زهراء مدينه نصر

[thatha]

ياجماعة انا معروض عليا شقة 130 متر في شارع اسمه حسني مبارك ب150.000 كاش على الطوب الاحمر!!ده في الزهراء بس مش مساكن الظباط!! المهم الي لاحظته ان المنطقة مبنيه عشوائي و فيها كمية ابراج غير طبيعية و شوارعها ضيقة!!! ماعدا شارع حسني مبارك الي قريب من الشارع الريئسي وده الي عايز اخد فيه والشقة اول الشارع.ايه رايكو ياجماعة ورايكو في مستقبل المنطقة؟؟؟؟

[thatha]

ايه ياجماعة محدش عنده فكرة؟

[Amr Radwan]

خلي بالك .. لك نسبة في ارض العمارة و لا لا ؟؟

[thatha]

ليا في الارض... حد عنده اراء في الموضوع ده

[عصام أبوالفتح]

زهراء مدينة نصر .. جزئين

جزء عند مخازن السلاب وده يمكن كله مبنى بدون رخص .. ولما نعرف يعنى ايه رخصة .. هانفهم ده معناه ايه فى كل شئ

الرخصة يعنى الشوارع تم تخطيطها بنظام وتم ترفيقها بنظام ووفقا لاحتياجات عدد معين من السكان .. ولاستيعاب حركة المرور والسيارات فى هذه الشوارع .. والرخصة تعنى ارتفاعات محددة ونسب بناء واضحة تنظم التهوية والاضائة الطبيعية .. وحتى تضمن لك مكان لعربيتك ولعربيات جيرانك .. الشوارع لا تحتمل السيارات فى مصر .. لان الكثير منها عشوائى والكثافة السكانية غير نظامية .

انصح بالبعد عن مناطق الكثافات العالية ( فيصل - الهرم - الزهراء - قباء - وغيرها كتير جدا ..

ولو عايز تعرف المنطقة دى عشوائية ولا لأ .. تابع الفترات التى يتم فيها الرصف لو كان موجود اصلا .. لانه لا يوجد رصف لطرق المناطق العشوائية و لو كان فهو يتم على مواسير المجارى و كابلات كهرباء بدون مخططات فيتم تكسيره كل فترة واعادته من جديد وهى اوسه ابواب الفساد وبلاعات للمال العام .

الجزء التانى هو عمارات الضباط واللى اعرفه ان الجيش والشرطة تعطى منسوبيها هذه الشقق ببلاش تقريبا .. ارخص من ابنى بيتك بكتير .. ويكتب فى العقد انه عقد تخصيص ( له ولاولاده من بعده ) يعنى فترة عمر المبنى بس أما الارض فتبقى ملك للدولة .. انا شوفت بعينى عقد شقة جيش مكتوب فيها الكلام ده ..

انتبهوا قبل الشراء يا اخوان ولا تضعوا اموالكم فيما لا يستحق النظر اليه

تم تعديل 3 نوفمبر 2008 بواسطة عصام أبوالفتح

[thatha]

يا استاذ . ال ايه الي رماك على المر!!! طب نروح فين باسعار معقولة! ثما لو بنتكلم على العشوائية!! با فمعظم مدينه نصر زمان كانت كده. كل بيبني و الحي .يصالح و يرخص لما يخش! ولا ايه رايكو ياجماعه

[عصام أبوالفتح]

مر ايه بس ؟ .. سيادتك دلوقتى هتاخد على الطوب يعنى قدامك 30-40 الف تشطيب المبلغ ده ومعاد ثمن الشقة يعنى 1500 ج للمتر تقريبا بينما الاسعار كانت 550-750 فى المعادى الجديدة من كام سنة متشطبة ... ايش جاب لجاب

نفس المعادى الجديدة بيسلموا ( للى عايز ) النص تشطيب ب 2800 ج ..

ماهو رزق الناس على الناس ..

. فى حاجة غلط ومش هاتستمر الا مع اللى يصدقها .

شوفوا شقق العجمى العشوائية بكام .. ممكن تاخد ب 300 ح-400 ج / م 2 النهاردة ومتشطبه ..

المرافق هناك انهارت وده مستقبل اى منطقة عشوائية .

[thatha]

lh ما هو حلوان و الزيتون و عين شمس و حتت كيتيرة فيها عشوايئات و حاجات كتيرة اوى مش مترخصة . و حتى الزهراء بتاعت الظباط فيها مشاكل!!!! ثما فين البديل!! هاتلي حتا سعر المتر فيها كده!!!! .ليسا سائل النهارده في العاشر قبل الزهراء .الشقه معديه 400!!!!!!!!!! نعمل ايه يعني!

[عصام أبوالفتح]

وجهة نظرى انى أأجر عشوائى لانه لاجل محدد لو مضطر .. لكن اتملكه .. مستحيل

القرار قرارك فى النهاية اخى الكريم وربنا يعينك

[Amr Radwan]

كلامك صحيح يا استاذ عصام ابو الفتح ..

