اريد النصيحة

[مشتاقة للوطن]

السلام عليكم

ازيكم يا كل اعضاء المنتدى وسلام خاص للمغتربين فى كل مكان ربنا يهون علينا جميعا غربتنا

انا لما قابلنى النتدى بالصدفة على النت حسيت ان نفسيتى ارتاحت شوية لانى حسيت انى قربت من بلدى شوية

انا مقيمة مع زوجى بالسعودية وعندى طفل وطفلة عمره 3 سنوات وعمرها 9 شهور قبل ما ربنا يرزقنى بيهم كنت حابة العيشة فى البلد وكنت متنازلة عن حاجات كتير افتقدتها كانت موجودة فى بلدى اولها الصحبة والعشرة يعنى الحياة الاجتماعية انا اتعرفت على ناس هنا بس مش زى مصر ناس كويسين لكن انغلاق المجتمع هنا عاملى حدود شديدة جدا فى الحركة المهم النى ماحستش انى بعانى من الموضوع ده غير بعد ما جبت اولادى وحسيت نموهم الاجتماعى مش طبيعى وان ده شىء مهم مفقود هنا وظروف زوجى فى العمل بتضطره يسافر كتير والاحساس ان البلد مش بلدى مخلينى حاسه بعدم الاستقرار وعدم النظام فى اى شىء ابسط حاجة مش حاسة انى قادرة انظم المكان الى انا عايشة فيه لانى مش حاسه ناحيته بالولاء على انه بيتى زوجى كان بيقولى انى انزل مصر واستقر وزوجى يفضل فى شغله لان التعليم والمعيشه هنا مش مناسبة للاولاد فى سن النمو ده ونيجى لى فى الاجازات وهو يجى لنا لكنى رفضت بشدة على اساس ان وجوده مهم للاولاد لكن بعد فترة وابنى بيكبر وحسيت انه اد ايه باد يبقى همجى من كتر الحبسة وانا مش قصدى الحبسة يعنى الفسح لالالا يعنى الاحتكاك بالمجتع والعيشة بنمط طبيعى مفقود جدا هنا فبدأت افكر فعلا انى انزل استقر فى مصر بيهم ونيجى اجازات لكنى فعلا محتارة بين الامرين ومش عارفة ايه الافضل انى اعيش هنا مع زوجى فى الجو الغير مستقر ده وظروف سفره الكتير الى بتوصل لاكتر من 15 يوم احيانا ولا انزل مصر واجهز شقة واستقر فيها واعود اولادى على النظام والاستقرار والارتباط ببلدهم

اكيد فى ناس عندهم نفس حيرتى واكيد فى ناس اخدوا قرار وجربوا نتيجته فاتمنى ان اى حد يشاركنى بالنصيحة

وشكرا للجميع

[osmel33]

السلام عليكم

ازيكم يا كل اعضاء المنتدى وسلام خاص للمغتربين فى كل مكان ربنا يهون علينا جميعا غربتنا

انا لما قابلنى النتدى بالصدفة على النت حسيت ان نفسيتى ارتاحت شوية لانى حسيت انى قربت من بلدى شوية

انا مقيمة مع زوجى بالسعودية وعندى طفل وطفلة عمره 3 سنوات وعمرها 9 شهور قبل ما ربنا يرزقنى بيهم كنت حابة العيشة فى البلد وكنت متنازلة عن حاجات كتير افتقدتها كانت موجودة فى بلدى اولها الصحبة والعشرة يعنى الحياة الاجتماعية انا اتعرفت على ناس هنا بس مش زى مصر ناس كويسين لكن انغلاق المجتمع هنا عاملى حدود شديدة جدا فى الحركة المهم النى ماحستش انى بعانى من الموضوع ده غير بعد ما جبت اولادى وحسيت نموهم الاجتماعى مش طبيعى وان ده شىء مهم مفقود هنا وظروف زوجى فى العمل بتضطره يسافر كتير والاحساس ان البلد مش بلدى مخلينى حاسه بعدم الاستقرار وعدم النظام فى اى شىء ابسط حاجة مش حاسة انى قادرة انظم المكان الى انا عايشة فيه لانى مش حاسه ناحيته بالولاء على انه بيتى زوجى كان بيقولى انى انزل مصر واستقر وزوجى يفضل فى شغله لان التعليم والمعيشه هنا مش مناسبة للاولاد فى سن النمو ده ونيجى لى فى الاجازات وهو يجى لنا لكنى رفضت بشدة على اساس ان وجوده مهم للاولاد لكن بعد فترة وابنى بيكبر وحسيت انه اد ايه باد يبقى همجى من كتر الحبسة وانا مش قصدى الحبسة يعنى الفسح لالالا يعنى الاحتكاك بالمجتع والعيشة بنمط طبيعى مفقود جدا هنا فبدأت افكر فعلا انى انزل استقر فى مصر بيهم ونيجى اجازات لكنى فعلا محتارة بين الامرين ومش عارفة ايه الافضل انى اعيش هنا مع زوجى فى الجو الغير مستقر ده وظروف سفره الكتير الى بتوصل لاكتر من 15 يوم احيانا ولا انزل مصر واجهز شقة واستقر فيها واعود اولادى على النظام والاستقرار والارتباط ببلدهم

