مشكلة موجودة فى مصر وكيف التعاون على حلها

[ssmaly]

الاخوة الافاضل"

كان الهدف من فتح الموضع(بتاع اسبانيا) انى اقول ان من حق كل واحد ان يعبر عن رأيه بالنقد والمدح فى اى بلد بدون تجريح واننا كلنا مصريون نحب مصر وبنخاف عليها وننقد الأوضاع الموجودة فيها بدافع الحب والرغبة فى الكمال (الكمال لله وحده)

انا اسف ان تحول الحوار الى هدا(د وعليها نقطة) تراشق بين اخوة افاضل

كيف يتحول حبنا لمصر (كلنا بنحب مصر) ويجعلنا نختلف

انا اعتدر عن فتح هدا الموضوع الدى سبب خلاف بين الاحبة

ممكن نشترك فى موضوع اخر اسمه(مشكلة موجودة فى مصر وكيف نتعاون فى حلها)

مثلا مشكلة النظافة والزبالة هل فى اى اقتراحات لحلها من انفسنا نحن

مثلا نكون مجموعة لكل مدينة فى مصر ونحاول حلها حتى على مستوى حى من الأحياء او حتى مستوى شارع فقط

مثلا ممكن نعمل بوستر توعية يصممه الاخوة عباقرة الجرافك ديزينر ونطبعه دة اقتراح بسيط

ممكن كل واحد من وبيحب مصر يعطينا بعض من اقترحات

ممكن نعمل حاجة تعود بالمنفعة على مصر وعلينا كلنا ا

انا منتظر مشاركتكم

مجرد شمعة بدل من ان نلعن الظلام

[AboAsem]

استاذى الكريم

دعنى أشارك معك ، أولاً أنا غالباً لا أنتظر الحكومه تعمل أى شىء مفيد ، و دائماً أفكر فى الحلول الممكنه التى ينفذها الناس و ليست الجهات الرسميه للدوله

فى قريتى ، كان فيه مشكله الزباله ، مفيش مكان مخصص لها ، لا يوجد تنظيف بإستمرار للشوارع ، الناس كانت تضطر ترمى الزباله فى أى مكان لعيد عن بيتها و خلاص

أول بادرة أمل قام بها شباب جامعى زى الفل (منذ سنوات طوال ) حيث قاموا بحمله ذاتيه لكنس شوارع البلد ، مستخدمين عربات كارو (عربات تجرها الحمير )

المهم فى الحركه دى إن الناس بعدها بدأت تستحرم ترمى الزباله فى الشارع ، الناس عارفه إن الشباب دول تعبوا و خلوا الشوارع نظيفه ، يعنى حرام علينا لو وسخناها

و بعد عده سنوات ، قام مجموعه من وجهاء البلد بإنشاء جمعيه أهليه ، جمعوا أموال فى الأهالى ، إشتروا قطعه أرض بعيد عن المساكن اتكون مقلب قمامه ، عملوا خدمه جمع القمامه من البيوت (يوم بعد يوم) تمر سيارات نقل أو جرارات بها مقطورة و شباب يقومون بأخذ أكياس القمامه من أمام المنازل

الإشتراك الشهرى كان 3 جنيهات مصريه (يمكن الإشتراك زاد ، ده كان من 4 سنوات ، انا حاليا أنزل إجازات سنويه و مش متابع التفاصيل )

كل شهر يمر ناس تبع الجمعيه لأخذ الإشتراكات من البيوت

الأن بلدى بلا قمامه فى الشارع ، ببساطه لأن الناس عندها البديل الحضارى

خلال زيارتى السابقه لمصر ، حدثنى اهلى بأن الجمعيه بصدد إنشاء مصنع لتدوير القمامه ، يا مسهل .