تماما ودة الكويس لانها تحتفظ بالطابع والتقاليد المصريةوهى مدرسة قمم الحياة مستوى الدراسة هايل بالاضافة للجو المصرى

[ترنيم]

مع الأسف مثل هذه المدارس غير موجود فى جدة !!!!!!!!!!!!!!!!!!!