اكيد فى ناس عندهم نفس حيرتى واكيد فى ناس اخدوا قرار وجربوا نتيجته فاتمنى ان اى حد يشاركنى بالنصيحة

وشكرا للجميع

الأخت الفاضلة المشتاقة للوطن أرجوا بداية أن يتم الله عليك ويهديك إلى الصواب

والله امر المحير ليكى أنت فعلياً زوجك سايبك فترات كبيرة اللى بيها ممكن يكون رجوعك لمصر مش هايفرق كتير وده ظاهر الموضوع لأنه كده كده زوجك بعيد عنك بس الموضوع مش موضوع فترة اولاً الفترات اللى بيسافر فيها فترات كتيرة طول السنة ولا فترة طويلة بس مش بتتكرر كتير نقول 5 أو 6 مرات فى السنة

وكمان معاكى ولاد أولاد ولا بنات تفرق كتير الحقيقة وهاقولك ليه

أنا هنا مقيم فى الدوحة والمفروض معاى زوجتى وأولادى والسنة دى نزلتهم فى مصر لسنة واحدة بس عشان ظروف وعشان يعاد تأسيسهم فى مدرستهم اللى كانوا فيها فى مصر قبل ما ييجوا على الدوحة ، وأن شاء الله ربنا يجمعنى بيهم على خير ويرجعوا تانى

أنا لما فكرت أسيبهم وسنة واحدة كمان مش على طول فيه صديق حذرنى من حاجة أن أنا عندى ولدين والأولاد عموماً صعب السيطرة عليهم من الأم بس على الرغم من أن الأم هى اللى فعلياً بتربي بس عارفة لما الولد يغلط وتقوليله هاقول لبابا لما يرجع بيبقى عارف أن أبوه جاى فى آخر النهار بعد العمل أو بالكتير بعد شهر فبيخاف لكن لما تههديه بأبوه وهو عارف أنه مش هايشوفه قبل سنة هنا الكارثة بيتمادى فى الغلط وقبل ما أبوه ييجى يحاول يصلح مع أمه اللى حصل خلال سنة أنت تعتقدى أن اللى خد على غلط خلال سنة مش هايرجعلوا تانى بعد ما الأب يسافر ، هاقولك على حاجة تانية ودى الأخطر أنا عرفت المعلومة دي لما كنت فى مصر من أحد المواقع على الإنترنت تعرفى ليه الأسد هو ملك الغابة ؟ طبعاً أنا توقعت كل الإجابات عدا طبعاً الإجابة دى لأن الأسد الحيوان الوحيد إلى ليه أسرة بالمعنى الحرفى للأسرة بيت وزوجة وأولاد ومش ممكن حد يقدر ينازعه فيهم وده غير باقي الحيوانات المشتتين (وطبعاً ممكن تتخيلى عرين الأسد شكله أزاى "بيت أسرة بمعنى الكلمة") يعنى القوة فى تواجد كامل أفراد الأسرة مش فى تفرقهم

انت عارفه انا سيبت الولاد فى مصر ما تتخيليش مدى الحزن اللى فيه أنا وزوجتى وأولادى أنت عارفه لازم يومياً "وسيبك من الغرامات" أتبادل أنا وزوجتى رسائل على الأقل صباح الخير وتصبحى على خير (هو ده الأساس فى بيت المسلم) أنه حتى وهو غايب لازم يحسس الأولاد أنه موجود، أخيراً اعتذر أختى الكريمة بس أنتى اللى ابتديتى وقلبتى على المواجع وربنا ييسر لكم الحال وعليكى أن تستخيرى