صعب ان الواحد يرمي مبلغ كبير في شقة عشوائي بدون تراخيص لانها مشكلتها في حاجة واحدة بس ان ممكن الحكومة الرشيدة تطلع قرار رشيد في اي لحظة رشيدة بهدم كل هذه المباني الغير مرخصة .. و من ملاحظتي للي بيحصل الايام دي و خاصة في الاسكندرية و القاهرة (يعملوها) ممكن يهدموا حي كامل و ما فيش اي مشكلة ..

اخي الحبيب .. اعرف ان فيه تجمعات جديدة امام كارفور .. هي بعيدة شوية ايوة .. بس بعد كام سنة هتكون قريبة جدا ..

اسال عليها و شوف اسعارها و هي اقل من السعر اللي انت هتدفعه في العشوائيات مع العلم انك دافع في اماكن موثوق فيها مش تحت القرارات الرشيدة ..

الله يعين الجميع ..

تحياتي لكم جميعا

[thatha]

يا مسهل .عارفيين لما سالت في الحي ققولي ايه!!!!!!!!!!!. منعرفش عنها حاجة و منطقة عشوائية! المهم لما ضغت على الرجل و سجارة و كده! قالي مالاخر(لو فيها مرافق خدها.لو مافيش حتتعب)و كده كده اصحاب الابراجدي حيدفعوا و يرشو وكولوا حيترخص و يبقى تمام!!!!!!!!!!!!!!!!!!!!!!!!!!!!!!!!!!!!!!!

[عصام أبوالفتح]

ماهو واخد عشان يسكت بعد ما تم البنا .. وقعد ياخد طول ماهم كانوا بيبنوها هو و كل اللى فى الحى .. فلازم يقولك خدها طبعاً

[anasz]

بص يا استاذي انا واخد شقة في مساكن الضباط في الزهراء من حوالي ثلاث سنوات ونص كانت الشقة ايامها ب 70 الف شقة 86 متر حجرتين وريسبشن قطعتين ممكن جزء منه يتقفل ويتعمل اوضة صغيرة مستقبلا...لكن الاسعار دلوقتي وصلت 250 الف للشقة... الحقيقة انا خدت هناك علشان لقيت الاسعار بدأت ترتفع لآن قبلها بفترة مش كبيرة كانت الشقق ب 45الف.. وقلت مساكن الضباط دي بتبقى مضمونة من حيث البناء يعني متأسسة كويس مش زي المباني الاهلية اللي الله اعلم مبنية سليم ولا فيها غش ولا عليها مشاكل والواحد ميعرفش اي حجاة لان كل حجاة دلوقتي في مصر بقت مليانة غش..وكمان الشوارع واسعة وفيه جناين زرع كويسة ..لكن التشطيبات عامة عادية لكن ممكن لو عايز تشطب كويس ممكن تتكلف حوالي 15الف كلها..لكن هي عامة من غير ما تشتغل فيها اي تشطيبات جاهزة للسكن والاقامة وفيه ناس كتير جدا سكنوا وشطبوا بعد كام سنة وبراحتهم .. اه طبعا الارض ملك الجيش والعقد بيكون بين طرفين الاول الجيش بصفته مالك الارض والثاني طبعا مالك الشقة او المنتفع بالعقار طبعا الجيش عامل كذا عمارة ومفيش حد ساكن فيهم دي بتكون للطوارئ....فيه هناك مشكلة في الميه في الصيف كل ما الدور ارتفع علشان الاستهلاك.. بس ممكن التغلب عليها بموتور رفع او طبيعي بيكون فيه خزان للعمارة شغال...هي المنطقة كويسة كوضع اجتماعي فيها ضباط ومدنيين محترمين يعني مش شعبية وفيه عساكر امن تبع الجيش للحراسة هما كانوا كتير زمان لكن دلوقتي مش كتير ...اما بالنسبة لعمارات الاهالي اللي مثلا عند السلاب فمعلوماتي عنها قليلة لكن هو فيه نقطة معينة هي اللي بتخليني مش مستريح للعمارات دي انها جنب عزبة الهجانة والحته اللي اسمهاا التبه دي لانها منطقة عشوائية وبيكون بصراحة فيها بعض الناس اللي بقه بيكونوا من ارباب الحرف والصنايعية وبعض المجرمين يعني ممكن تقول عشوائية...وفيه هناك فعلا اراضي ملك الجيش وعليها مشاكل وفيه مستشفى كان اتبنى بالكامل ومشتغلش علشان الارض كان عليها مشاكل وتبع الجيش..وللعلم المباني اللي تبع الجيش الي موجودة بالقرب من العزبة او التبه بمعنى اصح بتكون كمان اسعارها اقل تقريبا رغم ان فيه مباني لسه جديدة ومنشأة حديثا وده كله علشان القرب من التبه.