[osmel33]

حاجة أخيرة فى مسألة الإنطواء أنتم مافيش ليكم أصدقاء فى السعودية عندهم أولاد فى نفس سن أولادك ده ممكن يكسر شوية حالة الإنطواء، وأعتقد الحالة دى هاتروح خالص للولد لما يدخل مدرسة ويتعرف على أصدقاء

[مشتاقة للوطن]

الأخت الفاضلة المشتاقة للوطن أرجوا بداية أن يتم الله عليك ويهديك إلى الصواب

والله امر المحير ليكى أنت فعلياً زوجك سايبك فترات كبيرة اللى بيها ممكن يكون رجوعك لمصر مش هايفرق كتير وده ظاهر الموضوع لأنه كده كده زوجك بعيد عنك بس الموضوع مش موضوع فترة اولاً الفترات اللى بيسافر فيها فترات كتيرة طول السنة ولا فترة طويلة بس مش بتتكرر كتير نقول 5 أو 6 مرات فى السنة

وكمان معاكى ولاد أولاد ولا بنات تفرق كتير الحقيقة وهاقولك ليه

أنا هنا مقيم فى الدوحة والمفروض معاى زوجتى وأولادى والسنة دى نزلتهم فى مصر لسنة واحدة بس عشان ظروف وعشان يعاد تأسيسهم فى مدرستهم اللى كانوا فيها فى مصر قبل ما ييجوا على الدوحة ، وأن شاء الله ربنا يجمعنى بيهم على خير ويرجعوا تانى

أنا لما فكرت أسيبهم وسنة واحدة كمان مش على طول فيه صديق حذرنى من حاجة أن أنا عندى ولدين والأولاد عموماً صعب السيطرة عليهم من الأم بس على الرغم من أن الأم هى اللى فعلياً بتربي بس عارفة لما الولد يغلط وتقوليله هاقول لبابا لما يرجع بيبقى عارف أن أبوه جاى فى آخر النهار بعد العمل أو بالكتير بعد شهر فبيخاف لكن لما تههديه بأبوه وهو عارف أنه مش هايشوفه قبل سنة هنا الكارثة بيتمادى فى الغلط وقبل ما أبوه ييجى يحاول يصلح مع أمه اللى حصل خلال سنة أنت تعتقدى أن اللى خد على غلط خلال سنة مش هايرجعلوا تانى بعد ما الأب يسافر ، هاقولك على حاجة تانية ودى الأخطر أنا عرفت المعلومة دي لما كنت فى مصر من أحد المواقع على الإنترنت تعرفى ليه الأسد هو ملك الغابة ؟ طبعاً أنا توقعت كل الإجابات عدا طبعاً الإجابة دى لأن الأسد الحيوان الوحيد إلى ليه أسرة بالمعنى الحرفى للأسرة بيت وزوجة وأولاد ومش ممكن حد يقدر ينازعه فيهم وده غير باقي الحيوانات المشتتين (وطبعاً ممكن تتخيلى عرين الأسد شكله أزاى "بيت أسرة بمعنى الكلمة") يعنى القوة فى تواجد كامل أفراد الأسرة مش فى تفرقهم

انت عارفه انا سيبت الولاد فى مصر ما تتخيليش مدى الحزن اللى فيه أنا وزوجتى وأولادى أنت عارفه لازم يومياً "وسيبك من الغرامات" أتبادل أنا وزوجتى رسائل على الأقل صباح الخير وتصبحى على خير (هو ده الأساس فى بيت المسلم) أنه حتى وهو غايب لازم يحسس الأولاد أنه موجود، أخيراً اعتذر أختى الكريمة بس أنتى اللى ابتديتى وقلبتى على المواجع وربنا ييسر لكم الحال وعليكى أن تستخيرى

شكرا على الرد واسال الله ان يهون عليك وعلينا ويرجعلك اولادك بالسلامة ويطمنك عليهم انا زوجى مستقر هنا من زمان ومش عاوز يرجع مصر خالص ولا حتى عاوز يعمل فيها اى حاجة ولو حتى سكن ومش عارفة اغير وجهة نظره خالص فرغبتى فى نزول مصر انه ممكن اقدر اثر عليه انه ياخد لى سكن واقدر انا من خلال عيشتى هناك انى ادخر وادبر لانه هو حاطط كل فلوسه هنا فلما اكون فى مصر هقدر يكون لى تصرف نوعا ما فى حياتنا بما انى هتحمل المسؤلية لوحدى هناك من غيره وهو بيشتغل مندوب يعنى ممكن يسافر 3 ايم ويجى اسبوع وممكن يسافر اسبوع ويجى اسبوع او 4 ايام يجى و15 يوم يسافر كده يعنى مافيش نظام ثابت وابنى مش مسألة منطوى بس مش حاسس بجو العائلة وبنقعد وقت طويل محبوسين فى البيت وهو مسافر حتى لو رحنا عند ناس بيكون احتكاك محدود ومش هو ده الجو الصحى الى ممكن ينشأ فيه انا فى كل احالات عاوزه مصلحة الاولاد النفسية وفى نفس الوقت انا مش قادرة اقنعة انه لازم يعمل حاجة فى بلده وبتوقع ان استقرارى فى مصر ممكن يخلينى اقدر اعمل حاجة والله اعلم

[osmel33]

المشكلة أنك جيتى على حتة كده للأسف أنا متفق فيها مع زوجك مسألة الإستقرار خارج مصر ، لأنى أنا كمان بأبحث فى موضوع الهجرة يعنى حتى معتبر وجودى فى قطر ده أن شاء الله يكون فترة وتعدى، لأن للأسف الشديد مافيش حد متحمس ولا بيحمسنى أنى أعمل حاجة في مصر أحنا هنا مجموعة مهندسين على أطباء وصيادلة أصدقاء كلنا عندنا بدل العرض أتنين وتلاتة فى مصر لكن مافيش حد فينا فكر انه يرجع.

طالما مسألة الأولاد مافيش أنطواء ولا حاجة يبقى كويس بس انتم المشكلة عندكم فى البلد السعودية بلد منغلقة تماماً ومافيهاش سبل المعيشة اللى ممكن تهون السفر وهى دى المشكلة

[redwany]

السلام عليكم

انا ارى ان المعيشه فى مصر الان ليس كما تتخيلين بل بالعكس فأن اولادك سوف يتعلمون الفاظ واشياء افظع من هنا

ثانيا انا لست مع زوجك فى استثمار امواله هنا لاننى مقيم فى السعوديه ولا افكر فى الرجوع الى مصر على الرغم من انى طبيب ومجال العمل مفتوح بالنسبة لى فى مصر ولا استطيع ان امكث يوم واحد بدون زوجتى ولكن شراء سكن فى مصر امر ضرورى جدا لان الاقامة فى الغربه امر مؤقت وغير دائم ولا احد يأمن متى سينزل بلده فعلى الاقل لابد من وجود سكن فى مصر

انا رأييى تقيمى مع اولادك فى السعوديه ده اولا

ثانيا والاهم لابد من شراء بيت او شقة فى مصر لان هذا شئ ضرورى جدا جدا

وفققك الله ويسر لك امرك ووفقنا جميعا

[شاب مصري]

حاولي تعملي علاقات اجتماعية مع العائلات وان شاء الله الولد مهاراته الاجتماعية تتطور و لما يكون بعمر 7 سنين مش هتحسي بأي شئ غير طبيعي عليه

الله يوفقكم ان شاء الله.

[Alrefaey]

نصحتى لكى لا تتركى زوجك وترجعى مصر بكدة انتى لم تحل الموضوع وممكن يترتب على سفرك مالا يحمد عقباة

تعالى على نفسك وحاولى تقنعيه ببناء بنيه تحتيه لكم فى مصر لكن لا تتركيه وحيدا

[ابو حودة]

جنة من غير ناس ما تنداس

وده مش اي ناس ده زوجك ( بالنسبة لك )

زوجة وأولاد بالنسبة له

وقصة الزوج لوحده في الخارج دي ممكن تكون مقبولة في حالة واحدة عندما لا يكون هناك استطاعة مادية للسفر سويا وممكن تسألي من تضطرهم ظروفهم للبقاء كلا في بلد عن احوالهم واعتقد ان مسألة الانطواء دي هتروح بمجرد ما يروح المدرسة وممكن تدخليه بيبي كلاس في اي مدرسة أو حضانة

[moheltohamy]

بغض النظر عن إني شايف إن مصر ما تستاهلش العيشة فيها أصلاً!