تم تعديل 14 نوفمبر 2008 بواسطة anasz

[thatha]

hkhانا متشكر على ردك جدا انا الحتى الى متردد اخد فيها جنب السلاب و بعيد عن التبه!!! لكن الغريب انا الناس الي في العزبه بيبيعوا البيوت و تطلع مكانها ابراج!!!!!فنا مستغرب و حيران من مستقبل الابراج دي ,و مستقبل الحتى دي! الارض فعلا باعها الجيش للناس و اتاكدت من العقود فحيران. ايه رايكوا وهل عمارت الظباط فيها غاز!!!!

[anasz]

اه عمارات الضباط داخل فيها توصيلات الغاز وشغال تمام ولو فيه شقة مثلا اصحابها مش مركبين فمن السهل حاليا تركب علشان اصلا مكانهم في الزهراء وفيه تقريبا شركتين اللي بيوصولوا واحدة اسمها تقريبا الفرعونية والتانية اسمها بتروتريد ده حسب علمي...اما بالنسبة للشقة فده حسب راحتك وحسب امكانياتك المادية ولايكلف الله نفسا الا وسعها..لكن انا بقولك مجرد رأي الشخصي لآني مبستريحش لآي مكان بالقرب من التبه او العزبة حاول تلاقي شقة من بتوع الضباط احسن وكمان علشان البيئة اللي حوليك مؤثرة برضه وأسأل كويس قبل ما تاخد قرار ومفيش مشكلة انك تدرس الموضوع من كل جوانبه لانك هتدفع مبلغ يعني مش حجاة بسيطة ..وميزة مساكن الضباط ان فيه حد تقدر تشتكيله وتعرف تمشي في اجرأت قانونية لو فيه مشاكل اقصد طبعاجهاز الاسكان بتاع القوات المسلحة..كمان العساكر بتوع الامن فيه جزء منهم بيشتغلو نظافة كل يوم من تنضيف الشوارع والعمارات ومسح السلم وتنزيل الزبالة كل يوم من الشقق وممكن كمان يعملوا اي شغل ليك بأجر بسيط ...كمان العمارات ونضفتها الداخلية والخارجية بتكون مسؤولية رئيس مجلس ادارة العمارة لو هو مهتم بتلاقي الدنيا كويسة لو مش مهتم بتلاقي السكان بقه كل واحد حسب نضافته لكن العساكر موجودين كل يوم للنضافة وكل تقريبا تلات ايام بيمسحوا السلم ..بتدفع طبعا كل شهر حوالي 20 جنيه صيانة للعمارة ونور السلم والجنينه وكمان شاملة استهلاك المياه..لكن لو حابب تركب عداد ميه لوحدك مفيش مشاكل عن طريق جواب بتكون واخده من صندوق الاسكان واحد بيكون لنقل العداد وواحد تاني لعداد الميه ده بتاخده مع عقد الشقة وانته بتشتريها من صاحبها لكن اغلب العمارات فاتورة الميه للعمارة كلها ..اه ملحوظة وانته بتشتري الشقة الجهاز بتاع الاسكان للقوات المسلحة بياخد 2000 جنيه من البايع كرسوم دي طبعا تعتبر الخدمات والصيانة اللي بيعملوها يعني انته كده دافع الخدمات مقدما بس اللي بيبعلك هو اللي بيدفعها ..لكن حاليا معرفش هل الرسوم دي زادة ولالسه زي ماهي..

[thatha]

يا حول الله يارب!!! قال ردينا بالهم!!!! رحت امبارح اكلم صاحب البرج قالي غليت 200 جنيه المتر!!! رحت سالت الي جنبه قالولي كده برده بقت ب 1300 كاش و الريئسي ب 1500-1600 طب نعمل ايه في البلد العجيبة دي!!!!! wst::

[omm Hajer]

السلام عليكم و رحمة الله

انصحك اخى انك تدور فى مكان احسن و اوسع من زهراء مدينة نصر لانى رحتها و لقيتها شئ لا يليق بآدميين لسبب بسيط جدااااااااااا انه لا يوجد شبكة صرف صحى ع الاطلاق هناك يعنى الصرف هيتم باسلوب النزح اليدوى

بس انا وجدت مكان احسن اسمه النزهة ب ( ابو رجيلة ) نفس نظام الزهراء بس الشوارع اوسع كتير و ارض مش جبلية يعنى الشوارع تقريبا مستوى واحد مش طالع جبل و نازل من هضبة ( ده اسوأ شئ فى زهراء مدينة نصر ) و كمان الاسعار فيها احسن من زهراء م . نصر

جرب و اسال هناك هتلاقى حتى مساحات الشقق ان شاء الله افضل

هى مكانها خلف شركة بافاريا فى ش جسر السويس قبل مدينة قباء