لكن إن كنتي شايفة إنك محتاجة تكوني في مصر أو أولادك يتربوا هناك ، فده قرارك.

وإن كان شغل زوجك بالمنظر ده ؛ يعني بيشتغل فترة عدة أيام وبياخد أجازة فترة تانية برضه...

فممكن ترجعي مصر ، وينزل لك كل شهر أسبوع ، أو كل شهرين أسبوعين مثلاً ، أو تبعاً لظروف أجازاته ، وحسبما تسمح الميزانية ، وأعتقد التذكرة عودة على مصر للطيران من الدمام بحوالي ألف وخمسميت ريال ، يعني مش كارثة أوي.

ده رأيي ، يمكن عشان أنا خدت على الفسح ، وما بين مصر والإمارات والبحرين والسعودية وكندا وجنوب أفريقيا كمان :lol: نقدر نقول... ميكروباص طائر

عموماً ، أنت صاحبة القرار سواء البقاء ف السعودية ، أو الرجوع لمصر ، وبظروف زوجك كما أرى ؛ مش هيكون منعزل عن أولاده... بس يشخشخ جيبه شوية في فلوس الطيران.

بس يا ترى... هوه باسبوره معاه ، ولاّ زي ما بيعملوا الكفلاء السعوديين بيحتفظوا بباسبور الناس ، ومش هيرضوا يسفّروهم بالبساطة اللي باتكلم بيها؟!

معلش تاني ، أنا نفسي حياتي كده ؛ سفر كل شهر ، وعشان كده باتخيل إن أي حد ممكن يكون كده برضه!

[حنين الوطن]

السلام عليكم ورحمه الله وبركاته اختى المشتاقه للوطن

اولا لى ملحوظه الا وهى ان اصحاب الردود عليك من الرجال ويتكلمون بمنطق الرجل ولو انى اتفق جزئيا معاهم بان وجود الاب شىء ضرورى ومهم جدا لانه بالفعل الاب هو العصا التى تلوح بها الام طوال النهار للاولاد وتهددهم انه عندما ياتى الاب سوف تخبره بكذا وكذا.....واليوم تحديدا وقبل ساعتين كنت اتكلم مع زوجى فى نفس الموضوع لان ابنتى فى الصف الثالث الاعدادى وهناك اشاعه قويه بان الجامعات المصريه لن تقبل الحاصلين على الثانويه العامه من الدول الخليجيه وفعلا مستوى الاولاد ضعيف من العام الماضى وامتحان الثانويه العامه تضعه المدرسه والمدرسين ولم يعد ياتى من الوزاره كما كان ف السابق اوفى مصر مثلا والعائلات هنا تقوم بادخال اولادها الى المدارس الخاصه ويحصلوا على اعلى الدرجات وفى النهايه يدخلو كليات القمه فى مصر وتكون النتيجه هى التعثر فى الدراسه - وده ع العموم - الا فى حالات نادره وتضطر الاسره الى الدروس الخصوصيه التى تصل الى الاالاف شهريا وف النهايه تضطر الام للنزول شاءت ام ابت لانقاذ ما يمكن انقاذه يعنى الفراق قادم قادم قادم لامحاله وان لم يكن فى الولد الاول ففى الثانى ....الخ

وانا زوجى يعمل مديرا لاحدى فروع شركات بيع السيارات ولكن ف النهايه هو مرتب لن استطيع ان ادخر لاولادى الاربعه رسوم الجامعه الخاصه ان شاء الله

وطوال الوقت وانااحلم بالرجوع لبلدى للحياه للشوارع الزحمه المليئه بالناس لاصوات الماره والبائعين المتجولين للنظر من الشباك اوالجلوس فى البلكونه اتكلم مع اهلى واصحابى من غير ما اكون متوتره وخايفه على فاتوره التليفون او ضميرى معزبنى لان زوجى هو الذى يعمل ولابد ان اراعى الله فى ماله واختصر كلماتى ومشاعرى..............الخ

اختى الفاضله

لستى وحدك من تعانين من الوحده ومن غياب الزوج طول النهار فى عمله واعتقد ان الوضع سوف يكون كذلك لو كنا فى مصر بل ع العكس هنا لغيابه عائدا اجزى يستحق الصبر على غيابه او على قله كلامه ف المنزل والتى تزيدكل سنه عن الاخرى____ولكن____ارى والله اعلم انه ببعد الزوج عن الزوجه يفقد الجواز ركنا اساسيا من اركانه الا وهو المعيه فلا زواج بدون ان تكون الزوجه مع الزوجوالخوف كل الخوف ان تحدث فجوه بيننا بطول الغياب وان تموت المشاعر وان يعتاد كلا منهما بعد الاخر عنه وهنا الخطوره

لا تتعجلى الفراق ابنك ثلاث سنوات امامك ثلاث سنوات اخرى حتى يبلغ السادسه وهى سن المدرسه ومن العام القادم تستطيعين الحاقه بروضه للاطفال تعلمه ان يكون اجتماعيا الى حد ما طبعا لانى اعانى من نفس المشكله لدرجه ان اقربائناعلقوا على عدم اندماج اولادى مع بقيه الاولاد

اما الشقه فلابد منها فعلا لان الاسعار بتغلى وما يتحقق اليوم افضل من الغد

اتمنى لك التوفيق وان تصلى الى قرار صائب -لانى لم اصل اليه بعد -واستخيرى الله اكثر من مره ولا تتعجلى الفراق...........

[مشتاقة للوطن]

شكرا لكل من اهتم وشارك بالنصح واتمنى ان ارى وجهات نظر اخرى لمن مر بالتجربة

[عاشق الترحال]

السلام عليكم ورحمة الله وبركاته

الأخت الفاضله

أنا عندي عكس مشكلتك أنا متزوج من حوالي سنتين ونصف وربنا رزقنى بطفل من حوالي سنه وشهرين تقريبا ومنذ ولادة هذا الطفل وأنا في الغربة حتى أستطيع أن أوفر متطلباتنا الأساسيه ولم أرى هذا الطفل منذ كان عمره بضعه أيام ولم يراني وحرمت من اللعب معه وفرحة مشاهدته يكبر كل يوم أمام عيني ولكن أصبر نفسي وأقول أني لو كنت قعدت جنبه هناك ومكنش معايا فلوس أجيب له بيها أى حاجه كنت هبقى فرحان وانا شايفه عاوز لعبه ومش معايا ثمنها ولا كان هيبقى شعوري أيه لو عاوز أى حاجه ومش معايا ده بالإضافه للفراغ العاطفي اللي أصبح موجود في حياتي وإحساسي ديما أني مش مرتاح ولا قادر أقرر مصيري أنزل مصر ولا أكمل في الغربة ولا أعمل ايه

انا فكرت أجيب مراتي وابني استقدام لقيت ان المصاريف اللى هصرفها هتبقي مكلفه من تكاليف استقدام وتذاكر طيران وشقه مناسبه وتأسيس ده غير المصاريف الشهريه وغير الإلتزامات اللى في مصر وده جزء (( من ثمن الغربة ))

***فأنا رأي أنك تكملي مع زوجك وممكن تلاقي حل لمشكله الأطفال وهي أنك تلاقي سكن في منطقه بجوار أصدقاء أو معارف ويا حبذا لو لديهم أطفال في عمر أبنائك وممكن ده يكون مناسب لهم لتفريغ الكبت الداخلي لهم نتيجة حبسهم داخل المنزل وعدم إختلاطهم بالآخرين

وكمان في نهاية كل أسبوع ممكن تخرجوا في عطلات أسبوعيه أو أماكن ترفيهيه للعائلات أو عالشواطئ لو كنتم في مكان زي جدة

ونصيحتى الأخيره خليكي جنب زوجك لو أنتى الوقتى بتلاقيه يوم في الشهر لو نزلتى مصر مش هتلاقيه إلا يوم فى السنه وأظن الأطفال جنب أبوهم أحسن من كونه بعيد عنهم وده بالتأكيد هتحسيه مع كل يوم أولادك بيكبروا فيه .

دي مجرد وجهة نظري والرأي الأول والأخير لكي وإستخيري ربنا بعد ما تفكري وتعقلي الموضوع وربنا يوفقك لكل خير

والسلام عليكم ورحمة الله وبركاته